حان الوداع ولوح الوقت بفراق

[البركان الثائـر]

حان الوداع ولوح الوقت بفراق = يكتب على التاريخ صفحة وداعه
مات الامل ما باقيٍ غير الاشواق = ذكرى المولع بس باقي متاعه
ليته بقى في سكرة الحلم مافاق = ولا شاهد المركب تقطع شراعه
ووانس حرارت ونته جوف الاعماق = من عقب ماضاعت عليه البضاعه
دمعة حزن عينه على الخد تنساق = مثل الطفل صابه على الإم راعه
ياقلبي الصامت بك الشوق حراق = ثقيل وادري كل ثقلك صناعه
والا الحقيقه اعرفك دوم خفاق = يم التي تسوى جميع الجماعه
ضاق الفضاء والارض والفكر بي ضاق = نور الامل والحب طافي شعاعه
يازين ياللي صرت للقلب سراق = على فراقك ما قدرت استطاعه
منزلك في روحي وقلبي والاحداق = منزل على غيرك بعيد ارتفاعه
ما احداً ترى غيرك من الحب لي لاق = انت الوحيد اللي له القلب طاعه
ذقتك وصرت الذوق من كل الاذواق = ذوقي ولا غيرك لقلبي طماعه
بس الزمن ياصاحبي صار لي عاق = كنه موصى بيننا بالقطاعه
هدم عماير حب ثم فرغ اسواق =وشمل المحبه ما يريد اجتماعه
ادعي لك الرحمن يازين باوفاق =يكتب لك التوفيق في كل ساعه
ويستر عليك ويرزقك خير رزاق = وانا على فرقاك مابي مناعه

البركان

[صعوط المجانين]

البركان
صح لسانكـ ,,,, وبيض الله وجهكـ
قصيدة جميلة ,,, لاهنت
دمت بخير

[الاجدل]

البركان الثائر
هلا هلا هلا
صح السانك مليييييون
تغيب وتجيبها اذا حدك الزمن
عسا ما شر ولا تخاف اللي ذاق من ذوقك لازم يرد
وان مارد يرده جمال حرفك ورقة معناك ايها الوفي
فعلا قصيده على وزن البركان الثائر بالحب والرجوله
والمواقف الشعريه المعروفه عن ذالك الشاعر العذب في كل حالاته
تحياتي لك

[مشااااكس]

اخي ما اصعب الفراق ولكن هذه

سنه الحياة فالدائم الله سبحانه ولكن حينما يكون الفراق عن حب فأن

الصوره تبقى خالده في الاذهان

قصيده رائعه وهذا ليس جديد عليك


جل تقديري لك

[#$%لمار#$%]

شعر رائع

تسلم الايادي

تقبل مروري