| | | ||
| | |||
| | | ||
إعلانات منتديات تعب قلبي
| ||||||
| ||||||
|
#1
06-20-2008, 06:56 PM
| |||
| |||
 بنات ثانوية رنا: بنت عايلة متحررة طويلة شعرها (كل يوم لون من كثر ما تصبغ ) بيضة عيوناها عسلية مائلة على الخضرة نسبة لامها الروسية عهود:بنت عايلة قبلية و محافظة بيضة جميلة (جمال عربي بحت العيون الوسيعة و البياض و سواد الشعر الطويل)و متبتبة بالصف الثاني عشر (يعني مو ضعيفة و لا متينة ) فجر : بنت عايلة محترمة ابوها تاجر كبير و محافظ بنت تربت على احسن الاخلاقيات حنطاوية ضعيفة شعرها بني جميلة بالصف العاشر مهووووسة بصديقتها شوق شوق: بنت عادية الجمال اسلوبها بكل شي اسلوب الايمو و هي بالصف العاشر (جماعة يلبسون الاسود و يسمعون اغاني الهارد روك و لهم استايل معين و اغاني و اشعار و معظم الوقت انطوائيين و يكثر بالايمو الجنوس و الشاذات) بيت رنا رنا توها قاعدة من النوم دايخة و تعبانة و مادرست لامتحان العربي لانها كانت طووول الليل تكلم رفيجها راشد الي فاشل و نظام مقررات و ماعنده شغل و لا مشغلة و رنا طبعا ماتقدر تسكر التلفون و تقوله بدرس (مثل اغلب البنات ) تقوم تعدل شعرها و تنادي السايق و تمش للمدرسة بيت فجر تقوم من النوم و تروح تغسل بس تنام علحنفية (عاااااادي حالة طبيعية عقب السهر على النت و الجات امس ) تلبس ملابسها و حجابها و تتريق مع اهلها و ياخذها اخوها المدرسة و جبال المدرسة تصادف شوق الي بيتهم قريب من المدرسة فاتروح مشي و شوق طبعا بآثار الكحل و الشعر البف الاسود و خصل الفوشي و الازرق الموجوده باخره شكلها غير عن الباجي تسلم عليها فجر و اخوها الكبير طبعا يستنكر انه اخته تماشي بنت جذي بيت عهود امها تقعدها من النوم :قومي عهود ابقولج عن العرس امس و اشكال البنات الحريم كلهن قالبات هيفا وهبي الي خشمها قبل شطولة صار يهبل و الاجساااام قومي بقولج عهود:تقووم بسرعة عشان تسمع عن البنات و خشومهم (لووول متعقدة من خشمها مع انه مافي شي ) و تمشي مع بنت جيرانهم منى للثنوية لان سايقهم انحاش و صار يصنع خمر بحولي مثل باجي هالعمال الله ياخذهم يفتحون مصنع خموور بهالشقق الخايسة بس الله يحفظ الشرطة الي كل يوم صايده واحد في المدرسة الطابوور و طبعا الابلات الي ذابحين البنات بس يجيكون على المكياج و الشعر و الدلاغات و تي البلة عند رنا الي مسوية بف شكبرهع يالله نزلييييييه رنا : ابلة شكو انا ضارتج بالشعري اللحين خلاص مالج شغل فيني الابلة طبعا مايعجبها و تستعرض عضلاتها و بصراااخ : يالله روحي الادارة رنا : اروح افا عليج ليش ما اروح باجي البنات جنهم الخدم الي توهم مزفوفين خافو و عدلو شعرهم بصف شوق ابلة الانجليزي الهندية حاااااااااااااقده عليها و كل ماتييب شوق درجة زينه بالمتحان تزفا و تقولها (i will call your mother how com you mako mosharaka and you get this mark haaa) اهيا ماتدري انه شوق معظم ربعها بمدارس اجنبية و او اجانب و انها دايما على النت و تسمع اغاني اجنبية وااايد فا شاطرة بالانجليزي شوق تدز حق فجر ورقة بالحصة ( شفتيها هالحقيرة شكو موقفتني عشان يايبة علامة زيناه بس انا اراويها هيييييييين تعاالي شصار على بروي حاجيتيها امس ) الرد(اي والله زين تسوين خن اذيها و عن بروي خل تولي ما ابي احاجيها مرة ثانية امس هكرت على جهازي و لقت انه شكثر شباب بالايميل فا عصبت ) شوق تاشر حق فجر تعالي بره (بعد ما خلصت الحصة )فجر : ها شتبين شوق؛ تبين اكلم واحد من الي عندي يخرب جهازها اضبطج افا عليج فجر: خلاص كلمية و عطيه الايميل لانه وييييييييييييع صارلها فترة قاعدة و تضرط على راسي شوق: انتي ولا مرة حاجيتيه تلفون فجر: لا ولا مرة و لا كلمت غيرها اصلا تكفى انتي جم واحد تحاجيين شوق : اللحين 3 بس فجر : ماتخافيين شوق : يبيلج خط من ورا اهلج و لا راح تخافين فجر : والله فكرة بس اسجلة باسم منو شوق : اسمج فجر : مابي اخاف اييييي ابوي دايما يكون معاه صور بطاقات مدنية حق ناس لان يسوس معاملاتهم اخذ نسخة شوق : اي اوكي بس و الفلوس فجر : عندي الفلوس مو مشكلة شوق: كاااااااااااااك انزين منو بتحاجين فجر: هاا اي والله منو ؟؟؟؟؟؟؟؟ رنا ماارة بالممر و تضحك بصوت عاالي عهود تناديها رنوووويا : شصار عليج يقولون دازينج الادارة شمسوية ؟؟ رنا : اي معترضين على شعري عهود : وينهم هذيل المعترضين اراوييج فيهم رنا : ابلة عالية عهود : هاا انا اسفة بس اخاف اسوي فيها شي تخسف بدرجاتي و انا مو ناقصة رنا : خليها تولي انا باجر اييب ابوي يحاجيهم حاطين علي ما صارت عهود : و شخبار الحب رنا : اييييييي لا بخير تمام امس طول اليل و انا احاجيه عهود: بذمتج تضيعين وقتج عشان رويشد وييييييييع رنا : جب عاد خراام عليج والله حلو عهود : صج لي قالوا الحب اعمى رنا : ايي هربي بالخامسة و تعالي الحمام تحت عهود : ليش هروين و لا كوكايين رنا : احسن منهم يايبة زجاير عهود : ولج يابة ماعندج غير الزجاير رنا : اذا لقيتي شي احسن من الزقاير و ارخص حاجيني عهود : انزين انطيني علج من الي تاكلينه هاذا هواية حلو رنا : ذلفي ولا بالقندرة على خلقتج ماعندي عهود : بس بس عراقي لانقلب خن روح نشوف التوام المختلف شمسوين رنا تدش صف شوق و فجر : ابلة في شوق و فجر زايدين نبيهم الله يعافيج الابلة : مين عاوزهم رنا : ابلة عهود (ماكو ابلة عهود اصلا حجي على راس المصرية الصيدة ) فجر و شوق : ابلة نطلع الابلة : ايوة رنا : تعالوا الخامسة الحمام تحت اوكي صارت الخامسة و رنا راحت الحمام و تفاجئت فبوية (بوية بنت مسترجلة بالكويتي )واقفة حراسة علحمام رنا تسلم على البوية : الله بالخير البوية : هلا رنويا رنا : في بنات يصلون داخل البوية : اهم شي اي و ممنوع الدخول عشان الخشوع تعرفين رنا : اي بس انا مواعده بنات بيون شلون بترقعين وحده فيهم فضيحة البوية تدش الحمام و رنا تلحقها و تشوف بوية و ليدي قاعدين يبوسون بعض و البوية مدخلة ايدها بملابس الليدي من تحت (الليدي : رفيجة البوية او حبيبتها بالكويتي)المهم رنا تضحك بصوت عالي و تقول امشوا ترى وكالة كونا الاخبارية بالطريج البنات اتفشلوا لمن جكتهم و مشوا من الحمام رنا تطلع الباكيت و الولاعة و تولع و اهيا تعدل شعرها بالمنظرة بعدها تدش عهود و تاخذ زقارة و تشكي الحال للرنا : تعرفين وظعنا احنا البدو البنت لازم ماتكون لها اي علاقة بالصبي قبل الزواج و حتى ايام الخطبة نا تكلمة و بعد الملجة حرام يشوفها او يطلع معاها الا عقب العرس بالله انا شلون بتزوج و المصيبة انه بعايلتنا كل البنات الي كبري ملجين عليهم و عرسهم عقب سنة او سنتين و لاااا ما يصير تكلمين زوجج انزين انا مالجة عليه ليش ما اكلمه عقلية متخلفة سخيفة رنا : الي يسمعج يقول ريفة الروما الي عمرها ما كلمت و لا حبت عهود : اي اوكي عندي سوابق انا بس مع واحد و تركته من سنة رنا : اللحين ليش هالمقدمة الطويلة عطيني المربى (بدال الزبدة ) عهود : المربى انه اهلي ناوين يزوجوني رنا : منو الخبل الي امه داعية عليه و يبي ياخذج عهود : وايد حريم يدورون حق اخوهم وولدهم بس الاغلبية كبار 26 و 25 انا ابي واحد بعمري بس لمن يسير الي بعمري موظف و يتخرج اكون انا عانس رنا فهميني شلون: يعني اذا انا ابي انطر شباب من عمري لازم يكونون متخرجين و متوظفين يعني اعمارهم مابين 21 الى 26 و انا وقتها ممكن اكون 21 عند البدو عااااااانس و الصبي الي بيتزوج بياخذ وحده عمرها 17 او 18 حتى بنات الجامعة الي ما ملجوا لي اللحين بنظر البعض عوانس رنا : وييييييييييييع ليش جذي عهود : شفتي شلون تعالي التوام المختلف وينهم ما بينوا رنا : مادري والله طق الجرس يطفون زقايرهم و يطلعون من الحمام تمشي رنا بالممر مع عهود و تصادف البوية و حبيبتها الي كانو بالحمام و اتعطيهم نظرات تخرع عهود تسالها : شفيج على البنات رنا تضحك و تقول بصوت عالي عشان تسمعهم : امس شفت فلم عن بنتين بالحمام يسوونها عهود تموت من الضحك و تصرخ : صيييييييييدة بنتين شريرات و مايحبون لا رنا و لا عهود و لا التوام المختلف لانهم احلى قروب بالمدرسة و فايغارون منهم لان لهم علاقات مع كل البنات و الاغلبية يحبونهم و حدهم فصلة (يعني مصرقعين ) اعرفكم عليهم : امل و مها امل بالثاني عشر شعرها اشقر ثلجي طويل و تحط عدسات زرق على طول و برونزية سيارتها بورش كاريرا مها شعرها بوي ثلجي نفس صاحبتها و برونزية وويها كله تراجي تحت حاجبها و بشفايفها و اهيا بعاشر لانها كانت مقررات و فا حولت للنظام الموحد و حطوها عاشر و اهيا تسوق رنج روفر سبورت صج لقوا بعض هالبنيتن المهم اهما قبل كانو حدهم كول لمن سحبت البساط الاحمر من تحتهم رنا و رفيجاتها و عشان يردون مجدهم و قروبهم نفس ما كان لازم يسوون شويه حركات سخيفة حركة سخيفة نمبر 1 مها عندها علاقات مع ناس اصحاب خرابيط و حفلات (طبعا في حفلات شرب و اختلاط بالكويت و تتم بسرية و بشاليهات او مخيمات بعيدة او حتى بيوت هوامير و ناس جخ و الي يحظرون الحفلات الناس الي عندها فلوس تدفع و تشرب و عندهم رفيجات خربانات راييحين فيها =ليالي حمرا يحظرونها شباب بين 16 الى 30 سنه اغلب الاحيان)المهم انه مها شافت اسلوب شوق و عرفت انها ايمو و الايمو اكثر ناس يحبون التحرر و الحفلات هاذي دبرت ايميلها و حاجتها بالمسنجر و قالتلها تعالي الحفلة فبيت بصباح السالم بس اهيا كبلز بارتي (حفلات ثانئي كل واحد و رفيجته لازم) فكرت بالموضوع شوق و شردت و قالت لها لا ما اقدر قعدت تحن عليها راس السنة و بتقعدين بالبيت من صجج (طبعا شوق ماتدري ان هاذي مها الي بالمدرسة عبالها وحدة ايمو مثلها)المهم دقت على فجر و كلمتها جان تقول فجر خن روح شبيصير يعني وناسة و روك و خرابيط و بصباح السالم مو بعيد فجر تبي تنحاش من من حفلة بنت عمها الي مسويتها و ماتبي تروح قالت حق شوق خنروح و سايقنا يوصلنا و بقول لامي اني فبيتكم و انتي قولي لامج انج فبيتنا و امهاتنا ما يعرفون بعض يعني مستحيل يتصلون فبعض شوق على ستايلها الايمو و تكلم شباب بس تسلية يعني لي اللحين فيها دين بقلبها وايد بعدي يعني تدرس و تصلي بس تقطع بالصلاة و مع ذالك مرتبطة بستايلها و تدافع عنه و الشباب الي تحاجيهم مابينها و بينهم شي بس صداقة و لا عمرها شافت واحد فيهم غير سوالف النت و صورهم يمكن عشان جذي كانت مترددة حيل بخصوص الحفلة اما فجر فا اجرا من شوق مع انه فجر بنت تكانة و بنت عايلة و صلاة و دراسة بس داخلها بنت ثانية تبي تحرر و تفصل و تسوي كل شي ممنوع قالت شوق لمها دزيلي عنوان الحفلة و اخذت العنوان و راحت بيت فجر و كان موعد الحفلة بعد يومين فجر شوق :فجر شلون بندبر شباب يروحون معانا الحفلة اللحين فجر : وين راحو الي تكلمينهم يا شوق شوق: الي اكلمهم مو مال حفلات خل يولون فجر : نكلم بروي تروح معانا يعني صبي (بروي بوية تحب فجر حييييييييييل) شوق : انتي من صجج عقب الي سويناه فيها ما اعتقد تحاجينا اصلا (على فكرة البويات عندنا شباااااااااااااااب صج والله لو تشوفونهم تحلفون هذيل مو بنات ) فجر : اللحين ادق عليها و اضبطج احسن من واحد مانعرفا ماندري شيسوي فينا فجر تتصل على بروي و تنعم صوتها : الو هاااااي مساء الخير ابرار بروي : هلا (من غير نفس) فجر: افا جذي تردين على وحده تحبج و تغليج بروي : ايي مبين الي تدق بالسنة مرة و اذا بغت شي حيل تحبني فجر : انا داقت اعزمج على حفلة براس سنة فصلة و بنات ووناسة بروي : حفلة من حفلات الشرب و الخرابيط فجر: مادري اهيا بصباح السالم و انا رايحة تبين حياج الله امرج و تين معاي ما تبين كيفج و بعد نقاش و تفكير طويل من بروي قررت تروح (عقب حنة فجر و تدلعها اكييد بتروح) شوق تقوم تسحب فجر و تبوسها على الي سوته فجر: خن قول حق رنا و عهود ييون معانا شوق : دقي انتي على رنا و انا ادق على عهود شوق : الو قوة عهوودة عهود : هلا والله شوق : عندي لج خبر بنص مليون عهود: بس نص شنو قولي؟ شوق : في حفلة حق راس السنة فبييت هامور بصباح السالم خلط ملط شباب و بنات و شرب و رقص و خرابييط عهود : كااااااااااااااااك اهم شي انا اروح هالحفلات شوق : ليش لا مرة وحده بحياتنا خن نستانس عهود : مادري لو يطيحون علينا الشرطة يا حلاتي و انا ماسكيني و حاطين على عيوني اسود و كاتبين علي قاصر في حفلة راس السنة اهلي راح يكونو فخورين حييييييل وقتها شوق : اصلا الشرطة ماتتكلم على هالحفلات نسيتي انه الي مسويها هاموور ولد جخ لو يصيدونة الشرطة يروحون بداهية مو اهوا عهود :مادري انا وين و هلسوالف وين ماقدر شوق : يالجبانة مالت عليج عهود : اشوف بعدين اكلمج شوق : اي لاتنسين استاذني من امج عهود : اكيد بقولها انا عزوز بيمرني عادي اهلي فري انا و بييب حق امي بطل بعد شوق : ودج حياتنا جذي صج وناسة عهود : الله لا يقوله وييع مابي يالله سيا شوق : ها حاجيتي رنا ؟ فجر : تقول تخاف رويشد بو راسين ما يرضى شوق : اهم شي روييشد خل يولي انشالله ما رضى و بعد ساعة التلفون يرن فجر : الو رنا شابكة عهود : هلا فجر اقول ترى وافقنا بنروح الحفلة بس منو يودينا ؟ فجر : انا افا عليكم و قولو لاهلكم انكم عندي رنا و عهود : خلاص اوكي شنو بتلبسون ؟؟ و بعد مشااااااااااااااااااااااو رات طويلة عن الملابس قررو يطلعون يشترون لان ماعندهم شي حق هالحفلات عهود قررت ما تفصخ حجابها بس فجر قالت بفصخ و اسوي شعري و رنا و شوق اصلا مو متحجبات راحوا الافنيوز ( اكبر مجمع بالكويت و فيه كل المحلات و كل الماركات) و شروا ملابس و طبعا كل فجر الي مرتهم و راحو اليوم الي قبل الحفلة شوق : الوووووووو فجر صبغت شعري اسود و كله و اطراف فوشي و صيته بعد توني طالعة من الصالون امي مو عاجبها اللون تقول لو احمر احلى فجر: ضابط شعرج شوق : اي بس امي معصبة تقول رايحة تصبغين من غير مناسبة فجر : حرااام صج احنا داهية ما يدرون المهم وين صبغني اي صالون بروح انا واختي بعد شوي راحت فجر و قصت شعرها نفس فكتوريا بيكهام و صبغت اشقر مطفي مع هاي لايت ضعاف ثلجي طلع عجييب عليها اما رنا راحت الجمعية تاخذ وسيلة طابلتها الابلة منها و اهيا بالجمعية شافت الاصباغ و شافت لون احمر حلو جان تاخذا و لمن حطة بشرها طلع عجيب خصوصا انها بيضة حيل فا لايق عليها و شعرها كانت قاصته بوي طويل مدرج حييل قبل جم يوم فا ما احتاجت تقص عهود : لانها بتلبس حجابها ما سوت شي البنات داقين على بعض و طول اليل شابكين بعض بالتلفون و يسولفون عن باجر و كل وحده تصبغ اضافرها و الي تزهب ملابسها شوق : تخيلوا باجر اشكالنا غلط نروح و يقولون لنا نفس بالافلام انتو مو مكتوبين باللست و نرجع فجر : اي عاد كل وحده كاشخة و اخر شي يقصون ويهنا رنا : انتي هيييييي شوقو ليكون في لست عهود : صدقتي يالخبلة رنا : شدراني انا شوق : رويشد بو راسين درا بالحفلة رنا : اسمه راشد لو سمحتي و مادرى قلتله بروح بيت رفيجتي كسرت فيه حرام لانه شاريلي هدية عهود : شنو الهدية موز رنا : ليش موز ؟ فجر: لانج قردة رنا : جبببببببببببببب نامو البنات و صار الصبح و كلهم متوترين فجر تدق تصبح على بروي: صباااااااح الخير بروي متشققة من الوناسة : هلااااااا فجر : ها حتروحيش و لا مراح تروحيش بروي : شلون ما اروح و حبيبتي رايحة فجر : فدييييييييتوووووووووووج يالله عيل اخليج و اشوفج الليلة دزيلي عنوانجة بس بروي : اوكي تيك كير البنات طوووووووول الوقت متوترين عاد عهود اكثر وحده مبين عليها التوتر بيت عهود على الغدا عهود: يما ترى اليوم برح بيت فجر اوكي ام عهود: منو هاذي فجر من بنته؟ عهود: بنت عبدالله الخالد يما ابو عهود : ابوها التاجر؟ عهود : اي ام عهود : متى بتردين ؟ عهود : مادري بس اذا تاخرت مو مشكلة دزيلي السايق و الخدامة ام عهود : خلاص ابوج يقطج و السايق وصفيلة العنوان ياخذج عهود لبست بنطلون سكني جينز اسود و فوقة نفنوف اسود منفوش و حزام احمر عريض فيه حلقة كريستار تحت الصدر مع بدي طويل احمر ضيج تحت النفنوف الكت المنفوش و يوصل لي فوق الركبة و ملفع شوارفسكي و كعب غوشي و حطت مكياج سموكي ايز و حمرة حمرة اما رنا لبست نفنونف لونة ازرق نيلي جبنيز حرير من فوق فيه غولة كانت رافعتها و من تحت تقريبا منفوش و حزام اصفر تحت الصدر (لان هابين بالهموديلات موضة ) و يوصل لي الركبة بالضبط مع لقنز اصفر و كعب عالي حيل نفس الي تلبسهم فكتوريا بيكهام و حطت غليتر ازرق تحت عينها على طريقة هيلاري دف و مسكرة كثييفة حيل مع قلوس فوشي يشب من بعيد اما شعرها لانه كان بوي طويل و مدرج حيل سوته سشوار لي بره طلع شكله عجييب فجر سوت فير و صار شعرها زوي كله و رفعت قذلتها من جدام و حط شباصات كريستال وردية صغيرة و لبست لقنز اسود مع نفنوف قصير وردي كان بلاسيه (طبقات تور فوق بعض)وتحت الصدر شريطة سوده و كان جبنيز مع دلعة مربعة و كعب وردي فيه شرايط اما مكياجها كا بلاش و قلوس وردي مع خطة عين سودة الي يسمونها الكات اي شوق سوت بف كبييير و حطت شريطة برتقالية بشعرها و لبست جينز اسود سكني مع بدي اسود و على الظهر كله شرايط برتقالية نفس كورسهات قبل الي من ورا اكسات شرايط و حطت نفس مكياج فجر الكات اي و القلوس البرتقالي مع جوتي رياضي كونفرس (دايما يلبسونه الايمو) المهم تعطروا ووصلو بيت فجر و راحوا مع السايق لبيت بروي الي كانت مسوية سبايكي و لابسة جينز مع جاكيت بدلة رسمية و حزام دولجيه اند جبانا (مصدقة انها صبي الله يهديها ) دشت معاهم و سلمت عليهم بالسيارة بروي قاعدة يم فجر و بس متنحة فيها لانها تمووووت عليها جان تبطها رنا : بروي قومي بوسيها و طرحيها محد غريب ليش مستحية بروي : عادي ؟؟ عهود: افا عليج لا تسالين فجر : تضحك بصوت عالي يعني مستحية مع انه العكس ماتحب بروي و ترسل لشوق نظرات شوق تبي تنقذ الموقف جان تقول ورا حشرة و ضيج بيي اقعد جدام و يت و قعددت بين بروي و فجر اقعدوا يلفوون بالمنطقة يدورون البيت لمن وصلوا لبيت كبيير و حديقته كبيرة و كله شباب و بنات مع بعض قاعد يدشون البنات حسو نفسهم غلط لان ما معاهم شباب بس قالوا دام وصلنا خن ننزل نزلوا وصت فجر السايق على الساعة 12 يكون موجود وو يقول حق امها اذا سالت انها عند شوق اول ما دشوا البنات كانو احلى بنات هناك لان كل الموجودات بنات اذا مو كويتيات رايحين فيها و اشكالهم خرا كانو اهما شكلهم غلط بين هالخمة لانهم بنات ناس و حلوات و لبس كشخة بس بعد فترة دشو بنات نفسهم و دشو الشباب الجخ الكشخة (الكتاب يبين من عنوانه يعني مستحيل يبين على ولد الفقارا ولد جخ) المهم الحفلة كانت بسرداب البيت وبار فيه كل انواع الخمور اهما قعدو بزاوية يطالعون لاي درجة وصل الفساد و الشباب كل واحد حاظن صاحبته و اهما يطالعون بعض شغلو الاغاني و قام الكل يرقص بدو الشباب يتحرشون بالبنات و اولهم شوق صبي: بروحج ؟؟ شوق:لا مع رفيجاتي صبي: يعني بروحج (يقصد بدون صاحب)في مجال ؟؟ شوق : شنو؟ صبي يضحك : ترقصين ؟؟ شوق : سوري لا و خافت و سالت عن الحمام و راحت للحمام بنت : اول مرة لج ؟؟ شوق : شدراج ؟ بنت : ولا مرة شفتج هني من قبل و شكلج صغيرة و مرتبكة بعد نصيحة صغيرة : طلعي مبجر احسن شوق : كرهت روحها لمن يت و راحت تدور البنات تبي تقوولهم خن نمشي المفاجاة عهود قاعدة على البار تطالع الشراب قجر مع بروي ترقص رنا مع واحد تسولف عهود : اللحين انتو من وين تيبون كل هالانواع ؟؟شلون يدخلونهم الجمارك البار تندر: و انتي شعليج شربي و خلاص عهود : لازم اعرف يعني اصلي و لا تقليد البارتندر : اول مرة لج هني ؟؟ عهود : اي شدراك ؟؟ البارتندر: لانج قاعدة تختارين لو وحده ثانية جان طلبت الشراب و تكون حافظة اسمه عهود ك يالله تخلف علي احفظ اسماء انا يالله اقرى المكتوب البارتندر: نصيحة صغيرة : امشي من هني عهود : ليش رقص و شرب ووناسة مابي امش بقعد البارتندر : احسلج امشي شيقعدج بين الخمة واظح انج بنت ناس رنا و تسولف مع الصبي و يعزمها على شراب و ياحول فيها تشرب بس مو راضية قالها عيل خن نطلع نروح مكان ثاني نسولف فيه رنا : اوكي الصبي ياخذ رنا و يروحون غرفة بالبيت رنا و يبدي يتحرش فيها رنا : قلتلي نوسلف و هاذا مو سوالف انا طالعة و اهي على الدرج تصادف راشد يطالعون بعضر بصدمة هالنظرة جنها سنة جنه الوقت وقف راشد : رنا شتسوين هني رنا: انت الي شتسوي هني راشد : مو انا الي قايل بروح بيت يدتي طلعت هاذي سوالفج رنا : انت مو احسن مني راشد سكت و عصب و طلع برة رنا ركضت وراه تبي تكلمه رنا : انا اسفة اوكي شدراني انه الوظع راح يكون جذي عبالي وناسة راشد : شدراج ماقالولج مشروب و رقص و شباب بنات مع بعض رنا : لا ماكنت ادري عبالي حفلة راس السنة راشد: انا مو غبي رنا لو عبالج بس حفلة راس سنة جان قلتيلي ليش خبيتي علي رنا : اممممممممممممم لان ادري انه هاذي نوعيتك و انت تعرف هالحفلات راشد : كااااااااااااااك اقول احنا انتهينا لانج قاعدة تجذبين و تقطينها براسي ما هقيت انج جذي ابد رنا : احسن بعد و تلف و تبجي و تحاول تتصل بالبنات بس بسبب الاغاني و الصوت العالي ما يسمعون تلفوناتهم و تظل رنا بحديقة البيت تبجي على الرصيف و العالم كله بالسرداب يرقص و يحتفل حق منو تلجا محد عندها الللحين و ماتبي ترجع داخل عهود : تتمشى بالبيت تكتشفى و تطالع الاثاث و الصور فجر راحت مع بروي و الشرب و الرقص و شوق قررت تستانس لانها الي يابتهم هني لقت واحد كبرها بعاشر و قعدت تسولف معاه رنا على الارض تبجي و تحاول تتصل بعهود الي سمعت و ردت على التلفون رنا : عهود انا برا البيت بالحديقة تعالي بسرة الله يخليج انا تعبانة عهود : اللحين ايلج رنا راحت حق عهود و شوق ملت من الي قاعدة تكلمة و هدته و اهوا يسولف و مشت حق فجر و قعدت تقولها تعالي معاي بس بسبب تاثير المشروب على فجر و بروي و لا جنهم اسمعوا هني مسكت التلفون شوق و دقت على رنا و عهود الي قالولها نبي نمشي مالنا قعدة هني اخذت رقم السايق من تلفون فجر و دقت عليه وقتها كانت الساعة 11 و اهما لمن وصلوا كانت الساعة 7 شوق طلعت عند عهود و رنا : بنات ابي مساعدة الخبلات سكرانين تعالوا معاي ناخذهم عهود مشت معاها : و كانت رنا تبجي حيييييييييييل عهود: رنا انتي قعدي هني لاتتحركين بنطلعهم و نرجع شوق:شفيها رنا؟ عهود : اقولج بعدين شوق : فجر يالله لازم نمشي اللحين فجر : تو الناس ابي ارقص شوق :رقصتي بما فيه الكفاية عهود : يالله بروي لازم نطلع بروي : توه ما صار راس السنة يسحبونهم بالغصب و اهما طالعين تسحب فجر بطل خمر معاها يطلعون برا و يمشون معا السايق لبيت فجر  |
|
#2
06-20-2008, 06:59 PM
| |||
| |||
 رد: بنات ثانوية بالسيارة فجر سكرااااانة و دايخة تلمح سيارة اخوها بالمصافط بيتهم تخترع و تصير هستيرية : اخووووووي موجود ياويلي انا مو لابسة حجابي ياويلي مابيه قاعد بالصالة راح يطقني عهود : رنا شوق بروي سكرانة و شلون بندخلها و شكلها اذا جذي كلام هالخبلة صح يكون اخوها قاعد بالصالة اللحين رنا : فصخي حجابج عهود : نعم ؟؟؟ رنا : بسرعة خلصيني عهود :شكو مابي رنا تقوم تاخذ حجاب عهود و تحطة على راس بروي عهود : اهااا رنا يالله مشينا شوق ماسكة فجر و رنا ماسكة بروي و عهود مرتبكة مو عارفة تتصرف بدون حجابها لو يشفها ريال. يدخلون البيت. و اهما داشين رايحين الدرج اخو فجر يلمحهم من بعيد لان يكون قاعد بالصالة يطالع التلفزيون و معطيهم ظهره . يروحون غرفة فجر و اول مايدشون : رنا : الو هلا يبا انت تحت اوكي اللحين نازلتلك بس لا تطق هرنات خرعت العالم عهود : لاا بتروحين رنا : ابوي تحت يالله باي عهود : شوق اللحين شلون ؟؟ شوق : شيليهم يروحون الحمام و يغطسون راس بروي و فجر بالماي عشان يصحون و بعدين يعطونهم اسبرين عشان لا يعانون من اثار شراب اذا قاموا الصبح (شايفته عهود على اوبرا انه الاسبرين مهم حق السكران) فجر تطيح على السرير و تنااااااااااام و بروي طايحة يمها عهود : هلا يما السايق ناطرني لا تقولين هني وناسة امانة اهوا تحت خلاص اوكي نازلة عهود تبوس شوق و تقولها الله يعينج بس تدرين شتسوين دقي على اهل بروي قولي ابرار بتنام عندنا اليوم و حاجي امها باسلوب حلو لان ماعندهم سايق اكيد امها مراح تسوق بنص الليل تاخذها مالها خلق و بعدين تعرف فجر فجر مرة زارتهم بالبيت تذكرين السالفة شوق : اي صح عهود : يالله تصرفي انا السايق ينطرني بااي شوق: ياربي انا شطيحني بهل البلوا الو السلام عليكم ممكن ام ابرار ام ابرار (بروي) : هلا و عليكم شوق ( مستغربة من صوت الام الخشن عبالها الابو) بس اتذكرت سالفة فجر معاهم شوق : خالتي والله انا ملزمة ابرار تنام عندي اليوم و لي يسلمج بنات عمري و رفيجاتنا كلهم هني بينامون ممكن تنام ابرار ام ابرار : خلاص اوكي انا الصبح امرها شوق : مشكورة يعطيج العافية و كل عام و انتي بخير ام ابرار: و انتي بخير مع السلامة شوق تدق على عهود الو عهود ترى ام ابرار رضت انها تنام و انا اللحين امشي ؟؟ عهود : خبلة انتي و تخلينهم مع بعض لا دقي و استاذني من امج انج تنامين بعد شوق : ما ترضى لو شنو مستحيييييييل عهود : جربي و اذا ما رضت انا اتوسط لج شوق : اوكي شوق : الو كل عام و انتي بخير ماما ام شوق : و انتي بخير حياتي شوق : ولي يسلمج ماما بنات عم فجر و بنات خالها و رفيجاتنا كلهم هني بينامون ابي انام معاهم ام شوق : و انا عبالي قررتي تنامين لانج مادقيتي و لا قلتي تعالي مريني شوق: عادي؟؟؟؟؟ ام شوق : اي بس باجر من الفجر و انا عندج شوق: كااااااااك اوكي ماما باي تصبحين على خير و انتي من اهله فجر من التعب تغسل و تسوي شعرها و تشيل شباصات فجر و اكسسواراتها و همن تشيل حزام بروي و جاكيتها عشان ينامون مرتاحين و اهيا تاخذ من بجامات فجر و تنام يمهم الصبح شوق قامت تغسل فجر تقوم من النوم تلقى بروي متنحة فيها تخترع و يرووووووووووح بالها بعييييييييد (انهم نامو مع بعظ مو يم بعض) تصرخ ااااااااااااااااااااااه نعم شتبين بروي : الحمد الله و الشكر شفيج تصرخين من صباح الله خير راسي مصدع و انتي تصرخين فجر: ليش انتي بسريري بروي: شدراني قمت لقيتج يمي لهدرجة تحبيني فجر شوق طالعة من الحمام : و انا كنت معاكم فجر : وييييييع شوق تكفخ كل وحده على راسها امس سكرتوا و دختوا فا يبناكم هني و عطيناكم اسبرين مانفع و غسلنا روسكم هم مانفع فا خليناكم تنامون لانكم ماصحصحتوا بالمرة بروي : لااا اهلي شوق لا تخافين انا هتميت بكل شي و كلمت امج راح تمرج بعد شوي يمكن فجر : و انتي شلون ررضت امج تقعدين شوق : مادري قدرة قادر يطق الباب و تدخل الخدامة : the breakfast is ready now ms. shall i bring it to you ?? فجر: ok you shall شوق : يالله قوموا غسلوا عشان نتريق يتريقون البنات و كل وحدة يمرونها اهلها و ياخذونها رنا تقوم الصبح و تتذكر انه امس كان مع فجر بطل وينه هاذا تدق على عهود : الو صباح الخير كل عام و انتي بخير حبيبتي ما امداني اباركلج عهود : اي خير الله يهداج خوش سنة الي بدت نفس امس رنا : المهم انا داقة اسال امس كان مع فجر بطل وينه عهود : امبيييييييييييييييييييييي ييييييييه بالسيارة رنا : دقي بسرعة على فجر تدق على فجر و فجر تركض بسرة رايحة برا عشان تييبه من السيارة تبطل السيارة و تلقاه طايح تحت الكشن تاخذة و تمشي داخل البيت و اول ماتدخل اخوها بويهها تقوم تحذف البطل داخل مزهرية كبيرة يمها طلع صوت قوي اخوها اخترع : شنو هاذا ؟ فجر : تلقى الخدامة كسرت شي بالمطبخ بعد عارف كل يوم تكسر بالقلاصات اخو فجر جاسم : اي والله صباح الخير شمقعدج مبجر العادة العصر تقومين فجر : اي كان عندي رفيجاتي نايمين و اهلهم قالوا بيمورونهم الصبح فا قمت مبجر عشان اتريق معاهم جاسم : منو الي كانت لابسة اسود و شعرها طويل فجر : نعم شكو تسال ؟؟ جاسم : بس عجبتني وودي اقزرها فجر : رفيجاتي مو ملوت تتقزر هذيل بنات ناس و ماعندهم خرابيط و سوالف جاسم اصلا لمح عهود و شعرها الطويل و اهيا تمشي مع البنات امس و عجبته ولمن تكلمت عنها فجر بالهطريقة زاد اعجابه فيها جاسم : اي بس انا كنت اسال يعني فجر: اي يعني تمشي فجر و تمر بالممر الي فيه انكسر البطل و طبعا فاحت الريحة و تصرفت شوق و سوت بخور و ترست الصالة عطر و نادت الخدامة تنظف المزهرية فجر : الو شوق تعالي منو امس لابسة اسود و شعرها طويل يت معاكم بيتنا ما اتذكر احد انا شوق : هاذي عهود يابقرة فصخت حجابها عشان تلبسة بروي مو حلوة مدخلين بوية بيتكم و لا اخوج على ما اذكر كان قاعد بالصالة بس الله ستر ما انتبه فجر : تصدقين اليوم قاعد يسالني عن عهود شوق : اهم شي عاجبته؟؟ فجر : لا ما اعتقد يقول بقزرها عليها شوق : ماعليج الشباب عمرهم مايعترفون فجر : اي والله و انتي الصاجة ماينفهم لهم بيت شوق ام شوق : شوااااااااقة يالله لبسي بنروح انا و خالتج البحر شوق : وناسة بحر اللحين البس يمشون البحر و هناك يفرشون ام شوق و اختها و شوق ماعندها عيال خالات كبرها كلهم صغار فا ماعندها احد تقعد معاه و تقوم تتمشى على البحر بروحها و هناك تصادف قرزب شباب شكلهم ايمو و و معا واحد منهم غيتار و قاعد يعزف ينتبهون حق شوق طبعا لانها نفس الطقة و بنت و تجذب و اهيا توترت شباب مع بعض اكيد بيقطون تعليقات (بس الايمو عنهم البنت نفس الصبي ما بتعدون عليها يعني نفس الغرب عادي ما يتحرشون ) و اهيا تمشي بتعديهم يقوم الي كان ماسك الغيتار و يناديها صاحب الغيتار: هااي ماعرفتيني ؟؟ شوق: اييييي فواز فواز : الي امس كشتي فيه و تركتيه بليلة راس السنة بروحه يسلف على روحه شوق : اعذرني كنت احاتي رفيجتي كانت شاربة فواز : مو مشكله انتي مع منو هني شوق: امي و خالتي فواز : اننزين عيل لازم تعوظين علي شوق تضحك : اوكي فواز : سجلي رقمي شوق منحرجة : اوكي جم ؟ ينقلها الرقم و تمشي راجعة لامها طبعا تدق على فجر عشان تقولها شنو صار غرفة شوق مشغلة اغاني (panic at the disco ) و رايحة بالجو ترقص جان تتذكر فواز و تقوم تدق عليه شوق : الو مساء الخير فواز : هلا مساء النور شوق : شلونك ؟ فواز : كنت مو زين شوق : اللحين ؟ فواز : صرت احسن بوايد عقب ما سمعت صوتج شوق : و احنا بعد صرنا احسن فواز : اي قصي علي والله اني كنت افكر من امس شوق : كااااااااك صج فواز : اقولج والله شوق : سوري والله على امس فواز : ماعليج مو مشكله و سواااااااااااااااااااالف لي الفجر استمرت 4 شهور فواز يعزف غيتار و عنده فرقة و يالفون اغاني بالانجليزي لان كلهم مدارس اجنبية و المدارس الاجنبية تنظم حفلات للعازفين و عندهم برنامج يدعم المواهب و يعطيهم جوائز اسمة (the batel of bands) خاص بالمدارس الاجنبية شوق عمرها ماحبت و حبت فواز حب مو طبيعي احلى 4 شهور بحياتها كانت تقص على امها و تقولها بروح بيت فلانة و علانة و تروح تشوفة و بيوم كانت بالمدرسة و دشت الحمام تعدل شعرها و كان في بنت مع رفيجاتها يايبين تلفوناتهم وحده منهم قاعدة تقول : سمعوا بنات هاذي اغنية حبيبي فواز توه مالفها اهوا و فرقته هني تقول شوق بقلبها ويييي مسرع صار عنده معجبات البنت : اهوا دزلي اياها امس شفته بمرينا جان يقولي في حلوات وايد هني بس جيكرة سرقت قلبي مثلج ماكو البنات : كااااااااااااااك خوش وصف شوق انصدمت لانه فعلا قالها انا بمرينا و فعلا لمن يشوفها يقولها هالجملة هني انصدمت و بغت تطيح على الارض من الصدمة البنات طلعوا و اهيا ظلت تبجي بالحمام ماقدرت تتصور انه يسوي فيها جذي و هني دشت الحمام مها (تتذكرونها راجعوا الجزء الاول ) سالتها شفيج ؟ شوق : بلييز ما اقدر اتكلم اللحين مها : ماعليج محد هني شوق : اربع شهور و انا حاسبته ملاك و اهوا خااااين مها تتعاطف معاها لانها مرت بالي شق مرت فيه و تواسيها مها : شسمج (طبعا تدري بس حركة جذي ) ؟؟ شوق : شوق مها اوكي شوق انا بمرج بالفرصة لازم نتكلم شوق : اوكي مها : يالله حياتي be storng بالفرصة تاخذ مها شوق حق مكان بعدين ورا بالمدرسة مافيه احد و تعطيها زقارة و تقعد تقول سالفتها : انا كنت مع واحد بالنت لسنة و بعدين كلمته بالتلفون و بعدين واعدته و عقبها ظليت معاه سنتين و اخر شي انفصلنا قبل شهرين لانه قام يخون و مل مني و انا ماقمت ارضي غروره نفس قبل خصوصا انه حلو جنه عارض ازيا ما يمر بمكان اله البنات يلتفتون له و كا اللحين ما مت ولا حصلي اي شي الحمدالله قويت نفسي و كرهته شوق : ما اقدر اكرهه مها : راح تكرهينا على ايدي ههههههههههههههههههههه شوق : الله يسمع منج وقتها يقعدون يسولفون وبعدين مها تمسك شوق و تحس وقتها شوق باحساس غريب و تسحب ايدها بسرعة من ايد مها و تودعها و تروح الصف عشان تقول حق فجر كل الي الصار فجر: انا اراويه هالخايس الحيوان والله مايستحي صج حقير شوق : خليه يولي خن اقولج عن مها فجر : اي شي هاذي مها تحس شوق : والله طيبه ماتوقعتها جذي(اصلا محد ماثر على مها خير صديقتها امل ) بعد فترة تكثر الاتصالات بين مها و شوق و تصير اقرب لشوق من فجر ويطلعون مع بعض و اذا تضايقت مها سيدة مرت شوق بسيارتها و راحوا يشكون الحال لبعض و مع الوقت شوق ماقامت تذكر فواز ولا تفكر فيه كلش و كل تفكيرها مها و مرة كانت مها متضايقة من امها جان تقول شوق انا تعبانة بمرج و نروح ستار بكس وافقت شوق و راحت معاها عقب ماسولفوا و شربوا قهوة راحو السيارة و بالسيارة صارت شي ماتوقعته لا مها و لا شوق ابدا شوق و مها باسوا بعض صار ارتباك بالسيارة بس مها لانها كبيرة سيطرت على الوضع و ضيعت السالفة و قطت شق بيتهم شوق هني عرفت انه ميولها لمها مو طبيعية اهيا تحب مها خافت و ارتبكت منو تقوله اللحين انها شاذة و ماكلمت مها ليومين اتجنبت اتصالاتها لين رتبت افكارها عدل و عرفت انها تحب مها و انها مراح تتخلى عنها و لا راح تهدها المدرسة مها تدور شوق و تسال عنها البنات تبي تعرف ليش ماتكلمها و اول ما شافتها و بغت تتكلم جان تاخذها شوق المكان الي ورا الي اول مرة ودته لها مها و قالتلها انها تحبها و مها سكتت و ابتسمت فا رفيجات مها قاموا يلاحظون تصرفات شوق حق مها و شبوا عليها بالحجي انتي من صجج شوق عاد الياهل و كثر حجي البنات حييييييييييييل و اتضايقت مها بيوم كانو البنات قليل بالمدرسة لانه كان على ناهية الكورس الدراسي و مها مداومة لان عندها امتحان مؤجل اما شوق مداومة عشان تشوف مها عاد شافت مها تمشي بالممر مع صديقتها فرح جان تقول شوق على ضحك : وخري عن ايدها نا بس امسكها فرح : ليش تحبينها شوق : اموت فيها فرح : اوكي مسكي اليسار بس لي اليمين شوق : لا انا ابي اليمين فرح :مها تحبيني (حقيرة ووقتها كانت مها لايعة جبدها من االحجي الي طلع عليها بسبة شوق) مها تبوس ايد فرح : اموووووووووووووت فيها شوق : تضحك بصدمة منصجج مها ؟ مها : اي شوق تسحب مها بعيد عن فرح شوق : تحبينها ؟ مها : البنت تحبني لازم اتقبل حبها شوق : اهيا شنو بالنسبة لج ؟ مها : امممممم كل شي شوق: و انا ؟ مها : انتي شنو ؟ شوق تعصب و تروح تبجي حيييييييييييييل و تمشي للبدالة عشان تدق على امها تاخذها و تطلع من المدرسة مها : تحس بالذنب و ليش سوت جذي و اغلب البنات يلومونها شوق تحط نفسها قوية جدامم امها و تقول ماكو بس بطني يعورني تروح شوق البيت بس ماعندها احد تلجا له لان فجر و الباجي توهم بالمدرسة ماطلعوا و تبطها بجيي مها تتصل فيها على طول عقب ما انتهى الدوام و متوقعة انها راحت تتفل بويهها بس شوق حبتها و ترد معاها عادي و مها تعتذر و تتقبل شوق الاعتذار و تخلص السالفة على خييييير |
|
#3
06-20-2008, 07:02 PM
| |||
| |||
| رد: بنات ثانوية يوم الخميس موعد المسيلة بالنسبة حق فجر و فجر توها متعرفة على بوية يديدة كبيرة و تدرس بكلية التربية تخصص بدنية فا واعدتها و اهيا تدري انه بروي رايحة رايحة مكانها المفضل لان مسيلة (مسيلة قرية مائية تتكون من شاطى على البحر و مدينة العاب مائية حق الخرابيط الشاطى لانه تمشي و بويات و تدخين و دي جي اما القرية حق الي ياين يسبوحون و اليهال ) المهم بروي تتصل بفجر : الو هاي فجر شلونج ؟ تروحين اليوم مسيلة فجر : لا مالي خلق تعبانة مراح اروح بروي : عاد رفيجاتي كلهم يحنون علي تعالي فجر : مادري مالي خلق و اذا بروح بدش القرية مالي خلق ضراط البنات بروي : اذا جذي انا مراح اروح بعد فجر : اي لا تروحين صايرة حدها ملاقة مو نفس قبل بروي : بطلب فلم من النت و بيتزا و بقعد بالبيت تعالي فجر : ماقدر حياتي والله احس انه اليوم مالي خلق شي كلللللللش بروي : على راحتج يالله ادق عليج بعدين انا فجر : باي حبيبتي و تقوم فجر و تدق على الصالونة و و تضبط عمرها بدكير.....................الخ و عقبها تتغدى و تسوي شعرها و تحط ميك اب و تلبس بكيني فسفوري اصفر حيل و شورت جينز مع بدي بنربط على الرقبة ازرق و تلبس عدسات رمادي (صج صج ذبحت روحها علشان تلفت نظر البوية اليديدة ) و تروح مسيلة و هناك تشوف البوية الي مواعدتها اسمها فوز حلللللللللللللللللوة طبعا رافجت كل الليديات الحلوات و تكلم مليون وحده تروح فجر تقعد معاها و يروحون مكان شوي معزول عاد البوية معاها الشيشة و تشيش و فجر قاعدة يمها تلعب بتلفونها و تترقص و تتدلع و تيميع (ياكرهي حق الي جذي ) المهم بروي رفيجاتها حنوا عليها و قالت خلاص اوكي بروح و راحت و اهيا تمشي رايحة صوب الديجي بالمسيلة شافت فجر قاعدة ترقص و معاها بوية عصبت و راحت لها سيدة و عطتها كف بروي : تعابانه ها فجر : منصدمة بروي: مالج خلق شي اشوف لج خلق حق ناس و ناس يا ........... فجر : تبجي فوز يعني دور الريال تقوم تمسك بروي من ملابسها و تتهاوش معاها طق عاد البنت يتيمعون و تسكر صاحبة الديجي الاغاني و تيي عندهم مع باجي المراقبات (الي كلهم بويات ) المراقبة : اقول ترى ندق على 3 سبعات سهالات مو ممشكلة اوكي فوز و بروي و كل وحده ربعها ماسكينها المراقبة تحترمون روحكم و تبطلون هالتجمع و لا سهالات الدورية برا و يدورونكم (في قانون بالكويت ياخلف التشبهين من الجنسين ) السالفة تهدى و يتفجج التجمع و تركض بروي و تروح تبجي و تتضايق حيل لانها تمووت بفجر و فجر تروح مع فوز بسيارة فوز و يطلعون و توصل فوز فجر حق البيت بروي من كثر ماهيا تعبانة تطيح على رفيجاتها و يقومون يوصلونها المستشفى و عقب يومين بالمستشفى فجر تدزلها ورد و كاكاو و مكتوب بالبطاقة (بمناسبة نهاية علاقتنا ) |
|
#4
06-20-2008, 07:04 PM
| |||
| |||
| رد: بنات ثانوية تتذكرون مها الي تحب شوق مها عاشت ظروف صعبة بحياتها : امها كان فيها سرطان الثدي و كان يروح و يرجع لها و اهيا ربوها خواتها السته و كانوا اهما امهات لها بس مع مرور الوقت تزوجوا و لهوا بعيالهم و حياتهم الخاصة و بعدها توفت ام مها عقب معركة طويلة مع السرطان و مها ظاعت عايشة فبيت كئيب ابوها الريال الكبير المشغول بالشغل و خواتها مشغولين بحياتهم بدون ام و لا ونيس ولا احد تلجأ له ضاعت مها و تخربطتت حياتها كانت يوم تلبس ستايل ممثلة و اليوم الثاني مغنية و عقب تفكر بعبدة الشطان و عقب تصير ايمو و تدور على الحب الي ممكن يتويها و يخليها تعيش بسعادة و هني بس اشتركت بنادي للرماية و صارت معجبة بصبي شافت انه ريال بكل معنى الكلمه غير عن كل الي عرفتهم قبله هاذا الصبي اسمه فهد : فهد امه تزوجت و تطلقت صغيرة بالسن امه بدوية و ابوه حضري و فهد رباه يده ابو امه تربية ريال بدوي محافظ على القيم و الاخلاق عشان جذي كبر فهد وسط بيئة سليمه غير انه امه المسكينة من الصدمات الي شافتهم بحياتها صار يها مرض القلب و خذا فهد وعد على نفسه انه مايزعل امه طول حياته لانها ظحت بعمرها و شبابها عشانة كانت بنت حلوة و رفضت الزواج عشان ماتظلم فهد يوم عن يوم يكبر اعجاب مها بفهد بس اهوا يظل يصدها لانه بنت مثلها عمرها ما تجذبه او تشد اهتمامه كان يحترمها بس ما يفكر فيها غير زميلة بالنادي عكس مها الي تعبت و غيررت روحها عشانة الشعر الملون صار اسود و اللبس الضيج صار محتشم و المعدل الدراسي ارتفع و شوي شوي تقربت منه (البنت اذا حطت ببالها شي تسويه يعني تسوي) صارت اهيا و فهد بعلاقة مها اتغيرت كان فهد جنه الفارس الي يروض الحصان الهايج و فعلا تغيرت مها و حتى اهلها لاحظوا بس البنت غير الصبي صح اهيا اذا حبت قلبها ياخذه واحد اما الشباب ممكن ينبهرون بكل بنت يشوفونها و ممكن يحبون اكثر من مرة لان الريال بطبيعته ملول و فهد ماكان ملاك و فعلا عقب سنتين حب يت الصدمة و تكتشف مها انه حب حياتها خاين و انه ماصان الامانه قلب مها ترد مها لحياتها الي قبل و اسوا من قبل مليون مرة عادت السنة و سقطت و الكل تفاجا بسقوطها و عقب سنة كاملة و مها بالعلاقة الشاذة مع شوق تكون على النت و تبطل بروفايلها بهاي فايف و تقعد تطالع البروفايلات و عقب فترة تشوف بروفايل فهد و تقول خن استعبط و الاستعباط يصير سوالف و السوالف ترجع الماضي و المشاعر و الذكريات و احلى ايام مها الي عاشتهم و عقب تصير علاقة بالتلفون لمدة 3 شهور و كانت خاشة هالشي عن شوق لانها ماكانت متاكدة من مشاعرها و مها عمرها ما قالت حق فهد انها مها كانت تقول اسمي منار خلص الكورس و بدا الصيف و اهل مها كانوا ناوين يسافرون لندن بس مها كان عندها امتحان فا اطروا يسافرون و قالوا حق مها لحقينا عقب يومين مها كانت مكلمة فهد الصبح و قالتله انا رايحة اقدم اخر امتحان و باجر مسافرة الساعة 12 بليل تلفون مها يرن و اهيا قاعدة تحضر جنطتها و اغراضها مها : الو فهد : مها انا بمنطقتكم وين بيتكم ؟ مها : يه شصاير ليش تبي عنواني ؟ فهد : انا محتاجج منار بليز قوليلي وين بيتكم مها : اممم لا ماقدر اخاف فهد فهد : انا الي خايف والله محتاجج مها : اوكي و تعطيه العنوان و اهيا واثقة انه راح يعرف كل شي فهد : يتفاجا انه العنوان قريب حيل واول ما يوصل يستعب انه بيت مها و كل شي يصير واظح و انه صوتها و اسلوبها شلون ما فكر انها مها من البداية . فهد يدش اليت و شكله تعبان و مطقوووق طق و ويهه مورم تخترع مها و تركض بدون تفكير و تييب الاسعافات الاولية مها: فهد حياتي منو سوا في جذي فهد: ليش ماقلتيلي انج مها مها: مو وقته هالحجي اللحين انت قاعد تنزف شوف ويهك شلون مورم فهد: اسف والله اذا كنت ازعجتك والله لو انه امي مافيها القلب و اللحين ناطرتني على نار جان رحت البيت بس مابيها تشوفني جذي مها: ماعليك حبيبي بس شسالفة؟؟ فهد: كنت بديوانية رفيجي ورا بيتكم قالي اقلط بالديوانية و انا ياي بالطريج و انا قاعد جان يدشون شباب و يقعدون يكسرون تهاوشت معاهم و طقوني و قالولي هالمرة يت فيك و المرة الياية محد بي فك صاحبك مني عقبها يا صاحبي و قالي انه كان يوزع حبوب كبتي(حبوب منشطة و مخدرة) و حشيش حق هاذا و اخذ منه كمية ب7000 دينار بس ما دفعلة لي اللحين بس والله مراح اسكت عن حقي والله مها: يا حبيبي هذيل عصابات انت وين واهما وين بتطق واحد و لا بتبلغ عنه راح ينتقمون منك ربعه شلك فيهم خلهم و خل صاحبك الحمد الله انها انتهت جذي و انهم ما اذووك اكثر بس والله اني شاكة بايدك انها مكسورة طع شلون منتفخة خنروح المستشفى فهد: لا ما اقدر اذا رحنا المستشفى بيقدمون فيني بلاغ و يفتحون تحقيق و انا ما اقدر ابيع صاحبي والله ما اقدر مها: بس هاذا مجرب فهد: ماقدر مها اوووووووو نسيت اكلم امي فهد يكلم امه و يستاذن منها انه بينام بشاليه رفيجه مها: تعال نام و ارتاح بغرفتي و انا انام بغرفة ابوي فهد: والله انا مراح ييني نوم مها: انا بعد خن اشغل التلفزيون و يشغلون التلفزون على فلم مصري قديم و يقعدون يقلدونهم و يتطنزون عليهم لي الصبح و عقبها ينامون بالصالة من التعب الخدامة الصبح : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آه فهد و مها يقومون مخترعين : شسالفه ؟؟ الخدامة : منو هازا مها ؟ مها: مالج شغل روحي سوي ريوق فهد خن نتريق و اوديك المستوصف و عقبها اقطك البيت انا طيارتي الظهر فهد: و سيارتي ؟؟ مها : انت تعرف العنوان ارجع بعدين اخذها فهد : اسف والله على الازعاج ادري اذيتج و الله وقفتي معاي وقفة ريايل مها : هههههههههههههه اشش خلك من هالحجي احنا حبايب و يالله قوم غسل خن ناكل ياكلون و يروحون المستوصف و تطلع اييد فهد فيها مجرد رضة و تاخذة مها البيت مها : يالله وصلنا فهد : والله ما ودي افارقج مها : عاشر من تعاشر لابد من الفراق فهد : منو قال هالمثل الخايس مها : حقيقة فهد : انا ما اعتذرت على الي صار من سنه ابي اعتذر بس والله مستحي منج احس نفسي صغيير عندج مها : الي صار انغفر لك بس اهم شي تكون انت تبت فهد : تووووبة ما بعدها ردة مها : ههههههههههه انشالله بس ابيك تفكر و انا مسافرة تبي نرجع حق بعض و لا لا فهد : انا ضيعتج مرة مها و ماني مستعد اعيدها مها : اووووو انا لازم امر اختي و احاجي شوق و البيت فهد : يالله حياتي مابي اعطلج تروحين و تردين بالسلامة مها : الله يسلمك فهد : باي مها : فهد سلم على الوالدة مها : تدق على شوق شواقة تقدرين تيين المطار ابييج شوق: افا عليج اكيد ايي جم مها عندي انا شوق تكلم اهلها و يقولون حاجي البنت بالتلفون مراح نطقها لي المطار مالنا خلق رادين من الدوام تعبانين و بنام شوق ابدا لا تتقبل الرفض تنطر اهلها ينامون و تقوم تزرق من البيت و تروح الجمعية مشي و بالجمعية تاخذ تاكسي و تروح المطار و لمن توصل تتصل على مها و اول ما تشوف مها مها تبوس شوق مها: شوق زين انج يتي ابي اقولج شغلة شوق: لاتشوفين زرقت من البيت عشان ايي هني مها: زرقتي؟؟؟؟؟؟ شوق: مو مهم اللحين شنو بتقولين ؟؟ مها : شوق انتي عاجبج الي بينا مقتنعة منه؟ شوق: نعم شتقصدين اكيد مقتنعة انا احبج مها مها : الي بينا مو حب الي بينا قاسم مشترك احنا اثنينا انجرحنا بنفس الطريقة شوق: نعم قاسم مشترك عقب كل هاذا تقولي انجرحنا انتي شنو ؟؟ مها : بس لاحظي شي احنا الي نسويه حرام شوق : طع منو يتحجا عن الحرام ؟؟ مها : اوكي انا ادري سويت اشياء غلط وايد بس انا مابي ايرج معاي بهالطريج و صدقيني انا ندمانة شوق : و توج تقولين هالحجي ؟؟ حرام عليج مها مها : راح تشوفين انه معاي حق اصلا لا انتي تدرين انه الي قاعدة اقوله صح انتي تبين تمشين بالمدرسة و البنات يقولون لج شاذة ؟؟ شوق : من متى و احنا تهتم بكلام الناس مها مها : ما اقدر ايرج معاي بطريج ادري انه غلط و حرام شوق بس فتحي عيونج شوفي ادري انج راح تفهميني و راح يكون عندج وقت تفهمين انا مسافرة ظلي فكري بالموضوع شوق تبجي و معصبة و الدنيا ضايعة فيها تروح تقعد بكوفي شوب و تبجي بروحها و بهالوقت مها تركب الطيارة و اهيا خايفة على شوق و حاسة بالذنب . |
 |
| أدوات الموضوع | |
| انواع عرض الموضوع | |
|
|
 |  |
العرض العادي
