تبت يد الكاتب وراعي الجريده العاتي

[ريم عساف]

قاللابوالقصيدان كان ماجاد هالحين@@@ ولابوالقلم وان ماجرى بالقصيده
ان كان ماسطرت بختم النبين @@@ قصيدتن ماجاء بعدها قصيده
عامين احاولي على بيت عمين @@@ من كثر حبه كيف اببدا القصيده
لون قدره مايوفى بملاين @@@ من القصايد والمعاني الفريده
ولوالقصايد سيل من نجد لصين @@@ اصغر من اظفر خنصره ماتزيده
هذا الحبيب الصادق الفذ الامين @@@ هذاالشفيع عند الولي في عبيده
هذا اشجع اللي حولوا بالميادين @@@ ولياركب بالخيل يرهب طريده
لاهابت الشجعان والصف صفين @@@ يقدم ابو القاسم ويكسر ضديده
ويومن ربي مكنه خير تمكين @@@ ماسل سيف إلا لروسن عنيده
كم غزوه انهاها بقتلا قيليلين@@@ حقن الدماء ماغير شخصه يجيده
يومن حرب الكفر تدمر ملاين @@@ لاوالله إلا كل شي ن تبيده
اقروا لنا التاريخ شوفواالدواوين@@@ من غيره إلي اقام امه تليده
اعظم سياسي ساس ناسن سلاطين @@@ الين ساوى كل عبدن بسيده
اقام معنى العدل بخطبه وحرفين@@@ لوان فاطمه من سرق لااقطع إيده
واعظم دميقراطي عرفته القوانين @@@ المعترض لاصاب رايه يشيده
ولاانفرد باالراي وصحبه شويرين @@@ الامر شورى والقياده رشيده
في مجتمع مابه قوي وضعيفين @@@ الفضل لتقوى ومن يستزيده
حليم مايغضب إلا بثنتين @@@ لامس حد الله وظلمن يحيده
دمث الخلق جمع مهابه على لين @@@ وصبر على قومه سنينن مديده
صبر على اذى القربى وياالبعيدين @@@ ولا دعا بدعوه إلا حميده
جاه الملك قال اطبق الاخشبين @@@ عليهم مثل الزرع لاجاء حصيده
قال من صلبهم يارب جيب الميامين@@@ من ترخص الارواح لدينك شهيده
رحوم شفقن كاملن بالمضامين @@@ رحمه وراد الله فيها عبيده
ادبه ربه وكمله خلقن ودين @@@ ومن خلقه القرآن مابه نقيده
ماينطق إلاوحي منزل بتبين @@@ فصل لنا القرآن وقرب بعيده
ومافيه شي ن جابه العلم هالحين@@@إلا وسيد الخلق جايب مفيده
رتب لنا حياتنا دنيا ودين @@@ وعلمنا كيف نعيش عيشه سعيده
بامي وابوي وكل من كان غالين @@@ وبعزوتي وقبيلتي والبديده
نفديك يا شفيعنا بالموازين @@@ في يوم تذهل مرضعه عن وليده
والناس نفسي نفس والكل وجلين @@@ في موقفن تشيب فيه الوليده
واعتذروا اهل العزم رسل ونبين @@@ والموقف اهواله طوال وشديده الشفاعه لي وانا مكمل الدين @@@ وعطاه ربي كل شي ن يريده
قل للخبيث ابن النجوس الملاعين @@@ ذمك فلا ينقصه يرفع رصيده
زادوا هل النصره وزادوا المحبين @@@ وانته على رسمك تشق وتعيده
من سورة الكوثر وهي بس سطرين @@@ ردن من الله الكل راعي مكيده
ابتر نعم ابتر من قال بك شين @@@ ياصاحب الكوثر ومرسي العقيده
صلوا وصلوا ثم صلوا وقولو آمين @@@ تبت يد الكاتب وراعي الجريده

الشاعره العاتي المطيري

[قلم انثى]

لايوجد موضوع
ماالحكايه؟؟؟؟