ياقايد الزين

[النايف الوافي]

أغليك وأهديك يالبا قلبك ياشيخة البنات

يازيـن قـلي وش تبـي ؟؟ بس يازين=وابشـر بقلبـن مايـهاب الشـدايـد
يمشي معك من وين مادري إلى وين =يتبع رضى قلبك لو رضاك كايـد
يالـي زعلك اقسى مـن الظلـم والديـن= ويالي عتابك صار طبع وعوايد
لا تـحسبـيـن إن الغــلا بيـن قلبـيـن= يزداد بحروف الحـكي والقصايـد
لـو بـالحـكي بسـمّعك ليـن ترضين= كـلام " اكثر مـن كـلام الجـرايد
ولـو بالشعـر بكتـب لعينـك دواويـن= واصوغ لك احـلى القصايد قلايـد
بـس الغـلا ياسيـد كـل المـزايـيـن=إحساس عـن كـل العـبارات نـايـد
حبـي لـك اكبـر مـن كلام المحبيـن= حب " فـي قلبي كل يوم يتزايـد
مابـاد قـد لـه يـاهوى البال عاميـن= ومـادامني حـي" فـلا هوب بايـد
حبـك فـريد ومنفرد عن هل الشين = وانتي مثـل حبك وصوفك فرايـد
فيـك الجمال اللي يهـزّ السـلاطيـن= ويسـهر قـلوبـن ماتمـل الوسايـد
وفيك الدلع.. لوحس به سور برليـن= قبل الحروب.. يذوب ويصبح بدايـد
ولو بختصر زينك واجيبه فـ شطرين=الـزين لـو لـه جـيـش حطوك قايـد
ولـو بختصر شـرحي لحبك بتدرين= إني معك ما احسب حساب النقايد
وتـدرين مهمـا نختلف بيـن امـريـن= ماقـد وقـف قلبي في موقف مُحايد
دايم معك يمشي على العسر واليـن= مـتسيـده قـلب بـه الحـب سايـد
قلبن في قربك عايش " في بساتين= وفي بعدك يذوق الشقى والنكايد
وانا في حبك يالغاضي بين حالين= إمافرح اوحزن طاغي كايد
افـرح إذا كحـلتـي بـشوفك العيـن= فرحة غريـب " لارض الاوطان عايـد
واحزن إذا في يوم عني تغيـبـين= حزن الإمـاراتـي على الشيخ زايـد

[شاعرة نجد]

صـــــح لسانك واعتلا شانك


قصيدة راااائعة جداااا

تسلم وتسلم لنا يمناك

والابيات هذه اعجبتني مررررره

وفيك الدلع.. لوحس به سور برلين=قبل الحروب.. يذوب ويصبح بدايـد
ولو بختصر زينك واجيبه فـشطرين=الزين لو له جيـش حطـوك قايـد

في انتظار جديدك يالوافي .. دمت بحفظ الله ورعايته ..

[صعوط المجانين]

صح لسانك وبيض الله وجهك ,,, فلك كل التقدير والاحترام...تقبل مروري

[النــــايــف]

صح لسانك وبيض الله وجهك
لك كل الحب والتقدير

[بدر الوفى]

النايف الوافي وربي إنك كفيت ووفيت ياالوافي لك كل التقدير والإعجاب الكبير بشعرك وشخصك الكريم!!!