| | | ||
| | |||
| | | ||
إعلانات منتديات تعب قلبي
| ||||||
|
| |||||||
| الملاحظات |
 |
| | أدوات الموضوع | انواع عرض الموضوع |
|
#6
05-10-2008, 06:40 PM
| ||||
| ||||
 رد : {سارت بي الأقدار والدرب خالي.."اول روايه لي" :انا جيــــــــت طلال\لا والله الأميره ديانا جايه على غفله وانا مدري ملاك\اي والله صادق ياخالي آخر من يقوم هي وتبينا نبتسم لها اميره\وش فيها لو رحبتوا فيني اصلا انتوا منقهرين من جمالي الذباح دخلت الجده وحصه الصاله الجده: وانتي دايم تتاخرين بنومك جت اميره وحبت راس امها اميره\يمه حبيبتي انا كل مره أقولك انا اقوم على حسب محاظراتي بس انتي تبيني اقوم مثل الدجاج اللي هنا وش قومني قبل بساعه دخل مشاري عليهم :صباح الخيرات الكل: صباح النور حصه : جانا الثاني مشاري : تراني مرووق لا تخربون مزاجي وصادقه اميره وش يصحينا قبل بساعه الجده: هذا جزانا نبيكم تفطرون على راحتكم... وتصحصحون اميره\ عاد خلاص يالغلا لاتزعلين منا لله يخليك لنا ياأروع وأغلى أم في الدنيا الجده\ويخليكم لي ياعيالي جعل عيني ماتبكيكم طول العمر انشاء الله.. طلال : اقول انا طالع ..لا تنقلب مناحه <<هع مشاري اكل هو واميره بسرعه وطلعوا حصه : الله يحفظكم يارب الجده : امين ،،،،،،،،،،،،،،،،،،،،،،،،، الساعه 2 الظهر في بيت ابو بندر بندر: مساء الخير لأغلى ام بالدنيا أم بندر\هلا والله بضناي بندر:شلونك يمه عساك مرتاحه؟؟ أم بندر \مرتاحه يابعد قلبي والله وبعد هالكلمه نزلت ريم ودخلت الصاله ريم:بـس من الظهر غزل ودلع بولدك وحنا حتى ابتسامه على الوجه مافي الله يخلف علي بس ... انا بنت الجيران ياغافلين لكم الله قوموا بس تغدوا ابرك لكم دخل ابو بندر وش في ريوومه من مزعلاها …..!! ام بندر:محد قالها شيء بس هي تحب المناقر ريم: ايه بس بندر وبندر فهد وفهد وانا معطتني ركبه ...<<وقامت تتدلع عند ابوها بندر: لا عاد ياريوومه انتي الكل بالكل ابو بندر: الله يهديكم ويحفظكم.. ام بندر: يلا الغداء جاهز ،،،،،،،،،،،،،،،،،،،،،،،،،،،،،،،،،،، في بيت >>ابو محمد << اشواق مانامت امس تحس بألم فضيع ولا تدري وش سببه ...ولحد الحين الالم معها بس ماحبت توضح قدام اهلها شيء .. ابو محمد :وين محمد ..!! ام محمد : والله رجع اليوم من الشركه ونام شكله تعبان ..ولا بعد صحى.. ابو محمد: لينا روحي قوميه بيأذن العشاء وهو نايم لينا : ان شاء الله طلعت لينا عند اخوها محمد لينا: محمد قوم يلا بيأذن العشا محمد: اطلعي وسكري الباااب لينا : ماراح اطلع يلا قوووم محمد: لينووووه وبعدين معاك قلت اطلعي وسكري النور لينا قامت تحوس بالاوراق حقته وتتفرج على العطور واغراضه .. محمد : ياشين القافه والله ينكد عليك لينا بلا مبالاة : انزل تحت ابوي يسأل عنك محمد : وليه ماقلتي انه يبيني..الحين بيعصب وش يفكني .. لينا: عشان تعرف لما اقومك تصحى على طول محمد : اطلعي لا اقوم عليك ..والله اذا مسكتك ما اخليك .. لينا : يممممممه خوفتني .. طلعت لينا من غرفة محمد ..سمع صوت الاذآن وهو مازال منسدح ع السرير. Oo my good كل هذا نوم اخذ الريموت وطفا التكيف ...وطالع نفسه بالمرايه..صدق اني وسيم حتى وانا توني قايم ...<<الله من الثقه ،،،،،،،،،،،،،،،،،،،، الساعه 11 ليلا في بيت الجده ... الجده : وانت ياطلال مانشوفك ابد لا انت ولا مشاري ام مشاري: مشاري منهبل هذي الايام مشاري : ليه شايفتني امشي وارقص خخخخخخخ <<يلطف الجو طلال : احسن من اللي عابده النت الحمد لله والشكر اميره : لو سمحت خلك في حالك ملاك : يلا من يفوز اميره ولا طلال دايم هواش هواش مشاري: اكيد اميره ملاك : وش عندك واقف معها مشاري : هاه خالتي وش يلقفك انتي خلك بمجلتك احسن لك <<هو يتمصلح مع اميره يبي تسوي له بحث للجامعه طلال: عندكم عشا ولا اتعشى برا الجده : الحمد لله كل شيء فيه ام مشاري: ايه انت ومشاري تبونها من الله نقول لكم مافيه عشان تطلعون ولا عاد ترجعون طلال:هع هع فاهمتني يلا راحت هذي المره علي تعشت العائله الكريمه والجده والعمه حصه طلعوا ينامون ... اميره متوجهه لباب الفله الداخلي .. طلال: على وين اميره : على باريس على وين يعني بطلع اشم هوا طلال : ياي يالرومنسيه مشاري : انا بطلع معك اميره : فديتك والله .. تعال اجل نسوي لنا شهاي ونطلع لحااااااااالنا خل ملاك وذا الخال اللي مفتخره فيه ينفعها ان قبلتوا علينا ياويلكم ملاك : ميتين عليكم .. توجهت اميره ومشاري للمطبخ ...وسوت لهم شاهي ..وطلعوا بالحديقه..الجو كان معتدل ..والبيت هادي .. اميره : مشاري مشاري : آمري <<الله من المصلحه كل هذا عشان البحث اميره: مايمر عليك عدو ...بس مافكرت تتزوج اذا تخرجت مشاري: هههههههههههههههههههههه كثري منها ..الحمد لله كل شيء متوفر عندي <<وغمز لها اميره : صدق انك ماتستحي ..ماخليت بنات الناس بحالهم مشاري : والله هم اللي يحلقوني تخبرين حلو واخلاق ولد نعمه احم احم اميره لوت بوزها : واااااضحه الاخلاق فيك بالصاله .. ملاك : صدق انهم نذلين حتى مافكروا يسون لنا شاهي طلال : روحي سوي انتي .. ملاك : اففففففف وانت لين متى بطالع التلفزيون طلال : وراك قلبتي علي ..!! ملاك : تصدق المكان بدون اميره مايسوى خخخخخخ دخلت اميره ... اميره : قلت لكم مافيه شيء يسوا بدوني طلال +ملاك : ههههههههههههه ياشين الثقه ..ملاك:اساسا كنت عافه انك عند الباب مشاري: سبحااااااااان الله عندك حاسه سادسه ملاك ماعرفت وش تقول خلاص قفطوها خخخخخخ ،،،،،،،،،،،،،،،،،،،،،،،،، البيت كله نايم ...الهدوء يعم المكان ...في غرفتها ...تكلم بالجوال ..سماح .. سماح>>انسانه انانيه ماتحب الا نفسها ولا تهمها الا مصلحتها ..عائلتها فري مررررره ... سماح : عبير انا تعبت معك ..اذا ماتبين قولي لا وخلاص ..عل فكره انا مو خسرانه شيء .. عبير: مو الدعوه ما ابي ..بس خاايفه .. سماح : من كم يوم وانتي تقولين خايفه خايفه خلاص عاد عبير : طيب ..انتي تعرفين الولد زين ..! سماح : اييييييييه اقولك انا دايم اسولف له عنك .وقال يبي يكلمك ... عبير : خلاص اوك سماح : كفو والله ..خلاص انا بسكر وبرسل له مسج انك رضيتي سكرت الانسانه الانانيه ...بعد ماخربت افكار البنت ...وقلبت مخها ...فعلا الصداقه صارت شيء يتخاف منه ... ثواني ...ويرن جوال عبير ...ارتجفت ...صارت اطرافها بارده ..قلبها يرجف ..ترددت ترد ولا لا .. برد انا وش بخسر ..هذي سماح مابقى احد ماكلمته ولا صار لها شيء ..انا بكلم واحد ماراح يضر واحد مو عشره... نوااف : هلا قلبي ..واخيرا رضيتي عبير بحياء : هلا فيك نواف : كيفك ..! عبير : تمام نواف : دوووووووم ..فديت الصوت يانااااس عبير :تسلم ...وسكتت ....! نواف : وش فيك !!؟ عبير: مدري والله احس اني متضايقه .. نواف: انا اروقك الحين يا اغلى الحبايب .. جلست عبير تكلم نواف تقريبا نص ساعه وسكرت لانها سمعت باب اختها لمى ينفتح ...  |
|
#7
05-10-2008, 06:46 PM
| ||||
| ||||
| رد : {سارت بي الأقدار والدرب خالي.."اول روايه لي" الساعه 10 الصباح في شركة ابو مطلق .... مطلق: محمد تتغدا عندنا..:! محمد : والله فيني النوم مع اني امس اغلب وقتي نايم مطلق : قول تم بس محمد : على شرط تسمي ولدك علي مطلق : ههههههه يكون خير ،،،،،،،،، في جامعة الملك سعود البنات كانوا مجتمعين .. اشواق : وين اميره ..؟ ملاك: والله مدري ..بس اليوم محاظراتها كثيره مره .. لينا: اناااا جوعاااانه قوموا نطلب لنا شيء غدير: خلونا ننتظر اميره اشواق: تبينا ناكل ونخليها كان تسوي مشكله ماصارت ولا اسوت . اميره ..احم احم : كني سمعت اسمي أكيد حش غدير : الطيب عند ذكره ..محد حش نحتريك بس لينا: وهذي العمه اميره وصلت وش بتطلبون .. اميره : انا ابي كوووفي راسي بينفجر ريم : جيبي لنا كوفي...لان معد بقي الا شوي ونطلع ونتغدا بالبيت .. لينا: وحده منكم تقوم معي الله لا يهينها ملاك : قدامي انا معك راحت ملاك ولينا للكفتيريا ... اشواق: غدير وش صار على زواج ولد خالتك لقيتي فستان ..؟ غدير : لا والله السوق مافيه شيء حلو ..تعرفين مو موسم زواجات ..ولا يمديني حتى افصل .. اشواق: المشكله انا من زمان عن الزوجات ولا عندي شيء جديد .. اميره : انا عندي واحد توني شاريته من فتره ..شوفيه يمكن يعجيك ...! ريم : صح فستان اميره جنااان اشواق: لا تعبين نفسك اجل ..حق اميره موجود .. اميره : خلاص مري علي أي وقت وشوفيه اذا اعجبك ولا لا غدير: والله مدري وش اقول لك يا اميره .. اميره: لا تقولين شيء احناأ خوات وبعدين الفستان وصاحبة الفستان فداك ... غدير: اوكي بينا تلفون .. اميره : اوك ،،،،،،،،،،،،،،،،،،،،،،،،،، طلع من الجامعه الساعه 12 ونص وطول على صوت المسجل وكان مشغل اغنية خالد عبد الرحمن حظ عيني ... فيصل : فقعت اذني قصر على المسجل مشاري: احد قالك تركب معي ..احد حاالف عليك ..؟ فيصل: اووووف بس مشاري: فيصل وش رايك نروح نترزق الله <<الناس ظهر ودوامات وهويفكر يغازل فيصل : حلو حلووووووو مشاري: يقولون فيه مدرسه بناتها مخفات خخخخخخخ فيصل :اساسا اللي مهيب مخفه اذا شافتنا استخفت <<الله من الثقه مشاري : هع هع هع وسولفوا لما وصلوا عند المدرسه الثانويه ..وكانوا توهم طالعين ... مشاري: يااحلوه عطينا وجه فيصل : اذ ووب انا بالمشيه العنود: صدق انكم قليلن ادب ....العنود كانت راجعه لبيتهم على رجولها لان المدرسه قريبه من بيتهم ..خافت من مشاري وفيصل ... مشاري: افاااااا ليه العنود : الحين انت وش تبي مني لا حقني ..؟ فيصل : معجب هع هع هع العنود واخيرا وصلت بيتهم ...لكن للاسف ضربت الجرس اكثر من مره ولا احد فتح لها الباب...ضربات قلبها زادت ...مشاري وفيصل مازالوا واقفين عندها ..مرت 10 دقايق ولا احد فتح لها .. فيصل : شكلهم نايمين وسحبوا عليك ...او فيهم شيء يحرااام محد فتح لك العنود : حرااام عليك روح تكفى تراني مو ناقصتك مشاري ..حس ان العنود بتصيح ..صحيح هم راعين هبال وغازل درجه اولى ,,,بـــس ولو قلوبهم فيها رحمه ... مشاري: تبين جوال تكلمينهم ..؟؟ العنود ببرائه : أيــــــــــــــــــــه مشاري: كم الرقم ؟؟ العنود : لا خلاص ماااابي ..بس روحوا .. مشاري مد لها الجوال ..كلمي واذا خايفه اخذ رقمكم اذا كلمتي امسحييه .. اخذت الجوال بعد تردد كبير ..واتصلت على بيتهم وجوال ابوها لكن النتيجه محد رد ... العنود خافت ..ودموعها بدت تنزل ...رجعت الجوال لمشاري.. العنود بين شهقاتها : شكرا محد يرد.. مشاري: طيب دقي على أي احد ..! العنود: من ادق عليه مشاري : خوالك عمانك أي احد .. العنود: عماني مايعترفون فيني ..ولا عندي خوال مشاري استغرب معقوله لا عمان ولا خوال ..ولا بعد شكل حالتهم الماديه مو ذاك الزود واضح من بيتهم ...! وقفت سياره من نوع قديم عند سيارة مشاري الرانج .... العنود: يببببببببه وينكم ...؟! ابو العنود : من هذوووولي...؟ مشى مشاري عن ابو العنود عشان يفهمه السالفه ولا يتهاوش مع بنته بسببهم : ياخال احنا شفنا البنت واقفه لحالها لهاأ كثر من ربع ساعه واعطيناها الجوال تكلمكم ولا احد رد عليها ولا حبينا نمشي الا لما تدخل تعرف الناس ظهر لو يصير لبنتك شيء محد درا عنها الشوارع هاديه وبالذات الحواري .... ابو العنود: الله يعافيك ياوليدي <<والله مادرى عنهم انهم لاحقين بنته ومهبلين فيها ..اقـــلـــط..! مشاري: مشكور ياخال مستعجل .. كان ابو العنود في المستشفى مع ام العنود اللي طاحت عليه الصباح فجأه ... ..................................... الساعه 7 المغرب في بيت الجده ..مجتمعين على الشاهي .... طلال: ملاك مابعد قامت ؟ اميره : تعبانه شوي ام مشاري: يمه بنيتي وش فيها ..!! اميره: ابد بسس!!! الجده : تكلمي وش فيها ... اميره تضحك : ولا شيء وش فيكم !خخخخ طلال يطالع مشاري ويبتسم مشاري: اميره وش فيها بالضبط اميره: انثبر واشرب بيالتك مافيها شيء الجده وام مشاري فهموا الموضوع ... نزلت في هذا الوقت ملاك وكان شكلها واضح انها مرهقه ....كانت لابسه بجاما بيضاء وحاطه مناكير احمر وطالعه كيووووت ... مشاري: هههههئهههههههههه تعبانه خخخخخ يحراااااام طلال: قطعتي قلبي.. جلست تناظرهم باستغراب مو فاهمه شيء !!! ملاك: خير تراني منيب رايقه مشاري: من شفت هالمناكير وانا غاسل يدي منك ام مشاري: تعالي بس اشربي نعناع .. الجده: جيبي لك بياله يابنيتي .. ملاك قامت تجيب لها بياله ... وطلعت معها اميره تجيب لها شبس.. طلال: ملوكه قلبي صلي شكلك ماصليتي وهم توهم طالعين من صلاة المغرب . ملاك: وشووو!! مشاري: هههههههههههاي ولا شيء كملي طريقك ..وجلس يضحك هو وطلال الجده : ياقليل الادب ام مشاري: شباب اخر زمن .. جوال اميره يرن ...وكان الجوال حول طلال ..شاف اسم غدير ..تتصل بكـ.... تذكر طلال موقفه مع غدير ..وتغيرت ملامح وجه .. مشاري: اميرررررررررررره جوالك يرن اميره جت هي وملاك من المطبخ .. اميره: هلا والله وغلا غدير : هلا فيك اخبارك اميره : عااال العاااال كيفك انتي ..! غدير : تماااامو اميره: وينك ماجيتي تاخذين الفستان ... غدير: انا توني طالعه من السوق وبنزل بنت اختي وامرك .. اميره: انزلي ابي اشوف الفستان عليك. غدير: لا والله مستعجله اميره : وانتي دايم مستعجله يلا انتظرك غدير: اوك باي اميره : ستــــــــيييييي ستي وينك تعالي ستي تجي وهي طايره : yes اميييره " بالتشديد ع الراء " >> خخخخ اميره :روحي فوق جيبي الفستان اللي في الكيس الابيض ستي: فستان جديد اميره: اييه الكل يسولف وهو بعالم ثااااني..قهر مهيب نازله يعني راحت علي منيب شايفها وش ذا الحظ ...!! حصه : ورا ماتخلين البنت تدخل اميره: مدري عنها تقول مستعجله الجده: يمه ملاك قربي التلفون بكلم وليدي سالم... مشاري : اووووووووووف ام مشاري: وش فيك مشاري: عندي بكره اختبار متى افتك من ذي الجامعه ام مشاري: روح ذاكر ابيك ترفع راسي ..الله يوفقك الجده : امين روح ذاكر والله يسهل عليك مشاري. امين ..باس راس جدته وامه الله يخليكم لي يارب ملاك: اوووووخص طالع سنع وتعرف الاصول مشاري: خليك فحالك يالتعبانه طلال: هههههههه وانا بعد برقى معك ابدل مهند بيمرني اميره : تكفوووون اجلسوا <<تتطنز طلال: ياااربيه لهذي الدرجه فراقي صعب اميره : روحوا روحوا الله يعافيكم غدير عند الباب ... اميره: ادخلي تكفين ابي اشوفه عليك غدير : والله امي بتعصب تاخرت مره ملاك: ترا كلها 5 دقايق وانا اكلم امك غدير: شوركم وهداية الله طلعوا البنات فوق لغرفة اميره .. طلال في غرفته بدل ملابسه وجلس يلعب بالجل في شعره كان لابس بنطلون جنز وتشيرت اصفر ورمادي من ارماني وشكله طالع جناااااان ... في غرفة البنات .. اميره: واااااااااااااو يجنن ملاك: لا عز الله انخطبتي غدير: والله استحي خفوا علي اميره : اللون مررره مناسبك طالعه بجد وبدون مجامله قمر.. الفستان كان اخضر له ذيل من ورا وقصير من قدام وكانه مفصل لها .. اميره: تعالي احط لك قلوس واضبط شعرك غدير: ترا فليتوها الزواج مو اليوم ملاك: بنجرب تكفين ولعبوا بالبنت لعب ......خخخخ لكن..!! !!! في هذا الوقت.. ..طلال طالع من غرفته بينزل تحت ..خلني امر على اميره وملاك اوريهم كشختي وطالع نفسه بالمرايه اللي بالصاله اللي عند غرفة اميره بسم الله علي طالع اهبل وه بس يابخت اللي بتاخذني <<ابو الثقه فتح الباب.. طلال: وش رايكم فيني انصدم باللي قداااااااامه مره ثانيه نفس البنت ..! طلال: اووووه اووه والله اسف .. ام اميره: معليش غدير ماقفلنا الباب ولا يدري ان عندنا احد غدير: خلاص صار اللي صار..تغير وجه غدير من شافت طلال ...وكانت نبرة صوتها حاده ..واضح انها عصبت ..والبنات سكروا الموضوع .. طلال نازل تحت ... الجده: متى بتجي طلال بدون مايلتفت : مدري مع السلامه الساعه 2 الليل... .......: حياتي يالله ننزل ... ....... : لازم تروووحين الحينــــ المستشفى ...وش يضرك اذا سمعتي كلامي ورحتي ........ : لا توي بدري ماله داعي اروح ... ........: حبيبتي اول حمل لك كيف تحكمين دلال : بهدوء لا لا انا خااايفه مطلق: انا ما اقوى اشوفكـــ بها الحال وأجلس اتفرج عليكـــ وخاصه انه اول مره يعني ما عندك خبره قومي قبل لا اشيلك غصباً عنك ولا تحديني انزلك للمستشفى وانتي بحضني دلال وهي تتألم : طيب بأقوم بس شرط ماتتركني بروحي ... مطلق : طيب << في خاطره وانا اقدر اخليك انتي عمري كله يادلال ... مسك مطلق يد دلال راح للفت ونزل للدور الاول .. هدووووء قاتل ... كان الكل نايم ... مطلق راح يقرب السياره لم الباب الداخلي .... في الطريق,,,, هدوء,, توتر,, انين .. بالنسبه المطلق يحس ان الطريق مره طويل... وأخيرآآ وصلوو المستشفى ... عند الدكتور محمود : كشف الحاله بسرعه مطلق يقاطع الدكتور : كيف الدكتور : ماتخفشي نطمن عالحاله مطلق : طيب بشوي شوي عليها دكتور دلال اختفت من عيون مطلق ... .. .. .. فجأة... من الغرفه الي كانت فيها دلال طلع الدكتور : : على غرفة العمليات بسرعه بسررررررعه ... !! |
|
#8
05-10-2008, 06:56 PM
| ||||
| ||||
| رد : {سارت بي الأقدار والدرب خالي.."اول روايه لي" *طلال تتوقعون يمشي السالفه عادي مثل اللي قبلها ...؟ *غدير ليش عصبت يوم دخل طلال وتضايقت ...؟ *دلال وش راح يكون فيها وفي اللي في بطنها هل بيعيش...؟؟ *اشواق وش سبب تعبها المفاجئ ....؟ *عبير بتستمر مع نواف وغيره..؟ انتظروني في الجزء الثآني .... انتظر آرآئكمـ....ونقدكمـ..بفارغ الصبر...! اطيب التحاآآيا ,,  |
|
| أدوات الموضوع | |
| انواع عرض الموضوع | |
|
|
| روابط لأكثر الكلمات بحثاُ |
 |  |
العرض العادي
