عـودة للخلف   منتديات تعب قلبي > منتديات تعب قلبي للقصص والروايات > روايات تعب قلبي


شجرة الإعجاب1إعجاب

إضافة رد
 
أدوات الموضوع
قديم(ـة) 20-07-08, 02:17 AM   #41
|[ عـضـو جـديـد ]|

 
الدولة:
الافتراضي رد : روايه ابوس راسك يازمن ماعاد فيني للجروح ( روايه سعوديه )


بلييييييييييييييييييييييز كملوا لابارت بسررررعه
مررررررررررررررره اتأخرتم
القصة راااااااااااااااااااااااااااااائعه
Catty غير متصل   الرد باقتباس
قديم(ـة) 20-07-08, 10:48 PM   #42
|[ عـضـو ذهـبــي ]|

 
صورة Tolip الرمزية
 
الدولة:
الافتراضي رد: روايه ابوس راسك يازمن ماعاد فيني للجروح ( روايه سعوديه )

الرواية تذوب تدوخ تموت تجنن الله يخليك نزلي البارت الجديد بسرعة
Tolip غير متصل   الرد باقتباس
قديم(ـة) 21-07-08, 10:43 PM   #43
|[ عـضـو مـشـارك ]|

 
صورة بنوتة عسوولة الرمزية
 
الدولة:
الافتراضي رد : روايه ابوس راسك يازمن ماعاد فيني للجروح ( روايه سعوديه )

الرواية مرة خطيرة
بنوتة عسوولة غير متصل   الرد باقتباس
قديم(ـة) 24-07-08, 06:49 PM   #44
|[ عـضـو ذهـبــي ]|

 
صورة Tolip الرمزية
 
الدولة:
الافتراضي رد: روايه ابوس راسك يازمن ماعاد فيني للجروح ( روايه سعوديه )

طولتي علينا وينك
Tolip غير متصل   الرد باقتباس
قديم(ـة) 30-07-08, 04:32 AM   #45
|[ عـضـو مــاسـي ]|

 
صورة دراريع ام حمود الرمزية
 
الدولة:
الافتراضي رد: روايه ابوس راسك يازمن ماعاد فيني للجروح ( روايه سعوديه )


السموووووووووحه ثم السمووحه ثمم السموووحه
فديتكم والله
بس الكااتبه ماانزلت لهالحين ولااشي
وربي كل يووم وكل ماادخلت عالنت اشووف اذاا في شي عشاان انزله لعيوونكم
طوولوو باالكم اشوووي
اكييد عندها ضرووف وفي شي مأأخرهااا


تحياااتي لكم
دراريع ام حمود غير متصل   الرد باقتباس
قديم(ـة) 31-07-08, 08:49 AM   #46
|[ عـضـو ذهـبــي ]|

 
صورة Tolip الرمزية
 
الدولة:
الافتراضي رد: روايه ابوس راسك يازمن ماعاد فيني للجروح ( روايه سعوديه )

منتظرينك وإن شاء الله الكاتبة تنزل البارت الجاي بسرعة لإني ماني قادرة أستحمل أكثر من كذا نفسي أعرف ايش صارمع ليان ومع لين

آخر من قام بالتعديل Tolip; بتاريخ 31-07-08 الساعة 08:52 AM.
Tolip غير متصل   الرد باقتباس
قديم(ـة) 04-08-08, 05:45 AM   #47
|[ عـضـو ذهـبــي ]|

 
صورة ياهـــم كم لك بصدري" الرمزية
 
الدولة: المملكة العربية السعودية
الافتراضي رد : روايه ابوس راسك يازمن ماعاد فيني للجروح ( روايه سعوديه )

مشكوررررررررررررره ياحلوة ع القصه
من جد روعه
تسلم يمناكــ
ع النقل
لاعدمناااك بانتظااااااااااااااااااااااااااركــ
ياهـــم كم لك بصدري" غير متصل   الرد باقتباس
قديم(ـة) 14-08-08, 09:48 AM   #48
|[ عـضـو جـديـد ]|

 
الدولة:
الافتراضي رد: روايه ابوس راسك يازمن ماعاد فيني للجروح ( روايه سعوديه )

مشكووره ع الرواايه ننتظر التكمله
غرووم غير متصل   الرد باقتباس
قديم(ـة) 16-08-08, 01:38 AM   #49
|[ عـضـو مــاسـي ]|

 
صورة دراريع ام حمود الرمزية
 
الدولة:
الافتراضي رد: روايه ابوس راسك يازمن ماعاد فيني للجروح ( روايه سعوديه )


’,

اشتقت لكم

والسموحه على التأخير

اللي نسى الاحداث اخر بارت بصفحه هذي

رواية أبوس راسك يازمن ماعاد فيني للجراح ( روايه سعوديه )من تأليفي



الجزء الحادي عشر

’,

/
\
/
\
/
\


’,

كان حزن الدنيا محتويها ودموعها عرفت طريقها على خدها بصمت وسكات ومافيه اي صوت يكسر هالصمت الا صوت ابو نوره

اللي يصدح بالسياره

خطأ..
تبخل .. وأنا كلي عطا..
خطأ ..
ضاعت على الدرب الخطى ..
خطأ ابتدينا ..
وان نهيناها .. خطا !!
تزرع طريقي .. بالألم..
يا خوفي .. لا توطاه القدم ..
تجرح ظلايل.. فيتك ..
وتدمي ..أماني جيتك ..
لو فرحت.. بجيتك !!
بعد الظما.. وبعد الهجير ..
تخفي حنانك .. بالضمير ..
لو ما جنت ..
عينك علي بنظرةٍٍ .. لو ما جنت
ولو ما رضيت .. تحدني ..
روح الشقاوي .. ما عنت ..
واستهونت درب الهوى ..
ولو ما غدى جرحي دوا ..
ليته غدا..
عودتني منك الحنان .. عودتني
وطال النوى وجار الزمان .. صبرتني ..
وإثر الهوى .. مثلك غريب ..
ماله .. على نفسه حبيب ..
خطأ ابتدينا ..
وان نهيناها .. خطا !!

طلعت منها شهقه غصب عنها حطت يدها على فمها تمنع باقي شهقاتها تتمنى الموت ولا انه يحس بضعفها وانكسارها
طلال كان سارح بأفكاره ومايدري هل فعلا انها تبكي او انه تهيئ له هالشي وبلحظة ضعف منه سألها
طلال بحنيه : لين ليه تبكين ؟
لين : (فضلت الصمت لانها تعرف نفسها لو تكلمت بتنهار )
طلال : لين انا اكلمك ردي علي
لين بعصبيه لانها ماتبي تسمع نبرة الحنيه بصوته : اسكت ماابي اسمع صوتك ياحقير
ضغط طلال بيده على الدركسون بكل قوته يمنع نفسه لايضربها طول عمره يحتقر الرجل اللي يمد يده على المرأه لكن مع هالانسانه ماراح يستغرب وينصدم من نفسه لو ضربها بيوم
رجعو لصمتهم حتى وصلو للفندق
اول مادخلو جناحهم بالفندق وقفت لين بالصاله وهي تحس بروده بااطرافها والخوف متملكها وكل قوتها تخلت عنها صعب انها تنفرد بشخص ماتعرفه الا من فتره قريبه وماعرفت منه غير قسوته وظلمه بمكان واحد ومامعها احد يحسسها بالامان في هاللحظه ماتمنت ان ابوها او امها يكنون معها مثل كل بنت اللي تمنت انه معها هو اخوها راكان لكن وينه راكان حرمنا منه ابوي مثل ماحرمنا من كل شي حلو في حياتنا
كانت متشبثه بعبايتها بكل قوتها وجسمها كله يرجف من الخوف
حس طلال بخوفها شي بداخله يقوله خلها تروح لغرفتها يمكن تحس بالامان لو سكرت باب غرفتها عليها
لكن عقله يقوله هالاشكال ماتنفع معهم الطيبه وخلك واضح معها ومع نفسك من البدايه
وعيب طلال برغم طيبته الا انه ماينفذ غير مايمليه عليه عقله
طلال وهو يأشر لها تجلس : اجلسي عندي كلام لازم تسمعينه
كانت لين متسمره بمكانها بدون ماتنفذ كلامه
طلال بعصبيه : قلت اجلسي والا انتي ماتجين غير بالطق
حست بخوفها يتضاعف وتحركت بدون شعور وجلست على ابعد كنبه عنه وهي مستغربه من نفسها ومن خضوعها
طلال : اتوقع انك توافقيني بأن مشاعر الكره بينا متبادله .. انتي تكرهيني لاني كسرت شوكتك وقوتك وانا اكرهك لانك انسانه حقيره وحاولتي تدمرين حياة اقرب الناس لك
رفعت لين عيونها له بصدمه مو مصدقه اللي تسمعه
طلال بسخريه :لين وفري هالنظرات البريئه ترى ماتمشي علي
لين : من هالناس اللي انا حاولت ادمر حياتهم؟؟؟ وليه تزوجتني دام كل هالشر فيني لدرجة اني ممكن اذي اقرب الناس لي؟؟
طلال : مو مجلسك علشان اتناقش معك او اجاوب على اسئله انتي عارفه اجاباتها واللي ابيك تعرفينه اني ماتزوجتك لانك فتنتيني بجمالك او لاني هايم بحبك لا ياشاطره تزوجتك علشان ابعد شرك عن الناس اللي يهمني امرهم
لين : انت اكيد مجنون ...
طلال بعصبيه : انا مجنون لاني رضيت يرتبط اسمي بأسمك لكن ماعليه علشان عين تكرم مدينه .. والحين اسمعيني وحطي كلامي زين بعقلك مكالمات لــ اهلك مافيه الا عن طريقي وبموافقتي وحظوري فيصل وليان اشطبي اسمهم من حياتك .. شي اسمه حياه زوجيه انسيه لسبب بسيط اني اتمنى العمى ولا اشوفك لك علي اوفر لك اكلك وشربك ولبسك وابي بالمقابل الطاعه التامه ومافيه مخلوق يعرف باللي بينا وخصوصآ امي فاهمه؟
لين بعصبيه : لا مافهمت واللي ابيك تفهمه اني مستحيل اعيش معك وابي الطلاق الحين قبل بكره
طلال : لاتستعجلين على الطلاق لاني بطلقك بالوقت المناسب والحين عطيني جوالك
لين : على جثتي تأخذه ياسافل
طلال : هههههههههههههههههه مو مستاهله كل هذا (وبكل قوته سحب شنطتها من يدها وطلع منه الجوال ورجع رمى الشنطه عليها) مو قلت لك مو مستاهله اقتلك علشان اخذه والحين يلا انقلعي لغرفتك
لين بهستيريا : انت اللي انقلع من حياتي الله لايسامح فيصل اللي عرفك علينا
طلال وهو يمسكها من يدها ويسحبها لغرفتها : مو قلت لك تنسين اسم فيصل وكل شي يمت لفيصل بصله والا انتي بقره ماتفهمين
دخلها لغرفتها ورماها على السرير وفصل التلفون اللي بغرفتها
تركها وراح جلس بالصاله وهو مستغرب من انه يتصرف بالطريقه هذي لكن كل اللي يهمه انه يبعد هالانسانه بشرورها عن فيصل وزوجته
نظر للساعه وكانت 2 باللي يعني باقي عن رحلتهم لندن 24 ساعه مايدري وشلون بتمر عليهم
اما لين دفنت وجها بالمخده واستسلمت للدموعها وهي بصدمه من كل اللي سمعته

’,

,’

’,

,’

لمى : منال واللي يرحم والديك خلينا انام
منال : اشلون تبيني انام بعد اللي شفته لو خالد هو اللي مع وحده غيرك الحين بتعرفين طعم النوم؟
لمى : منال حرام عليك لاتقولين هالكلام
منال : حرام هااه اجل اللي انا امر فيه مو حرام اسمعيني يالمى وربي لو ماتساعديني لا اخليك تنكوين بنفس النار اللي انا انكويت فيها
لمى : وهو كل مره ماتقدرين تسوين لهم شي تحطين حيلك فيني متى طلبتي مني شي وماسويته لك
منال وهي تبكي : لاتلوميني يالمى اختك هي السبب ماكنت بحقد عليها لو انها مااخذت مني حب حياتي وحرمتني منه ليان قتلتني يالمى ولازم احرق قلبها مثل ماحرقت قلبي
لمى : خلاص اهدي ياقلبي واللي تبينه بيصير .. ماقلتي لي وش مخططه عليه بكره لاتنسين انه اخر يوم لنا هنا
منال : ماراح اقدر اسوي شي مهم اكثر شي يهمني اني ازرع بداية الشك بقلب فيصل علشان اذا سويت خطتي اللي اتفقت عليها مع سعود يصدق بسهوله
لمى : طيب وشلون بتزرعين الشك بنفسه
منال : ماادري خلي كل شي بوقته

’,

في الغرفه الثانيه
ندى : بسومه ترى مو نايمه عندك حبآ فيك لا ابيك تسولفين لي عن الحياه الزوجيه
بسمه : الحياه الزوجيه مثل حياة اي مواطن سعودي
ندى : لا ياشيخه
بسمه : وش حياتهم عاديه عباده و اكل وشرب ونوم ودوام واحيانا كلام رومنسي
ندى : يعني ماتطاقون تهاوشون طول يومكم على احبك وتحبيني ؟
بسمه : لا كله حب في حب
نجلاء : لاتصدقينها كل يوم حرب مخدات في البيت وانا وابوي فرقة حفظ السلام بينهم
ندى : واااااااااااااي وناسه متى اتزوج
نجلاء : الحين الكلام الرومانسي مو عاجبك والهواش هو اللي محببك بالعرس
ندى : يختي الطقاق هو ملح الحياه
بسمه : هذا وانا كنت بخطبك لــ اخوي لا والله هونت خطر لو تزوجون تشترون مسدسات وتدربون على الرمايه فــ بعضكم
ندى : بسومه حبيبتي
بسمه : انسي ماني مستغنيه عنه
ندى : حتى لو قلت لك اني بلبسه ستره مضاده للرصاص؟
نجلاء : ههههههههههههههههههه قصم انك مهبوله يعني الرصاص لابد منه

’,

اليوم الثاني

اول من صحى من البنات ندى ونجلاء فطرو فطور خفيف وطلعو يتمشو بالمزرعه
اما عند الرجال وليد كانت مهمته التنكيد الجماعي الين صحى الكل من النوم
راكان : وليدوه يالبثر الحين ومنك مصحينا من الساعه 6 ومنكد علينا ورى ماتطس تنكد على فيصل والا شطارتك علينا بس
وليد : لا واللي يرحم والديك الا فيصل هالمهبول خطر يذبحني لو فكرت انكد عليه
خالد وهي قافله معه مايحب احد ينكد عليه نومه : محد ذابحك غيري الله لايعوق بشر ودامك اخذت على عاتقك مهمة التنكيد روح صحى تركي لايفشلنا دام كل الشيبان صاحين
وليد : الا اخوك ياخي مدري ليه مشاعر الحب الافلاطوني متبادله بينا
راكان : هههههههههههههههههههه والعكس هو الصحيح
خالد بمزح: هئ انت وياه اشوفكم استلمتو اخوي وانا ساكت لكم
ابو تركي وهو داخل عليهم : خالد قوم روح مع عمك ابو فهد خاطره ياخذ جوله بالاماكن القريبه من المزرعه يمكن يحصل له مزرعه تجوز له
خالد : يالله صباح خير خلنا نفطر ونصحصح وعقب لاحق يروح يشوف
ابو تركي : قوم قام عصبك كلها ساعه وترجعون تحصلون الفطور جاهز
خالد : يبه الله يرضى عليك ان حتى هالمنطقه مااعرفها خل فيصل يصحى هو بيفيده
وليد : انا بروح معه فيه مزرعه قريبه من هنا واعرف صاحبها وهو عارضها للبيع يمكن تجوز له
وبعد ربع ساعه طلع ابو فهد وفهد و وليد

,’
دراريع ام حمود غير متصل   الرد باقتباس
قديم(ـة) 16-08-08, 01:40 AM   #50
|[ عـضـو مــاسـي ]|

 
صورة دراريع ام حمود الرمزية
 
الدولة:
الافتراضي رد: روايه ابوس راسك يازمن ماعاد فيني للجروح ( روايه سعوديه )


صحت ليان على بوسه من فيصل
ليان : صباح الخير
فيصل : صباح الورد والجوري ياوردة حياتي انتي
ليان قامت بأحراج من السرير : دقايق بس بلبس واجهز لك الفطور
فيصل وهو يقوم من السرير ويقرب منها ويضمها : لا ياروحي انا لازم انزل افطر مع جدي والرجال
ليان وهي تحاول تخلص نفسها من ضمته : يلا خذ لك شور على مااجهز ملابسك
فيصل وهو متجه لدورة المياه : خلي ملابسي انا اجهزها اجهزي انتي بسرعه ابي ننزل مع بعض
ماخلص فيصل كلامه الا ويسمع صراخ بشكل جنوني وقف مكانه متجمد ويحس البروده تسربت لــ اطرافه وقلبه بيتوقف وهو مافيه باله غير جده
طلع من الجناح بسرعه ماعليه الا بنطلون البجامه بدون قميص اول ماوصل تحت كانت ندى تصرخ بكلام مو مفهوم وتأشر بيدها على مكان بالمزرعه والكل حواليها يحاولون يعرفون وش فيها
قرب منها فيصل ومسكها يهزها بعصبيه وبصراخ : ندى تكلمي وش صاير
ندى بصوت متقطع ويالله ينفهم : نجـ...ــلاء نجلاء لدغها ثعبان
فيصل بصراخ : وين؟
ندى : بااخر شي عند العنب
تركها وطلع يركض برا
كان الكل منهار من اللي سمعوه حتى منال بس هي منهاره لسبب ثاني شكل فيصل وهو بس ببنطلون البجامه وعضلات صدره المرسومه رسم ورجولته الطاغيه ذكرها بمدى خسارتها وخلا عزمها يزيد انها ترجعه لها حتى لو كان فيه موت ليان

قبل لايوصل فيصل للمكان قابل خالد وهو شايل بنت بين ايديه وساقها مربوطه بقطعة قماش عرف انه قاطعها من قميصه
وراكان جاي يركض من نفس المكان اللي جاء منه خالد
خالد : بسرعه جيبو السياره ونادو وحده من البنات تروح معنا
راح راكان بسرعه ينفذ اللي قال عليه
فيصل : ابوها واخوها وينهم
خالد : طلعو مع وليد فيصل بسرعه لا البنت تموت
بخلال دقيقتين كانت نجلاء في سياره خالد ومعها ام ماجد وندى اللي سوت لهم مناحه الا تروح اما بسمه رفضت ام ماجد انها تروح وتترك اولادها ووعدتها انها تتصل عليها كل شوي تطمنها
اول ماتطمن فيصل على انهم مشو رجع للفله علشان يدخل يبدل ملابسه ويروح عند الرجال ينتظر جيت ابو فهد وفهد علشان يبلغهم باللي صار بهدوء

عند باب الفله كانت منال تنتظر هالفرصه بعد ماخلا لها الجو من ام ماجد وندى واول ماشافت فيصل جاي سوت نفسها منهاره وتصيح وجلست على درجات المدخل
لمى وهي حاطه الجلال عليها : منال خلاص كافي بكي
منال ماردت عليها الا بصوت بكاها وشهقاتها اللي كل مالها ترتفع
لمى : كله من ندى لو مااخذتها هناك ماكان صار كل هذا
منال بصوت يقطع القلب من كثر البكاء : حرام عليك يالمى ندى مالها ذنب هذا اللي ربي كاتبه
فيصل وهو صاد عنهم : احم .. منال معها حق يالمى ندى مالها ذنب والحين قولو لليان تشوف لي الطريق بدخل
سوت لمى نفسها محرجه ومصدومه ان فيصل سمعهم وقامت وهي تحاول توقف منال وتسندها علشان تدخلها وفجاءه
منااااااااااااااااااااااااااااااااااااااال
التفت فيصل لا ارادي وشاف منال طايحه على الارض ولمى تحاول ترفعها ومو قادره
تفاجاءت ليان بمنظر فيصل وهو داخل ومنال بين ايديه ماعليها غير بجامتها اللي الين الركبه ووراه لمى متغطيه بجلالها
حط فيصل منال على اقرب كنبه من المدخل ورجع طلع برا الفله
تجمعو كلهم عندها ماعدا بسمه اللي كانت فوق عند عيالها
ام تركي بخوف : يمه اشفيها بنتي
لمى : مافيها شي ياخالتي
مافات دارين وجه ليان اللي برغم طيبتها وخوفها على منال الا ان نظرت الغيره باينه بعيونها اخذت دارين كأس ماء وبكل قوتها كبته على وجه منال
فزت منال من تمثيليتها بشهقه ماتخيلت ان احد بيصحيها بالطريقه هذي
ام تركي : بسم الله عليك يمي (وهي تلتفت على دارين )مجنونه انتي؟؟؟
ام طلال : اذكري الله يأم تركي والحمدلله على سلامة منال
دارين : شو فيه مدام كنت عم بفيئها وليكي فائت (الترجمه : كنت اصحيها وهذي هي صحت مثل الجني مافيها شي << معزوفوه يالوافي على غفله تلايطي وخلي عنك الترجمه)
ام تركي ولا كأنها سمعت ام طلال: يلا انقلعي من قدامي لا بارك الله فيك
ليان بشوية حزم : خالتي دارين ماغلطت واللي سوته هو الصح فلو سمحتي لاتغلطين عليها ( استغربت ليان من نفسها انها ترد بالطريقه هذي لكن تحس ان دارين تحت مسؤليتها وماراح ترضى انها تنظلم كافي هي والظلم اللي شافته بحياتها )
طرااااااااااااااااااااااااااخ
فتحت ليان عيونها بصدمه مو مستوعبه اللي صار ولا مين اللي عطاها هالكف بكل هالقسوه والقوه هذي
شافت امها واقفه قدامها والشرر يتطاير من عيونها
ام راكان بعصبيه : اسمعي يالينوه مو علشانك تزوجتي وصار عندك خدم وحشم بتكبر شوكتك وترفعين صوتك علينا لا اصحي واعرفي مين انتي واذا ماتعرفين انا اقولك
.......... : سعاااااااااااااااااااااااااااااد
تجمد الدم بعروق ام راكان وهي تسمع صوت عمها ابو عبدالعزيز
ابو عبدالعزيز بعصبيه : ليان اطلعي لغرفتك يابوي وانتي ياسعاد تعالي لغرفتي
طلعت ليان تركض لغرفتها وارتمت على سريرها ودموعها اللي ياما وفت لها ورافقتها طول عمرها وتوقعت انها ودعتها رجعت من جديد ترسم طريقها على وجها
ماحست الا بدخلت فيصل بعدها بخمس دقايق
فيصل وهو مايدري عن كل اللي صار : ليان ليش البكاء ياقلبي
حاولت ليان تداري وجهها عنه ماتبيه يشوف اثار الكف لكن اللي صار صحى كل ذكرى سيئه بحياتها ركضت لفيصل ورمت نفسها على صدره تدور عنده الحنان اللي ماعرفته عند امها وابوها صحيح بدايتها معه كانت قاسيه ومره لكن بحبه وحنانه قدر ينسيها هالبدايه
ضمها فيصل وسألها بحنيه وهو يمسح على شعرها : قلبي اشفيك وليه كل هالبكاء ان شاء الله مافيها الا العافيه
زاد بكاء ليان ماتدري هي تبكي على نفسها والا على نجلاء اللي محد يعلم بمصيرها غير رب العالمين
احتار فيصل مايدري يهدي بــ ليان والا يلبس وينزل ينتظر ابو فهد وولده علشان ينقل لهم الخبر
فيصل : ليان ياقلبي اهدي مااقدر انزل وانتي كذا
ليان بخوف : لا فيصل خلك معي لاتنزل وتتركني
بعد فيصل عنها شوي ورفع راسها علشان تشوفه : عمري انا معك وماراح اتركك بس لازم انزل وانتــ،،،
قطع كلامه وهو يشوف اثار الكف على خد ليان الاحمر
فيصل بعصبيه : ليان وش هذا من سوى فيك كذا
حاولت ليان تغطي وجهها بيدها وهي ماتدري وش ترد عليه
فيصل : ليان تكلمي من سوى فيك كذا
ليان بخوف : مااحد سوى لي اي شي بس انا بشرتي حساسه وابسط شي يأثر فيها
تركها فيصل وراح للتلفون واتصل على دارين
فيصل : الوو.. دارين ماتعرفين وش فيها ليان
تجمدت ليان من الخوف وهي تراقب وجه فيصل اللي تغير من اللي يسمعه وماتدري وش بتكون ردت فعله.. فيصل من غير شي مايحب اهلها
قفل فيصل السماعه بعصبيه بدون مايقول اي حرف وراح لغرفة تبديل الملابس لحقت فيه ليان وهي مو عارفه اشلون تهديه والا وش تقوله
ليان بتردد وخجل بحكم ان فيصل يغير ملابسه قدامها : فيصل ترى امي ماتقصد بس انا اللي غلطت
فيصل بعصبيه : ليان دارين ماتكذب
ليان : ادري حبيبي بس امي ماتحملت انها تسمعني ارفع صوتي على خالتي ام تركي
فيصل بعصبيه : شوفي ياليان اذا انتي ترضين بالاهانه لنفسك فهذا شي راجع لك انتي وامك تتفاهمون بس انها تغلط على زوجتي وفي بيتي هذي اهانه لي انا ومستحيل اسكت عنها فاهمه
ليان : ماعاش من يهينك حبيبي وربي امي ماتقصد بس هي عصبيه شوي وماتحملت تصرفي فيصل ارجوك اهدى وانسى بس هالمره ولو تكرر هالشي سو اللي تبي
قرب منها فيصل بعد ماخلص لبسه : كم مره اقولك كلمة ارجوك ماابي اسمعها منك (وباسها على خدها) طلباتك اوامر حبيبة قلبي والحين يلا شوفي لي الطريق بنزل انتظر جيت ابو فهد وولده

’,

,’

فتح الباب بهدوء ووقف يناظر فيها كانت نايمه والى الان بنفس ملابسها حتى عبايتها عليها ومتكوره على نفسها من برودة المكيف

قرب منها وشده براءتها بوجها البيبي فيس ويديها الصغيره اللي متشيثه بعبايتها قرب اكثر ومافي باله غير انه يغطيها علشان تدفى

لكن قبل لايمد يده على الغطاء انتبه على نفسه واستغرب من اللي كان بيسويه ليه يحن ويعطف عليها برغم كل مشاعر الكره بداخله تجاها
طلال بهدوء : لين
لين : ........
طلال بشويت حزم : لين
فزت لين برعب وهي ماتدري هي وين ولا من صاحب هالصوت الغريب اللي صحاها ثواني وتذكرت كل شي ماتدري متى نامت والا الساعه كم الحين كل اللي تعرفه ان الانسان اللي تتمنى تشوف الموت ولا تشوفه موجود بغرفتها ماتدري ليه حست بخوف حاولت تبعد عنه وهي ضامه جسمها بيديها ونظرات الخوف تطل من عيونها
طلال بسخريه : نظرات هالبراءه وفريها لغيري ممكن يصدقها ..معك 5 دقايق وتكونين موجوده عندي بالصاله
لين بصوت خافت بعد ماشافته طلع من الغرفه : حقير
(الله يكثر خيري هذا اللي ربي قدرني عليه هالكلمه بس وبعد ماطلع وش صاير فيني لا انا مو لين معقوله اكون بالضعف هذا واستسلم له ولــ تهزئه لي وين راحت قوتي اذا ابوي وهو ابوي حاربته حتى الرمق الاخير .. بس هذا مو ابوي هذا مااعرفه رجل غريب وجامعني معه مكان بروحنا .. آه بس لو جوالي معي كان قدرت اكلم راكان يجي يساعدني .. بس وش يساعدني فيه هالعله الحقير التافه صار زوجي ) قطع عليها تفكيرها صوت راكان وهو يكلم براا
راحت للحمام غلست وجهها وفرشت اسنانها وطلعت له بسرعه قبل لا يفكر انه يرجع يدخل عليها كانت بنفس لبسها اللي وصلت فيه البارح حتى العبا يه مافصختها
طلال وهو يكلم بالجوال انتبه على شكله وبدون مايتكلم اشر عليها ترجع تبدل لبسها
لين فهمت عليه بس سوت العكس وجلست على ابعد كنبه عنه
طلال : طيب والبنت ماتدرون وش صار عليها
......
طلال : طيب اذا عرفت اي شي طمني عليها
.....
طلال : يلا فمان الله ولاتنسى تسلم على امي ترى اتصل على جوالها ماترد
خلص مكالمته ورجع يناظر في لين
طلال : بقره انتي ماتفهمين؟
لين بهدوء : ايه
طلال بسخريه : زين انك معترفه
لين بنفس الهدوء : وليه مااعترف دامني متزوجه ثور اكيد اني بقره
طلال بعصبيه : تستخفين دمك انتي .. انقلعي بدلي ملابسك والا متعوده على القذاره والوسخ بحياتك
لين : اسفه مافيني افتح الشنط الحين وارجع اسكرهم بالليل
طلال : وان شاء الله بتسافرين بنفس ملابسك هذي ؟؟؟
لين : ويمكن اخليهم علي وارجع فيهم (حست لين بالانتصار بداخلها وهي تشوف طلال معصب يعني هدؤها هو اللي يحرق اعصابه ... طيب ياطلول من اليوم بتتعامل مع ثلجه )
شككت بأنتصارها اول ماشافت طلال متجه لها بعصبيه قرب منها وسحبها مع يدها بقوه
وبصراخ : ابي افطر بشهيه مفتوحه مو كافي متحمل شوفتك هم بتحمل قذارتك
لين : واذا قلت لا
طلال : عادي بقوم بمهمة المربيه وابدل لك ملابسك ولو اضطر الامر اني انا اللي اعملك شور بسويه
لين بخوف : اتركني خلاص بسوي اللي تبي بس بعد
طلال : اسف حطيت الفكره براسي صعب اشيلها والحين خليك طفله مهذبه وخليني اعملك شور وابدل ملابسك واعلمك اشلون تفرشين اسنانك
لين والدموع بدت تجمع بعيونها : قلت لك اتركني ماتسمع انت ؟
طلال بعد مالاحظ دموعها : معك نص ساعه وتكونين على طاولة الاكل بكامل زينتك او بنفذ اللي قلت عليه مفهوم ؟
حركت راسها بعلامة الموافقه وراحت لغرفتها وقفت ثواني مصدومه وبعدها تذكرت تهديده وصارت تتلفت حولها تدور شنطها بس مالقتهم
بعد تردد رجعت للصاله علشان تدور عليهم
طلال بسخريه : لاتقولين انك غيرتي رايك وتبغيني ابدلك انا
لين بخوف : ابي الشنط حقتي مالقيتهم
تذكر طلال ان العامل البارح حط كل الشنط بغرفته لانها هي الغرفه الريئسيه بالجناح : تحصلينهم بغرفتي
لين : ممكن تجيبهم لي
طلال : حاضر عمتي .. طسي خذيهم بنفسك والا متعوده ان الكل ينفذون اوامرك
راحت لين لغرفته وهي تدعي عليه بقلبها ان ربي ياخذه ويفكها منه
اخذت شنطتها الصغيره اللي فيها غيرات بسيطه لها واخذت شنطة مكياجها ورجعت لغرفتها
بعد نص ساعه كانت جاهزه وواقفه بتردد مو عارفه اشلون تدخل عليه وهي بدون عبايتها صحيح شافها مرتين بدون عبايه بس مره في بيت ابوها ومره في بيت فيصل وكل الناس حواليهم بس هالمره صعب عليها وهي تحس انها معه بروحه ويقدر يسوي فيها اللي يبي
طلال : كل هذا غرور بجمالك وجالسه تتأملين نفسك .. اخلصي علي ابي افطر
استسلمت وطلعت معه للصاله بدون ولا حرف واللي ماتعرفه ان طلال كان يسب نفسه لانه طلب منها هالشي هو ماقاوم شكلها وهي مهمله اجل اشلون الحين وهي صايره قمر

’,

,’

كان يقطع الممرات رايح جاي مايدري ليه هو مهتم فيها الى هالدرجه يمكن ماشاف وجهها غير ثواني وكان شاحب لكن شده فيها حيائها وخجلها برغم اللي كانت فيه وانها شبه واعيه الا انها حاولت قد ماتقدر تغطي نفسها بجلالها لم قرب منها ومو قادر يفسر لنفسه شنو سبب ثورته على الاطباء ورفض انها تكون بالغرفه معهم لوحدها واصر الا عمته تكون معهم كان يتمنى انه يكون بداخل علشان يطمن عليها لكن بأي صفه يحق له يكون معها
صار له مده وهو يمتر هالممرات وندى جالسه على احد الكراسي ومنهاره من البكاء وكل شوي تقول انا السبب باللي صار
كان راحمها بس مو عارف اشلون يهديها وبنفس الوقت حاقد عليها بسبب اللي صار لــ نجلاء صحيح انه مايعرف ليه تقول انها السبب بس دامها تقول كذا اجل معناه صحيح هي السبب
طلعت ام ماجد من الغرفه وقبل لا تكلم سألها خالد
خالد : هاا عمتي بشري كيفها الحين
ام ماجد : الحمدلله بخير عطوها التورناق والحين صاحيه وطيبه بس يقولون لازم تجلس عندهم 24 ساعه
خالد : قصدك الترياق..!!
ام ماجد : اللي هو المهم اتصل عليهم طمنهم على مااسكت هالبنت لا تسبب لنا بــ فيضانات
راحت ام ماجد تهدي في بنتها وخالد اتصل على راكان علشان يطمن الباقين
لكن اللي رد عليه فيصل وبعد ماتطمن عليها قاله ان ابو فهد وولده جاينهم بالطريق وطلب منه يجلسون عند البنت الين مايوصلون اهلها
فيصل بعد ماقفل من طلال : راكان كيف وصلتو لها ومن اللي قالكم
راكان : طلعت انا وخالد نتمشى لان العله وليد منكد علينا من الفجر وشرت عليه نروح للركن اللي فيه عناقيد العنب وقبل لا نوصلها سمعنا صراخ تفرقنا ندور على الصوت من وين جاي
وخالد وصل لها قبلي لما وصلت كان شايلها وجايكم وانا ناديت العمال علشان يجون يدورون على الثعبان ولحقته والباقي تعرفه
فيصل : معناه صدق ان العله اختي السبب وهي اللي سحبت بنت الناس هناك
راكان : مالها ذنب واللي صار ربك كاتبه والبنت الحمدلله تعافت ومافيها شي
فيصل : والموقف اللي انحطيت فيه قدام ابوها واخوها تعتبره عادي
وليد قاط بالسالفه : جدآ عادي وهذا شي ربي كاتبه لها لو انها في بيتها كان بيصير لها
فيصل : حصل خير .. راكان اتصل على خالد وقوله ياخذ امي وندى لــ بيتي بعد مايخلصون مو مستاهله ترجع امي كل هالمشور وبعد كم ساعه تروح
راكان : خير ان شاء الله وانا ابيك تسمحلي بأخذ جدي وخالتي ام طلال وارجع لان عندي اشغال وحتى جدي حاسه مستعجل على الرجعه

’,

,’

بعد ساعتين كان الكل جاهزين وركبو سياراتهم علشان الرجعه

في سيارة ابو تركي

منال بعد ماشافت فيصل واقف مع راكان وواضح انه يوصيه على جده ولمى طالعه من البيت ومتجهه لهم حسب اتفاقهم : يبه لحظه نسيت جوالي مو محصلته بالشنطه
ابو تركي : عمرك مالقيتيه نزله من السياره منتي نازله
منال : يبه واللي يرحم والديك وربي دقيقه ماراح اتأخر
ام تركي : خلها تنزل تجيب جوالها لاتقلبها لنا مناحه طول الطريق
ابو تركي : اخلصي معك دقيقه
نزلت منال ركض واول مادخلت لقت ليان واقفه ومعها البراد الصغير اللي فيه ادوية جدها
ليان : هلا منال اشفيك رجعتي
منال : اسمعيني يا ليان انا بقولك نصيحه ولوجه الله تعالي .. انتي الحين انسانه متزوجه ولازم تخافين ربك في زوجك وبيتك لان سمعتك من سمعته وحركات المراهقات اتركيها عنك ترى فيصل رجل تتمناه كل بنت
ليان بصدمه وعدم استيعاب : منال وش اللي قاعده تقولينه و...
منال بصوت عالي شوي: ليان عفى الله عما سالف وحاولي تعيشين حياه نظيفه علشانك وعلشان زوجك
سمع فيصل جزء من كلام منال ولولا انه مستعجل على علاج جده والا كان وقف يحاول يسمع الباقي على الاقل يمكن يلقى حل للغز اللي بدا يتكون براسه من كلامها
فيصل : ليان وين علاج جدي
ليان وهي الان مو مستوعبه لي منال تقول لها هالكلام : معي لحظه اجيبه لك
وراحت لفيصل تعطيه العلاج وهي في بالها بترجع تحقق مع منال لكن في اللحظه اللي عطت فيها فيصل العلاج كانت منال ماره من عندهم وطالعه برا
عطى راكان ادوية جده وانتظرهم الين ماطلعت اخر سياره من المزرعه رجع للفيلا وهو يحاول يطرد كلام منال من راسه
اول مادخل كانت ليان قدامه حملها بسرعه بين يديه ورفعها فوق
ليان بخوف : فيصل نزلني
فيصل : بشرط
ليان : من الحين اقولك بوسه لا
فيصل : تحطيم بس ماعليه نرضى بكلمة حبيبي
ليان بهمس : حبيبي
فيصل : عيونه وقلبه وروحه
ليان : نزلني
فيصل وهو ينزلها : تصدقين اليوم يوم الشيل العالمي نجلاء ومنال قلت مستحيل اشيل في هالبنات وزوجتي حبيبتي لا
ليان تذكرت منظره ومنال بين ايديه وبغيره : اشوفك فرحان
فيصل : اشوفك غيرانه
ليان : وليه اغار
فيصل : لاني زوجك وحبيبك ومن حقك تغارين علي عمري ترى والله غصب عني بنت اغمى عليها قدامي اروح وتركها
ليان بغيره : على لبسها ايه المفروض تتركها وتروح واحنا بنعرف نتصرف
فيصل : فديت اللي يغارون خلاص قلبي سماح هالمره والحين بما ان المزرعه لنا بروحنا ماودك نروح نسبح شوي علشان بعدها نتفرغ للعشاء
ليان : روح اسبح انت وانا بتفرج عليك
فيصل : لا ياشيخه احلفي
ليان ببراءه : والله
فيصل وهو يضمه على صدره: هههههههههه وربي احبك الله لايحرمني منك
ليان : ولا منك

’,

,’

’,

,’

نهاية الجزء الحادي عشر


- كيف بتمر الايام على ليان وفيصل بالمزرعه وهل بتكون ايام حلوه او بيحصل شي ينغص عليهم سعادتهم وهل الكلام اللي اسمعه فيصل من منال بــ يأثر على علاقتهم؟؟

- كيف بتتعامل لين مع طلال هل بنهزاميه وخوف مثل الان او بتسترد قوتها وش بتكون حياتهم مع بعض ؟؟

- هل بيزيد اهتمام خالد بنجلاء او بتكون مجرد اعجاب عابر ؟؟؟

- من الشخص الجديد اللي بينضم للعائله ومن اللي بيتركهم ؟؟؟

- هبال ندى ماينتهي بس من الشخص اللي بيكون شاهد هالمره هذي على هبالها غير راكان ؟؟



اخيرآ

السموحه منكم للمره الثانيه

واعتذر لان البارت قصير ومو بالمستوى المطلوب

لكن اوعدكم بالافضل بالبارت الجاي ان شاء الله

ولنا لقاء ان شاء الله يوم الاربعاء القادم

تقبلو خالص مودتي
دراريع ام حمود غير متصل   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
أبوس راسك يازمن ماعاد فيني للجراح هكذا أنا...} منقولات أدبية 7 29-12-10 11:58 PM
روايه blak chadow الظل الأسود..روايه جريئخ خياليه رومنسيه مشوقه ....لاتفوتكم الغامضه ميروا روايات تعب قلبي 16 21-04-10 01:58 AM
ابوس راسك يازمن يكفي خلاص أحلـى بنوووته منتدى المواضيع العامة 19 11-04-09 09:19 PM
ابوس راسك يازمن ماعاد فيني للجراح طيبتي غلطه .. خواطر - عذب الكلام 9 13-12-08 12:36 PM


الساعة الآن +3: 09:29 PM.