روايه( كبرتي وصرتي بالعشرين طويلة وفاتنه وتغرين) حليوه انصحك تقرونها

[روحي تعبتني]

×..الفصل الثاني عشر..×
>..:..الجزء الاول..:..<


-توو مانورت فينيسـا..ليتني هي عشـان اتبـأرك بك
اكتفت مشاعل بـ رفع حـاجب..
زياد لاحظ:مشاعل حيـاني فيك شي؟؟..متضايقه من شي؟؟
مشاعل:لا بس ماودك نروح الاوتيل؟.."ولفت وجهها عنه"..لانو بـ صرآحه طفشت وانا واقفه هنا..
تنهد زيـاد باين ان خاطره انكسـر:ان شالله يابعد روحي..مالك الا اللي يسرك..
راحوا الاوتيـل..فتح لها الباب ومشـى وراها..كانت تمشي بـ سرحـان..وهو يتأملها ويحس بـ ان كل حركه تسويها مثل العسـل على قلبه المهم انها صادره من مشاعل اللي مستعد يضحي بـ نور عينه عشـان رضـاهاا..
\
/
\
/
-رحت مستشفـى المجنـــــانين؟؟
ضحك سعود عليهاا..الطريق كان طويل لـ "عليشه"..المكان الموجود فيه الجامعه..فـ دقوها سوالف مع بعض:ههههههه..ليش ...خايفه؟؟
رغد حست على عمرها:لا بس..مدري يخووف هـ المكاان..محد افترسك؟
سعود:لا..هم ضحاياا..مو لانهم مجانين صار خلاااص هم آآفة المجتمع
رغد:بس مدري احسهم يخوفوني
سعود:بسـم الله عليك..هههههههههههه..
استحت رغد منه..وفي نفس الوقت كانت مستـانسه معه..
لاحظت انه يتوجه لـ طريق مو طريق الجامعه..او قريب منه...
رغد:وين رايحين؟
سعود:ابد مشتهي قهوه
رغد:اهاا..
سعود:ابأخرك؟
رغد:لالا..شدعوه..مثل ماقلت لك محاظرتي متأخر..
سعود:حلوو..
وقف عند ستار بكس..وطلب له كوفي
سعود:رغد وش تبين
رغد:شكرا سعود مابي شي
سعود:أفـاا!...ترا ازعل منك
رغد..وش يبي ذا..:لاوالله مالي نفس..شكرا سعود
سعود:ابطلب لك على ذووقي تراا
رغد:والله اتكلم جد ماابي شي..
سعود:انا اخبرك تحبيـن الموكـا...صح؟
رغد:ههههههه..ماشالله بعيـر
سعود يضحك:لااله الا الله!
رغد حطت يدها على فمها:هههههههههههههههههههه

شرا لهاا سعود موكـا..واتجـه لـ الجامعه..ولا يدرون بـ الشخص اللي كان يغلي منهم..
أتصـل تركي على سمر..

سمر:هلا ترووكـ..
تركي:رغد طالعه مع مين؟؟
سمر:هاه؟؟.."فاهيه"
تركي:يابقره..رغد طالعه مع مين؟؟؟؟؟؟؟؟؟
سمر:طيب ليش معصب تلقـأه اخوها العلـه..
تركي:لا مو اخووها ولا سيارته..هي ماعندها اخوو ثاني غير البزر
سمر:وانا وش درااني..شوي وتسطرني..
تركي:المهم أسأليهاا
سمر:لاوالله؟؟؟..اروح اقولها رغد..عمي يسألك..من هـ اللي معك؟؟..حلووه صرآحه
تركي:اسمعـي بتعرفين لي منهوو..ولا انا بنفسي ابسألهاا..
سمر:طيب ليش معصب..يمكن واحد من اقاربهاا؟؟
تركي بـ انفعـال من رغد وسمر هـ الغبيه:اقـص ظفري من هناا كان اللي بينهم حـلال..
سمر:انت وش يهمك
تركي:رغد مو من هـ النووع....انا عاارف
سمر:اجل ابعد عنهـا..دامها مو من نوعك
تركي:سميـــّر..لا يكثر هرجك..تراهاا واصله معي..
سمر:كل هذا عشاانهاا عافتك عشاان واحد ثااني؟
تركي هنـا عصـب:سمر يا بنت الـ"......"..ترا وربي ان ماسكتي ابجيك واعلمك السنـع..
سمر:...."خافت منه..لاعصب يسوي أي شي"
تركي:المهم أسأليهاا..ولا ابروح بنفسي اشرشحها مع حبيب القلب..بعذرهاا ماتبيني...
سمر:ان شالله..

سكر منهـا..وهو يحس نفسـه يغلي مايدري ليه بس غليـااان ينهشه نهش
\
/
\
/
رجـع ماجد مكتبه بعد ماعطـا المراسل بعض الاوراق..
شاف جواله لقى مكالمتين من رقم غريب...
رجع اتصـل عل هـ الرقم

رد عليه صوت رجـال:آلوو السـلاآم عليكم
ماجد:هلا وعليكم السـلاام من معي؟؟
؟:أخ ماجد؟؟
ماجد:ايه نعم..
؟:معك ياسر من مستشفـى الـ"........"..
قاطعه:مسشفــــى؟؟.."جا بـ باله حمد"..حمد فيه شي صح؟؟؟؟؟؟
ياسر:لا ان شالله بس نبيك تشرفنا لو سمحت
ماجد:ان شالله مسافة الطريق..
انطلـــق ماجد بسـرعه لـ المستشفى
\
/
\
/
- هآآي رغوده
رغد:هلا سموره..كيفك؟؟
رغد:الحمدالله بـ خير..
مسكت رغد يد سمر..ورآحت عشان تعرفها على صديقاتها وتترك صديقات السوء اللي كانت تماشيهم..

رغد:بنــــــات...أعرفكم بـ سموووره...عضوه جديده بـ القرووب
كانوا صديقـات رغد مو من نوعية سمر..على قولتها حثـالة المجتمع...
مثلا فيـه...
تهـاني..من عائله متوسطه على قد حالهم..تتمنى تكون شي مهم في المسقبل..عشان ترفع عايلتها
غدي..هاديه خلووقه..كتوومه لـ ابعد الحدود..بس ان تكلمت كل اللي حولها يسكت..
وجدان..خبله بس شريره نوعا ما..بـ مقالبهاا الي ماتخلص..بس عليها قلب..أبيـض!

غدي:هذي صديقه جديده رغووده؟
رغد تناظر سمر:أيـه..ان شالله نعجبهاا
ابتسمت سمر..وفي نفسها تقول..."تعجبووني؟..في احلامكم ياحلواات"..
وجدان:اجلسـوا طيب..
تهاني:الظـاهر مستحياات..ههههههه
وجدان:ههههه..يمكن
رغد:لا..اما استحي منكم..لايكثر بس..
جلســـوا..
تهاني:اليوم ماجيتي المحاظره ليش؟؟
رغد:ناصر راح لـ شغله وشكله نسـاني
وجدان:ليه ماتجوبون سواق؟
رغد:مدري..ماأظن ناصر يوافق..
تهاني:المهم دبرتي عمرك..
سمر تبي تعرف عشان عمهـا:ومع من جيتي..
رغد:سعـود!..."وتحمست بـ السالفه وجلست تسولف"..جاب لي موكا..كأنه داري اني مشتهيته
تهاني:ههههههههه..طبيب نفسي..اكيـد بيعرفك من عيووونك..
وجدان:ههههه..خاقه معه تهاني..
رغد:لحظـه وش دارك انه دكتور نفسي
تهاني:انتي قد سولفتي لي عنه مره..
وجدان:حتى مره قلتي انه لو يجي يخطبك بتوافقين..
رغد تذكرت تركي..سعود مايعني لها أي شي..بس مجرد ولد عم..وتعبره اخو صحيح قالت له او جااها ماراح ترفض لانه تعتبره رجـال بـ كل ماتعنيه هـ الكلمه..بس هذاك قبل ظهور تركي ع الشـاشه الحين مافي غير تركي..تركي وبس..
وجدان:اشووفنـا سكتنـا...لالا الظاهر بدينا نحــب
رغد:ههههههههههه..تخيلي رغد تحب؟؟..ملينفع

-آلووووو..هلا هلا..دقيقه شوووي
التفتوا البنـات على سمر اللي كانت تكلم..:ثوااني بنات بروح الكم وبجي..
رغد:تك يور تايم

سمر تكلمه:هلا تركي..
تركي:أيـــوه عرفتي؟؟
سمر:مو مرره
تركي:قولي تراني جالس على نااااار
سمر:اسمـه سعوود..والظـاهر انها تحبه مووووووووت
تركي عصب أكثر من اول:اوكي اوكي..هي قالت كذا؟؟
سمر:هذا اللي عرفته
تريك:اقووول الله لايحوجني لك...مع السلااامه
وسكر في وجهها..
ناظرت سمر الجوال..وتحمدت ع العقل..
ورجعت لـ قرووب رغد..

سمر:سووري ينـات اذا تأخرت..بس هذي اختي
رغد:لاعاادي..
رن جوال رغد
المتصل>>رقم غريب
عرفته..تركي!..
بس ماردت..رجع دق مره ثانيه..ولا ردت...

وجدان:تخيلـوا بنـات..امس كنت طالعه مع اخووي...و
قطع عليهم صـوت جـوال رغد..كات تركي
تهاني:ردي......
رغد:مابي..
تهاني:مين هذي طيب..
رغد:ابد.وحده الله يستر عليهاا
غدي اخيرا تكلمت:اكيـد مضايقاات من شباب صح
رغد ابتسمت:ايه...بس بقول لـ ناصر لاتخافين
خاافت سمر يدري نااصر وتخرب كل خططهم..بس هو الخسراان هي ماراح تستفيد او خسر شي بلعكس..بتفتك من هـ"الجحلط"..

صحيح تهظم رغد..لانهاطيبه بس ماتحب صديقاتهاا..
\
/
\
/
-مايصحش تدخل ياأوستااااز
ماجد:اقووول لايكثر وخر عن وجهي لا اشوتك..ابدخل
الدكتور:دنت حتسبب...........
ماخلاه ماجد يكمل..مايقدر يصبر وهو يشوف حمد يحتضر..كان جالس يناادي بـ اسم ماجد..

دخل ماجد عند حمد وهو خاايف عليه..
ماجد:حموود..حموود من سووا بك كذا؟؟؟
حمد:ماجد...ماجد تكفـى طلبتك لاتترك امي وداانه..
ماجد:الحين اروح اجيبهم لك...
حمد مسك يد ماجد:ماجد...
ماجد:من الكلــب اللي سوا بك كذا...انت بس علمني..
حمد:مو مهم...فادي لايتزوج دانه..وامي ودانه أمـآآنه بـ رقبتك..تكفى ياماجد..
ماجد:انا بجيبهم لك......ألحين
فك ماجد يد حمد من يده..وراح
\
/
\
/
- يالغبي وش سووووويت؟؟..متخلف
فادي وهو يطلع دخان الزقاره من خشـمه:ماسويت الا الواجب ياأخووي..يستاهل من هـ الحال واردى
مؤيد:ياغبي...الحين بيدورون من هوو اللي ذابحه..وتروح وطـي..
فـادي.هههههههههههه..مو مهم..انا في رآسي حرش..في راسي شي ودي اسويه
مؤيد:وشو بعد...الحين ياذكي بناخذ الفلووس من حمد بـ الرآآحه بس انت كيف بتطلع منهاا
فادي:من قالك اني ابغاا فلووسه.....انا ابي شي ثــاني..
مؤيد:مافهمت
فادي يقوم وبيطلع:الحين تعرف.....فمـان الله
وطلـــــــع
\
/
\
/
-انت وش تقوول؟؟
خاف ماجد على ام حمد...قال وهو يكلمها من ورا الباب..:خالتي تعوذي من ابليـس مافيه الا العافيه ان شالله
ام حمد تصيـح وبترجي:الله يحليك يااماجد خذني له...تكفى ياولدي..والله ماراح انساها لك ابد
ماجد:أكيـد ياخاله انا جاالي اخذك..
ام حمد:دآآنه جيبي عبايتي..
دانه مو مستوعبه....جابت عباية امهاا..
اخذتهاا ام حمد وراحـت مع مـاجد...

حمد؟؟..وش صار فيه؟؟؟..فتحت دانه باب الشــارع ولمحت لمبـات سيارة ماجد الخلفيه..
راحـــــــوا...!
وانا لا..
\
/
\
/
مشت رغد متجهه لـ اختبارهاا..رن جوالها لـ المره الـ1000
رغد:لاحوووووول..
قطعته في وجهها وجاها مســـج
"رغد ردي علي ومن غير عنـاد"
ورجـع رن..
ردت وفضوولها ياكلهاا وش يبي هـ المره
رغد:نعــم؟
تركي:هلا رغد.."بنبره جاده"
رغد:خير؟
تركي:ممكن اعرف من هو اللي موصلك اليوم؟؟؟...
رغد اسغربت وش عرفه ذا؟؟
رغد:ليش؟
تركي معصب:رغـد!...من موصلك؟؟..سؤال واعتقتد انه مفهووم
رغد خافت منه:سعود ولد عمي
تركي:ولد عمك....وليه ياخذك محل قهوه؟؟..
رغد عصبت منه:وانا وش درااني..هو عازمني يعني اقوله لا؟؟
تركي:المفرووض انك تقولين لا.."أبتسم"..صح؟
رغد رجف قلبهاا:تركي انت وش تبي مني بـ الظبط
تركي وباين انه رووق فجأه..وقال بـ صوت اشبه لـ الهمس ذوبهااا:يعني لي الحين ماتدرين وش ابي؟؟
رغد:لا.."وشافت صديقاتها يأشرون لها تدخل الامتحان"..اوكي انا ابدخل اختبر..باي
تركي:بـ التوفيق يالغلا...قلبي معك
رغد:باي

سكرت رغد منه وهي مبسووطه..تركي يغـار؟؟..عضت على طرف القلم وهي مبتسمه..ضمت يدينهاا وهي تمشي الارض موب شايلتها من الفرحه

وجدان:وش سر هـ السعاده؟؟
رغد تبتسم:ابد...مبسووطه جلعه دووم ان شالله
وجدان:ان شالله
\
/
\
/
ام حمد تسمك طرف كم ثوب ماجد:الله يخليك ياولدي وينه؟؟..وين حمد
ماجد:تعـالي ياخاله..امشي وراي
وداها ماجد لـ العنـايه اللي كان جالس فيها حمد..ومنوم فيـها..
النرسlease don't……….
ماجد:اقوول لايكثر وخري عن وجهي..
النرس:you most lesten to me..plaese
دفها ماجد بـ خفيف بس عشان توخر..وتو ام حمد بـتدخل بس طلـع سرير حمد في وجهها وهو
"ميـــــــت"
وجهه مغطـى بـ الشرشف الابيض..ولابـان منه ولا شي..
ام حمد ناظرته ومسكت السرير بـ يدها اللي ترتجف:هذا ولدي؟؟؟؟؟..لالا مو ولدي.."ناظرت ماجد"..صح؟؟
ماجد ماوده ينـاظر يحس هـ الموقف اكبر منه..
ام حمد رجعت تناظر حمد:حمـــــد؟؟....."شالت الغطـا عنه"...حمد؟؟.. حمد الله يخليك رد علي..حمد تكفـى لاتمووت..الله يدخلك الجنه انا محتـاجتك...من بيحمي اختك من عمـك وعيـاله.....حمد...حمـد!....
النرس السعوديه:لو سمحتي ياخاله..
ام حمد تبكي على صدر ولدهاا الوحيد:حمـــد..حمد تكفى رد علي.....حمد..من سوا فيك كذا؟..أكيد عيـال عمك الله ينتقم منهم..حمد الله يخليك قم من بيحمي دانـه
"دانـــــــــــــه"
تذكر ماجد دانه...عيال عمه اللي مايخافون ربهم هم السبب في اللي صار لـ حمد..وماأظن بيتركون دانه لـ حالهاا..
تذكر ماجد انها بـ البيت لـ حالهاا..

اتصل على خالد

خالد:هلا ماجد
ماجد:خلووود..اسمع ابغااك تروح لـ مستشفى الـ"......"..
خالد:افاا..ليه؟
ماجد:عشـان حمد..خالد رح بسررررررعه الحين
خالد:ان شالله ان شالله
سكر ماجد من خالد وركب سيـأرته بسررعه شخط لـ دانه...القهر ياكل قلبه أكل..والله ماأمشيها لكم ياعيـال الـ"..."..موتة حمد ماراح تمر كذا....وان صار شي لـ دانه ابنتقم بيدي هذي لو بعدها اعدامـــي..
\
/
\
/
السـاعه 10 صبـاحا في فنيسيـا..بد أشعة الشمس تنتشـر بـ توسع داخل غرفتهم..انفتـح باب الحمـام "الله يكرمكم" وطلع منه وهو ماخذ له شاور ينعشه..ورابـط الفوطه على خصره..وجسمـه في قطرات مويه وجالس يغني بـ صوت اقرب لـ الهمس:..
اقـول احبك
يجيني ردك القـاسي..ادور رضـاك..وانتت عاند بـ هجره..اهديك الاحسـاس تكسر الخاطر..اقول صبرك على قلبـي مارضى صبره

مشى وهو يغني لين وصل السريـر..انحنى وبـاس بين عيـونها
زياد:ميشوو حيـاتي..يللا ياقلبي اصحي عشـان يمدينا نفطر قبل ننزل نتمشـى..
مشاعل:........."نايمه"
زياد وهو يمرر اصبعه على خد مشـاعل:ميشووو
مشاعل وهي مغمضـه عيونهاا:بليــز ممكن توخر..لاني بـ صرآحه مالي خلق ابد!
زياد:...........
مشاعل كملت نومتها
زياد:ابشـري..ماطلبتي شي..تامريني امر
وراح يلبس ملابسه ويفطر وحيد
\
/
\
/
كـان ماجد يمشي بـ أسرع شي..يبي يوصل يتطمن على دانه..هي بـ خير او لا..
ولو ان قلبـه ناغزه..هذي وصية حمد وهو لازم ينفذهاا..
الشي اللي كان ماجد يركز عليه هو انه مايجيب حمد في رااسه لانه بيفكر وبيفكر ولا راح يركز بـ اللي هو جالس يسويه..

وصـل البيت بس المفــاجأه في...
الباب مكسوووور!
فتح ماجد عيونه على وسعهاا..نزل من سياارتهاا وقآدته رجوله من غير راي..لـ"فوق"
كـان يركض بـ كل سررعه و"قهره"..ماسك طرف ثوبه ويطوي الدرجـأت كل 3 درجات مع بعض..
ماجد:دآآآآنه...دآآآآنــــــه!

يوم وصـل لـ آخر درجه صدم في شي..وفقد توآزنه بس حس بـ أحد يمسك كتفـه...
ناظر لقى واحد قداامه شكله مايبشر بـ"خير"..لانه الـ"الشر" بـ عينه
ماجد فك يده ولا كأنه شاكر له لانه مسكه قبل يطيح من الدرج:من انت؟؟؟
ابتسم:هه..انت اللي مين ؟؟
ماجد معصب حده:أقول يالاخوو لاتكثر هرج وتعـال اوصلك برآآ
تكفت وقال بـ نبره فيها سخريه:الحين انت جآآي تطلعني من بيت عمي؟..خووش والله
ماجد:بيت عمك؟؟؟؟..ههههههه..انت تخليني اصر على راايي في اني اطلعك براا..لو سمحت من غير مطرود..
رفع حاجب:الظـاهر ماتدري مين تحاكي انت....معك فاادي يا....ماقلتي من انت اصلا..لا يكوون البواب اوالبودي قارد؟
ماجد عصب منه:اقول يا"رجـال" ماودك تطلع..اطلع مادام النفس عليك طيبه..برآآآآ
فادي يضرب على كتف ماجد:مو حلوو ان الواحد يدخل في مشاداات مو قدهاا...اوكي قلبوو..اطلع براا
مسك ماجد يده ولوااهاا..:هذي توجهها لك فأهم ؟؟
فادي حاول يدز ماجد لكن ماجد كان اسرع منه ومسـك في الدربزين..مسك ماجد قميص فادي ورجعه على وراا..ماجد لماا يعصب محد يوقفه ..
فـادي:فـك ياحثـاله
ماجد:وان مافكيت وش بتسوي؟؟؟؟؟؟؟؟؟؟..تدري؟..الشرطه جايه الحين ومو احسن لو شاافوك.."طبعا يكذب"
فادي التفت حواليه يدور شي يمسكه شـاف الشمـاعه توه بيمد يده لهاا عشـان يضرب ماجد فيهاا..بس ماجد رجعه على ورا وضرب ظهر فاادي في الجداار
فاادي ضعيف لـ ابعد الجدود لانه كان سكير ويشرب واللي مثله بنيتهم ضعيفه..
فكرته في انه يضربه ناشبه في راسه ..فكر كيف يضرب
طلع فادي الجووال من جيبه وبـ حركه خاطفه ضرب كتف مااجد..
ماجد:آآآآآآآآآآآآآآآآآآهـ..
ماقدر يمسك فادي اكثـر
راح فادي عند الدرج:هههههه.خل الشرطه تجي وتشوفك دااخل ودانه موجوده والتهمه تلبسك يا....حثـاله!
ونزل..ثوواني سمع ماجد صوت سيارته..
\
/
\
/
طلعت رغد من الاختبـار فتحت جوالها عشان تدق على ناصر يجي ياخذهاا
لقت مسج من تركي
"أبيع عمري لأجل ساعه معك وأنت
تنسى غرام العمر في ظرف ساعه
غيرك يفز لشوفتي وأنت مالنت
سالي ولالي وسط قلبك شفاعه
غيرك يبيني وأنت كنّي ولا كنت
عندك ولا كان لهوايه قناعه"
ابتسمت وش كثر فرحت بهـ الرسـاله....مسحتهاا ولا ردت عليـه..
\
/
\
/
"عند العروسين"
جالسين في غرفتهم ويتفرجون على فلم..مشاعل جالسه ومتكتفه وعاقده حواجبهاا..
وهو مد يده مرت ورا رقبتها لتستقر على كتفها الايمن..
جا فاصـل اعلآني..
رجع رقبتـه لـ ورا وغمض عيونه.بعدين رجع لـ وضعه الاول وقرب خشمـه لـ رقبتها ورفعه الين وصل اذنها وقرب فمه لـ خدهاا..وجا يبوسها..بس قاامت بسرررررعه
مشاعل:لو سمحت!.
زياد:مشاعل وش فيك؟؟..انا زوجك ليه قمتي؟؟
مشاعل:ياأخي استح على وجهك..وش تبي او تحب وحده ماتبيك .."وبصوت يعور"..وماتحبك!
وقف زياد وبـان طوله الفاارغ:مشاعل!..."وبهدوء"..ممكن اعرف وش سالفتك؟؟..مشاعل بـ ذمتك انا مضاايقك بـ شي..قولي لي..انا مزعلك بـ شي؟؟
مشاعل والعبره خانقتهاا بس تحاول ماتنزل دموعهاا:انا آسفه..ادري مالك ذنب بس انا بعد مالي ذنب..
زياد وباين عليه مافهم:شلـون؟..انتي تتكلمين بـ طلاسم
مشاعل رفعت حاجب:اقوول وش رايك تنسى؟...لالا من جد احسن لك انسـى..
وعطته ظهرها..ودخلت الحمـام

اما هوو جلس تايه..محتار..مشتت..وعيونه نظراتها مشتته..متعطشـه لـ أي اجاابه..
\
/
\
/
يوم حزيـن بـ كل مافيه..
لانه اليوم الاول من وفـاة حمد..الكل كـان يبكي عليه وليه لا وهو حمد اللي كان يترك بصمه حلووه في كل مكان يروح له..

دخلت ام فهد لـ بيت حمد عشـان تعزي..ومعها ام ملاك وملاك ورغد

ام فهد:عظم الله اجرك
ام حمد تعدل طرحتهاا ومنديلها بيدهاا:اجرنا واجرك..

عـزوا البنات ام حمد..
ام فهد تكلم ام حمد:الا وين دانه؟؟
ام حمد:فوق وعلياا..ومانزلت من امس..
ام فهد:هو!..وراهـ؟؟
ام حمد:تصيح مسيكينه..ماأستوعبت وفاة اخووها
قامت رغد وسحبت معهاا ملاك:اقوول ياخاله تسمحين لنا نروح لها فوق؟
ام حمد:أيـه اكيـد!

راحـوا رغد وملاك فوق عند دانه
ملاك :الحين احنـا وش دخلناا؟؟
رغد:مالنا دخل بس ع الاقل نوقف معهاا في محنتهاا..
ملاك:ولو اني مو مقتنعه بـ تشوتنا براا شكلهاا..
رغد:لا ان شالله امشي بس انتي..

راحـوا ل كم غرفه وبـ حكم ان البيت ضغير وصلوا لـ غرفة دانه اللي عرفوها على طوول من صكت الباب..

رغد:بلكن هذي غرفتهاا
ملاك:الا ذي..خل نذق الباب نشـوف..
رغد:مدري احسـه أحرااج..
ملاك:قايلة لك اناا..امشي نرجع..
رغد:لااااااع..ماراح ارجع..انا مارقيت عشاان ارجع
ملاك:لاحووووول..رغيّـد!..
رغد:روحي انتي..

دقت البـأب..دقه!.....دقتين!..
رغد بهمس:ماترد
ملاك:اجل خل ننزل
رغد:نوووب..
فتحت الباب ودخلت كانت الغرفه ظلااام المكيف مولع والغرفه باارده وشكلها نايمه
ملاك:وانتي وجه بن فهره..تدخلين كذا؟؟؟؟؟؟؟
رغد:ماعليك...امشـي!

[روحي تعبتني]

>..:..الجزء الثـاني..:..<

مسكت ام فهد يد ام حمد..
ام فهد:ابغااتس بـ كلمة رااس
ام حمد جت ورااها وصدوا بـ جهه
ام فهد:انا طالبتس ولا ترديني..ترا حنا خواات
ام حمد:وذي يبي لها حتسي؟؟
ام فهد:قوولي تم
ام حمد:تم يام فهد
ام فهد:ابيـك تجين انتي وبنتتس عندي بـ البيت..
ام حمد:بس يام فهد......
ام فهد:انتي شايفه ربي وش قايلن بـ الباب..وتراتس قايلتن تم
ام حمد:ان شالله يصير خير
ام فهد:اجل اليوم تضفـون عفشكم وتجون معي..
ام حمد:والعـزى؟؟
ام فهد:خلاااص اجل بنحتري لـ آخر يوم لييين خفـوا النااس بتجون..زين؟
ام حمد:صــار
\
/
\
/
-مشـاعل
ناظرت مشاعل زياد اللي كان واقف عند الباب ومتكتف ومسند كتفه ع الباب..
مشاعل:سـم
زياد بدون أي تعابير:مظطرين نرجع الريـاض..جهزي اغرراضك
مشاعل ارتااعت:ليـــش؟؟
زياد يبتسم:ابد يالغلا..بس ابووي تعبـان شوي
حطت مشاعل يدها على صدرها على بالهاا شي ثـاني..ماتدري وشو بس كانت خآيفه حييل
فهم زياد خوفهاا شي ثـاني..
راح لها ولفهاا له:وش فيك حيـاتي؟؟
مشاعل:لا..مافيني شي
زياد:انا آسف بس لازم تقدرين ظروفي هذا ابووي ولا عنده غيري
مشاعل:فااهمه عليك..!

راحـت مشاعل عشان تجهز شنطتهاا..شافت شنطة زيـاد..توهاا بتشيلهاا..وتحطهاا بـ السرير وترتب اغرااضه
زياد:عنـك!
شالهاا وحطهاا بـ السرير..اخذ ملابسه من الدولاب:انا اللي برتب اغرراضي روحي انتي شوفي شنطتك
مشاعل:لا خلهاا انا اللي بجهزهاا
زياد:لا يالغلا..روحي!
\
/
\
/
- آسفه بس ماعرفتكم
رغد تبتسم لها:لاعادي..احنـا بنات اخوان ماجد
دانه بدون تعابير وآضحه:ماجد؟؟
ملاك:ايه صديق اخوك الله يرحمه
نزلت دانه رآسها لـ البطاانيه...وجلست تلعب بهاا او تحاول تخفي دمعتهاا..
ملاك:اقوول دانه رغد..ماجعتـوا
دانه تبعد خصلآت عن شعرهاا:لا..بس مآلي نفس آكل..
رغد:افاااااا..ترديناااا يادانووه؟؟
ملاك:ههههه..تراهااا تموون
دانه ضحكت:لاعاادي..
\
/
\
/
"بـ شهقه":بترجع؟؟؟؟؟..وليه طيب؟؟
زياد وهو يمشي بـ سيب الغرفه:ماأحس انهاا مرتـاحه هناا يمكن لانهاا مو متعوودهـ..بأجل سفرتناا لـ بعدين
سحر بضيقة خلق:عااد تبي الصدق يازيـاد؟؟...وجه مشااعل في الزواج موب معجبني..
زياد:حتى انا.."يبرر"..يمكن الى الان متأثره بـ موت عمهاا
سحر:يمكن..اووكي متى رحلتكم
زياد يناظر ساعته:ساعتين..جهزي جناحناا ياحلووهـ
سحر:أكيـــــد..قلت لـ مريااتي تجهزه هههههههههه
زيياد:الله يخس عدووينك ياشيخـه..
سحر:هههههههههههههههه..المهم انت اخبـار مشااعل..واخباار الليـالي الحمـراء هههه
جلس زيااد ع الكرسي ومد رجوووله وسند رااسه..سكر عيوونه وتنهد:آآآه ياسحر
سحر:0oh my god
زياد:ههههههه..وش فيك؟
سحر:الحــــب حلوو..موو؟؟
زياد ابتسم عليهاا..حلوو مافهمت سبب التنهيده:مـــــرهـ
سحر:الله يوفقك معهاا يارب..ويعووضك عن أيـامك مع اروى
زياد:آميـن..الا شخباارهاا اروى؟؟
سحر:الحمدالله..دقت مرة عمي على امي تبارك لهاا..ولحمدالله عاايشه
زياد:توهاا صغيره والعمر قداامهاا..
سحر:مسكينه ام 24 ..بس اللوم على ابوهاا الله يهديه
زياد:الله يهديـه..الا اخباار ابوي..كلمت امي امس وقلت لهاا تعطيني ايااه بس كان ناايم
سحر:والله انا في بيتناا الحين بس امي تو مكلمتي وتوها طالعه من عنده..بـ خير ويسأل عنك..
زياد:والله اني شايل همه
سحر:انت شل هم نفسك يالاخوو..الا اسمـع..ابوي شرا فتاشه لـ ميشوووووو
زياد ابتسم:كنت بروح انا اشتري
سحر:لا ابووي يبيهاا منه هو بـ نفسه...
زياد:وش شراا؟؟
سحر هزت كتفهاا وهي تبتسم:يقول مفاجأه..

خلص زيـاد كلااامه مع سحر سكر عيوونه ودخـل عالم ثاااااني..

جالسه ع السرير تقووم زوجها وولد عمها.."وحبيبها"
اروى:زيـاد قم..زيوووودي
زياد:اروى حبيبتي ابنــــام شوي بس
اروى تلعب بـ شعره اللي تحبـه وتقول بـ همس عند اذنه:زيـاد..لاتعبني معااك يللا قـم
زياد مسك يدهاا وبآسهاا:اوكي قلبي بس خمس دقايق
اروى تبتسم:لاوالله؟؟؟؟...وش رايك بـ ساعه.حلوو؟؟
زياد عجبته الفكره:آآآآ..ياليت والله..أكوون اسعد انسـان
اروى:هههههه..يللا قووووووم

ابستم على هـ الايـام..بس مايدري كيف انقلب كل هذا لـ"كرهـ"..
كانت بينهم لحظااتت سعيده..
مثـــــل
يوم يوصلـه خبر حملهاا..الدنياا ماشالته من الفرحه..ثمرة حبهم..ماينكر ان المولود جاا بسررعه وعلى قولة اروى انه خرب الجوو..بس كـــان عسسل على قلبه هـ"الطفـل"

/


في الطريـق لـ العودهـ لـ ارض الوطن
زياد وهو يقرب لـ مشـاعل:مشاعل
مشاعل وهي تقلب صفحات مبيعات الخطوط:هممممم
زياد:ركزي معي شوي..وخلي عنك دور العدو لـ عدو في الحرب وانسي اني زوجـك..خلينا خالين من أي قيوود لو لـ مره وحده بس
مشاعل وهي تسكر المجله:وهذي تركيزه
زياد:تدرين مشـاعل..على كثر تعصيبك وتهزيئك الا انه مايزيدني الا حب!..انا حبيتك بـ كل مافيك ومن حي لك حاولت افهمك بـ أقصر مده..صحيح كان صعب..وصعب حيل لانك بـ طبعك غريبه وغامضه..بس..فهمتك او فهمت جزء منك..اممممم..وحسيت روحي ضعيف..ضعيف حيـل..وأصغر من اني اعااندك او اكسر بـ خاطرك..ولاني احبـك..وحبيتك ولسى بحبك..!..بعطيك هديه ماراح تنسينهـا ابد لانها بتظل ذكرى بـ حياتك و وذكرى قويه قوويه.. اتوقع كان ودك فيهاا من زماان بس مستحيه.."ابتساامة ألم"..بعطيك ايااهاا قبل تطلبينها بس اصبري شوي يعني الين ع الاقل تستوي الطيـاره ع الارض ويحين الموعد...موعد المفـاجأه
مشاعل ولاهي فاهمه:انت وش قاعد تقول؟؟.."تجمعت دموعها"..والله موب فاهمه
زياد يبتسم:كل شي بـ وقته حلوو.."وهمس"..ياحلوو
مشاعل:ماودك تقولي وش الهديه؟؟
زياد:ههههههههه..لاياحلووه..كيف تصير مفاجأه؟؟
\
/
\
/
حطت الملف وتوهاا بتروح الا تسمـعه ينااديهاا مما خلى قلبها يرقص
سعود:وريف!
وريف لفت له:نعم د.سعود
سعود:كيفك؟؟
وريف ابتسمت له:الحمدالله..
سعود:وكيفك مع أبووك؟؟
وريف نزلت عيونهاا لـ اصاابعها المشبكه في بعض..وقالت بـ الم:مافي جديد
سعود:يضربك هوو
وريف تقااوم الدمعه:مـ..مو داايم
سعود يأشر لها تجلس:طيب كيف علاقتك معه؟؟
وريف:مافي علاقه ابد...ماأشوفه اصلا الا لما يتذكر الموضوع
سعود:أهــاا..طيب ماسألك عن الموضوع؟؟
وريف:الا..بس الوضع في صالحي لان المده ماأنتهت
سعود:ابووك مافهمك..واظن صعب بيفهم..
وريف:اصلا محد يفهم الحريم الحين..صرناا آفة المجتمع بـ النسبه لكم
سعود تسند وهو يناظرهاا وعض القلم مما خلاهاا ترتبك..:آآسفه..مو قصدي
سعود ابتسم:انتـوا كائن شااسع المسااحاات..ومتعدد الابعـاد والطبقاات..مو صعب الواحد يفهمكم..لكن صعب يعترف بـ فضلكم..
وريف:حتى امومتناا مايعترفوون يهاا
سعود:مصطله الانوثه اعـم..
وريف تحب تسوولف مع هـ الانسـان مرره
سعود:اوكي وريف..كلميني عن ابوك
وريف:اممممممممم..أبوي انسـان غير متعلم يعني معااه سادس ابتادئي..وو عصبي او تقدر تقول مزااجي
سعود:قد شفتيه مرووق
وريف :لا..لانه على قولته اقهره بـ.."وناظرت اصاابعهاا ومتردده"..اقهره بـ غبائي..
سعود عقد حوجابه:غبـاءك؟..بس انا ماأشوفك غبيه
ابتسمت بـ نعوومه:انت ماتعرفني انا غبيـه فعلا..من وعيت ع الدنيـا وانا احس نفسي كذا
سعود يبتسم مثلهاا:كل شخص يتميز بـ ذكاء خااص فيه
وريف التفت مع الجهه الثـانيه:الا انـا
سعو:انتي تقنعين نفسك وعقلك الباطني بهـ الشي..وراح تكبر معاك هـ الفكره..شوفي ياوريف.."أبتسم اكثر"...اسمك غريب
وريف ضحكت عليه غير السالفه:ههههههههه..ادري
سعود:اول مره اسمع به تدرين؟
وريف:انا ماقد مر علي
سعود:في 11 نوع من الذكـاء معقووله ماعندك ولا واحد منهم؟؟
وريف:وشي انواع الذكاء؟
سعود يحسب بـ اصابعه:اممممممممم..ذكاء لظي ومنظقي وبصري فراغي...واجتماعي وتأملي..ويسمى داخلشخصي..وفي جسدي وصوتي وحدسي...ووجداني وعملي وروحي..وبس
وريف:ماشالله عليك
سعود ضحك عليها:ههههههههه..وش فيك؟؟
وريف:انت تملك أي نـوع؟؟
سعود يهز كتفه:مدري
وريف:ورحــــــي!
سعود ابتسم لها:الله يسلمك..طيب وانتي؟؟
وريف:مدري..انت وش تعطيني..
سعود:لفظي..اممممممم وجداني وروحي
وريف تأشر على نفسها:أنــــا؟؟
سعود:ايووه
وريف:ماأظن
سعود اختفت ابتسـامته:انتي طايحه من عين نفسك بـ زيااده..خلي عندك ثقه في نفسك..ترا مافي وريف ثاانيه بـ الكوون هذا كله
وريف:..بس..مدري
سعود:سؤال في احد غيرك يملك شكلك وشخصيتك وذوقك وذكريااتك وكلك..في احد غير وريف؟؟
وريف:لاطبعـا
سعود:خلاااص..هنـا يجي السؤال ليش هـ التشاائم
وريف ابتسمت:اووكي بـ أحااول اكون متفائله
سعود:حلووو
ناظر ساعته...ولف لـ جنب الكرسي من تحت واخذ شنطته:خلص دوآمي لازم ارجع البيت
وريف ابتمست بـألم يوم تذكرت زوجتـه..:اوكي..
وطلعت

- وش فيك؟؟
التفت وريف لـ الممرضه اللي بجنبهاا اكثر الممرضات هنا فلبينياات بس في عديد منهم سعوديات..
وريف:ابد بس فيني النوم وودي ارجع البيت
الممرضه:هههههههه..هذا حالك كل ماطلعتي من عند الدكتور سعود..
وريف حمر وجهها وحدت يدينها على خدها يمكن تغطي الاحمرار:هـاه؟؟..لاوالله مو كذا
الممرضه:هههههههههههههههههههههه..انا كاشفتك
وريف:اصلا هو يشوفني بزره..لاني شكلي يوحي كذا
الممرضه تناظر وريف من فوق لـ تحت:من جد ..ماكذب..

كانت وريف قصيره نوعا ما..شعرهاا كاريه بني بس هي متحجبه الحين و وجهها بيبي فيس بيضـا وعيونهاا وسيعه..يعني كأنها انمي صغيـر...
الممرضه:شوفيه جاا
التفت ورييف لـ سعود اللي مشـا طـول السيب ومعـه ورقه يقرا فيهاا..حس فيهاا تناظره وناطرهاا..ارتسمت ابتسـامه على وجهه وكمـل طريقه وعيـونه ع الورقه..اللي شكلها طلبـات من امه

الممرضه:أكشـــخ!..والله يبتسم لك..
وريف:يعني تتوقعين يحبني؟؟
جلست الممرضه ع السرير وواضح انها متأكده من الاجابه:سووري قلبي..بس ماأظن
وريف بـ حزن:ليش؟
الممرضه:اول شي شاااب وطبيب وطيب وكل بنت تتمنـاه..ماأظن بياخذ أي وحده..يعني لا انا ولا انتي..
وريف:اصلا انا وش افكر فيه .....هو متزوج
عقدت حواجبها:متزوج؟
وريف:ايه..سمعته ذاك اليوم يكلمهاا..ماأقول الا ياحظهاا
هز كتفها:ماأظنه متزوج...هو اصلا عاايش مع امه..انا صاار لي فتره طويله اشتغل هنا ولا مره دريت انه متزوج
وريف:لا متزوج....."وبـ ألم"..ويحبهاا بعد
الممرضه:الله يوفقه ويهنيه..
\
/
\
/
سفــن وبـوآخر..شـاطئ لايهدأ..
أصوات احتكاك صنـــاديق البضــآئع بالارض..
وضجيج يملأ سآحة المينــاء...
وقفت لآنتظره..وكلي شوقاً وحنين له..!
لـ أبتســـامته..
لـ سعــــود..!
على ارصفـة باريس..كانت تمشي بـ معطفهاا والبرد حولهـا..لكن برودة مشااعر النـاس اللي حولها ولاشي عند هـ البرد..
كلمت نفسها وعيونهاا ع المويه:هـه!..انتظر المطر في الصحـراء..أصحي ياريماا ماراح يجي..!
حطت يدهاا على بطنهاا..وتبلورة الدمعـه بـ عينهاا..

حست ان الدنيا بدت تطلم..خل تتحرك الحين يالله يمديهاا توصل الفندق قبل تختفي الرؤياا بـ سبب الثلوج والامطـار هناا..
رفعت ياقة معطفهاا ودخلت يدهاا بـ جيبهاا..ومشت ع الرصيف..

مشت الطريق الطويل وهي مو حااسه..تذكرت وصيته لها يوم قـال خليك في الفندق ولاتطلعين..سحبت نفس عميـق..لو يدري بـ اللي صار..هي من الاول كانت مومنتظمه بـ حبوبهاا..والحين هذي النتيجه..

وصلت الفندق..دخلت اللوبي الكبير..
- welcome..
كملت ريمـا طريقهاا طريقهـاا..من غير لاتنااظره حتى..مسكين هـ العاامل وش ذنبه ماترد عليه ...
التفت شاافت بنـات جالسـاات صار لها كم يوم تشووفهم ولا تدري هم جايين لحالهم ولا معااهم احد..كانـوا اربع وشكل "رئيستهم" هذي اللي جالسه..كان شكلهاا يوحي بـ انهاا ولد..
بـ صرآآحه شكيت بـ البدايه اذا هي ولد ولا بنت..بس السؤال وش هـ النظراات اللي تناظرني ايااهاا..مومشكله..انا من جيت وانا اطنشهاا ...بس وش معنى انا..شكلي دايسة لها على طرف..اممممم..ماهمتني..بقى طابق واحد ويوصل الاصنصير..
احس بـ فضوول ياكلني ودي التفت عليهم..اشووف اذا هي الى الان تناظرني ولالا..بس نظراات تخلي الواحد يشك في نواياهها..هذي مو نظرة بنت لـ"بنت"..
سمعت صوت رنة الاصنصير..وصـــل!
ركبت واول ماأسقرت رجلهاا عليه لفت لهم..وفعلا كانت نتاظرهاا..
كانت البنت جالسه جلسه جلسة واحد ناايم..وااحطه يدهاا على خدهاا..وتناظر وشكل عينها ماطاح عنهاا..كانت تتفحص كل شبر فيهاا..نظرات اقل مايقال في حقها"وقحـه"..
رفعت ريما حاجب لهاا..بس البنت ردتهاا بـ أبتساامه..ارتبكت ريماا منهاا..ولفت نظرهاا لـ الزرار وضغطت على -4-..واتسكر باب الاصنصير..لـ ينقذهاا من هـ لبنت..

وصلت غرفتهاا وراحـت لـ جوالهاا تبي تشووف في أي اتصـال من سعـود...بس لـ الاسف..ولا حتى رسـاله..هو وعدهاا بيزورهاا...بس متى؟؟..كل يوم تنتظره لكن من غير فايده..
\
/
\
/
وصلت الطيــاره لـ الرياض..
نزلوا "المعـاريس"..مشاعل وزياد..مشاعل كانت الاسئله تاخذهاا وتجيبهاا..ماهداا لهاا بال..وشي مفـاجأة زيااد؟؟..شي انا ابيه؟؟..انا اصلا مافي شي فكرة يوم من الايـام اخذه من زيااد ابد..

زياد:الحمدالله ع السـلآمه
التفت له مشاعل:الله يسلمك...

شافته يمشي وياخذ الشنط ولاكنه قبل شوي مواعدهاا انه يعطيهاا المفاجأه..ودهاا تسأله بس ماتبي..تبي تبين عدم الاهتمـام.....مصير هـ الهديه بتجيني..

ركبـوا سيارة التاكسي..
مشاعل:زياد
زياد:هلا
مشاعل:ابغاا اروح لـ أهلي..
زياد ابتسم بـ ألم:بكره ان شالله يامشاعل...بكره!
ماحبت تقول شي او تعااارض..بس اهلهاا وش بيقولون ان شافوها ماقضت حتى يومين في فينسياا..بس يللا هذا كله عشاان ابو زيااد..اممممم..ماقد شفته بس بلكن رجـال طيب..ام زيااد احسهاا بتسوي لي حركاات ام الزوج..يللا اصلا هـ الزواج انا كله على بعضه موب هاضمته..جت على ام زوجي...زوج الغفله...ودي اعرف وش سبب طلاقه من زوجته مع انه حبوب والله..الله حق انا ماشفت منه شي..زيـاد طيب وخلووق..على تجريحي فيه بس انه متحملني..وهـ الشي مزعجني بس عاجبني فيه..بس وشي الهديه ياربي..
\
/
\
/
وصـل البيت تعبـآن حدهـ..يحس ان رجووله مو رآضيه تشيله حتى رااسه يحس انه بـ زون جبل من ثقله..النوم ماذااقه وحتى الاكل من مـات حمد وهو مايشتهي آكل شي ابد..والعزى كله فووق رآآسه..هذا كله كووم وداانه كووم الثـآني اللي من سمع انهاا ماتطلع من غرفتهاا وهو متضـايق..حتى معد صاار يرتااح في الليل يخااف عليهم من عيـال عمهم..مانسى يوم يحرص خالد

خالد:يابن الحلال رح ارتااح في بيتكم..انا بسنتر هنااا بـ المحلق..مانيب راايح لايمين ولا يساار
ماجد وعلامات التعب عليه:خالد انا خآيف عليهم..ولد عمهم هذا مجنون وممكن يسوي أي..ماراح ارتااح الا لماا اجلس انا بـ نفسي
خالد:افـاا يامجوود..."يضرب على صدره"..معك خلوود..أسد ماينخاااف عليه..
ماجد ابتسم من غير نفس..بس مجامله:ادري ياخالد..بس ماراح يهناا لي نوم الا لماا انا بـ نفسي احميهم..احسهم اماانه في رقبتي
خالد يربت على كتفه:مجوود حبيبي رح نم ولا تشيل هم...انا قدهاا انت اطلع منهاا بس..
ماجد:بس....
خالد:لاحووووول...مااجد خلاااص عااد لاتصير عجووز حنانه..قلنا لك ابحرسهم وان بغيت جبت بودي قاارد معي..نسوي حركاات كشاافه..خخخ
ماجد:اروح اجيب من عند زيااد؟؟
خالد يستهبل: ماجد اطلـــع برآآ...زياد مساافر ياخبـل
ماجد يضرب راسه:نسيت والله
خالد:الله لايلوومك من امس مانمت ابد..

رااح غرفته ورمى نفسه ع السرير...ثـواني الا هوو في سـابع نوومه
\
/
\
/
- تفضلي بيتك
دخلت مشــاعل "القصر"..كان كبير وحلوو..وذووق رفيـع..
زياد:عجبك؟؟
مشاعل وهي لسى نتااظر:حلووو مرره
زياد ابتسم..
دخلــوا البيت وكانت سحر في الاستقبـآل..
سحر:هلا والله وغلا..
زياد:هلآ بك خيتووو..كيفك..
راحت سحر وضمت زيااد وكن صاار لهاا شهر ماشاافته..
زياد:ههههههههههههه..سحووره ترا مااصارلي الا يوم غاايب..
سحر وخرت عنه ومسحت دمعتها لاحد يشوفهاا:ادري بس اشتقت لك مووت.."ألتفت لـ مشاعل اللي كانت مبتسمه ع المشهد"..اهليــــن شعوووله..كيفك؟؟
سلمت عليهاا مشاعل:الحمدالله بـ خير انتي اخباارك واخبار الصغيروونه؟؟
سحر:ههههههه..الحمدالله
مشاعل:دووم يارب
زياد يتلفت حووله:الا وين ميووشه
سحر:فـوق تلعب ماقلت لها انك بتجي
زياد:ليش؟
سحر:ادري بهاا..بتعل امي..متى بيجي بابا..متى مدري وشو..خل تشووفك وبس
التفت مشاعل على زيااد..:عندك بنت؟؟؟؟؟؟؟..."طلعت عفويه"...
ناظرها زيااد:ايه..مادرين؟؟
مشاعل هزت راسها بـ"لا"
سحر:ماقال لك ابووك
زياد:ولا ماجد؟؟
مشاعل:لاء...محد قالي..
زياد:غريبه...مومشكله هذاك عرفتي..
رااح فووق لانه حيل مشتااق لـ بنته..رقى الدرجاات بسررعه وصل لـ غرفه بابهاا مفتـوح لونهاا وردي وفيهاا ..
زياد:ميوووش!
التفت مي لـ ابووهاا:بـابـا!!
راحت له وضمتــــه..

"تحت"
سحر:اخباارك ياميشووو..ان شالله مستاانسه مع اخووي
مشاعل تبتسم مجامله:والله تمام الحمدالله..مرتاااحه
سحر:الله يديمهاا عليكم..

-السـلآم عليكم
التفت مشاعل لـ حرمه عرفتها على طوول.."ام زياد"..
مشاعل:هلا خالتي
ام زياد تسلم عليهاا وقالت وهي مبتسمه:وش رآيك تقولين يمـه...موب احسن؟
مشاعل:ان شالله..

الســـــآعه 1 في الليل..
كانت مشاعل جالسه ع التسريحه وتفك شعرهاا..وتمشطـه..ودها تسأل زيااد عن المفـآجأه..بس ماودهاا..ودها تمثل دور الامبالاه..خاافت يعلقهاا كذا لين ماتجي من نفسهاا وتسأل..امممممم..ليش مستعجله كل شي ببين بكره..يمكن بكره..او يمكن بعد مية سنه..
أفففف...ابغـــا اعرف...!

التفت له لقته نايم..ماتدري اذا هو ناايم او لا....بس منسدح ع السرير ومعطيهاا ظهره..


وش مفـاجأة زيـاد؟؟؟

وش نهاية داانه..هل بروح لـ بيت ام فهد ولالا؟؟

[روحي تعبتني]

ان شاء الله عجبكم البارت

مرره ثانييه ارئكم وتوقعاتكم تهمني

تحياتي

[غامضة]

يعطيك العافية على البارت الروعة
اتوقع ان دانة ما راح تبغى تروح لبيت ام فهد
لا تطولين علينا يا الغلااا

[منيره]

مره حلوه يعطيكي الف عافيه بس لالالالالالالاطولي