المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
15-07-09, 12:19 AM
| #1081 |
| |[ عـضـو نـشـيـط ]| الدولة:  |  رد: ورود على أراضي اَلهيام ("روايتي الثانيه" / رومانسيه / خياليه) بنوتة تاخرتي جااري الانتظاار |
|  |
|
15-07-09, 01:48 AM
| #1082 |
| |[ عـضـو فـعـال ]| الدولة: | رد: ورود على أراضي اَلهيام ("روايتي الثانيه" / رومانسيه / خياليه) لو سمحتي اذا خلصتي الروايه وكتبتها نزليهـآ !! مو تقعدين تمآطلين .. تاريخ كتابه القصه 05-07-2008, 09:13 pm اخذتي سنه الله يهديك كلنا عندنا ظروف انتي طولي قصه قلوب من زجاج ماتاخرتي الا هذي االقصه الحين اجازه ماعندك عذر دراسه فاضيه |
|
| |
|
15-07-09, 02:53 AM
| #1083 |
| |[ عـضـو مــاسـي ]| الدولة: | رد: ورود على أراضي اَلهيام ("روايتي الثانيه" / رومانسيه / خياليه) يالله والله تعبناااااا واحنا نستنا بليززززززز نزليهااااااااا |
|
| |
|
15-07-09, 04:53 AM
| #1084 |
| |[ عـضـو فـعـال ]| الدولة: | رد : ورود على أراضي اَلهيام ("روايتي الثانيه" / رومانسيه / خياليه) <<<< الفـــــــــصل الســــابع و العــــشــرون >>>> ( صرخهـ بـ ع ـد فوآآت الأوآن ) مشى بهدوء ولا اعطاها فرصة اترددت كثير قبلا لا تنادي عليه .. لكن ما عاد في وقت .. تخاف تكون قاعده تحلم !! خليها تناديه يمكن تتأكد وقتها انها مو قاعده تتخيل ولا تحلم جمعت كل شجاعتها وحركت شفايفها و لسانها تنادي عليه رشا : سعد ؟؟ لف عليها بسبب ضعفه لما سمع صوتها .. بهاللحظة حس انه شريط ذكرياته قاعد يمر قدامة مع رشا .. اول يوم .. لما رسمها فهد .. ولمن كانوا يطلعوا سوا .. لما كانوا يتبادلوا كلمات الحب والغزل لكن كل شي انتهى .. ليش لحتى تناديه الحين ؟ وليش جا من الاساس ؟ مشت لعنده و في يدها الكتاب .. لكن لا .. سعد مارح يسمح انه يضعف قدامها و يسمحلها تستغله حتى تعلق عليه اكاذبها وتضحك على اشكالهم عليه لف عنها لكنها مسكت يده : وقف .. لازم نتكلم .. كل شي انتهى بس الكلام مارح ينتهي سعد حاول انه يهرب لكن مافي فايدة .. هالذرة اللي في قلبه متحكمة في جسمه كله مشى معها و الهدوء بينهم .. يسكت رشا ويسكت سعد ويتركهم لما قعدوا على كرسي من كراسي الحديقة رشا تلعب باضافرها : اول شي احب اعتذرلك عن كل شي .. واتكلم لك عن حياتي اللي فاتت بوضوح اكثر سعد : مافي داعـ .. رشا قاطعته : اذا انت شايف انه مافي داعي انا بالنسبة لي شي مهم واحب اني اتكلمه معك ومجبور انك تفهمه سعد سكت ينتظرها تتكلم رشا : كنت صغيرة لما فكر بابا يزوجني بعبدلله الشغيل عنده في الشركة .. رفضت بسبب فقره وانه مارح يقدر يعيشني بالمستوى اللي يريحني بدأت رشا تتكلم و تفضح اسرار حياتها اللي خفتها على سعد من بداية علاقتهم سعد كان يسمعها بهدوء و السكوت مخيط على شفايفه ما يقدر يبعدهم عن بعض رشا : دخلت بشهري الثاني .. وانا انتظر عبد الله .. انتظره حتى لا يضطر ولدي او بنتي انهم يعيشوا بدون اب .. والا مشاكل التربية .. مهما كان الاب ما يشيل جزء كبير لكنه مهم بالنسة للطفل والام سعد : وما فكرتي في هذا الا الحين ؟ رشا طالعت فيه : فكرت فيه من يوم ما بديت افكر اني اهتم فيه و اخليه يعيش حتى يشوف هالحياه ويعرف اللي فيها واللي مافيها .. مستحيل اخليه يعيش بالصراع العائلي و يعيش في عائلة مشتته .. ابغا اربط هالعائلة رشا دمعت عينها وهي تطالع في سعد بعيون تترجى عيون اللي قدامها : سعد .. ساعدني الله يخليك .. ساعدني ارجع لعبدالله سعد ما قدر يتحمل هالحياه اللي عايشة فيها رشا كأم تعاني معاناة طفلها من قبل لا ينولد .. كيف يساعدها ؟؟ كيف تبغاه يساعدها ؟؟ يروح عبد الله يقوله انا حبيب زوجتك يا عبدالله ارجعلها ؟؟ ايش هالغباء اللي فيك يا رشا ؟ سعد : كيف رح اساعدك ؟؟ رشا : بأي شي تقدر عليه .. ابغاك تفكر معي بطريقة اي طريقة ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× ريام طلعت من صفها وراحت على صف رند اللي كانت قاعده على الكرسي وحاطة راسها على المكتب ريام جابت كرسي وقعدت قدامها ريام : رند رند رفعت راسها : هلا ريام تبين شي ؟ ريام : ايه ابي . ابيك تقولين لي ايش فيك ؟؟ رند : مافيني شي لـ .. ريام قاطعتها : لا تضحكين علي والا على نفسك .. انا عارفة كل شي .. عارفة انكم انتو وعبد الرحمن صايرة معكم سالفة .. والا ليش يأجل موعد الخطبة ؟ رند : يمكن هو مشغول ريام : مافي احد فاضي بالدنيا كثرة .. لا تضحكين علي بكم كلمه رند سكتت .. ايش تبغا تقولها ؟ تقولها خطيب اختك يحبني وترك اختك عشاني ؟؟ كل ما تتذكر موقف عبد الرحمن انه مشى وتركها تشتعل نيران قلبها .. ليش هالموقف البارد ؟؟ ليش ما كانت ردة فعله اقوى من كذا ؟ ريام : رند ؟؟ رند قامت : خلاص ريام مافيني شي طلعت رند من الكلاس وريام لسه في مكانها ريام : افففففف ايش الحركات هذي .. يبغوا كذه مشاكلهم تنحل اتوماتكلي ريام قامت طلعت من الكلاس وراحت لصفها تتحلطم انتهى الدوام بدون اي احداث مهمة .. طلعت رند من الكلاس شايلة اغراضها .. طلعت وراها ريام اللي مخططه انه السواق يجي من باب الادارة حتى تطلع ورى رند بس شافت رند ركبت سيارتها .. ركبت هي و مشت رايحة البيت كانت مستغربة من سيارة مألوفة تمشي ورى رند من يوم ما طلعت من المدرسة .. وقفوا عند الاشارة والسيارة ورى سيارة رند على طول ريام : روح يمين اوقف جنب هذي السيارة لبى السواق طلبها ووقف جنب السيارة اللي كانت ورى رند .. دققت في ملامح السواق وشهقت لما ترجمت ملامح الشخص في دماغها ظلت هي بعد وراه حتى وصلوا عند بيت رند .. طلعت من السيارة ودخلت ورى رند ايش يقصد محمد انه يلاحق ورى رند من يوم ما تطلع من المدرسة الى ما توصل البيت ؟؟ . . . داليا عند بوابة البيت تودع راكان .. دخلت وهي تشوف امها تنتظرها عند الباب ام داليا : لايش هذا كله الحين داليا : ماما .. يعني لمن اول مرة سافرت جبتوه هو وامه على المطار ما كان في لا عاد ولا تقاليد ساعتها طلعت داليا غرفتها .. و جهزت بقية اغراضها اللي احتاجت انها تاخذهم معها و اتروشت ونامت كم ساعة تريح بدنها فيهم . . . الساعة 9 بتوقيت غرينيتش طلعت رنيم من المكتب رايحة على البيت .. تبغا تلحق تتجهز قبل لا زياد يجي البيت ركبت المترو بسرعة حتى وصلت المحطة وراحت على البيت دخلت اتروشت وسشورت شعرها .. طلعت فستان شتوي لبسته وفردت شعرها و حطت مكياج خفيف و طفت الانوار ورتبت الغرفة وقعدت تنتظره وسط النور الخافت دخل زياد البيت بعدها بدقايق دخل الغرفة لقاها قاعده على السرير ومسندة ظهرها على ظهر السرير .. جا وجلس جمبها زياد : اشوفك ما انتظرتيني والا مريتيني رنيم : تبغانا نروح العشا بملابس الدوام والا نسيت ؟ زياد ابتسم : طبعا ما نسيت .. بس قلت اقترح عليك اقتراح رنيم ايش ؟ زياد طالع في الساعة : دام انه بكرة اجازة .. نروح لندن ؟؟!! رنيم : حلو اوكي زياد : تمام .. انا بروح اتجهز رنيم : اوكي ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× رشا في غرفتها مطفية الانوار و متمددة على سريرها وسط الظلام تفكر في الكلام اللي قالها اياه سعد سعد : كل واحد فينا غلطان لكن انتي اللي ما كنتي صريحة وصادقة من البداية .. فاهم شعورك .. لكن هذي حياتك انتي وانتي اللي عايشتها وانتي الوحيدة اللي ممكن تفهميها .. قاعده تفكرين بالمستقبل وهاملة الحاضر .. مارح تقدرين ترجعين الماضي حتى تصلحين فيه اشياء كثيرة .. لكنك ممكن تهملينه مهما كان وتعيشي حياتك الحاضرة وتبني لها اساسات قوية وتعيدي ترميم اساسات الماضي حتى تحصلي على مستقبل افضل رشا : لكنه هو مو عاطيني فرصة .. ما يرد على مكالماتي واتصالاتي ورافض اي شي مني سعد : ليش اللي سويتيه هين ؟؟ .. مارح يعطيك فرصتك بسرعة .. لكن انتي اللي لا تستسلمي .. لانه مافي شي رح تحصليه بالاستسلام رجعت للواقع و مدت يدها على سماعة التلفون وقامت تدق ارقام جوال عبد الله نفس الشي كان يرن بدون اي اجابة جت تبغا تسكر السماعة بس اتذكرت كلمات سعد الاخيرة وظلت السماعة عند اذنها حتى جاها الرد عبد الله رد يحسب انه في خبر جديد عن رشا تعطيه اياه الشغالة لكنه اتفاجأ بصوت رشا المبحوح رشا : عبد الله ؟ عبد الله : ............... رشا : كيف حالك ؟ عبد الله : ............... رشا : عبدالله احتاجك عبدالله : لمن كنت جمبك طول سنوات زواجنا لكنك ما كنتي محتاجة شي .. ليش محتاجتني الحين رشا : عبد الله انت لك عمر عندي عبد الله : ........ رشا : نسيت انك تركت لي طفل ؟؟ عبد الله : ونسيتي انك كنتي ما تبغيه ؟ ليش تظلميه معك ؟ رشا غمضت عينها ونزلت دموعها على خدها : .......... عبد الله : رشا انا ما نسيت .. لكن انتي اللي خليتيني اتناسا رشا زادت نسبة الدموع اللي صارت تنزل بحرارة عبد الله : مع الاسف انا مو محتاجك الحين سكر عبد الله وترك رشا بحسرة قلبها ووسط دموعها .. رمت السماعة و دفنت نفسها تحت البطانية تبكي براحتها .. تعبر عن كل اللي تحسه وسط هالظلام بدون ما احد يكون جمبها ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× سامي دخل شقة مدى وقعد على الكنبه ودخل المفتاح في جيبه مدى كانت بغرفتها تذاكر و ما انتبهت على اي شي .. طالعت في الكالندر اللي قدامها وابتسمت لما شافت انه بكرة احد اخذت جوالها تدق على سامي تحدد معاه موعد حتى يطلعوا مكان لكنها اتفاجأت لما سمعت انه الصوت قريب منها مشت بهدوء وهي تفتح باب الغرفة وتشوفة قاعد في الصاله .. لبست حجابها و جاكيت واسع و طلعت له مدى : باسم الله شلون دخلت ؟ سامي : من الباب مدى : هيا عاد سامي : خليه دايما مفتوح مدى راحت عند الباب تتأكد : انا مسكرته بنفسي اليوم لمن جيت سامي قام وراها وحشرها في الزاوية : ايش ما تبغيني اكون عندك مدى نزلت وطلعت من تحت يده اللي كانت على الجدار : لا مو كذه بس رح تجنني .. انا مسكرة الباب بنفسي والمفتاح في الغرفة ماخذته معي .. شكلي رح اجيب واحد يشوف صرفة مع القفل .. مو اول مرة تصير سامي : ايه والله يبغالك مدى : كنت ابغا اقولك نطلع بكرة شقلت ؟؟ سامي : اوكي بس وين ؟ مدى : اممممم شرايك ملاهي سامي : هيا عاد " مسك يدينها وحط وحدة على كتفة ووحده ماسكها .. حط يده على خصرها وصار يرقص " نبغا نروح مكان هادي رومانسي مدى وقفت و سحبت يدها : انا ابغا اروح ملاهي سامي : يا الله مدى زي البزران .. مممم شرايك نروح السينما ؟ مدى : مافي افلام حلوة سامي : ايش دراك ؟ مدى : رحت مع صديقاتي الاسبوع اللي فات سامي : مممممم نروح نتمشى على الجسر ونركب قارب و بعدين نتعشى مدى : ما ابغا يجيب الطفش سامي : يا الله مدى : خلاص اذا ما تبغا تروح الملاهي اخذ صحباتي ونروح سامي: لا والله ؟؟ انا ما اصدق متى تفضي حتى نطلع مكان مدى : اجل تجي معاي من فم ساكت سامي : طيب خلاص نروح مدى : وما تقولي ما ابغا اركب جاتي غثيان ومدري ايش سامي : ييييي علينا .. مارح اقول لا تخافي رح اكب معاك كل شي مدى : ايه زين .. ولا تقولـ ... سامي رفع صوته عشان يسكتها : مــــــدى والله رح اسوي كل شي تبغيه بس يلا سويلنا عشا جوعان مدى : ماعندي شي امشي نروح السوبر ماكت سامي : اوكي يلا نزل سامي ونزلت وراه مدى وسكرت الباب وفتحته تتاكد انه مسكر بس ما فتح .. نزلت متطمنه و مشت مع سامي للسوبر ماركت مدى : روح جيب عصير من البرادة .. تحب المرتديلا ؟ سامي : ايوة بس ايش دراك انه لحم مذبوح حلال ؟ مدى مسكت علبه وورته وحطتها في السله ومشت .. اخذت توست و مايونيز وخضار ومكرونة صغيرة و راحت تحاسب سامي حط العصير : الله .. كل هذا تبغي تسويه ؟ مدى : ترى انا مو جوعانه اذا مو عاجبك مو لازم سامي : يوووه مدى شفيك صايرة عصبية مدى : انا ادري عنك مو عاجبك شي اخذوا الاغراض و دخلوا الشقة .. قعد سامي بالصالة وفتح التلفزيون واخذت مدى الاغراض عالمطبخ كان المطبخ مفتوح على الصالة وشافت سامي قاعد مسترخي مدى : قوووم تعال هنا سامي قام وجا عندها .. مدى اعطته الغلاية : مليها ماي و خليها تغلي سامي : طيب جهزت مدى كل شي و حطتهم على الطاولة سامي يطالع في الاكل .. توست مع مرتديلا وسلطة مكرونة مع خضار ومايونيز : بس ؟ مدى : ليش انت تاكل قد ايش ؟ سامي : هذي مقبلات مدى : ليش انت تبغا تتعشى ذبيحة ؟ .. هو كذه العشا شي خفيف سندويشات و سلطات سامي : تسلم يدك مدى : الله يسلمك سامي : مارح اكل لحالي عاد تعالي كلي معي مدى : مو جوعانه سامي : شوي طيب مدى : طيب عشانك بس سامي ابتسم وقعدت مدى قدامه ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× ريام طلعت من بيت رند تمشي ببطء و بملامح مو مفهومة .. ما تفسر اللي قاعده تفكر فيه ابدا ركبت السيارة وراحت للبيت .. طلعت للغرفة و دخلت الحمام بسرعة تهرب من اسئلة ربى .. اتروشت وبدلت و طلعت .. اتمددت على السرير و غمضت عينها يعننها نايمة .. بس كانت تفكر باشياء ثانية كانت تفكر شلون صار هذا كله ؟؟ .. يعني عشان كذه ربى تركت محمد ؟؟ لفت راسها على ربى اللي واقفة على التسريحة وتحط كريم على وجهها قبل لا تنام .. مشت ربى و اتمددت على السرير و غطت نفسها ريام لفت و هي لسه تفكر بهالحال .. ليش ربى انظلمت مع محمد ؟؟ والله ربى ما تستاهل ؟!!! ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× رنيم مجهزة اغراضها واغراض زياد وقاعده بالمطبخ ترتب اغراض الفطور دخل زياد ووقف عند الباب زياد : جهزت الاغراض .. ما خلصتي رنيم و هي تسكر الدولاب : الا خلصت طلعوا من المطبخ وراحوا للغرفة .. لبست رنيم واتجهزت و طلعوا وصلوا عند محطة القطار و ركبوا رنيم : ما تصدق قد ايش اشتقت للجامعة وايام الجامعة زياد : يوه لاا الله لا يعودها من ايام رنيم : يؤ ليش ؟ زياد : ناسية نفسك كيف كنتي تعذبيني ؟ رنيم : ايش اجل تبغاني زي اللي ما صدقت لقت بوي فريند .. جايه ادرس انا مو جايه احب و اتحب زياد قرصها على خشمها : آآخ منك بس رنيم ابتسمت وحطت راسها على كتفه و غمضت عينها . . . مدى كانت لابسة وخالصة وقاعده تنتظر سامي اللي من ساعة قال انه في الطريق تهز رجولها بتوتر وعصبية .. ما تبغا تتأخر حتى لا تضطر انها ترجع متأخر شوي الا دق الجرس وراحت طيران تفتح الباب مدى : ليش ما فتحت الباب على طول كالعادة تجرب اذا سكرته والا لا سامي طالع فيها باستغراب : ليش معصبة لهالدرجة مدى : ليش اتأخرت ؟؟ كل هذا بالطريق سامي : يووه مدى .. كان في زحمة في الطريق ما يصير اتاخر شوي يعني مدى : ايوة انت ما وراك شي .. انا وراي جامعة بكرة وما ابغا اتاخر بالرجعة سامي : لا تخافي يا ستي مارح نتأخر .. يلا امشي طلعت مدى من الشقة و سكرت الباب و نزلوا اخيرا وصلوا للملاهي .. نزلت مدى من السيارة بسرعة كأنها طفله شافت كومة العاب كلها ملكها مدى : يلا يلا بسرعة تعال سامي ابتسم لفرحتها و مشى معها . . . الاطفال في الحديقة متجمعين في نفس مكانهم امس مع رشا ينتظرونها واحد من الاطفال طفش من الانتظار " بعد الترجمة " : شكلها راحت مع ذاك الرجال اللي جا امس ولد 2 : ما اظن .. انا هنا من الصبح بس ما شفت احد يطلع من البيت البنت : طيب هذاك بيتها الابيض .. تعالوا ندق الجرس ونسأل عنها اذا رح تجي والا لا رشا قامت على صوت ازعاج مو طبيعي في الشارع .. قامت وطلت على من الشباك كانوا الاطفال واقفين عند الباب يدقوا الجرس يبغوا رشا تطلعلهم .. لقوا شي يسليهم اكثر من العاب الحديقة ابتسمت رشا وفي عينها دمعة حنان على هالاطفال اللي ينتظروها قامت بسرعة اتروشت على السريع و نشفت شعرها ولبست و اخذت كتاب امس ونزلت للمطبخ .. حطتلهم في نفس السلة الكوكيز والكيك و عصيرات و طلعت لهم كلهم ضموها فجأه .. ما اتوقعت رشا انه الصغر يحبوها ويتعلقوا فيها بهالسرعة !! ما قعدت معهم وقت طويل لكنهم استمتعوا بالقصة اللي كانت ترويها لهم .. و تدلعهم و تعطيهم اللي يبغوا رشا : معليش بس سهرت امس البنت : ماما تقول لازم ما نسهر عشان ما نمرض رشا : صح .. يلا ما تبغونا نكمل قصة امس ؟ نقزوا الاولاد ونطقوا كلهم بصوت واحد : الا يلاا مشت رشا معهم وجلسوا في نفس مكانهم وبدأت تقص عليهم الحكاية الاطفال كانوا يسمعوها بتشويق .. لكن فجأه وقف طفل و قاطقعها : مين هذاك اللي رحتي معاه وتركتينا امس ؟ الكل سكت و طالع في رشا اللي ارتبكت من سؤاله كأنهم هم بعد يبغوها تجاوب رشا : حبايبي .. ما تبغوني اكمل القصة ؟ رح اقولكم مين هو بعدين سكتوا كلهم ينتظروها تكمل .. كملت لهم القصة بعدين صاروا يسولفوا ولد 1 : Omg انتي حامل ؟ بطنك لسه صغيرة رشا : هههه اكيد رح تكون صغيرة عشان لسه النونو ما كبر .. لمن يكبر تكبر بطني بنت 1 : قلت لماما مرة ابغا نونو بس تقولي لسه انا صغيرة .. ما ادري ايش دخل النونو فيني رشا : هههههه هيا تبغاكي تكبري اكثر من كذه عشان تهتمي بالنونو الجديد مثلها .. وانتي كذه ضغيرة مارح تقدري تحمليه والا تأكليه صح ؟؟ بمكان ثاني تماما و بقارة ثانية عبد الله قاعد على الكنبة يقرا الجريدة .. ويفكر برشا ما كان في قلبه اي شك انها ممكن تتخلى عن الطفل بكل سهولة .. بس اتفاجأ لما شافها متمسكة فيه .. و تبغا ترجع له سكر الجريدة و قام من مكانه يدور على مكان التليفون دق على الخطوط يدور اقرب حجز للندن |
|
| |
|
15-07-09, 04:56 AM
| #1085 |
| |[ عـضـو فـعـال ]| الدولة: | رد : ورود على أراضي اَلهيام ("روايتي الثانيه" / رومانسيه / خياليه) ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× وصلوا رنيم و زياد للندن .. نزلوا من القطار متحمسين وهم يسترجعوا ايام الدراسة بالجامعة وايامهم هم الاليمة بانسبة لزياد .. ومضحكة بالنسبة لرنيم زياد : خليني انا اوديك لمكان تموتين عليه رنيم : يلا ورينا شطارتك زياد : ايش تتحديني يعني ؟ رنيم : لا بس اشوف شقد انت كنت تهتم فيني لدرجة انك تعرف الاماكن اللي احب اروحها زياد : عشان تعرفي اني كنت وراك وانتي مو منتبهه وتنبسطي وانا اتعذب بعدك رنيم مسكت يده : انا لك وانت لي .. ما علينا من اللي راح مهما كان .. صح ؟ زياد رفع يدها وباسها : صح مشوا مع بعض و ركبوا المترو حتى وصلوا للمحطة وصاروا يمشوا رنيم شهقت : لا تقولي زياد : هههه شفتي شلون ؟ رنيم : احلى ملاهي بلندن كلها زياد : يلا امشي دخلوا رنيم و زياد ورنيم متحمسه وزياد فرحان لفرحتها ومرتاح لانها مبسوطة و تضحك وتسترجع ذكرياتها مع صاحباتها رنيم : ركبنا هاللعبة انا ورند .. ولقطت الكاميرا صورتنا .. رند خشتها مفتوحة على الاخر والله لا احطها بوجهها يوم عرسها زياد : هههه لا تتطنزين الحين لا نركب و تطلع صورتك اخطر من صورتها عشان اوريها ولدك مدري بنتك يعايبلك عليها رنيم : هههه يلا اجل صفوا باللاين ينتظرون اللعبه تخلص حتى يطلعوا الناس ويركبوا هما قدامهم مدى وسامي .. مدى متحمسة تبغا تركب وسامي يتحلطم ما يبغا اللعبه سامي : يا ربي ايش تبغي بلعبة تتقلب .. توني فاطر لا كل فطوري يطلع عليك مدى : لا اوريك شغلك ساعتها .. امشي امشي بس خلصوا اللعبه سامي : يالللييييييل مدى : ما تبغا تلعب خلاص اطلع لا تقعد تحن علي كذا كل ما لعبنا لعبه اف سامي : امشي امشي يلا مدى : لا تدف زين رنيم وزياد يطالعوا في بعض ويبتسموا على هالثنائي اللي قدامهم دخلوا و ركبوا اللعبه .. بالبدايه كانت ترتفع بهدوء ورنيم مسوية متململه من هالبطئ .. زياد ابتسم لما حس انه المركبة بدأت تسرع وتتقلب رنيم اخترعت وصارت تصرخ : مالت شفيهم سرعوها ما كانت كذه نزلوا من اللعبه وزياد متمحس سحب رنيم و راحوا يشوفوا الصور زياد انفجر ضحك على شكل رنيم اللي فمها مفتوح وتصرخ و شادة على ذراع زياد رنيم : احم .. مافي شي يضحك زياد : ههههههههه قلت لك صورتك رح تطلع تححححفة مدى راحت تشوف الصور بسرعة .. سامي منزعج من صراخ مدى ومدى تصرخ ومبسووووطة اخذت الصورة و راحت مع سامي تلعب لعبه ثانيه ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× مر الوقت وانتهى الدوام اللي صار ممل بالنسبة لرند طلعت من الباب .. عبد الرحمن كان جاي ياخذ ريام بما انه السواق مشغول مع امها طلعت ريام وركبت السيارة : روح لبيت رند .. اليوم الدرس عبدالرحمن : وليش مارحتي معها ؟؟ جايبتني على الفاضي ؟ ريام طالعت فيه واخلاقها في خشمها : طيب جت بتفتح الباب تطلع بس مسكها عبد الرحمن : وين وين .. امشي اوصلك ريام سكرت الباب وهي تطالع فيه بنظرات يعني يلا خلصنا مشى عبد الرحمن رايح على بيت رند والسكوت سيد الموقف مستغرب من ريام اللي بالعادة ما تسكت اذا ركبت معه .. طول الطريق تحكي ايش صار اليوم واتهزأت من مين واتضاربت مع مين .. تحكي بالتفصيل عن يومها المليان بالاحداث وصلوا قدام بيت رند و ريام تطالع وراها من المرايا اذا محمد جا والا لا بس وقفت السيارة محمد وقف بعيد .. نزلت تركض من السيارة لسيارة محمد .. فتحت الباب وجرته من قميصه ريام : انت واحد كلب وما تستحي ونذل وحقير ريام ضربته كف قبل لا يجي عبد الرحمن ويوقفها عند حدها ريام تحاول تفك نفسها من عبد الرحمن : اتركني .. اتركني عليه هذا الواطي الحقير .. البنت ما تبغاك ما تبغاك .. ما تخليها تعيش حياتها بسلام يا اخي .. مو كفايا ربى واللي سويته فيها .. خلاص اتركنا بحالنا يا اخي اف .. لا رند تبغاك ولا ربى تبغاك .. انت انسان مريض .. اطلع من حياتنا احسن لك عبد الرحمن ماكان قادر يسوي شي لريام ويوقفها عند حدها .. كان يسمع الكلام بصمت وهذا اللي خلا يدينه ترتخي و تهجم ريام على محمد مرة ثانيه .. ضربته وشاتته حتى طلعت طاقتها الكامنه فيه ريام : ودني على البيت .. انسدت نفسي الله يسد نفسه يارب .. " تفلت على رجوله " تفيه عليك وعلى اشكالك " ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× مدى كانت تمشي مع سامي وهي تطالع رنيم اللي وجهها مألوف بالنسبالها سامي : شفيك مدى ؟ مدى : ياخي وجهها مألوف هالبنت سامي : مين ؟ مدى : هذيك اللي هناك سامي : اها .. يمكن مشبهه عليها مدى : اممم " جرت يد سامي " تعال دقيقة سامي : لوين ؟؟ مدى قربت من رنيم و رفعت حاجبها لما عرفتها : اووه رنيم ؟؟ رنيم دققت في ملامح هالبنت وكأنها ما عرفتها .. لكنها شهقت فجأه : مـــدى ؟؟ مدى مدت يدها وصافحت رنيم : كيفك مبرووك الزواج .. واسفة ما حضرت العرس رنيم : عادي حبيبتي لا تشيلي هم .. كيفك انتي وكيف دراستك ؟ مدى : والله الحمدلله ماشي الحال رنيم ومدى انبسطوا انهم شافوا بعض .. ولو انهم ما يعرفوا بعض من التجمعات بس كانوا يعرفوا بعض من ايام الدراسة اتغدوا واتعشوا حتى كل واحد راح في طريقه بعد ما اتواعدوا انهم يتلاقوا مرة ثانية زياد ورنيم في القطار راجعين مانشستر .. رنيم حاطة راسها على كتف زياد و مغمضة عيونها بتعب زياد : الحين احنا جينا حتى نوسع صدورنا ويا بعض واخر شي تقضي اليوم كله مع صديقتك رنيم : يوه حبيبي ايش فيها ..ما شفنا بعض من زمان زياد : يوه خلاص سلموا على بعض واتواعدوا يوم من الايام .. ضروري يعني اليوم رنيم : طيب خلاص نطلع يوم ثاني انا وانت ولا يهمك زياد اتضايق من رنيم واللا مبالاه .. غطت رنيم في سبات عميق طول هالساعتين اللي قضتهم ووصلوا لمانشستر . . . مدى دخلت البيت وودعت سامي .. دخلت الحمام اتروشت و بدلت ودخلت غرفتها .. اتمددت على السرير و اتغطت تحاول تنام قامت فجأه تبغا تروح عالمطبخ تشرب موية بس وقف قلبها و جمدت بمكانها وهي تسمع صوت الباب ينفتح بمفتاح .. و قبضة الباب تتحرك .. حطت قبعة البلوزة على راسها بحركة سريعة حتى تغطي شعرها من هذا اللي رح يدخل ونهايتها رح تكون على يده لو كان حرامي دخل سامي وهو يشوف ظل جمبه .. زادت سرعة دقات قلبه و رفع عينه ويشوف مدى تطالعه بصدمة مدى : س س سـآمي ؟؟ دخل سامي وسكر الباب بمفتاحه وحطه في جيبه وقرب منها مدى زادت دقات قلبها وصارت ترجع لورى بخطوات بطيئة لكن سامي كل ماله يقرب منها حتى ماعاد صارت تقدر ترجع اكثر بسبب الجدار اللي وراها مسك سامي يدينها و دخل يده الثانيه داخل القبعة اللي حطتها على راسها و يمسح على شعرها ويبعد القبعة عنها مدى كان جسمها يقشعر من حركاته دمعت عيونها وهي مو قادرة تستوعب اللي قاعد يصير فكت يدينها من يده ودفته بعيد عنها وهي تركض للغرفة .. لحقها سامي وهو يسد باب الغرفة بيده وبرجوله حتى ما تسكره علي صوت مدى بالبكا و هي تحاول تدف الباب وتسكرة دفع سامي الباب باقوى ما عنده وخلى مدى تفلت و تصقع بالجدار وتطيح على الارض فتحت مدى عيونها وهي تمسك راسها اللي تحسه يدور فيها ما تدري شلون قامت وهي تحس انها رح تطيح باي لحظه .. بس تبغا تهرب من هالكائن اللي قدامها .. مو متخيله انه هذا سامي .. سامي اللي كانت تحبه و يحبها .. مأمنه نفسها عليه طول هالفترة قامت و ما تدري وين تروح .. مافي مجال تطلع من الغرفة لانه واقف عند الباب .. ورح يمسكها لو مرت من عنده سامي مشى لعندها .. مدى طلعت على السرير واخذت جوالها تحاول تلحق تتصل على اي احد ينقذها .. تحاول تمشى عليه حتى توصل عند الباب و تسكره عليه .. لكنها ما امداها تطلع الا وهو وراها و طاح الجوال على الارض .. كان تركض تحمي نفسها منه .. تحاول تفتح باب الشقه بالمفتاح اللي معها لكنه قريب منها وقف قدامها و مسكها من يدها حتى حست انه اضافره غرزت بذراعها .. اثار الدم انطبعت عل البلوزة .. قرب منها وهي تحاول ترفع يدها حتى تبعده عنها كانت تصرخ تدافع عن نفسها وعن شرفها .. اللي ممكن يضيع منها بهاللحظه .. ندمت .. ندمت انها امنت نفسها على رجال .. مافي رجال تقدر توثق فيه غيره !! اخو اعز صاحباتها .. وكان رح يصير زوجها !! عضته على كتفه حتى بعد عنها وركضت منه تصرخ تستنجد باي احد .. تتمنى لو احد من الجيران يسمعها ويدخل ينقذها منه .. بس مافي فايده وقفت عند شباك الحريق تحاول تفتحه وتطلع منه .. بس مسكها من يدها وسحبها حتى طاحت على الارض .. ما عاد فيها قوة .. ثقل فوقها مو قادره تتحرك صرخت باقوى ما عندها حتى احد يسمعها دموعها تنزف بكل مكان .. عينها اللي ما عادت تشوف منهم من كثرة الدموع .. والا خشمها اللي تحس انسد وما عاد يدخله هوا من الثقل اللي عليها .. تحاول تتنفس من فمها بس خلاص .. لا عاد في صت ولا عاد تقدر تتنفس حركت يدها الضعيفة تدف سامي عنها حتى تسترجع انفاسها بس مافي فايده انفاسها عادت لمجاريها بعد ما انزاح هالثقل عنها .. صرخت صرخة تستنجد فيها بعد فوات الاوان .. قامت تحاول تطلع من الامكان بس جرها سامي للارض مرة ثانيه حتى حست انها رح تفقد وعيها تماما .. طاحت فوقها الطاولة الصغيرة اللي كانت بالصاله والاشياء اللي عليها رجع لها سامي وهي تطالع فيه .. مو هذا سامي .. لا مو هذا .. سامي ما يسوي كذه .. سامي مستحيل يسوي فيها كذه استجمعت كل قوتها تدافع عن بقايا روحها بعد ما انتهك عرضها غصبا عنها .. اخذت الطفاية اللي كانت طايحة جمبها و ضربت فيها سامي اللي الدم انتثر حوله بشكل كبير و سريع .. طاح ثقله عليها وهي تصرخ .. تطالع بيدينها اللي متلطخة بدم سامي .. و اكمام بلوزتها اللي متلطخة بدمها .. و الجروح اللي بجسمها بسبب سامي صرخت بحسرة والم على كل هاللي صار .. ايش صار ؟؟ مو معقول !! مو معـــــــقـــــول حطت راسها على راس سامي وتبكي بحسرة وقهر .. انتهك عرضها .. قتلت اعز انسان عرفته بحياتها .. قتلت اخو اعز صديقه صادقتها بحياتها صارت تناديه بأعلى صوتها وتنتظر يرد عليها : سامي .. ســــآمي . يآ كلـب رد علـــي .. سآآآمي ليش سويـــت كذه ليــــش ؟؟ كانت تسمع الباب ينضرب و يحاولوا يفتحوا لكنها مو قادرة تتحرك من مكانها .. اخذت الطفايه تبغا تقتل نفسها جمبه لكن الشرطة فتحت الباب بالوقت المناسب جارتها اللي سمعت صراخها اتصلت بالشرطة بعد ما حاولت تفتح الباب وما كان راضي ينفتح .. دخلوا النص الثاني من رجال الشرطة من شباك الحريق ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× نهآآيهـ البآآرت |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| """"مـين البنت الشاطرة الي تتجرأ وتقدر تلبس زي هذا ؟؟ """""" | روح المشاعر | صور - كاريكاتير | 63 | 03-11-11 08:10 AM |
| " تقديم " الزعيم Vs الليث " قمة الجولة الثانيه من دوري زين السعودي | مـۅجّ☜♥☞ ٵڸـڂ ـبــﺮ | كرة القدم العربية | 15 | 15-09-11 06:22 PM |
| المحطة تعيد "منتجة" المسلسل لحذف الجمل "البذيئة" .. "mbc" تطلب من الصحفيين السعوديين عدم الكتابة عن تجاوزات "بيني وبينك" | خيّال | منتدى الأخبار المثيرة - عالم الجريمة | 27 | 19-03-11 05:50 PM |
| "" وش الدنيا عقب فرقاه "" قصه رومانسيه عجييبه لا تطوفكم | ملكة الهنود | قصص تعب قلبي | 176 | 05-01-09 06:32 PM |
| """"""""فساتين ذوووووووق لأهل الذوق"""""""" | أعشقه وأعشق أترابه | ازياء × فساتين | 18 | 08-10-08 04:02 AM |
2إعجاب
