دفتـر اوجاعـي

[بنت الأكرمين]

اكتب واسلّي خاطـري بـ(الكتابـه)
كود التهي في نظم الابيـات وانسـاه
واثر القصايـد منـه قامـت تشابـه
من وين اقلّب دفتـر اوجاعـي القـاه
هـذي قصيـده قلتهـا فـي عتـابـه
وهـذي قصيـده قلتهـا يـوم فرقـاه
وذيك القصيـده قالهـا مـن عذابـه
يكتب قصيدٍ منكسـر بـس مااحـلاه
ويقول: (( جابه كان تقـدر تجابـه))
واقول شعرك لعن ابـو مـن تحـداه
ويروح يضحك ما اقتنع في الاجابـه
ويقول: (( شعرك زين بطّل محاباه))
واقول: ((طبعا زيـن لأنـك زهابـه
لاصرت روح البيت وش لون تبغاه))؟
واليـوم ذاك الوقـت جمّـع شبابـه
واقفي ولاادري صاحبي ويـن وداه؟
رضيـت مــدري ذل ولا مهـابـه
ابعـد واهـلّ الدمـع لأيـام ذكـراه
الشعـر والليـل وبيـاض السحابـه
والضحك والحظ الـردي والمعانـاه
كلّـش يذكرنـي بـوقـتٍ غـدابـه
ياوين أبرمي هالجسـد فيـه وانسـاه

[* دمعة حزن *]

صح لسان من قالها..تسلم يمينك
على هالنقل الرائع..يعطيك العافيه
ننتظر دائما جديدك..لك مني الف شكر والف تحيه
اختك"دمـ ع ــه"

[شجووون قلبك]

امممم صح لسان قايلها .. وسلمت يمين ناقلها ...

لكِ ودي ووردي ...

أختگ : شـجوووونـہ