الحقو يبنات زوجي بسافر ويخليني

[الناصرة]

السلام عليكم ورحمة اللة وبركاتة
انا اول مرة اكتب في منتدى بس يابنات انا ابغى مشورتكم عندي مشكلة واتمنى انكم تساعدوني تعرفون الصيفية قربت وزوجي اللة يهدية يبغى يسافرمع ولد عمة والمصيبة انهم بسافرون تايلند
زوجي مهب راعي هالحركات بس انا خايفة من ولد عمة وعمومن الرجال ماينوثق فيهم والشيطان شاطر وانا مقهوره وش الحل

[مدام الغلا]

خلك جد طبيعيه
وحاولي زرع الثقه به وقولي له كلمتان
انت اكبر من اي حركات وتفكير قذر ببالي

الله يطمن قلبك


مشكله هالرجال يتزوجون ينبسطون والحريم يبتلون

[المشارق]

أقترح عليك قبل سفرة بليلة أن تصنعين له براد شاهي
ثم تضيعه في الصحين وعند وصولك لزوجك تظاهري بأنك تكعبلتي
ثم كبي الشاهي على رجوله وأتصلي باخيك يوصله للمستشفى وسوف يتم تنويمة لمدة اسبوع وبعد اسبوع لن يستطيع المشي وإستعادة وضعه الطبيعي إلا بعد شهر وتكون أنتهت الإجازة وحافظتي على زوجك
اتمنى أن اكون افدتك ولو لم تعجبك النصيحة أو غير مجدية فلدي أفضل منها
ولكن في التعقيب القادم
صدقيني سوف تحافظين على زوجك لأن تايلند مافيها غير اللي على بالك
وكذاب لو قال لك انه بيروح علشان الطبيعة
الطبيعة موجودة في الطايف وابها

[انغام66]

بالعكس يا ناصرة مفروض انك تكوني مبسوطة ياليت زوجي

يسافر ويبتعد عني لو يوم الزوج اللي دايم في البيت

لزقة ونشبة لاتشيلين همه روحي بيت اهلك وخليها فلة روحي عند

اخواتك واهلك وانبسطي ولاتفكرين فيه هو ما فكر فيك

انا لو يسافر بس اسبوع كان اخليهاسياحة درجة اولى

واخلي ايام اجازتة ايام عيد عندي ...........


ولاتسمعين كلام اللي يقولك كبي الشاهي على رجله ترا دولي


يجيبوا لك القروشة ويتسبب في طلاقك ...........

[^^عذبة الصوت^^]

انغام انا اوافقك الرأي100%


وش تبين فييييييييييييه؟؟؟ يختي الي بيسويه هناك يقدر يسويه وهو عندك ف نفس البلد والمدينه


يابنت اطلبي منه مبلغ حلووو علشان انتي بعد تفليها اذا راح

وروحي مع قريباتك وصاحباتك واطلعو اتمشو وروحو اتعشو برى واتغدو وروحو الملاهي واعملي كم حفله حلوه


يابنت وسعي صدرك بيرجع يلبد على قلبك مهما راح ولا جاا


كبري عقلك واكسبي زوجك00ترى الرجال اذا حط ف باله شي بيسويه بيسويه لا انتي الي بترديه ولا شي بس راح توتري العلاقه بينكم


فاسمعي كلامي واكسبي غيابه ف الفله والوناااااااااااااسه


ههههههههههههههههههههههههههههههه


<<<========= تقول لزوجها ساااااااااااااافر وهو يقول معصي ما بسافر