مشواري نهايه

[سنى الفضه]

سرى همي مع طيف الوله يكوي شراييني

وانا بين اللظى والخوف اردد لا تخليني


تصافح دمعتي خد علا به كل مافيني


من الحرمان والغربه ومن حلم يناجيني

غدى حتى وليفي لا هي بنفسه وناسيني

وانا مابين شك وخوف ادور من يواسيني

اكبل بالصبر لوعه خفوق منتظر عوني

وانا عاجز بلا صاحب ولا لي جوف يحويني

سفيني مالها ربان والامواج ترميني

واغوص بشاطي الاحزان اعاود سالف سنيني

شكيتك للزمن ياجرح والشاهد سهر عيني

توغلت الحشا واقصى الحشا مجبور يكويني

اسير اوهام والاحلام ماتقوى تعزيني

بقايا انسان صار الوعد بالترحال يشقيني

قتلني صادق احساس لشخص مايراعيني

بدى مثل السراب اللي تمنيته يخاويني

رفيق الصمت مشواري نهايه وش بقى فيني

عطيتك اخر انفاسي والتالي تجافيني ...

[مجهوله المشاعر]

صح لسانك اختي


مشكووووووووره ع الابيات

يعطيك العافيه


تقبلي مروري

[شـ ـ ـ ـاعر الانــثى]

صح لسانك ولا هنت ع القصيده ..

[عاشق الطبيعه]

الله كلام حلو مشكوره اختي على الابيات الاكثر من روعه ومنتظر جديدك وتقبلي مروري