المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
02-06-08, 07:31 PM
| #1 |
| |[ عـضـو نـشـيـط ]| الدولة:  روابط إعلانية |  قصة محمد وامل الحين بانزل الجزء الثالث والرابع الجزء الثالث (بيت جدة أمل ) ( أمل قاعدة ع الكمبيوتر ) بعد ما سجلت أمل في االمنتدى و شافت الفساتين عجبتهم و قالت تستاهل صاحبة الموضوع رد منـــي ،، ردت أمل ع الموضوع ، و عبرت عن شكرها و اعجابها بذوق صاحبة الموضوع ..و لما نزل الرد رجعت أعلى الصفحـــة ،، لقت مكتوب الرسائل الخاصة 1 استغربت أمل و قالت في نفسها : بل توني مسجله من بيطرش لي رسالة يوم قرت الرسالة جاتها الضحكة و قالت: هاذي شكلهــا فاضية مثلــــي ، خل العب عليهـــا ، واقول اني ولد وبشوف شبتسوي. وردت أمل ع الراسلة و كتبت : هاي اختي دلوعة تجنن ترى انا ولد و اسمي عبدالعزيز ههههه بس مسجل بمنتدى بنات اراقب اختي و اشوفها شتكتب... ويشرفني اتعرف عليج اختي وان شالله عقب ماتوافقين تضيفين ولد راح اضيفج ^_^ ترى انا محترم و ما ضيف البنت اللي ماتبي تضيفني هههههه ... ( بيت بو محمد ) محمد قرى الرسالة و انصدم و على طول دق على خالد.. محمد : الوووو خلود اللي طرشت له الرسالة طلع واحد فاضي مثلنا مسجل يراقب اخته ههههههههههه.. خالـــد : ههههههههههههههههه قول و الله محمد : و الله العظيم هههههه ، انا خلاص سكرت الصفحة خل ادخل منتدى ثاني هههههههه خالد و هو معصب : لاااااااااااااااااااا يالغبي ، ارجع للمنتدى و ضيفه و راح تستسفيد منه اكيد له حركات دام مسجل بمنتدى بنات ، اكيد راح يفيدك محمد : لا لا خل يولي مابي اتعلم شي خالد : اسمع نصيحتي حمووووووود ، صدقني ماراح تخسر .. محمد : اممممم اوكي .. يالله باااي خالد : باي ورد محمد ع الرسالة و كتــــــــــــب : ياهلا اخوي .. اي ضيفني و ماعندي مشاكل .. والنعم في الاخو اللي يراقب اخته اختك دلوعة تجنن ... (بيت جدة أمل ) أمل قرت الرسالة و ضحكت من قلبهااااااااا .. لانها قدرت تقص على البنت ... و ضافتها ع الماسنجر ولما كانت تضحك مرت سارة الخدامة و شافت امل تضحك: حمدالله و الشكر مجنون يضحك بروحه ، يمكن انتي يصير مسل ماما كبير هههي أمل : ساروه جب يالله جب ترى معطتج ويه ولما امل كانت مشغولة مع الخدامة كتب محمد : محمـــــد في المحادثة : ترى حتى انا ولد ههههههههههههههههههههههههههههههههههههههههههه ... أمل استغربت .. و ضحكت مع نفسها مرة ثانية لان هو كان يقص عليها انه بنت و هي قصت عليه انها ولد .. و كتبت و ابتسامة عريضة على وجهها : ههههههههههههههههه لبيش كنت تقص علي و كاتب للي انك بنت و تبي تتعرف لا و بعد اسمك دلوعة تجنن و الله خوش لقب ههههههههههههههههههههههههه محمـد : هههههههههه أبي اصيد بنت و اقعد اقضي الوقت معاها و اقص عليها و جذي .. و ضفتك قلت منك استفيد ههههههه أمل لما قرت هالكلام صادها الفضول شبيقول ... لو عرف انها بنت أمل : انزين بقولك شي يا .......... محمد : معاك محمد . أمل : والنعم فيك يامحمد محمد : تفضل اخوي شكنت تبي تقول ؟ أمل: ترى انا بنت ههههه محمد : احلللللللللللللللللف أمل: هههه والله محمد : لا لا يبا هالحركات مب علـــــي ادري انك ولد.. العب على واحد هنــدي أمل : هههههه كيفك محمد : انزين اذا صج بنت عطيني رقمج ههههه ..شوف شلون صدتك أمل : ماعندي موبايل ههه محمد : في قطرية ماعندها موبايل .. العب على غيري يا اخ عبدالعزيز أمل : انزين و انا شيأكد لي انك ولد يمكن بنت محمد : ههههههههههههههههههههههههه لا يبا انا ولد و هاك رقمي 5xxxxxx اتصل و تأكد أمل : رووح يبا مينونة اتصل ههههههههههه محمد : المهم شتسوي ياعبدالعزيز أمل : هههههههههههههههه والله بنت و اسمي أمل شفيك محمد : المهم شتسوي... أمل : قاعدة بروحـــي .. امي نايمـــــة .. ويدتي الله يشفيــــــــها محمد : بلل امج لهالحزة نايمة أمل : اي تخيل ................................................ ( و قالت قصتها كاملــة ، عن قسوة والدها و اهمال امها و افتقادها لوجودهم الحقيقي ) وعقب ماخلصت كتابة مأساتها... أمل : اسمح لي يامحمد سندرتك بس شسوي من الظيم اللي انا فيه ودي اتكلم مع حد ، عمرها امي ماسالت عني و قالت لي يابنتي شلونج فرحانة و لا زعلانة شالليس مضايقج وابوي اصلا انا فاقدة الامل منه .. محمد : كسرتــي خاطري يا أمل : ( امل : ههههههههههههههههههه اخيراً صدقت اني بنت محمد : اي صدقـــت .. ماعتقد ان القصة اللي قلتيها تأليف يبين عليها طالعة من قلبج أمل : :( محمد : كسرتي خاطري و الله يا أمل و اعتبريني اخوج أي شي يضايقج قولي لي خلينا نكون ربــــع أمل ماصدقت حد يهتـــــم فيهـــا و ارتسمــــت ابتسامة على وجها من كلام محمــــــد ... و حست براحة و حست أن محمد فعلاً مهتم فيها ... ( بيت بو محمد // غرفة بو محمد ) أم محمد : مادري شصايد ولدي حمود من رجع من مردسته وهو ع الكمبيوتر و لا كله غداه ... بو محمد : لاتحاتين يا أم محمد مافيه الا الخير .. هالايام الشباب كلهم ع النت أم محمد : بس انا خايفة على ولدي من البلاوي اللي نشوفها بالتلفزيون بو محمد : لا يا ام محمد تعوذي من ابليـــــــــــــس أم محمد : اعوذ بالله من الشيطـــان الرجيــــــم ، بس انا احساسي مايخيب وولدي حمود فيه شي شاده ع الكمبيوتر اليــوم بو محمد : الله يهديــج يا أم محمد .. ... ( بيت خالـــــد ) خالد قاعد في غرفته يكلم نفســـه : انا ليـــش متضايق ؟؟ احس بونــــاسة باللي اسويه و بازعاج البنات و الكذب عليهـــم بس ليش متضايق ليش ماحس اني فرحـــان ليش الونــــاسة دقايق و تروح ؟ خاطري اتم على طول مستــــــــانس بس أخ ... لا لا اشهالتفكير .. انا المركز الاول بالقص ع البنات و لا واحد يتحداني اشهالكلام اللي قاعد اقوله انا ماناقصني شي مستانس ... ( بيت جدة أمل ) أم امل قامت من النــــــــــــووم و طلعت شافت بنتها ع النت و الوناسة طالة من عينـــها أم أمل : أمل شفيج مستانسة أمل : لا و لا شي يمــه أم أمل : انزين قومي من ع الكمبيوتر ابيه أمل : شوي يمه الله يخلييييج أم امل : يالله قومي يالله خلصيييني أمل : ان شالله يمـــــه دقايق .. أمل كتبت بالمحادثة : باي محمد .. محمد : اشدعوووووووووووووة توى اناس أمل : امي تبي النت محمد : امج هاذي اللي ماتدري عن هوى دارج .. خل تجابل بنتها بدال مجابل النت .. لابارك اللهفيها أمل: محمد ههههههههههه اسكت اسكت لاتقراه تراها واقفة على راسي أم امل تصارخ : لااا وقاعدة تضحك يالله قوووومي أمل : ان شالله يمــه و محمد كتب بالمحادثة : أمل اذا بتدخليـــن سوي لي رنــة على رقمــي و مابرد لاتخافين بس بشبك أمل: كم رقمك بسرعة محمد : 5xxxxxx أمل : اوكي باااي (ونسخت الرقم وسيفته على ملف في الورد ، وسجلت الخروج من الماسن ) أم أمل على طول قعدت ع الكمبيوتر ، أمل كلمتها : يمــه تدرين اليوم شصار بالمدرسة أم أمل : أمل انا مب فاضية لج نا بروحي مغتثة و متضايقة من ابوج الله لايبارك فيه أمل: اي يمه انتي متضايقة من ابوي و مب فاضية لي بس فاضية ع الكمبيوتر صح؟ وتركت أمها و ركضت على غرفتها أمها طالعتها و قالت : صج ماعندها سالفة.. هالبنت الظاهر بتطلع على ابوها .. الحمدالله و الشكر ... اليـوم الثاني (مدرسة البنــــات ) ( الصبح قبل الحصة الاولى ) أمل : مشكورة فطوم و ماقصرتي حبيبتي على اغراض المدرســة ، انا ماكنت اعرف شبسوي بدونج فاطمة : شدعوة حبيبتي كم امل عندي أمل : هههه ، فطوم في موضوع ابي اقولج اياه بس مستحية فاطمة : لا لا عادي قولـــــي أمل : انزين .. اممممم ماعرف شلون ابدى .. أمس صارت لي قصة تضحك كانت نهايتها اني تعرفت على واحـــد طيـــب و حنون فاطمة : كاااااااااك أمل الساكتة مااصدق انتي تكلمين واحد ههههههههههههههههههههههههههههههههههههه أمل : جب فطوم لاتصارخيـن لحد يسمعـــنا فاطمة : هههههه شسوي مو مصدقة ان امل الساكتة الهادية تكلم واحد صج لاتخاف الا من الساكت أمل : بس هو غير .. طيب واحسه غير عن التافهين اللي تكلمينهم فاطمة : حبيبتي لاتسبينهم هم صج تافهين و اغبيا اتشرط عليهم و اخذ الهدايا و كروت هلا و النغمات الحلوة يعني مالمومج يوم قلتي اغبيا بس لاتسبينهم هههههههههههههههههههه امل : لا محمد غير فاطمة : هههههههههههههههههههههههههههههههههههههههههههههههههه هههههههه و اسمه محمد أمل : فطوم جب ترى اذا تميتي تصرخين مب مكملة فاطمة : هههههه اوكي ، صدقيني انه يلعب عليـج يا أمل انتي اسمعي منه و لاتصدقين العبي عليه مثل مايلعب عليـج أمل استرجعت ذاكرتها و تذكرت انه كتب لها انه يبي يضيـف بنت عشان يتسلى معاها و يقضـي الوقت قالت : اي و الله يافطوم هو قال لي باالبداية لما فكرني ولد فاطمة : فكرج ولد .. شلون ههههههه أمل : سالفة طويلة فاطمة : هههههههههههه ابيه سالفتكم سالفة أمل: حسابي معاه اليوم .. الكذاب فاطمة : ههههههههههههههههههههههههههههههه ... (مدرسة الاولاد ) ( الصبح قبل بداية الدوام ) محمد : والله ياخلود طحت على وحدة حياتها دوامة مشاكل ههههههه خالد: محمد لاتجيب لي طاري موضوع يخص البنات .. مادري ليش اتضايق منه محمد : الله انت تقوووول هالكلااااام ، وين كلامك امس خالد: مادري ياخالد احس بضيقة ماعدت استانس مثل قبل محمد : انت متضايق و انا بموت من الونـــاسة ... متى نرجع البيت و اكلمهــــــا أمل صارت منتهى أملي ( بيـت بو محمـد ) ( الساعة 3 العصر ) محمــــــد قاعد مع أهله و قلبـه عند التلفون ينتظـر أمل و اتصالها عشان يشبـك أم محمد : حموووووووود.. حموووود محمد : هلا يمـــه أم محمد : وين رحت محمد : وين بروح يعني قاعد أم محمد قامت من مكانها و راحت قعدت جنب ولدها وقامت تقرى المعوذات و تتفل عليه محمد وهو مستغرب وفيه الضحكة : يمه شفيييج علي ههههههههه أم محمد : مادري ياولدي من يوم داومت و انت متغير ... يمكن مسحور و لا صايدتك عيـن محمد : هههههههههههههههههه الله يهديـج يمه مافيني الا العافية.. أم محمد : العافيــــــــة طـــل في ويهك مادري شصايدك (ويرن جوال محمد ) كان جواله على الطواله محمد نقز من مكانه عشاان يرد ع الموبايل ام محمد: ويـه ويـه عاد من اللي بيتصل فييك .. شفيك جي نقزت محمـد خذ الجوال و شاف رقم بيت غريـب رد على الرقم و لما امل سمعت صوت واحد سكرت.. قال محمد في نفســـه : اووووف ياليتني اسمع صوتها محمد طبعاً على طول راح فتح الكمبيوتر و شبــــك في المحادثة : محمـد: هلا هلا هلا والله انا ناااطرج تشبكيـن ويدي على قلبـــب أمل : ايوا ايوا كذب .. و بعد ؟ محمد : شكذب صدقيني يا أمل انا نااطرج من متى أمل : وااااااااااااااااااي .. كذاب و ممثل محترف محمد : الله يسامحج يا أمل أمل: ويسامحك يالكذاب .. محمد: شعلامج قاضبة علي كذاب و كذاب ...؟ أمــــل: لأنك كذااااااب و خراااااط و قصااص و كل شي محمد : لا لا الظاهر انتي حد مشيشج علي أمل في نفسهـــا " شدراه عن فطوم هههههههه" أمل : ومن بيشيشني عليـك من يعرفكـ أصلاً ؟ محمد : انزين ليش حكمتي علي اني كذاب أمل : لأنك كذاب محمد : اوووووووووووووووووووووووووووووه أمل : دور على وحدة ثانية تنتسلى معاها .. انا اسفـــــــة ماقدر استمر معاك (محمد تذكر انه بالبداية يوم كان يفكرها صببي قال لها انه يبي يضيف بنت يتسلـى معـــاها ) محمد : لا يا أمل صج انا بالبداية كنت أبي العــــــــــــــب ، بس لما كلمتـج حبيتـج و تعلقـت فيج وتعاطفت معاج ، ارجوج يا أمل لاتتركينييي ارجوج أمل: يعني انت تحبني !! محمـد: وأموت عليـــج أمل: مامدي حبيتني أمس تعرفنا على بعض محمـد: ياعمري الحب ماله عمر ناس تحبينهم من كلمـــة وحدة .. مثلج : ) .. صج كان هدفي العب .. بس اللحين هدفي و أملي و حياتي كلها اسمها " أمل " أمل مادرت و كل شوي تعيد قراءة الكلام و هي مستااانسة حدهاااااااااااااااااااا شوي و بتطير من الوناسة محمد قام يرسل اشارات تنبيه .. لان امل ماترد عليه أمل ردت : حتى انا احبك... محمد : مسرع ماحبيتيني ههههههههه امس متعرفين أمل : الحب ماله عمر ناس تحبهم من كلمة مثلك ههههههههههههههههههه محمد : ههههههههههههههههههههه قلادة ( محمد كان قاعد ع الكمبيوتر و شوي و بييطير منن الفرح لانها صدقته) أمل : انزين و شخبارك بعد .. حمووووودي ... ( الفسحــــة) ( مدرسة البنـــــــــــات ) أمل : يحبــــني يمـــــــوت فيني يسوي اي شي عشاني و عشان رضاي فاطمة : ويييييييييي انتي هبلة والله و مصدقته انا 100000000 واحد يقول لي هالكلام وماصدق أمل : بس محمد غير عن الـ100000000000000 واحد اللي تكلمينه فاطمة : أقول ونسي عمرج بهالكلام .. ونسي عمرج ونسي.. أمل : صدقيييييني غيييييير فاطمـة : اوكي يا أمل عندي طريقـة راح نعرف فيـها اذا محمـد غير اور نوت.. بس شروط الطريقـــــة قاسيـــــة يا أمل و لازم تلتزمين فيهـــا أمل : ابييييييييييه ليش تكلمين بالالغاز فطوم تكلمــــــــــــــــــــي و انا موافقتة ع الشروط فاطمة : هو شرط واحد .. اذا محمـد مانفذ الطريقــــة .. بيطلع مايحبــج و بجذي لازم تسوين له بلوك دليت مب بس من المسن .. من حياتج كلهــــــــــــااااااااااااااا أمل : اي موافقـــة فاطمـــة : سميـــة قاهرتج عقب ماتطنزت عليج ذاك اليوم صح ؟؟ أمل : اي اي هههههههههههه مالت عليها ، انزين لليش تدخلين ذي بذاك فاطمـة : شوفي.............................. ... ( بيت جدة أمل ) ( أمل ع الماسنجر تكلم محمد في نفس عصر اليوم) أمل : محمــــــــــــد متأكد انك تحبني.. محمد : و اموووووووووووووووووووووووووووووووووووووووووووووووو وووووووووووووووت عليج و ربي أمل : اوك ابي اشوف الفعل مو بس الكلام محمد : ااامري و انا حاضر أمل : في بنــــــــــت اسمهــــا سميـــة كل تقط علي نغزات و تسبني بالسكول .. ابيك تضربها .. لاتستغرب ابيك تضربهـــــا .. اثبت لي انك تحبني .. و الله يامحمـــــــد اذا سويت اللي ابيه راح ابقى معاك طول العمر و ماراح اعرف غيرك بحياتي.. و اذا ماسويت انسى انك عرفت بنت اسمها أمل محمد : أمل !!!!!!!!!!!! من صججج أمل : مو تحب .. اشوف ضح و غامر عشان الحب محمد : اوكي شلوون ؟؟ أمل : انا راح اكون ناطرة عند باب المدرســـــــــــة الصبـح ... و لما تجي سميـة بأشر لك .. و انت تصرف معـــــــــاهاااااا .. و لازم تجي من الصبـــــــح ... قبل أي بنت و انطر قدام المدرســـة .. و هديتك انك راح تشوفنـــــي انا بخالف زي المدرســــة عشان تعرفنـــي مو بخاطرك تشوفنــــي ؟.؟؟ محمد : اكيييييييييد خاطري أمل : خلاص .. اثبت لي .. وشوفني مرة وحدة : ) و انا راح اكون سعيدة جدا بموقفك لو سويته ياترى هل راح ينفذ محمد كلام أمل وشالاحداث اللي راح تترتب ع الموقف الخطير الجزء الرابع ^^ ( بيت بو محمد // غرفة محمـــــد ) الساعة 11 بالليل محمــــد قاعد على فراشه يفكــــر في بكرا و شاللي بيصير ، و هل راح يتجرأ و يمـد يده على بنــــت... و هو اللي ماتجرأ يسويهـــا .. وابوه ربـاه على الاخلاق و ان البنت كائن ضعيـف و ان الصبيـان مايضربون بنـات مهما يكون .. لكن أمل مسيطرة على تفكيـره و مايقدر يعصي لها أمر.. خصوصا ان هذاا اختبار له .. و اذا خسر الاختبـار خسر أمل التفكيـــر طير النوم من عينــه .. وفجأة تذكر محمد انه نسى ياخذ اسم المدرسة فقـــــام اتصل على بيت امل .. على امل انها ترد عليه و تقول له اسم المدرسـة ... (بيت جدة أمل ) ( أمل و جدتها قاعدين يطالعون التلفزيون ) جدة أمل : وراج يابنت ماتروحين تنامين صارت الساعة 11 و 10 دقايق أمل : ماما و الله توى الناس خليني جدة أمل : جب يالله جب جب رووحي غرفتج نامي (و يرن التلفون ) جدة أمل : املووووه ردي أمل : مالي خلق قاعدة اتابع المسلسل.. جدة أمل : و الله انج قليييلة ادب ( و قامت تشيل التلفون ) جدة أمل : الووووووووووووووووو من متصل هالحزة (محمد لما سمع صوت حرمة كبيرة توهق) محمد : الوووو .. (و نعم صوته شوي ).. انا حمودة صديقة اااامل .. بالمدرسة جددة أمل : حمودة !! أول مرة اسمع بنت اسمها حمودة محمد : ( توهق ) هي هي هي هههه لا لا اسمي حمدهـ بس يدلعوني حمودة.. جدة أمل : و شفيه صوتج جذي خشـــــن محمد : ههههههههههه الله يقطع ابليسج بعد ساليني ليش شعرج طويل و ليش اظافرج قصيرة .. الاخت تشتغلين مع المحقق كونان جدة أمل : كونا وشنو يطلع كونا ذي بعد محمد : و لا شي و لا شي وين أمل ؟؟ جدة أمل تصااااااااااااااااااااارخ : أمل أمل وحدة اسمها حمـ .. حمـ.. أحمد لا لا اسمها حمادة تبيج أمل تضحك : ههههههههههههههههه بنت اسمها حمادة جدة أمل : اي صديقتج بالمدرسة تعالي أمل بكل رقـة : الو نعم .. هلا اختي حمادة (و تضحك ) محمد : فديت هالضحكة انا .. أحلى ضحكة سمعتها بحياتي أمل انصدمت و صار وجها احمر و عرفت ان محمد هو اللي يتكلم محمد : وينج ليش ساكتة أمل : هلا محمد : تدرين صوتج وايد حلو قولي هلا مرة ثانية أمل : هلا هلا هههههه محمد : الله ياليييت اسمع هالصوت و اسمع هالضحكة دايما أمل : ههههه شتبي ؟ .. احم قصدي شتبين محمد : شسم مدرستج ياقمر ..؟ أمل : مدرسة الـ........................ في منطقة الــ ................. شارع الـ......... محمد : خلاص بكرا راح تشوفين اذا احبج و لا ماحبج ... أمل وبكل حياء : هههههه نشوف محمد : ماقدر ماقدر على هالرقة... أمل استحت و سكرت التلفون بوجه محمد.. جدة أمل : صديقتج بالمدرسة و تقولين لها اسم مدرستج ..! أمل : اقووول ماما عودة .. انتي اذا تبين تفهمين يصير مخج شكبره و اذا ماتبين طقة الباب ماتسمعينها ..! جدة أمل : شنوووو شتقوللين !! أمل : سلامتج تصبحين على خير ... ( الصبح الساعة 5 و نص) محمد قاااااااام و جهز بسررررعة البرق ... و طلع من البيــــت ( في السيارة ) محمد : محيي الدين ممكن انت يروح هاذي منطقة انا يقول اسموه .. انا يوقف 15 دقيقة بعدين خلاص يروح محي الدين ( الدريول ) : لا لا بعدين بابا سوي مشكل واااجد ... محمد يطلع من مخباه فلوس ويقول بطريقة اغراء : محيي الدييين بعطيك 100 ريال محي الدين : اهم معليش خلاص انا يروه هاذي منطكة ... ولما قرب محمد من المدرســــــــة قال للدريول يوقف و نزل .. و قال للدريول تعال لما ادق عليك بنفس المكـــــااان ... (قدام باب المدرســــــــة) ( فاطمة و أمل كانوا واقفين عند الباب و أمل كانت مخالفة زي المدرسة عشان يعرفها محمد) لما وصل محمد وقف بعيد شوي عن بوابة المدرسة وقعد يشـوف أمل.... أمل استحت و نزلت عينها بالارض فاطمة: ماقدر ماقدر على روميو و جوليييييت أمل باستحياء تاااااام ووجها صاير طماطة : فطوم جب عاااد فاطمة : اي اي هذااا هو حياء الحب أمل : فطوم قلت لج جب و فجأة أمل و فاطمة وقفوا كلامهـم و تموا يطالعون سيارة .. كانت سيارة سميـــة قلوبهم بدت تخفق بشدددددددددة .. ولما نزلت سميـة ابستمت أمل ابتسامة خبيثـــــــــــة و أشرت لمحمد على سميـــــــة محمــــــــــــد لما شاف سميــة شاف براءة في وجهاا وحس انه ضعف منه اذا يضرب بنت ... لكن هذا اختبار له .. لكن يخون المباديء اللي تربى عليه .. لكن امل بتزعل عليه .. لكن سمية المسكينة شذنبها تنضرب من ولد.. محمد احتااااااااار و ماعرف شيسوي بس اللي يعرفه انه ما لازم يضرب بنت ترك محمد المكـــــــــان ركض و بسرعة أمل استغربت من موقفه وفطوم بعــــد فطوم قامت تصارخ : شفتي شفتي موقف حبيييب القلب أمل ماترد كانت حدها منصدمة فاطمة : امل تعالي خل ندخل المدرسة .. مسكت يدها و دخلوا و أمل استصغرت محمـــد وحست انه مايحبها و تنتظر رجعتـــها للبييت عشان تعرف السبب منه وتنهي هالعلاقة .. ] آخر من قام بالتعديل بنوته مستحيه; بتاريخ 02-06-08 الساعة 07:34 PM. |
|  |
|
02-06-08, 08:19 PM
| #2 |
| |[ عـضـو نـشـيـط ]| الدولة: |  رد: قصة محمد وامل ااااااااااه اخيرا خلصت قريتها فوفو-جوري |
|
| |
|
14-06-08, 09:46 AM
| #3 |
| |[ عـضـو مـشـارك ]| الدولة: | رد : قصة محمد وامل وايد رهيبة كمليها بسرعة جوري دلع |
|
| |
|
15-06-08, 10:40 AM
| #4 |
| |[ عـضـو مـشـارك ]| الدولة: | رد : قصة محمد وامل اريد اعرف ليش ما نزلتي الجزء الاول والثاني بسرعة نقلتي للثالث والرابع نزلي القصة بالكامل وترتيب البارتات صحيح مو تلخبطين علينا المعلومات ههههههههههههههههههههههههههه جوري دلع |
|
| |
|
15-06-08, 10:45 AM
| #5 |
| |[ عـضـو مـشـارك ]| الدولة: | رد : قصة محمد وامل سوري انا الحين تذكرت اني قريت الجزء الاول والثاني اسفة بس متى بتكملين البارتات الجاية انا وايد متحمسة جوري دلع |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| حزن والم امراه | عاشقه مجنونه | خواطر - عذب الكلام | 32 | 07-11-09 01:14 AM |
| قصة محمد وامل | بنوته مستحيه | قصص تعب قلبي | 8 | 10-09-09 05:35 PM |
| ندم وامل | yaserzeedan | خواطر - عذب الكلام | 7 | 12-02-09 07:01 PM |
| حيره خوف والم | في حالة ذهول | نقاشات و حوارات | 8 | 16-11-08 10:00 AM |
| امل والم .... | (زهرة السوسن) | صور - كاريكاتير | 36 | 01-06-08 11:28 PM |
