روايه( كبرتي وصرتي بالعشرين طويلة وفاتنه وتغرين) حليوه انصحك تقرونها

[روحي تعبتني]

×..الفصل الثالث عشر..×
>..:..الجزء الاول..:..<





اسقني حــب!
أو
اسقيـني فرقــااا

وصـلوا ام فهد ومشاعل لـ المستشفى..وبقـوا سحر وام زياد وابوهـ..

سحر وتصيح:ميشوو الله جابك
مشاعل:وش في زيااد ياسحر
سحر:صدمته سيااره
ارتااعت مشاعل..توه طالع من عندي زين...:ط..طيب وش صاار؟؟
سحر تغطي وجهها بين يديهاا:شـلل...شفتي يمشاعل..أخوي مشلـول..والحين هو بـ غيبوبه
حطت مشاعل يدهاا على فمهاا...ماتتخيـل زيااد الطيب اللي ماجرحهاا ولا خلى لها مجال تترك ذكرى سيئه عنه..مشلـــول!!..يعني صح على امي!!..
تحاول تكذب كلام امهاا..بس الكلام اللي قالته سحر..قتل املها
مشاعل:لاأكيـد في غلط..مستحيـل مشلول!!
سحر راحت لـ امهاا اللي ماجفت دموعها من درت عن ضناهاا..والاهم انهم ماخلوهاا حتى تتطمن عليـه..
\
/
\
/
نزل تركي مع نااصر لـ مجلس فراس كان عاازم الشباب
سعود/ناصر/ماجد/خالد

تركي:يابن الحلال..انت واهلك مجتمعين انا وش دخلني؟؟
ناصر:تركي عااد لاتجلسن تتميصل علي..قلت انت واحد منـّأ..منت غريب
تركي:بس.....
قاطعه:لاتجلس تتبسبس علي..انا قلت انزل يعني انزل..خل نشوف المباراة ونستاانس
تركي:هههههه..ان شالله عمي
ناصرصدق عمره:يللا تعــــال..

نـزلوا ودخلـوا المجلس..
ناصر وتركي:السلآم عليكم..
الكل:وعليكم السـلآم..
جلسـوا ناصر وتركي
سعود يبتسم لـ تركي:تركي صح؟؟
تركي ابتسم له..شكل الرجـال اخلاااق من ابتساامته وطريقة كلااامه..لا ويذكر اسمي بعد:ايه نعم...تعرفني؟؟
سعود:شايفك في العزاا
تركي يتذكر:ماأذكرك
سعود:انا سعـود!..ولد عمة ناصر
تركي:ياهلا والله ...والنعم
سعود:ماعليك زود..
تركي:وش تشتغل انت؟؟
سعود:دكتور نفسي
هذي المهنه اللي كان يبيهاا تركي..بس ماحصل له..كان يتمنى يكون دكتور جرااحه
جمدت ملامح تركي..تذكر يوم قالت له سمر انه طبيب:دكتور؟؟..ماشالله
سعود لاحظ عليه بس ماعلـّق:وانت
تركي تسند وبدا يكلمه بـ شوية تعاالي:في شركه..
سعود يبتسم..شكل الاخ يعااني من نقص:اهاا..ماشالله..
تركي:انت متزوج؟؟
سعود:لا..انت؟؟
تركي:لا ولا أفكـر
سعود:ليش؟
تركي:وش لي بعواار الراس..بعدين الزواج مسؤليه وارتبااطاات..وانا انسـان احب اكوون حر محد يقيدني
سعود حس ان تركي من النوع الصعب..او من النـوع اللعااب..بس مافي شي يدعم توقعه:ليش تتفأل؟؟.."طبعا يمزح"
تركي:الا انت كم عمرك؟؟..
سعود:29..ليش؟؟
تركي:أسأل احس انتوا الواحد عندكم من يوصل الـ 24 يبدا يفكر يتزوج..وانت ماشالله لين الحين
سعود ناظره جلس يتمعن في وجهه.."انتـوا"..وش قصده فيهاا..كلامه يحمل معااني بس مايقدر يقول شي بدون لايتأكد..بس هو ماأرتااح لـ"تركي"
تركي:وين سرحت؟؟
سعود:معك!..بس من تقصك في انتوا؟
تركي:محد.."وأبتسم.."

- سعـود..تركي!!!

جلس تركي جنب نااصر..وجلسوا يتفرجون على المباراة
\
/
\
/
- افففففف..وش ذا الحظ
التفت ملاك لـ بنت عمهاا اللي رمت الملزمه بـ ملل:وش فيك؟؟
رغد تمدد رجولهاا ع الكنب:بـ اعتذر..
ملاك:تعتذرين؟؟
رغد:ايه بحذف هـ الترم درجااتي زفت وماالي خلق ادرس
ملاك:عاد تصدقين انا معك في ذي..يبي لك تاخذين بريك من كل شي
رغد تبتسم لها:احبـك..تدرين ليش؟
ملاك:هههه..ليش؟
رغد:لانك تفهميني...
ملاك:هههههههههههه..طيب في الفتره اللي بتجلسين عاطله..وش بتسوين؟؟
رغد تحط يدينهاا ورا راسهاا..وتتنهد بـ رآآحه:مدري..يمكن أسآآفر لـ اروباا ثمن امر على منفووحه
ملاك:ههههههههههههههههههههههههههههههههههههههههههههه هههههههه..من اروبا لـ منفوحه
رغد:ههههههههههه..شفتي كيف؟؟..
رن جوآلها بـ نغمة مسج..عرفتوا من مين؟؟..
أبتسمت وبدا قلبهاا يخفق من فرط السعااده..صحيح هي بدت تحبـه؟..امممم..يمكن مو حب..يمكن مجرد اعجـاب..يمكن!!...اعترفي يارغد هذا اكيد حب.."نفظت هـ الافكاار"..وش حب؟..من يفكر بـ الحب الحين اللي يسمعني يقول انه مرررره ميت علي.. هو بس يبيني لـ المتعه..وانا ماخُلقت عشـان البي رغبـاته..

- آلووووووووووووو...

ناظرت رغد ملاك:هلا!!.."انحرجت منهاا تحس انهاا تقرا افكـارهاا"
ملاك:وين رحتي؟؟
رغد:مدري..معـاك..بس ودي اناام
ملاك:ههههههه..ركبي جمله مفيده يارغد!!..
رغد:هع..من النـوم ياملوووكه..بتروحين لـ امك اليوم؟؟
ملاك:مدري..بكره عندي امتحاان..ودي اذااكر له زين لان درجااتي حلوه ماشالله هـ السنه..
رغد:ههههههههه..انا أشهد
ملاك:ان خلصت..بروح لهاا
رغد وهي بتروح غرفتهاا:سلمي عليهم..
ملاك:رغــــــــد!!.."تناديهاا"
رغد رجع لها:هلا!!
ملاك:وين عزام ولمى
رغد:لمى نايمه بس عزام ماأظن
ملاك:اهاا..اوكي!!
\
/
\
/
جالسـه ماتدري كم صـآر لهاا تحس بـ روحهاا بتطلع من مكااانهاا..الصبر الحين محتااج صبر..

شافت ام فهد مشااعل اللي جالسه تهز في الانتـظاار:مشاعل..وش فيك؟؟
مشاعل التفت لـ امهاا ثمن رجعت تنااظر تحت وتهز رجلهاا:مافيني شي...متوتره.. وخآيفه..مدري مدري
ام فهد تنهدت..وتناظرت ام زيااد اللي لين الحين ماهدت..وسحر بعد دمووعها كأنهم قالوا لهاا زياد مـات..
ام فهد:تعوذي من ابليـس يام زياااد..هذا قضااء رب العالمين
ام زياد تمسح دموعهاا:ونعـم بـ الله!!...لاتلوميني يام فهد هذا وحيدي..ولدي الوحيد..اطالع ربي ثم اطاالعه
قامت لهاا مشاعل ماقدرت تشوف دموعها وتمسك دموعهاا اكثـر..مسكت يدهاا:ان شالله بيكوون زين يايمـه..انتي بس ادعي له
سحر:يمـه..وش رايك ترجعين البيت؟؟
ام زياد:لا ماأقدر..ابجلس عند ولدي..اخاااف يحتااج شي
سحر:يمـه..هو ناايم الحين ولاندري متى بيصحى..وماراح تقدرين تشوفينه اليوم..روحي البيت ارتاااحي..
ام زيااد:مقدر اناام وولدي موب قريب لمـي..مقدر اناام وارتااح وهو هنا في المستشفى مدري هو حي ولا ميت
سحر حطت يدهاا على كتف امهاا وشدت قبضتهاا:الله يخليك يمـه..ع الاقل عشاان ابوي المسكيـن
مشاعل:يمـه..روحـي...انا عنده!!
سحر:لا يامشااعل روحي انتي بعد مع امي
مشاعل بـ ألم:هذا زوجي ياسحر!!..ان ماوقفت معااه الحين متى اوقف..انتي روحي لـ عيالك ومي..ترااهم لحالهم
سحر تذكرت عيالهاا ومي..في البيت لحالهم...
مشاعل:انا بجلس عنده هنـا..وماراح اخليـــه..روحي ارتااحي مع امي..وابووي بعد القعده هنا راح تتعبه
سحر :ان شالله بس ابجي بكره الصبـاح
مشاعل تبتسم من غير نفس بس مجامله لهاا:خلاااص..تعاالي بـ أي وقت بس لاتخلين امي وابوي ومي..
سحر:ان شالله..الله يكوون بـ عونك ياميشوو..توك صغيره واول اياام بـ زوااجك..
مشاعل:سحر!!..انا راضيه بـ قضاء ربي..
سحر:الله يكملك بـ عقلك يالغلا..

اخذت سحر امهاا ورااحت لـ البيت ومعهم ابو زيـاد اللي كان منهاار يتنظر في اتنظاار الجاجيل..يبي أي خبر عن ولده..


ام فهد:انتي صادقه يوم تقولين بتجلسين عنده؟؟
مشاعل:أيـه..لين يصحى وماراح اخليـه ابد..
ام فهد:ابدق على ماجد..
مشاعل:ليش؟
ام فهد:يجي..
مشاعل تمسك الجوال وتنزله:ماله دااعي..خليه بعدين
ام فهد ترفع الجوال وبتدق:لا..لازم ادق
مشاعل:يمـــه!!..موب الحين
ام فهد:مالتس دخل..ولدي وبدق عليه

"عند ماجد"
رن جـواله
ناصر:مجوود حبيبي شف لـ جولك صرفه نبي نناظر
ماجد اخذ جواله وطلـع برآآ

تركي:هههه..اهنيك على اخلاقك
فراس:هذا نااصر اذا السالفه فيهاا الهلال يصير عصصبي
تركي:اجل بصير نصراااوي..
خالد:يآآآآآآآآويلك..بيقااطعوونك مثل الدنمرك..
تركي:هههههههههههههه..
ناصر:أصصصصصص!!...بشووف
تركي:ههههههههههه..نوويصر انا نصرااوي
ناصر:اصلا انت مالك في الكوره السعوديه..انت مع الانتر والبرشااا..وخرابيطك
فراس:ههههه..فضحك
تركي:لالا انا الحين بصير نصرآآوي..
ناصر يناظر المباراه ولاهوب ملقيهم باال..
تركي يشجع عشاان ينقهر ناصر:نصـــر!!...نصــر!..هوو هوو..
ناصر ناظره بـ نص عين:انت ووجهك باز بـ فريقك؟؟..قال نصر قال..يكفي انكم ماتاخذون البطوله الا مره كل قرن..ههههههههه
تركي:صـدق؟؟..ماعليه انا اثق بـ فريقي.."مفهي لوول"
خالد:هههههه..شكلك ياتركي موب لم الكوره السعوديه ابد
تركي يطاالع التلفزيون بـ ملل:ابداا..ولاأفكـر اشووفهاا..
سعود:ليش؟..اونس
تركي:الكــوره بـ شكل عاام تسبب لي توتر..وانا انسـان ابعد عن الشي اللي يترني ويشد اعصابي
خالد:عــداال يالرقيق..هههههههههه
تركي يضحك غصب ولا وده يقوم يعلمه من الرقيق:ههههههههههه..
سعود من دخل تركي وهو يركز في حركااته شكله واحد جاي مغصووب الوحيد اللي يحس بـ راحته معاه اهو نااصر..شكل تركي مرره مع نااصر..ضحك على ضحكته اللي طالعه عضب:هههههههه
خالد يناظر ساعته:شباااب ماجد وين طس؟؟
سعود:توو سمعت صوت الباب شكله طلع؟؟
خالد يطلع جواله عشاان يدق..ثـوااني وشاله عن اذنه:محد يرد..
\
/
\
/
- ايش؟؟..لا بس زيااد تعباان شوي.....اممم..لا انا الحين في المستشفى...رغووده حبيبتي لاتخاافين ...لالا مايحتااج

سكرت مشاعل من رغد
ام فهد:هذي رغد؟؟
مشاعل:ايه..دقت علي تسألني عن احواالي وتفاجأت اني بالريااض!!
ام فهد:شكلهاا ارتااعت
مشاعل:ايه والظااهر بتجي

- مشـــــاعل!!

التفتت مشاعل لـ عمهاا اللي جااي مرتااع..وناظرت جدتها وقالت :شفتي روعتيـه؟؟
ام فهد:مصيره بيعرف..
جا ماجد:سلآمآت وش فيه...زيااد
مشاعل سكتت ماتقدر تحكي..تكلمت ام فهد:حادث الله يشفيه ويقومه بـ السلآمه..
ماجد:حـــــادث؟؟؟؟؟؟؟..طيب متى وكيف؟؟؟؟..وش صاار عليه؟؟
مشاعل دمعة عينهاا قالت اجابه تغني عن كل شي:شلل
ماجد..سكت..مايدري وش يقوول..يحااول يتسوعب!!...:شلل؟؟..مشلول يعني؟
مشاعل:أيـه..
ام فهد:تعوذوا من ابلـيس..الدكتور يقول احتماال مهوب اكيد..ادعوا له بس انتواا
ماجد جلس ع الكرسي..لو قاام زيااد ودراا وش بيسوي؟؟..لالا..متسحيل اكيد في خطأ في الموضوع..زيـاد صديقي اياام الثنوي والجامعه..مشلـــول..!!

رآح ماجد لـ دكتور من حسن حظه لقااه :السلآم عليكم
الدكتور:وعيكم السلآم
ماجد:انا جاي ابسألك عن زيااد عبدالمجيد..
الدكتور فتح ملف عنده بهـ الاسم:زيـاد عبدالمجيد؟؟
ماجد:ايه نعم!!
الدكتور:هواا الشااب اللي تعرض لـ حادث؟؟
ماجد بـ نفاذ صبر:ايه..هوو
الدكتور:واللاهي احناا مش متأكدين..بس احتمـال يكون شلل في رجوله بس
ماجد:شلل؟؟...يعني صح؟؟؟
الدكتور:هواا دا قضاا ربناا...ماتزلعش نفسك يابني..
ماجد:في احتمـال يتعاالج براا؟؟
الدكتور:واللاهي النائج هناا نفس هنـاك..بس ان شالله لماا يصحى حنشووف هوا عااوز علاج في الخاارج او لا
ماجد:طيب متى بيصحى؟؟
الدكتور:دي في ايد ربناا..هواا في غيبوبه..عالجناا بعض الكسوور والرضوض..بس بااقي ننتظر حتى نشوف..احتمـال الشلل اكيد او لا

"عند رغد"
وصلت رغد المستشفى مع تااكسي بعد ماخذت معهاا عزام..تبي تطمن على مشاعل او زوجهاا.."زوج مشاعل"..لان وااضح من صوت مشاعل انه موب بـ خير..وهي لازم توقف مع بنت عمها في محتنتهاا

عزام:لاحووووووول..انتي بعد..ماتخلين الواحد ينووم
رغد وهي تمشي في اسيااب المستشفى:تراك نايم العصر نااوي تفخها نومه لين بكره؟؟
عزام:بـ رااحتي..انا حررررر
رغد:طب امـش بس
وصلــوا عند مشاعل وام زيااد اللي كانوا جالسين عند غرفة زيااد وملـّوا من الانتظار في انتظار النسااء

رغد:ميشوووو!!
راحت مشاعل لـ رغد وضمتهاا وجلست تصيـح..ماتدري ليه تصيح..تحس بـ الذنب اتجااه هـ الانساان اللي كان بيموت وويودع الديناا..وهوو شايل بـ قلبه عليهاا..ماتتخيل انه بيروح ..صحيح ماتحبه بس صعبه فكرة ان شخص يموت وهو شايل عليك لو حجم ذره..
رغد:خلاااص ياقلبي ان شالله بيقوم بـ السـلآمه
وخرت عنها مشاعل وتمسح دموعها:شكلي قومتك من النـوم..يوم اكلمك صوتك شكلك نايمه
رغد:لاوالله..كان فيني النوم بس مدري ليه مانمت

جاا ماجد وقـال لـ مشاعل وش قـال الطبيب..اما رغد رااحت تكلم نااصر.
\
/
\
/
جـوال نااصر اللي يرن..ويرن..ويرن..ويرن!!..بس مسفه فيه ليش انه ينااظر مباراة

سعود:نــاصر!..جوالك المسكين بيموت..ارحمه كود ربي يرحم الهلال ويفوزون
ناصر ماعنده فيهم:..............
فراس:نصوووووو..جوالك يالزلااابه
ناصر:قله يسكت...
تركي وفراس وخالد:هههههههههههههههههههههه
سعود اخذ الجوال..وناظر:اختـك نصوور
ناظره رتكي ثم رجع نظره لـ شاشة التلفزيون
ناصر:لاحوول ولاقوة الابـ الله..وش عندهاا بعد؟
سعود:وش درااني..
ناصر:رد عليهاا..شف وش تبي
سعود:ارد؟؟
ناظر تركي سعـود نظراات حاده..حس بـ نفسه يغلي..
ناصر:أيــه!!..مو انت ولد عمتهاا..رد بس
سعود:اوكي..."ورد"...آلووو
رغد ارتااعت:أ..ألوو؟؟
سعود:هلا رغد معك سعود
رغد بـ اختصار:ايه هلا..وين نااصر
سعود:ناصر يناظر المباراة..يقول انه مشغوول
رغد:عطني اياااه ابغاا ضرووووووووري!!
سعود ماقدر يمسك نفسه وسألهاا:وش فيك رغد؟؟...صااير شي؟؟..!!صوتك مو عاجبني

تركي في نفسه..."وانت وش عليك من صوتها يالـ..........يقهر"

رغد:لابس زيااد زوج مشاعل بـ المستشفى
سعود:افاا..ليش؟
رغد:صاير له حاادث ووو الحين في غيبوبه..ومدري متى بيصحى
سعود:غيبــوبه؟؟؟؟؟
الكل التفت..طبعا تركي معهم ع الخط من زماان
ناصر يمد يده بياخذ الجوال:وش الساللفه
فراس:من اللي بـ غيبوبه؟؟
سعود يمد له الجوال:زيااد زوج مشاعل في غيبوبه
ناصر ناظره موب مصدق..حط السمااعه في اذنه:هلا رغد!!
رغد:نـاصر!!..تعاال الله يخليك انا في المستشفى
ناصر:طيب طيب..انتي في أي مسشفتى..
رغد قالت له

سكر ناصر وهو يحط جواله في جيبه..:ابرووح لـ اختي في المستشفى
تركي:ااختك؟؟..وش فيهاا
ناصر يبتسم:لالا مو اختي زوج بنت عمي..يصير واحد من اصدقاء مجود
تركي:اجـل انا جااي معااك.."لاحظ نظرات ناصر والكل"..لاتنسـى ان مامعي سياره
ناصر:أيــه صح...تعاال
قام تركي وقال سعود:اجل انا بعد بروح
خالد يقوم :وش يجلسني انا بعد..
فراس:مشيـنااا

قـاموا وتركي راح مع ناصر بـ نفس السياره..اماا خالد وسعود
فراس ركب سيارته ماراح معااهم لان امه دقت ولاكاان يبي يروعهاا فـ اظطر يرجع لـ البيت..
طبعاا من حسن حظ مشااعل
\
/
\
/
كان مسند رااسه ع الجدار ويظرب رجوله بـ الارض من التوتر..السـاعه الحين 11..
عزام يتثااوب ويتحلطم..يلكم نفسه:لاحوول..هو يدخل المستشفى وانا ابتلش..افف..وانا وش علي اذا هوو مسوي زاايده.."تنهد"..نـاس ماتذكر تسوي زاييده الا الليل لااا واياام درااسه
رغد:انت وش فيك تحلطم؟؟
عزام:احااكي نفسي..حرام؟؟
رغد:لاموب حرام.."وهمست له بـ صوت واطي"..زياد مو مسوي زايده..هو تعباان صاير له حادث
عزام ماصدق تبي بس تسوي اكشن هـ الانساانه:أيــه!!!
رغد شاافت الجيش المقبل عندهم..:الله!...هذا جااب كل قبيلتهم معااه
عزام:حشـى..تراه مسوي زاايده..اللي يشوفوهم يقول عملية كلى..."ماسكه معااه زايده من الصبح ..خخخ"..
رغد تتأفف:عزااموووه..كم مره قلت لك صااير له حادث..ماتفـ..
سكتت لانهاا شافت تركي جااي بس شكله ماأنتبه لهاا..
مسكت يد عـزاام وراحت على طوول وقفت جنب مشاعل وام فهد
مشاعل:بسم الله عليك..وش فيك؟؟
رغد تناظر الجهه الثاانيه عشان لو انتبه لهاا يعرف انها موب مهتمه له:ولا شي..
مشاعل:وراك تترتجفين كنك شايفه وحش
رغد تضربهاا على كتفهاا بـ خفيف:وشو وحش انتي بعد..لاوحش ولا شي...
وقفوا خالد وتركي بعيـد..اماا ناصر راح لـ اخته..وناداهاا لانه لاصقه في مشاعل...
جته:نعم
ناصر:وش السالفه ليش زيااد في غيبوبه؟؟؟؟؟..
تلكم عزام قبل رغد:يابن الحلال وش فيكم انتوا..كلها زايده وانتهينااا..
ناظره ناصر موب فااهم..
رغد عصبت من عزام:افففف منك..كم مره لازم اقولك الرجال صاير له حادث؟؟
ناصر ضاقت به الوسيعه..لاحول ولاقوة الابـ الله:ووش صار عليه طيب
رغد:أسأل مااجد..هو توه جااي من عند الطبيب

رجعت رغد عند امهاا ومشاعل..
جلست جنب ام فهد وبـ شكل تلقاائي طاحت عينها على تركي..ماكاان يناظرهاا كان يكلم خالد..اول مره تشوفه بـ بدله..امممم..حلوو شكله بـ الجينز ck..كووشخه والله مايلعب "لوول"..وقميـص ابيض وفاتح صدره وطالع شعر صدره..مما عطااه روجولـه زيااده..ومصفط اكمامه..وباينه عضلات يده..صحيح عضلاااته مو كثـيره..بس كاان جسمـه رياضي..كان يبتسم..ابتسـامته الشريره..اللي تخووفهاا..بس تدرون من كثر ماتخااف منهاا تحب تناظرهاا..
حلووه سكسوكته والديرتي..كانت سكسوكته سوووووودا..وديرتي خفيف..وشعره اول مره تشوفه لانه في المرتين اللي شافته فيهم كان لابس ثوب وشمـاغ..ولا وقفتـه حاط يده ع الجداار ومعااه الجوال شكله يناظر السـاعه..كان ماايل فيهاا.."وقفته"
رفـع يده لـ شعره ومشت لين استقرت على رقبتـه.."فجـأه"..ناظرهاا..
نزلت رااسهاا على طوول ووجهها مووووولع..طالعته مره ثاانيه لقته يناظرها وهو مبتسم..وعيوونه تلمع..نزلت عيونهاا عنه ..
مشاعل:رغد وش فيك؟؟..شكلك متوتره
رغد:لا.."وتشبك اصابعهاا"..مـ..مدري احس اني خايفه..
تفاجأة من نفسهاا قالت الصدق..
مشاعل:من ايش؟؟
رغد:هاه!!..لالا بس يمكن ارتجف من المكيف..
مشاعل:اهااا..
رجعت تنااظره..فضولهاا يجبرهاا..تبي تشوف اهو لين الحين يناطرهاا ولالا
لقته مسند رااسه وظهره ومغمض عيوونه ومتكتف..تموووت وتعرف وش يفكر فيه.. وش قااعد يدور في راسه..
فتح عيونه ونزل رااسه جلس يطاالع في الـ"لاشيء"..ابتسـم كأنه يدري انهاا تناظره ثم ناظرها
تجمـدت..بس مانزلت عينهاا..نقدر نقول تحدي..زادت ابتسـامة النذااله حقته..مما خلاهاا تخاف اكثر واكثر..رفعت حااجب..هي صحيح متغطيه بس يبين..عض شفايفه ورفع حااجبه هو بعد...
بس!... خلاااااااص
نزلت عيوونهاا لان عيـونه تخووف.حاده بـ شكل محد يتصووره..

عزام:رغووده..خل نروح لـ محل الكووفي اللي تحت
رغد:عيب عليك الرجـال داخل العناايه وانت تبي تروح لـ الكووفي>>علمي نفسك لوول
مشاعل:رغووده وديه وش ذنبه هوو..
رغد:لا لازم يقدر الظروف..
عزام:ياربييييييييييييييه
مشاعل:عشااني روحي...
رغد وهي تقوم..:اووكي.."تكلم عزام"..لعد تتعودهاا..
عزام يمسك يدهاا:ايه ان شالله..امشي بس
رغد ناظرته بس ماعلقت

مشت واللي خلااهاا ترتبك انها مرت من عنده..بس اللي فاجأهاا انها مارافع عينه لهاا..


سعود:نااصر..وقفتهاا هنا مالهاا داعي خل نروح البيت
ناصر:مدري انا ماراح اروح الا لماا أتأكد ان في احد بيجلس عنده
ماجد وهو ضاايق صدره..يكفي انه فقد صديقه حمد في حادث "مقصود"..والحين بيفقد صديق عمره في حادث بعد..:مانيب راايح الا لما اكلمه بـ نفسي
خالد:مجوود..لازم تروح لاتنـسى ان امك ماراح ترجع الا انتم معهاا.. ام حمد واخته بيجونكم اليـوم..موب حلووه يجون ومحد يستقبلهم
ماجد يحط راسه بين يدينه:مـدري..مـدري..
ناصر يربت على كتف ماجد:مجوود..هونهاا وتهون..انت ادع له بـ الشفاااء..تراا الصبر له اجر
ماجد شوي وتنـزل دمعته:يـ الله اني لاأسألك رد القضاء..لكني أسألك اللطف فيه

استغرب تركي منهم..كيف ان قلوبهم على بعض..هم مالهم حااجه لهـ المريض ..ماراح ينفعهم بـ شي..ولا بعطيهم حق وقفتهم وانتظارهم...وينتظرونه يقوم وهم موب عارفين..بيقوم او لا لوه مكـان زيااد من بيوقف براا ينتظره يقووم؟؟..
امـه اللي ماتت؟؟..ولا ابوه الله يرحمه؟؟..اصلا لو كانوا عايشين ماراح يهتمون..متى ماقام بيجون ياخذونه..بس من يقلق عشاانه ..من بيهتم له ان طااح مثل طيحة زياد؟؟..لو انشـل مثله..من بيرحمه ومن ماراح ينظر له نظرة شفقـه؟؟..

نفض هـ الافكـار من رااسه وراح ياخذ له "كوفي"

[روحي تعبتني]

>..:..الجزء الثـآني..:..<


- ابغـاا.....اممممم..ابغاا موكاا
رغد:بآآرد ياعزاام..اخاااف يعورك حلقك..
عزام:انتي قلتي بيعورني..موب معورك انتي
رغد:عزاااموه خذ لك عصير..وبس
عزام:لا فيه في ثلاجة بيتناا..ابغاا موكااا
رغد تتنهد:طيب بس هـ المره
عزام:احبـــــــس..!!

وقف تركي يوم شاافهاا..أبتسم وجلس يراقبهاا ماكان متوقع انه بيشوفهاا..كان يحسب انها خلااص راحت لـ البيت..

رغد تكلم العامل:كم الموكـا؟؟
العامل:12ريـآل
رغد :اوكي هاات 1 موكاا..و3قهوه..وحده خليهاا مرّه
العامل:اووووووكي..!!

- لو سمحــت!!

التفت العامل لـ تركي عشاان ياخذ منه الطلب:يس سيـر
تركي:1 كوفي..
العامل:أي سايز؟؟
تركي ينااظر رغد:أكبـر شي هاته
العامل:اوووكي!!

عزام:دونآآآت.."يسحب عباية رغد اللي كانت خايفه من تركي"..رغـد..رغـد!!..ابغاا دوناات بـ شوكلاه...تكفيـــن!!..تكفـين
رغد:لا..لوك رجـال تفرش اسنانك كان شريت لك..بس انت اللي جنبتها لـ نفسك
عزام:مالك دخل...اشتريه لي
رغد:لااااااا..انتهيـناااا..

- 28ريـال مسس

كان العامل بكلم رغد بعد ماحط طلبهاا ع الطاوله..فتحت رغد شنطتها وطلعت البـوك..ماكان فيه الا 20..يييي..وش اسوي يلعن ام الفشيلـه

عزام:ابغاااااااا دونااااات..رغيـّد يادبـه..ابي دوناااات
رغد تهمس له في اذنه:معك 8 ريـال؟؟
عزام:هههههههههههههه..لا..توهيقتي؟؟
رغد حممممر وجهها من الفشيله وتركي ماشال عينه عنهاا..

سمعت العاامل وهو يعطي تركي طلبه..:تفضـل سير
اخذ تركي الطلب وطلع من بوكه فلووس..ناظرت كانت كلهاا خمسمياات وميتيناات..
اقل شي كاان معااه 50..
تركي:خـذ..
اخذه العاامل ورجع له البـاقي..
رغد في نفسها.."الباقي بس حقه يكفيني"..:لو سمحت!!...انا بروح شوي وبرجع..اوكي؟
العامل:اوكي!!

راحت وقبل قالت لـ عزام:عـزام..لاتتحرك..انا بجيب فلوس من نااصر وبجي
عزام:هههههههههههههههه..طيب..
رغد:على تبـن وانت ماغير تضحك؟؟..جعلي اشوف فيك يوم
عزام فااقع ضحك:هههههههههههههههههههههههههههههههههههههه..

وراحت

\
/
\
/
- يمــه من بيوديناا؟
ام حمد:يمكن مااجد..ولا بتجيناا ام فهد مع السواق
دانه:الحين ماجد بس عايش مع امـه؟؟
ام حمد:لا..عندهم بنت اكبر منك بـ شوي..وولد اللي هو اخو ماجد وابو البنت
دانه:بنتهم أي وحده فيهم..رغد ولا ملاك؟؟
ام حمد:ولا وحده...اسمهـا مشااعل..
دانه:ماجت العزاا
ام حمد:في شهر العسـل هي الحين..
دانه خاافت لايكون زي في المسلسلات تكوون شريره..:امممممم..بس يعني هم 4؟؟
ام حمد:على كلااام ام فهد...ايه!!
دانه:اهااا..!!
\
/
\
/
مشت رغد وهي شبه تهرول عشاان تروح لـ عزاام
مادرت الا هي تصقـع بـ احد..توها بتطيـح بس مسكهاا.."تركي"
تركي:انتبهــي!!
ناظرته ماكان مبتسم..ولا في أي تعاابير في وجهه..وين ابتسامته؟؟..شكل هـ الصدفه موحلوه بـ النسبه له!!..نزلت راسهاا لـ الارض وبغت تنزل دمعتهاا بعد..:آآ..آآسفه!!
تركي يعطيهاا الكوفي :حصـل خير...خذي!!
اخذتــه..وغصب غصب نزلت دمعتهاا..اما هو مشــى
عزام:رغووده؟؟..تصيحين؟؟
رغد تمسح دمعتها من فتحة النقاب:لالا..ماعندك سالفه!!
عزام اخذ موكته ورااح..:بكفيك!!..بس شكل دمووعك ودها تنزل
وراح

- ليش تصيحين؟؟

صنـمت في مكانهاا..ماراح؟؟..بداا قلبهاا ينبض..وينبض..من الخووف..
رغد:وش اصيـح..من لاعب عليك
تركي:طيب طالعيني!!
رغد:مانيب!!
كانت معطبته ظهرهاا..التفت عليه لانهاا لازم تلتفت عشاان ترجع لـ ناصر ومشاعل والباقين..
تركي يبتسم بـ سخريه:ماقلت لك تصيحين؟؟..
رغد:يابن الحلال ماأصيـح غصب هوو؟؟
تركي:ههه..طيب لاتعصبين..مو حلوو شكلك وانتي معصبه
لالا..شكله اليوم موب رااضي عليهاا ابد..يكفي انه ماأبتسم
استـوعبت اخيراا انه دفع عنهاا..طلعت الـ 8 رياال ومدتهم له
تركي:وش ذي؟؟
رغد من غير لاتناظره:فلوسك..
تركي رفع حاجب:فلووسي؟
رغد:ايه موب انت دفعت..هذي فلووسك
تركي:ليش؟؟..كلها 8 ريـال
رغد:حتى ولو..انا ماأحب احد يكوون له افضـال علي..فـ لو سحمت خذهاا..
تركي:أفضــال؟؟.."ابتسم"..قلبي!.. الزوج مابينه وبين زوجته حسـاب!!
رغد ارتجفت..زوجه؟؟..تسااارعت انفااسهاا
عطااها ظهره ومشــى..


ناصر:عزاام وين رغد
عزام يلعب بـ الكراميل حق الموكا بـ المصاص:هنـاك!!
ناصر يلتفت لقى تركي جااي وهو مبتسم:تركي!!
تركي:هلا
ناصر:وين اختي؟؟..ماشفتهاا
تركي يهز كتفه:انا رحت الحمـام!!

جت رغد وهي ماشكه الكرتونه اللي فيها الـ 3قهواات..
ناصر:رغووده وين رحتي؟؟..قلقتيني عليك
رغد من غير لاتنااظره وتكمل طريقها لـ مشاعل وام فهد:كنت هنـاك
ناصر:بسم الله عليك!!.."يناظر عزام"..وش فيها ذي؟؟
عزام يضحك:الحسااب كان 28..مامعها الا 20 ريال..هههههههه
ناصر:وكيف دفعت؟؟
عزام يأشر على تركي ولا تكلم لان حضرته يشرب..لوول
ناصر ناظر تركي:انت دفعت؟؟
تركي:من الحين اقولك لاترجعهاا..ترا بزعل عليك
ناصر:لالاياتركي..هي تو جت تطلب مني
تركي:قالت لي..بس انا ماأخذتهاا
ناصر:قالت لك؟؟
تركي:أ..أ.عطت الفلوس عزام وهو عطاني بس مابين الاخوان حساب ولا انا غلطاان؟
ناصر:صاادق..بس
تركي:افااا..انت مو معتبرني اخوو؟
ناصر:الا بس..
تركي:اجل خلاااص..

في الاخير ارجعـوا كلهم..طبعا مشاعل في البداايه مارضت بس اقتنعتها ام فهد لان قعدتهاا هنا مالهاا دااعي

"في السيـاره"
ناصر وهو يمسك عزاام اللي نام عليهم بـ المستشفى..:رغد اركبي وحطيه على رجولك..
رغد:اووكي..
ركبت رغد وركب عزاام وناام وتوسد رجل رغد اما تركي ركب قدام وناصر يسووق..
طوول الطريق وتركي يسولف مع نااصر ولا التفت ولا نص التفااته لـ رغد..مما خلااهاا تستغرب..

تركي:لالا خلاااص شف اخوك نايم انا بشوف لي احد يوصلني
ناصر:لالالالا..مافيـه انا بوصلك
رغد كان ودها تشوف بيت تركي
ناصر:الا انت عايش مع مين؟؟
تركي التفت لـ الشبـاك:لحـالي..
ناصر:لحـالك؟؟؟؟؟؟..لو تمرض محد دراا عنك,لو يصير لك شـ...
تركي قاطعه بـ ضحكه:ههههه..صار لي حوول الـ 7 سنين سااكن بلحاالي ماجااني شي
ناصر:بس ولو..انت اخر العقود صح؟؟
تركي:أيـه..من بعد وفاة امي وابوي..وانا في بيتهم..ولا تحركت من البيت
ناصر:أخوانك
تركي:حاولوا فيني اني اجي عندهم بس انا ماابي..
ناصر:يـوم اقوولك تزوج!!
رغد فتحت اذاانهاا ع الاخر تبي تسمع وش بيقول بس هو اكتفى بـ أبتسامه..

وصـلوا لـ بيت تركي..
ناظرته رغد كاان كبير وفخـم حووشه كبييير..دخل ناصر سيارته ونزل تركي
تركي:تفضـلواا؟؟
ناصر:لاوالله..ان شالله يوم ثااني
تركي:فنجال قهوه طيب؟؟
ناصر:لا الله يسعدك..عزاام ناايم ورغد وراهاا جامعه
تركي:اجل خلاااص..بس تعوضني
ناصر يبتسم له:ان شالله!

القت رغد نظره اخيـره على البيت كان فخم لونه تقريبااا سكري وحجر..بابه فخـم وخشب والملاحق كبيره
كان في سيارتين ملبقـه..وحده عرفتهاا انهاا سيارة تركي..بس الثانيه ماتدري وشي؟؟..

ناصر:تمـس على خير
رد له تركي وسكر البـاب
رغد:شلوون عاايش لحاله وفي سيارتين؟؟
ناصر:كلهم له
رغد طارت عيونها:بس كلهم فخماات
ناصر:اللي عنده فلووس!!..."يأشر ع السيارتين"..هذيك اللي ركبتيهاا والثـانيه تشارجر..
رغد :آآآآآلله احبهاا هـ السياره..
ناصر وهو يطلع من الفلـه:هههههه..نفس كلاآآم بنت اخووه..يقول ان كل بنات اخواانـه خاقين معهاا..
رغد:ولونها ابيـض..اكثر السيارات تعطيك فخاامه ان جتك سودا بس هذي حلوه ان جت بيضاا
ناصر:ولا حمراا
رغد:اممممممم..ماقد شفت بس احس بتطلع سبور
ناصر:لالا حلووه مرره.."تذكر ملاك"..الا ملاك وين؟؟
رغد:اممممممم..في البيت مع لمى
ناصر:اهاا..انتي حضرتك حايه مع مين؟؟
رغد:هع..تاكسي
ناصر عصب:صااحيه انتي؟؟..تاكسي لحالك؟؟
رغد:وشوو؟؟..معي عزاام
ناصر:حتى لووو..لاعد اشووفك راكبه مع تاكسي لحالك..سامعه؟؟
رغد:ان شالله

\
/
\
/
"من بكره......العصر"
وصلـوا دانه وام حمد لـ البيت ..مع السـواق اللي ارسلته ام فهد

ام فهد:يااحيــا الله من جااناا..
ام حمد ودانه:الله يحيك..
ام فهد:تفضـلوا..
نادت الشغاله عشاان تنقل اغرااضهم فووق

ام حمد:ماكنـا نبي نكلف عليك يام فهد..
ام فهد:هو!...ماهناا كلافه..
ام حمد:فيك الخير والله

نزلت مشاعل:السلآم عليكم
ام حمد ودانه :وعليكم السلآم..
\
/
\
/
سحر وهي تلبس عبابتهاا..:مشاعل ماقدرت تجلس..هي دقت علي امس تتأسف..فـ انا بوقف مع اخووي
ام زياد:والله انهاا اجوديه هـ البنت لو وحده ثاانيه كان طلبت الطلاااق يمكن
سحر:مابعد بين شي...ان عرفناا وش في زيااد بـ الظبط سااعتهاا بتبين على حقيقتهاا..
ام زيااد:انا قلت لـ مرة عمك..أكيــد بتقول لـ اورى وهي بتجي
سحر تتنهد:الله يهديك يمـه..هذا خبر ياقاال..
ام زياد:وش اسوي يمـه!!..ماقدرت ابي احد افضفض له
سحر:حصل خير..اجل انا بسبقك لـ المستشفى
ام زياد:الله معك
\
/
\
/
"بصيـاح"- زيــاد؟؟؟؟؟؟؟..لالا يمه ماأصدق..زيااد مشلول؟؟
ام اروى:تعوذي من ابليــس..ان شالله ربي بيعاافيه
اروى تلطم نفسهاا:لا.."وتصيـح بهستيرياا"..الا زيااااد..فيني ولا فيــه
ام اروى:اهدي وانا امتـس..هو مايحتااج الصيااح..هو محتااج الدعـاء
اروى:كلـه من بنت الذيناا..وجهها نحـس..من قربت لناا وهي مخربه كل شيييي
ام اروى تمسك بنتهاا لاتسوي شي بـ نفسهاا:وش هـ الحكي؟؟
اروى تترجا امهاأ:يمـه ابزووره تكفيــن..تكفيــن!!!
ام اروى:بس توه..مااقاام..
اورى:موب مهــم..ابروووووووح
ام اروى:ان شالله ان شالله
\
/
\
/
ام فهد شاافت بنتها لابسه عبايتها وبتطلع مستعجله:ويـن؟؟
تقصد انك ماجلستي مع ضيووفك..
مشاعل:معليـش.."تكلم ام حمد وداانه"..السمووحه منكم بس بروح..
ام حمد:وش دعووه يابنتي..
مشاعل تبتسم لهاا:مع السـلآمه
وطلعــت

ام فهد:سامحيهاا ياأم فهد..رجلهاا في المستشفى تعباان
ام حمد:لاحول ولا قوة الا بـ الله..وش صاير له؟؟
ام فهد:حادث الله يكاافينا الشر..ويشفيه ويخليه
ام حمد:الله يحجاا عليكم..
ام فهد:آآمين..والله بتني ضاايق صدرهاا..من امس وهي عنده والحين رااحت..حتى ماجد ماتركه
دانه كانت تسمـع ولا قالت ولا شي
\
/
\
/
كانت مشاعل تتذكر احلى لحظااتهاا مع زيااد..طوول الليل تفكر وتفكر..صحيح لحظاات قليله ومو حلووه..بس تسوى الدنيـا بـ النسبه لهاا..ماتدري ليه تحس ان لهاا يد يـ اللي صار لـ زيااد..بس هوو طلع من عندي متـعاافي ومافيـه شي!!


مشاعل:زيـــــــاد!!!
التفت لها بـ سررعه:يالبيـه!!
مشاعل:بقـى طلقتين!!!

دمعتهاا بـ طرف رمشهاا..غمضـت ونزلت..حاولت تسكرهاا بقـوه علهاا تحبسهاا..
تـأنيب ضمير قااتل..اول مره تحس انهاا سبب في موتـه..او شبه موته..

هذا الموت انك تنشل بسبب شخص تحبـه..تتخيل شكله ان قـام ودرا انه مشلـول..وش بيسوي؟؟..وش بتكون ردة فلعه؟؟..هل بيقبل انه يرجعني؟؟..ولا بيخليني اعااني تأنيب الضمير..طيب اذا حكم على نفسه بـ الموت ليش امووت اناا؟؟..
ارتجف فكهاا..ليش يازيااد والله معد اتعودهاا مره ثانيه بس ارجـع


وقفت السياره قـداام البوابه حقت المستشفى ..ونزلت منهاا مشاعل..
مشت الاسيـاب ووصلت لـ غرفة زيااد كانوا الموجودين هم..
ام زياد /سحر/ماجد/فراس

راحت مشاعل لـ ام زياد وسحر
مشاعل:كيفه الحين؟؟..
سحر ووجهها واضح انهاا كانت تصيح:مافي جديد..الدكتور تو كلم عمك بس ماقال لناا شي
مشاعل بـ خيبة امل:الله كريـم...!!
ام زيااد:مشاعل يمـه..مي من امس تسأل عنك..الله يرضى عليك روحي لهاا
مشاعل:بس مقدر لازم اجلس مع ابوهاا
سحر:احنـا معااه..لاتشيلين هم
مشاعل..ماودهاا..بس
سحر:ادري ان ودك تجلسين ...بس انتي قدري حالة هـ المسكينه..

- السـلآم عليكم

التفتوا كلهم لـ بنت كانت جاايه مع حرمه كبيره..سلمـوا عليهاا ومشاعل ماتدري من هذي
البنت:شلوونه ياسحر؟؟..تكفيـن ياسحر لاتكذبين علي بـ أي شي
سحر من شاافت حالتهاا صااحت معهاا:الى الان مافي اخباار..ننتظـره يقووم..
البنت بـ قهر:آآآآآه يالقهر..ليتـه فيني ولا فيـه..فيني ولااا فيه..
ام زياد:تعوذي من ابليـس ياأروى..ترا تسخط حرآآم
عرفت مشاعل انهاا اروى..:استغفر الله العظيـم..استغفرالله
مشاعل:عن اذنكم..انا ماشيه..
سحر:اوكي واحناا بنطمك
طالعتها اروى بـ نظره..كأنها حشره مو ادميـه..

مرت من عند مااجد وشاافت فرااس.تحس بـ حقد اتجااه هـ الانسـان وكره اتجـاه نفسهاا..
تتمنى تطيحه في حبهاا ولا تعطيـه ولا ربع من قلبهاا..اللي يستـاهل اهو زيااد وبس..
بس ليتهاا تقدر تعووضه..

ماجد مستغرب:ويـن؟؟
مشاعل:بروح لـ مي..بنت زيااد
ماجد:اهاا.."وابتسم"..سمعتي آآخر خبر؟؟
مشاعل استغربت:أيـش؟
ماجد:يقوول الطبيب ان زيااد حرك يده..وان شالله راح يقوم قريب
مشاعل مومستوعبه...فرحت!!..:بيقووم؟؟
ماجد:ان شالله ادعي له بس
مشاعل:من جد تتكلم ياماجد؟؟
ماجد:والله جد.....اجل اكذب؟؟
مشاعل اجل ماراح ارووح..أبجلس هنـا..عشاان لو قاام اكون هناا
ماجد كنه يكلم بزر:لا روحي لـ بنته لانه لو قاام وشااف زوجته بدون بنته وش بيقول؟؟
مشاعل:بس
ماجد:ميشووو!!...انتي روحي وان قاام وعد مني بقولك
مشاعل:اووكي..
ماجد:يللاه فماان الله
مشاعل:فمـان الله

- مشــاعل

التفت له تعرف صووته وتميزه من بين اصووات كثير..:نـعم؟؟
فراس:كيفك؟؟
مشاعل لفت عنه:عـآيشه
فراس:سلامة زيااد يابنت العم
مشاعل من غير لاتلتفت له:الله يسلمك..
ومشـت

شكل فراس انجرح من حركتهاا بس ماعلق
ماجد:ماعليه..نفسيتهاا عدم..تدري زوجهاا وتوهم معاريس
\
/
\
/
طلعت سمر من محااظرتهاا وهي فااقده رغد..ماتدري وينهاا..مختفيـه

وصلت عند شلتهاا
سمر:هآآي افري ون
الكل:هايااات..
سمر:وين رغد؟؟..ماداومت اليـوم
غدي:تقول اعتذرت..ماراح تداوم
سمر:اعتذرت؟؟..خلاااص يعني؟؟
وجدان:أيـه..لان درجااتهاا ززززفت
سمر:ليه طيب؟؟..هي ماشدت حيلهاا
غدي:تعرفين وفاة ابوهاا..وزواج اخوهاا..وكل شي جاا بسررعه..فـ مافي مجـال تجيب درجاات حلووه
سمر:اهاا..

"عند رغـد"
ترمي نفسها ع السرير:مااني مصدقـه
ملاك وهي تجلس ع الكرسي:من جد..كيف ماجت هـ الفكره لنا؟؟
رغد:والله وناااااااسه..

/
ناصر:خلااص اذا بتحذفين ترم..نروح الشرقيه عند خالتي ام راشد
رغد:وونـآآآآآآآآآآآآآآآآآسه..يعني بنروح الشرقيه؟؟؟
ناصر:ايه..عشاان خاطرك بس..
/

رغد:يآآحبي له ناصر..وهـ فديـته
ملاك:انا ماأعرف خالاتكم ماحصلي اتعرف عليها بـ العزى بس شكلهاا طيووووبه..كذا اهل الشرقيه معروفين بـ الطيبه
رغد:آآآآخ هـ الخااله شي موب طبيعـي..
ملاك:حمستيني اتعرف عليهاا..
رغد:ان شالله تحبـون بعض وتعتبرك بنتهاا..
ملاك:عندهاا بنت؟؟
رغد:ايه 2.. متزوجاات..وولد واحد اللي هو كان جااي معها بـ العزى
ملاك:اهاا..
رغد:اجل ابجهز شنطتي عشااان نروح
ملاك بـ ملامح موب واضحه:طيب حلووه سفرتناا وزوج مشاعل تعباان؟
رغد:بنقول انننا بنزور خالتناا
ملاك تهز كتفهاا:امممممم..مدري
رفد:يابنت الحلااال..الواحد لازم يوسع صدره يعني لو ولد عمناا اللي طايح كان قلنا مايصلح نروح..بس زوج بنت عمناا
ملاك:بس لازم نحترم شعورهاا
رغد:ملاااكوه..لاتدخلين نفسك في متهاات..كلها كم يوم
ملاك:صح..خل اروح اجهـز شنطتي وشنطة نصووري
رغد وهي تاخذ شنطة سفر:روحي جهزي شنطة.."وتقلدها"..نصورك
ملاك:ههههه..تتهزين؟؟..جلعي اشـوف فيك يوم
رغد تفتح دولابها:خخخخخخ..آآميـن
ملاك:غبيــه..تدعين على نفسك
رغد وهي تصفط بلوزتهاا..وتدخلهاا:ليش ادعي على عمري؟؟..بلعكس حالكم الكل يتمنااه الله لايغير عليكم يارب
ملاك:يعني تبين تحبين زوجك زيناا؟
رغد:يــااليت وهو يحبني مثل مايحبك نااصر
ملاك:امممممممممم..ماينفع
رغد:ليـش؟؟
ملاك بـ خبث:لان هـ الحب بس لـ نااصر وملاك..هههههههههه
رغد ترمي المخده عليهاا:على ذاك الشي...وشو مكتوب بـ اسمكم هوو
ملاك:يس!!
رغد:اجل ابسرقه انا وفاارس احلااامي
ملاك تجلس ع السرير:الا عندك فارس احلام؟؟
رغد:وش شايفتني؟؟..عديمة احسـاس؟
ملاك:ليش اللي ماعنده فارس احلام عديم احسـاس؟؟
رغد تهز كتفها:يمكن!!
ملاك:طيب..انتي تحبين؟؟
رغد:مدري..بلكن اعجااب
ملاك:اعجـاب؟؟..
رغد:ماأعرف..بس اتمنـى مايكوون حب..ادعي لي
ملاك:ليش؟؟..الحب حلو
رغد:ادري..بس معااه هو لا..لانه بيصير من طرف واحد
ملاك:طيب منهوو؟؟
رغد:........................."ماردت"
ملاك:ماتبين تقولين؟؟
هزت راسهاا بـ"لا"


تعليـقاتكم ع البــارت

[بنوتة عسوولة]

روعة خيال شكرالكي

[غامضة]

البرت مرة خطيير انشاء الله يقوم زيااد بالسلامة
لا تطولين يا الغلا انتظرك

[منيره]

البارت مره حلو بس تاكفين لا طولين
وعن توقعي ان مشاعل بتحب زياااد ويرجعون البعض وتركي يبي رغد زوجه له من طريقه اهتمامه فيه وغيرته عليه وبيكشفه سعود بخبرته ودانه بتعجب في ماجد مع وقفاته مع اخوايه00000000عاد لاطولين بسرعه ياعسل