المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
27-05-08, 02:48 AM
| #1 |
| عضو موقوف من الاداره الدولة:  روابط إعلانية |  كيف تصيدين زوج المستقبل/ احذروا يالرياييل اليوم عندنا طريقة على كيف كيفكم بس الله الله بالتنفيذ السنع. =كيف تصطادين المعرس دون اللجوء إلى الاساليب السقيمه من المغازلات والترقيم والتلميح الي ماله سنع والترزز بالاسواق.....إلخ =أهم شي تعالي على العجوز الي تدور لولدها عروس ثم نفذي مايلي: 1_خلج مع امج ولاتروحين مع البنات صبري عنهم جم شهر لين تتم العملية. 2_امشي وانتي حاطه راسج بين كتوفج ولا ترفعينه ابد حتى لو عورج خلي الفكس دايما في متناول ايدج. 3_كلمه خاله خليها دايما على لسانج خاصة لام المعرس عشان تحس بنوع من التميز عن باقي العجايز. # ملاحظه .لامانع تنادين عجوز ثانية بخالة عشان اذا مانجحت الخطه مع العجوز نمبر 'ون' تنجح مع نمبر 'تو' الاحتياط واجب وانا اختج. 4_اذا بدت امج تتكلم انغزيها بكوعج عشان تدخلج فالسالفة حتى لو مالج داعي تطبيقا للمثل <كثر الدق يفج اللحام> دارية المثل ماله داعي بس مالقيت غيره. 5_اخوانج الصغار لاحقيهم وطامري معهم وين مايروحون حتى لو ماهي عادتج بس تصرفي معهم كأنج امهم عشان العجوز تاخذ فكره انج حريصة على ذريتك . 6_كل ما اكلت امج من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي. 7_اذا جيتي بتمدين ايدج توجعي وخلي امج تقول:قايلتلج وانا امج ماله داعي تنظفين جدران البيت الخارجية {اقول نظفي غرفتج اول الي تقولين ثايره فيها قنبلة ذرية}. 8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسج وايد اخاف تروحين فيها واصير قتلت نفس بغير حق}. 9_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة. 10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة. 11_اذا ادلت العجوز {ام المعرس المتوهق} بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي. # مثال:تقول العجوز:بوش متقهوي عندنا البارح قوليلها:وليش ماعلمتينا ياخاله نجي نساعدكم؟! 12_في العرس اضغطي على نفسج واقضبي ارضج ولاترقصين واعتبري الرقص عيب وشق جيب 13_اذا يه طاري السوق وهو لازم اييي الطاري لانه ملح الجلسه عند الحريم خلي امج تقول:بناتي مايحبون يطلعون السوق ابوهم ايييب اغراضهم. =الحين العجوز بتكون وقعت فالفخ. نروح للمعرس الحين 1_ قعدي في بيت اهلج ولا تطلعين واذا جا المعرس بيشوفج خلي ابوج يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني{ايه هين يالشايب والله لو بيدك إن تحط مكانها باسكال مشعلاني} 2_ قبل يجي اليوم الي بيشوفك فيه بحوالي اسبوع او اكثر{حسب شين الوجه} طامري من صالون لصالون صبغ تنظيف بشره..إلخ. 3_اذا يه المعرس خلي اخوج يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}. 4_في نهاية المشهد خلي ابوج يقول:معليش وانا عمك ترى البنت شوي محيوسه{معليه يالشايب تنصب عالمسكين}. وبهاللحظه الولد بينط على راس أبوج ويبوسه لين يشفط مخه ويقول متى العرس ياعم؟ # {تحذير مهم} ابتعدي عن امهات العيال المتعلمات راعيات الجنطه نفس لون الجوتي هذولا يبيلهم خطط بعيدة المدى |
|  |
|
27-05-08, 01:52 PM
| #2 |
| |[ عـضـو فـعـال ]| الدولة: |  رد : كيف تصيدين زوج المستقبل/ احذروا يالرياييل شكرا حبيبتي على الوصايا الحلوة :110103_ang_prv: |
|
| |
|
28-05-08, 01:42 AM
| #3 |
| |[ عـضـو مــاسـي ]| الدولة:  | رد: كيف تصيدين زوج المستقبل/ احذروا يالرياييل الله يعطيك العافيه على النقل المميز الرجاء التوضيح بكلمة منقوول لاعدمنا مشاركتك أختكـ/ قلب المحبه |
|
| |
|
28-05-08, 11:26 AM
| #4 |
| |[ عـضـو ذهـبــي ]| الدولة: | رد: كيف تصيدين زوج المستقبل/ احذروا يالرياييل يعطيك العافيه |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| روجك انكسر لا تصيحين الحل عندي | روعة الاحســـاس | مكياج × ميك اب × اكسسوارات | 12 | 11-03-10 10:30 AM |
| بحاول أضحك طول منتي تصيحين | بــركــان | منقولات أدبية | 10 | 11-06-09 02:59 AM |
| تبي شلون تصيد او تصيدين الكذاب .. درعمو فديتكم | დდ Miss crazy ღდ | منتدى المواضيع العامة | 9 | 10-01-09 06:53 AM |
