أنت هلالي أو شبابي أو نصراوي,,, أدخــل

[وافي زماني]

--------------------------------------------------------------------------------

قلت البيتين إن شاء الله تعجبكمولاتحرموني من ردودكم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
على الرياض أرسل تحية سلامي
العاصمه من لملمة وصل الأصحاب
من لامني فيها .. بلومه يلامي
ومالام تقديري لها غير الأذناب
معذور أنا ياناس فيها مدامي
عايش في أراضيهامع قريبين وأصحاب
يحق لي فيها أذوب بغرامي
دام أنديتها حققت كل الألقاب
قالت لكل الأنديه: روحي نامي
مالك بهالموسم من الكعكه حساب
هذا زمان العاصمه بالتمامي
ومجد الشبابي ترفعه نجد الأحباب
في موقعة كسر وطحين العظامي
لليث فيها أنياب .. مامثلها أنياب
خلا سماء الملعب ضباب وظلامي
وصار النمر قطوه منيب قايل كلاب
دم الشبابي للمنصات حامي
وماهي غريبه يرهب الإتي إرهاب
والأزرق اللي حاز كل إهتمامي
زعيمنا اللي للعراقيل غلاب
قد قالوا إنه مات من عقب سامي
وتفاجئوا به يلعب وكله ذياب
هذا الهلالي ياغبي .. ياحرامي
يامدعي نظم الشعر وأنت نصاب
والعالمي ودع طويل الصيامي
وأفطر لقب غالي ومبروك ماجاب
وجمهور الأصفر يعشقه للهيامي
نجد إلبست من لونه الشال والكاب
فديت نجد الأرض موطن عمامي
ومسكن خوالي والأقارب والأنساب
تستاهل الأمجاد وأحلى كلامي
وإن ماكتبت بمدحها ناظري غاب
أكتب لها وأنا ولد حر( يامي)
ويكتب لها غيري من أقلام كتاب
نجد إن رمت للقلب بعض السهامي
السهم في نيشانها المختبي صاب
ماتاب من في نجد داس الغمامي
ماتاب .. لا ماتاب .. ماتاب .. ماتاب
وآخر كلامي للرياض السلامي
وعلى مساكنها من الباب للباب
مني لنجد المجد كل إحترامي
العاصمه ملفى مجاميع الأصحاب,,,
.................................................. .............
وسلامتكم,,,

[بهلالي افتخر]

صــــــح لساتك.... مشكور اخوي على القصيده روووعه

[وافي زماني]

حياك أخوي هلالي وأفتخر ربي لايحرمني طلتك الحلوة,,,

[نونيتا عمر]

صح السانك يا (يامي) وفديت اهل نجد كلهم ..(انشالله شاطره في الخليجي) هههههه نقصد اللهجه,,, شكرا مره مليون وصح السانك ترليون ويستاهل الزعيم والعالمي والشبابي بليون ....هلاليه من الجماهيريه

[وافي زماني]

يسلمووووووووو عالمرور
نورتي يانونيتا,,,