الأسطوره

[إحسـاس أنثى]

"" الأسطــــورة "" للشــــاعر "" حـــامد زيــــد"

.................................................. .................

ما تقبلت الفراق وما ليدي فيه " حيلـــــه "
آهـ لو أن الظروف المقبلة تكشف " قــدرها"

لو يعرف الشخص منا وش مع الغيب "بيجيلـــه"
كان جنبنا المشاكل من قبل يوقع " ضــررها"

ما هقيت الليله اللي جابت الفرقى"طويله"
لين صارت ليلة أمس بعيني أطول من"شهرها"

والعذاب اللي يذوب بعين من يفقد"خليله"
عندي أكبر من عذاب العين لو تفقد"نظرها"

والحبيب اللي صدوده مثل مداته"جزيله"
صد عني وأعرفه لاصد عن حاجه"هجرها"

كن روحي يوم حست في جفاه وصعب"نيله"
بشرتني بالضياع وشدت العزم "لسفرها "

ما رحمها من هلاك وما تقبلها"دخيله"
تحتضر قدام عينه لين ماااتت من"قهرها"

عاد ليت اللي ذبحها وأرهب الموت "بوسيله"
مادفن وجه الضحيه والسكاكين"بنحرها"

لـــيت قلبـه يوم طاوع فعلته كمل"جمــيــله"
لو غسلها من عروقه وبكفن صدره"قبرها"

من حفر بضلوع قلبه حفرةٍ تكفي"قتــيلــه"
ليه مايدفـن قـتـيله بالضلوع اللي"حـفرهـــا"

اشتكيته للرّفوف ولـلـبـراويز "الهزيله"
وإن ذعرت من النيّاح اللي سمعته في"صورها"

رحت أسولف للجبال الصم عن قصة"رحيله"
ما تركت متونها إلا ينحت الدمع"بـصخرها"

واحدٍ حقق جماله كذب أساطير ألف"لـيـلـه"
يسكن السبع البحور ويحبس الحور"بدررها"

الدروب بكبريائه ترتـجـف تحته"ذلـيلـــه"
والورود اللي تقبل خطوته تـنـبت"بـثـرهـــــا"

والغصون ليا بغاها تـنـثـنـي له"تـنـثـني له"
والفياض إن حب ينـثر عطرها يلمس"زهرها"

لو يصوت للغدير المنجرف جفف"سبيله"
وإن تبسم للجبال الصامته نطق"حجــرهـــــــا"

كل حاجه تستوي له لو بغاها"تستوي له"
بالنظر واستغفر الله لو بقول إنه"سحرهـــــــا"

ذاك لو بس يتمنى فاكهة شجـره"ظـلـيـلـه"
بس يفتح راحة ايده ويتساقط له"ثــمــرهــــــا"

كن ربي سخر له المعجزات "المستحيله"
وأصبح إسطوووره وكل ألألسنه تنقل"خبرها"

هان محجر دمع عيني لين جفف"سلسبيله"
والتفت لأخير دمعه قبلت يده"ونــثرهـــــــــــا"

دمعةٍ كن بشقاها يوم طاحت في"شليــله"
جادلٍ جات بدويٍ تطلب الستر"وسترهـــــــــا"

له عليّ إنه ليا من طاح من عيني"تشيله"
ولي عليه انه يرجع لابتساماتي"ثــغرهــــــــا"

لو طعوني بالسكاكين بيده تشفي"غـليله"
لأشتريها من عذابي وأدفع بدمي"مهرهـــــــــا"

وأطلبه ينهال فيني طعن لين يطيح"حيله"
بس لا يترك عيوني تنحرم نعمة"بـصرهـــــــا"

له بعيني مثل ما للطهر بالنفس"الأصيله"
تقطع يدين الردى لو مس شعره من"شعرهــــــا"

مابغيته غير درب وشتت أقدام"الدليله"
مزنةٍ ما بللتني واستحيت أطلب"مــطرهــــــــــــا"

والعطايا من يدين الخلق للطالب"قليله"
والوهايب من يد الله للعباد أجل"وأرهـــــــــــــــا"

وإن نسيت إني زرعت العشق وحظوظي"بخيله"
ما نسيت أن العطايا تستحق اللي"شــكرهـــــــا"

صعب تلقى شخص وافي يجزي الطيب"بمثيله"
والعرب كد قالوا إن الناس ما خلت"قـشرهـــــا"

[ضناني الشووق]

قصيده روووعه الله يعطيك العافيه اختي
ع القصيده الرائعه صررحه
ننتظر جديدكـ

[@بقاياجروح@]

ثانكس ع احلى قصيده ع فكره انا من معجبين في شعر حامد زيد
سلام الى كل من كان حبيبي في يوم من الايام

[الاجدل]

صح السانك ولسان قائلها
على القصيده الرائعه
بروعة حضورك
تقبل مروري
لاهنت
تحياتي لك
معاااااااااااااااااااااكس

[من بآدي الوقت]

يعطيك الصحه والعافيه

على هالقصيده

وسلمت الايادي

من بادي الوقت