المنتديات
اجعلنا صفحة البداية
اضفنا للمفضله
المنتديات
|
#1006
17-06-09, 01:55 AM
|
|||||
|
|||||
ورود على أراضي اَلهيام ("روايتي الثانيه" / رومانسيه / خياليه)
<<<< الفـــــــــصل الخامــــس و العــــشــرون >>>> (انت ع ـمري) حاطة الشال على كتفها و ضامة يدها لبعض حتى تدفي نفسها .. تحس انها لحالها بهالمكان .. ومافي احد حولها .. المكان بارد .. وتحس انه الثلوج تتساقط عليها احساسها بالالم و القهر .. والندم اتضاعف هاليوم اتذكرت السنه الماضية لما عبد الله اعطاها تعليقة باسمها مرصعة بالالماس فصلها تفصيل عشانها .. عاشوا لحظات هاليوم لحالهم لكنها ماكانت مبسوطة اتخيلت كيف ممكن يكون سعد متألم بس الم عبد الله فوق اي الم ممكن تتصوره جلست على كرسي من الكراسي وهي تراقب عجوزين جالسين على كرسي من الكراسي .. الحرمة حاطة راسها على كتف الرجال وماسكة في يدها وردة حمرة اتنقل نظرها للكرسي اللي وراه .. بعدها زادت دقات قلبها .. ما حست بنفسها الا وهي قايمة وتمشي بخطوات متسارعة توصل لهدفها اللي قدامها رشا وهي تلهث من التعب : سـ .. ع .. د !! ؟؟ رفع عينه وهو يطالعها بنظرات رمت نفسها عليه وضمته وبكت : احبك .. والله احبك لا تتركني ..... : what the hell are you doing ? فتحت عينها بصدمه وهي تسمع الصوت .. رفعت راسها وهي تشوف وجه اللي مرمية باحضانه اتأسفت ومشت وهي تبكي وتضحك بسخرية على نفسها في نفس الوقت شكلها بدأت تتوهم وتتجنن .. وحالتها تسوء من سيء لأسوء .. علي صوتها بالضحك وصارت تضحك بقهقهه وكأنها مجنونة ترجع تسكت و تبكي بصمت .. رفعت راسها للسما والضيقة تاكل قلبها وين ايامك زمآن كآنت دياركـ امآن كنت مثل هاليوم عآشق وبسمتك كآنت حنآن ليش ؟ ليش يصير معها كذه ؟ خلاص تبغا تنسى و تعيش بسلام .. مشت في الشوارع تتمشى .. وقفت قدام محل يبيع اغراض اطفال .. وقفت تطالع المنكانات المعروضة .. ابتسمت وهي تشوف ملابسهم و اغراضهم .. ما اترددت انها تدخل المحل و تتفرج اكثر .. دخلت و هي تطالع يمين و شمال و تمسك هذا و تتامل في ذاك .. مسكت جزمة صغيرة حقت الاطفال الرضع قطنية .. حطت يدها على بطنها وهي تتخيل كيف ممكن يكون حجمه الحين ؟؟ اصغر من يدها !! كان معاه الشال حقه و بلوزة و بنطلون .. لونه baby yellow يلبسوه البنات و الاولاد اخذتهم كلهم وراحت عند الكاشير و هي مبسووطة وقفت وهي تطالع الرفوف المعلقة لقت كتاب مكتوب عليه baby diaries راحت عنده و اخذت واحد وحطته مع الاغراض الثانية ... دخلت البيت نادت على الشغالة وقالت لها تجهز لها اكلها على الطاولة.. تركض على الدرج تبغا توصل لغرفتها بسرعه .. حطت الكريس على الكرسي و اخذت منه الكتاب .. اتمددت على السرير و مسكت القلم وفتحت اول صفحة .. سكتت فجأه وهي تفكر كم ممكن يكون عمر طفلها لما يعرف يقرا هالكتاب و يستوعب كل كلمة فيه ويحافظ عليه ؟؟ .. 13 ؟؟ ممكن ليش لا ؟؟ ابتسمت وحطت القلم على الورقة وهي تكتب : إلى طفلي / طفلتي .. ها أنت الآن في الـ 13 من عمرك .. انتظر بشوق هذا اليوم الذي سيصبح فيه عمرك 13 عاما .. سلمتك اياه في عيد الأم الـ 13 بالنسبة لك .. و اتمنى ان تسلمه / تسلميه الى طفلك ايضا في عيد الام الـ 13 في هذا اليوم .. الموافق " .......... " كنت في شهرك الاول .. لا اشعر بك .. ولا ارغب سوى ان تكبر/ي بتمام الصحة والعافية .. اعترافات كثيرة هي التي ارغب البوح بها لك حبيبي/حبيبتي ولكن متى انتهي من الكتابة .. ستكون/ـين عالم/ـة بكل ما يدور حولك من احداث لم اختر لك اسما بعد .. فلا اعرف اي جنس انت .. بنت ام ولد ؟؟ ولكن متى يأتي هذا اليوم سأكتب لك اي اسم ارغب . . . قاطعتها الشغالة لما دقت باب الغرفة ودخلت حتى تناديها على الاكل حطت القلم داخل الكتاب و سكرته و نزلت .. حست الحين انها بدأت تتقرب من طفلها اكثر و اكثر .. حست انها تبغاه يكبر بسرعة حتى يقوم و يقرا الكلام اللي كتبتله اياه .. تبغا تشوف تعابير وجهه وهي تعطيه الكتاب اللي يحكي عن كل شي كان حوله .. اسرار وخفايا .. و احداث و علوم وما كان يدري عنه . . . مدى واقفة مع سامي عند باب الشقة من برى .. مدى متسندة على الجدر و ماسكة وردة حمرا و حاطتها عند خشمها تستنشق ريحتها وسامي متكي يده على الجدار وصاير قبالها سامي : خلاص اجل اشوفك بكرة مدى : ان شاء الله سامي بعد : يلا باي مدى : مع السلامة نزل سامي خطوات الدرج وطلع من العمارة و ركب سيارتة وراح على بيت رشا ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× رنيم و رند و زياد توهم داخلين البيت رند تركتهم وطلعت الغرفة بس هم قعدوا في الصالة رند تكلم تولين : كل شي جاهز ؟؟ تولين : ايه .. كل شي تمام رند : كويس رند دنت على الدرج : رنـــــــــيم رنيم كانت جاسة جمب زياد وتلعب في الخاتم اللي باصبعها .. قامت وطلعت تشوف رند ايش تبغا جرتها لرند لداخل الغرفة وسكرت الباب رند : شششش ولا كلمة .. ورى البيت بالمسبح مجهزة لكم طاولة .. و البسي فستانك الحين و انزليله تحت وخذيه للمكان رنيم حطت يدها على خدودها : اااه تستهبلين ؟ رند ضحكت : ههه بس بلا هبل .. يلا روحي البسي بسرعة رنيم ضمتها : شكــــرا يا قلبي انتي رند : عفوا حبيبتي .. يالله لا تتأخرين عليه رنيم : ههههه طيب .. اخذت رنيم الفستان و دخلت ورى البارتشن في الغرفة ولبسته .. طلعت تاخذ رأي رند : حلو ؟ رند : يجنن راحت رنيم عند التسريحة حطت مكياج خفيف ولبست اكسسواراتها .. عدلت شعرها وبخت في الهوا عطر و دخلت فيهم ونزلت نزلت من الدرج بهدوء و زياد قاعد ينتظر على الكنبة .. جت من وراه و حطت يدها على عينه : خلي عينك كذه وتعال معي ابتسم زياد وقام معها مسكت يده وطلعوا من الباب وراحوا للمكان اللي جهزته لهم رند .. رنيم ابتسمت على جمال المكان .. طاولة وجمبها كرسيين .. وطول الطريق في كاسات شموع و وورد منثور على المكان .. وردة حمرا على كل صحن .. قعدته رنيم على الكرسي و فتح عينه ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× اما عند سامي كان في الصالة مع رشا اللي كانت قاعده تدور جيكورات غرف اطفال في النت سامي : هذا وانتي لسه بالشهر الاول وقاعده تجهزين من الحين .. شبقيتي لبعدين ؟ رشا : مالك شغل .. ابي اسوي كل شي من الحين بعدين مين في معاي عشان يروح ويشتريلي لا صارت بطني كبر راسي سامي : اشوفك بديتي تدورين غرفة و مدري ايش .. ناوية تستقرين هنا ؟ رشا : ما ادري .. ما احس ابدا اني ابغا ارجع .. احس بالاستقرار هنا .. هذا بيتي و مو ناقصني شي سامي : رشا .. فكري بعقل .. ابوي وامي رح يرفضون فكرتك هذي .. وين قاعدين حنا ؟ رشا : .............. كل اللي ابغاه و حاسة اني ما ابغا اسويه ولاني مرتاحتله اني ارجع .. انا ما هربت عارفين ويني فيه رشا : وبابا ما هزءك على سفرتك هذي ؟ سامي : ماخذ اجازة من الشركة .. وبرجع بعد 4 اسابيع رشا : اهاا . . . رند قاعده فوق السرير الباقة قدامها وجمبها الهدية .. سآكته تطالع فيها وتخمن ايش ممكن يكون داخلها ؟ حركت يدها واخذت العلبه وفتحتها .. ابتسمت ورفعتها من العلبه .. راحت عند المراية وربطتها على رقبتها .. مسكت القلب اللي كان كله بالالماسات الصغيرة .. كان حجمه صغير .. اخذت الكرت اللي كان داخل العلبة وفتحته .. ماكان مكتوب شي بس كانت صورة واحد جالس على ركبته و ماسك يد البنت اللي واقفه قدامه و كأنه يطلب منها شي . . . عبد الرحمن : شسوي عاد ما عرفت ايش اكتب ريام : كنت قلت لنا طيب نقولك وش تكتب على الكرت رحت لصقتللي صورة عبد الرحمن : والله مدري عن خرابيطكم ذي .. وينها ربى ؟ ريام : طلعت غرفتها ربى كانت متمدده على بطنها و دافنه وجهها بالمخده وتبكي بصمت .. ليش اتغير محمد ؟؟ ليش ما عاد مثل اول ؟؟ مو هو اللي كان يحبني ويدلعني .. مو هو .. ايش اللي صار حتى انقلب علي كذه ؟؟ ما اعطاها هدية بيوم مهم بالنسبالها .. حتى نظراته كانت غريبة !! قامت من السرير و وراحت للحمام اتوضت وطلعت صلت لها ركعتين استخارت فيهم ربها و نآمت ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× كانوا قاعدين على الارض عند المسبح و كل واحد قبال الثاني و زياد ماسك يد رنيم بايدينه الثنتين زياد : لو كنتي تحبيني اكثر من ما انا احبك كنتي ما خليتيني اتعذب عشانك 4 سنيين يا ظالمة رنيم : لا تقعد تقولي هالكلام الحين والا ارميك ترى البركة هنا زياد : يا راجل ؟؟ برميك قبل لا ترميني رنيم : لا يا شيخ ؟؟ مستهون فيني يعني ؟ زياد ما لحق يتكلم كلمة الا وزنة يختل فجأه بسبب دفة رنيم وطاح بالمسبح رنيم : هههههههههههههههههههههه دخلت رنيم البيت بسرعة من الباب الخلفي وجابت منشفة .. طلع زياد وعيونه كلها عند رنيم يفكر ينتقم رنيم لسة تضحك .. مدت له يدها و طلع .. حطت على اكتافة المنشفة .. ضمها يدفي نفسه بحرارة جسمها رنيم : تعال ندخل لا تبرد زياد : غرقيني وقولي ندخل لا تبرد رنيم : هههه سووري زياد : تعرفي !! كان ودي الحين بهاللحظة ادفك .. بس قلت حرام لا تبرد .. بس عشان تعرفي قد ايش انا اخاف عليك وانتي ولا همك .. رميتيني بدون ما تفكري اذا برد والا لا .. والا امرض والا لا رنيم طالعت في عيونه وعيونها هي متغرقة : انت ما تحس ؟؟ بعدت عنه ولفت تبغا تدخل البيت بس جرها لعنده بسرعه : زعلتي ؟ رنيم نزلت دموعها : انت ما تحس انك بكلامك هذا تجحد حبي لك ؟ .. ليش انا بين يديك الحين اذا كنت ما احبك كثر ما انت تحبني وزيادة و اخاف عليك !! زياد مسح دموعها : انا آسف ماعاد اعيدها .. بس لا عاد اشوف دموعك على خدودك .. اغار منهم رنيم : تعال ندخل لا تبرد ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× اما عند داليا راكان وداليا واقفين عند بوابة السكن داليا : انتبه على نفسك ..واشوفك بكرة راكان : ان شاء الله .. نامي زين عشان تقومي بدري وتروحي الجامعة داليا : اوكي .. يلا مع السلامة راكان : مع السلامة . . . دخلت داليا غرفتها و سكرت الباب و فتحت النور .. طلعت جوالها الا تلاقي مسج من رنيم " حطيت مبلغ الفستان و كل احتياجاته بحسابك .. يا ويلك لو رجعتي حولتيهم كفاية اني بتعبك معاي " داليا : يا الللله شكثر هالبنت غبية طالعت في ساعتها اذا مناسب تكلمها الحين والا لا !! .. تلاقيها مشغولة او نايمة .. احسن اكلمها بكرة دخلت داليا الحمام اتروشت و بدلت ونامت ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× داليا : رنيم بلا غباء يعني مو عشان انا قلت بشتريلك فستان الفرح ومدري ايش تقومي ترسلي الفلوس رنيم : خلاص اشتري وانتي ساكته داليا : والله انك ما تستحي رنيم : كلامك صار جداوي داليا : من ريما مو من احد هههه رنيم : ابغا اشوفها هذي الريما .. جيبيها معك يوم العرس داليا : رح تروح جده رنيم : مممم داليا : متى رح ترجعوا الشرقية ؟ رنيم : اليوم الليل داليا : اها . . . رند بهالوقت كانت في المدرسة .. مع انه اليوم اجازة مدتها اسبوع عشان عيد الحب .. بس راحت عشان تحتاج تجيب الكتب حقتها من الكلاس .. دخلت الكلاس وحطت اغراضها .. دخل وراها عبد الرحمن اللي كان وراها من اول ما دخلت المدرسة جا و قعد في المدرسة ينتظرها حتى دخلت و دخل وراها عبد الرحمن : صباح الخير رند ابتسمت : صباح النور عبد الرحمن : كيفك اليوم ؟ رند : الحمدلله وانت ؟ عبد الرحمن : الحمدلله .. فطرتي رند : لا والله ما لحقت عبد : اجل تعالي نفطر رند : اوكي طلعت رند معه و اخذت اكلها و قعدت على طاولة من الطاولات ولحقها بعد ثواني سكتت رند لما شافته ساكت وكأنه يفكر كيف رح يتكلم .. او كيف يبدأ رند : شكرا على هدية امس .. كلك ذوق عبدالرحمن ابتسم : و موافقة ؟ رند ابتسمت على شكله .. مرتبك وحالتة حاله و من يوم ما قعد وهو يقلب في الشاي .. ومو داري ايش يقول .. هي بعد لما سألها كذه حست انها مرتبكة مدقات قلبها تزداد .. وما درت ايش تقول .. لكن اللي حسس عبد الرحمن برضاها الابتسامة اللي ابتسمتها .. لانها لو كانت رافضة ماكانت ابتسمت عبد الرحمن : ابوك مسافر هالفترة صح ؟ رند : ايوة عبد الرحمن : ومتى رح يرجع ؟ رند : انت كلمه اول خير .. " ابتسمت بخبث تلعب باعصابه " يمكن ما يبغا يزوجني الحين عبد الرحمن : هههه شدعوة . . . داليا بعد الجامعه اعطت كتبها و اغراضها لريما حتى توديها للسكن وراحت هي وراكان السوق داليا : عرسها بعد 3 اسابيع وتبغاني اشتريلها فستان عرسها من هنا راكان : حلو .. اشتري حقك انتي بعد داليا : هههه احنا خلينا نسوي ملكة اول ! راكان : ولسة رح ننتظر ملكة و ما ملكة ؟؟ نسوية ملكة وعرس في يوم واحد داليا سكتت وهي تدخل المحل و تاخذ الكاتالوج حقهم و تطلع كانت تمشي وتدخل كل محل و تاخذ من عنده الكتالوجات اللي عنده .. قعدت هي و راكان على كرسي يتأملون في الفساتين .. اشرت داليا على الفساتين اللي عجبتها عشان تصورها و ترسلها لرنيم واقفين راكان ودالية عند بوابة السكن يودعون بعض داليا : انتبه على نفسك .. وسلم على خالتي راكان : يوصل .. وانتي بعد انتبهي على نفسك وعلى دراستك داليا : ان شاء الله راكان ضمها : يلا مع السلامة داليا: مع السلامة راح راكان وترك داليا لحالها ببلاد الغربة .. خافت داليا وحست بالخوف لما راح .. لكنها اصرت على نفسها انها تكمل مشورها بدون ضعف و استسلام دخلت داخل تركض لما طلعت شرارة البرق في السماء وصوت الرعد العالي يهز القلوب و المطر بدأ ينزل شوي شوي حتى غزر الناس تتلاشى وتحاول تتخبا تحت اي شي يحميهم من المطر ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× عدوا 3 اسابيع اعلى اخر الاحداث اثرت على حياه 3 اشخاص اولهم رشا .. اللي دخلت في شهرها الثاني .. وتحس انه الطريق بيقصر كل ما مر يوم انتظمت في الاكل .. راجعت عند دكاترة .. صارت تهتم في طفلها اكثر من اول .. صارت تهتم في موضوع انها امه وهو طفلها زياد ورنيم اللي كل يومي يعدي يقربهم من بعض اكثر .. ما باقي الا كم يوم على العرس و كل واحد متلبك اكثر من الثاني عبد الرحمن .. اللي ينتظر رجعة ناصر بفارغ الصبر .. مارح يرجع الا على نهاية الاسبوع ويبغا يقابل عبد الرحمن عنده في الشركة على الاسبوع الجاي حتى يتعرف عليه اكثر ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× رنيم كل ما تشتري شي على طول في الشنط .. مافي وقت بعد العرس تجهز اغراضها .. من الحين كل اغراضها اللي تحتاجها في الشنط اخواتها كانوا كلهم في الغرفة يساعدونا و يرتبون معها الاغراض الاء : الله مرة متحمسة ليوم العرس دان : ابغا ارقص نسرين : من زمان ما رحت عرس .. متى اخر مرة ؟؟ الاء : عرس ولد عمك قبل سنه صنمت في مكانها فجأه وهي تتذكر شي مهم بالنسبالها .. طالعت في الساعة وقامت .. اخذت كم لبس و لبست عبايتها ونزلت نزلت من الدرج تركض لقت سند توه داخل البيت جرته من يده لسيارته : وديني المزرعة سند : الحين؟ رنيم : لا بكرة .. اييييه الحين بسرعه سند : طيب باسم الله اركبي اركبي رنيم ركبت السيارة و مشى سند .. نص ساعة ووصلت المزرعة سند : بقول للبنات يجونك هنا .. لا تقعدين لحالك رنيم ما ردت عليه ودخلت الفيلا .. الجو حلو .. لا هو حار ولا هو بارد .. الصيف على ابواب و البرودة بدأت تتلاشى اول شي سوته بدلت ملابسها و راحت على الاسطبل .. راج الحارس كان قاعد يجهز الخيول حتى تاخذ جولتها في المزرعة مثل كل يوم .. فاجأته رنيم لما شافها داخله رنيم : اهلا راج راج : ايس هادا ؟؟ انت زواز انت مابي بعد كم يوم ؟؟ ليس انتا هنا ؟ رنيم : ابغا اشوف بلاك راج : ايواا .. يلا انا سوي تجهيز بس رنيم : اوكي بسرعة راج : اوكي دخل راج وجهز الحصان وطلع لها اياه .. ما ركبته .. بس مسكت اللجام و مشت معاه .. قعدت تحت شجرة وهي تتأمل فيه .. تتذكر اول مرة لما اشتراه ابوها .. كانت اول من شافة وكان لسة صغير .. اهتمت فيه وكانت تجي تأكله و تشربة .. حتى كبرت واتلهت عنه .. والحين رح تتركه وما تدري متى ترجع وتشوفه .. صح انه حيوان لكنه عزيز عليها ومعاها من صغرها ولو انها في الفترة الاخيرة ما تشوفة ولا تركبه بس موجوده و تقدر اي وقت تروحله حست انها رح تفقد اشياء كثير اذا راحت مانشستر .. رح تنسى كل حياتها اللي متعودة عليها هنا .. حست كأنها طفله رح ياخذوا منها كل العابها و يجردوها من كل شي تحبه و اتعودت عليه كل شي تحبه رح تفتقده .. بس مو متضايقة قد ما هي مبسوطة انه مشوار حياتها اللي خططتله كل ماله يقصر حتى توصل للهدف اللي تبغاه كل شي يضيع منها ولا زياد يضيع منها .. تفقد اشياء بس كلها تتعوض لما زياد يكون جمبها ومعها و يبنون حياتهم هم الاثنين مع بعض . . . الساعه 7 المغرب زياد بهاللحظة كان مخلص كل اجراءات السفر و البيت و كل شي .. و يتصل على رنيم راج يركض ياخذ جوال رنيم من على الكرسي و يعطيها اياه رنيم : الو زياد : هلا حياتي كيفك ؟ رنيم تحاول تضبط تنفسها ودقات قلبها بعد الجري اللي كانت قاعده تجريه : تمام انت كيفك ؟ زياد : هدي هدي .. شفيك كذه تتنفسي بسرعة ؟ رنيم : انا في الاسطبل بالمزرعة زياد : اهاا حلو .. تسلمي على حصانك يعني ؟ رنيم : ههههه بالضبط زياد : اجل جايك الحين رنيم : مع اني كنت ما ابغاك تشوفني الا يوم العرس بس انا بعد مررة مشتاقتلك زياد : بس بس خلي هالكلام لمن اجيك مو لمن اجي تقعدي ساكته رنيم : هههههه طيب يلا ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× داليا قاعده تجهز شنطها و اغراضها لسفرها بكرة .. متحمسة على عرس رنيم .. تتخيل شكل رنيم وهي بالفستان و تنزف وجمبها زياد اللي ياما هزأته و شرشحته على حركاته معها ضحكت فجأه و سكرت الشنطة بعد ما دخلت باقي الاغراض .. وقفت و ووقفت الشنطة و طلعت من الغرفة . . . رند كانت قاعده في غرفتها وماسكة الكمان و تعزف عرف هادي وتنتظر ريام تجي .. قاطعها رنين جوالها اللي راحت ترد عليه رند : هلا داليا : اهلين .. كيفك ؟ رند : الحمدلله تمام .. انتي كيفك ؟؟ وايش مسوية في دراستك ؟ داليا : الحمدلله ما باقي الا شهر ونص رند : الله يعينك يارب داليا : اكيد بتحضرين عرس رنيم صح ؟ رند : ايه ان شاء الله اليوم الساعه 8 الطيارة داليا : حلو .. انا الفجر اروح المطار رند : يا الله ابدا ما كنت اتخيل انه رنيم تتزوج الحين .. ومين ؟؟ زياد داليا : ههههه كنت قاعده افكر في نفس الشي رند : و عقبالنا داليا : قالت لي رنيم عن عبد الرحمن هذا .. اخر من يعلم انا ها ؟ رند : حضرتك اللي من جاك راكان و انتي ناسيتنا .. اللي لقا احبابه نسا اصحابه ؟؟ داليا : ههههههههه رند : ايه ايه اضحكي . . .
|
|
#1007
17-06-09, 01:57 AM
|
|||||
|
|||||
رد : ورود على أراضي اَلهيام ("روايتي الثانيه" / رومانسيه / خياليه)
ربى قاعده مع محمد في مطعم
محمد قاعد يعلب بمصاصة العصير و ربى تقطع المنديل اللي في يدها بتوتر ربى : محمد محمد اكتفى انه رفع عيونه يعننه ينتظرها تتكلم ربى : محمد انت مو قاعد تقوللي ايش فيك .. ايش هالتغير فجأه .. اتغيرت يا محمد مو انت محمد اللي احبه .. مو انت اللي كان يدلعني و يحبني .. انا ما رح اقدر اكمل معك اذا انت كذه .. ما حسيت ابدا براحة معك بهالفترة وانت كل مالك تبتعد عني اكثر واكثر .. اذا كنت تبغاني وتحبني و اهمك قوللي ايش فيك .. يمكن اقدر اساعدك .. ولو الغلط علي قوللي عشان اصلح غلطي .. لكن مو تنقلب فجأه وما تبغاني اخاف عليك و احاتيك محمد : ................... ربى انقهرت زيادة من سكوته .. مسكت الخاتم اللي في اصباعها و طلعته و حطته على الطاولة : شكرا على وقتك اللي قضيته معي .. واسفة اذا كنت غلطانه معك بشي وحقك علي قامت ربى من الكرسي و طلعت من المطعم وفي عيونها الف دمعة .. كل دمعة شايلة الف معنى ومعنى عن القهر و الالم اللي حاسة فيه ربى .. مو سهل انها تخسر حبيبها .. مو سهل انها ترفضه وهي تحبه ومعلقة فيه .. مو سهل لمن حبيبها يتركها بتصرفاته و حركاته محمد كان لسة قاعد في مكانه .. رفع راسه وهو يطالع في السقف " آآآه منك يا رند خربتيلي بيتي في مكانك " ليش ايش سوت رند ؟؟؟ ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× رنيم كانت قاعده قدام المدفأه داخل الفيلا .. قاعده على الارض ومسندة ظهرها بالكنبه اللي وراها و على حضنها مخده كبـيرة انفتح الباب و دخل زياد اللي كان يدور رنيم بعيونه .. الدنيا ظلام ومافي غير ضوء النار .. انتبه على ظلها الطويل و جا عندها جلس جمبها و مسك يدها .. حطت راسها على صدره : اشتقتلك زياد : انتي الاكثر رنيم اتنهدت : باقي يومين تصدق ؟؟ زياد : كنت حاب اننا نقعد هنا كم اسبوع قبل لا نروح مانشستر .. بس مـ ... رنيم حوطته بيدها وقاطعته : لا .. خذني من هنا بسرعة .. ابغا اكون انا وانت لحالنا .. ابغا اشوف بيتنا .. ابغا اشوف حياتنا و نرسم امنياتنا هناك زياد : اوعدك اني رح احاول اسعدك و اريحك بكل شي اقدر عليه و .. رنيم قاطعته مرة ثانيه : مو رح تكون معي ؟ .. هذا اكثر شي في الدنيا يخليني مبسوطة و مرتاحة زياد ابتسم و باسها على جبينها رنيم : اذا وراك شغل لا اعطلك .. انا قاعده هنا لبكرة زياد : من جد ؟؟ بتقعدين هنا لحالك ؟ رنيم : ايوة ابغا ابات هنا زياد : انتي كنتي تباتي اول بس لما يكونوا في على الاقل اخواتك .. الحين ما معك احد شلون بتقعدين ؟ اخاف عليك و المزرعة بعيده عن البيت ومو دايما يكون في ارسال للجوالات رنيم : ........... زياد : طيب اتصلي على اخواتك عشان يجوا معك رنيم : قالهم سند بس ما يبغوا زياد : طيب خلاص ولا تزعلين بقعد معك رنيم ابتسمت : خلاص مو مشكله نرجع البيت اصلا وراي اشياء اسويها زياد : اوكي يلا ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× مر الوقت .. وحطت رند رجلها على اراضي الشرقية امها في انتظارها في المطار .. شافتها و مشت لعندها بخطوات سريعة .. ضمتها وسلمت عليها رند : وحشتيني ماما ام رند : ولله انتي الاكثر .. كيفك يا رند ؟ رند : الحمدلله بخير انتي كيفك و كيف حال ابوي و اخواني ؟ ام رند : اخوانك كلهم ينتظرونك في البيت .. مشتاقين لك مرة رند : اجل يلا خلينا نروح .. انا بعد بموت اشوفهم طلعوا من المطار ووصلوا البيت .. اتعشوا و الكل طلع نام .. دخلت رند غرفتها بشوق .. ما احتاجت ابدا انها تجيب ملابس معها .. اغراضها اغلبها هنا شافت صورتها الل معلقتها على التسريحة هي و رنيم و داليا في بريطانيا .. طلعت جوالها من الشنطة و دقت على رنيم . . . رنيم كانت نايمة على زياد و زياد يلعب في شعرها و يفكر في مستقبله اللي ينتظره في مانشستر مع زوجته وعائلته اللي رح يكونها هناك رنين جوال رنيم قطع عليه حبل افكاره .. هز رنيم حتى يقومها ترد على الجوال لكنها ما كانت عاطيته اهميه وعادي ناااايمة .. اخذ زياد الجوال من على الكنبه ورد زياد : الو رند طالعت في الشاشه تتأكد اذا كانت داقة على رنيم والا احد ثاني بالغلط : الو .. مين ؟ زياد : انتي مين ؟ رند : هذا مو جوال رنيم ؟ زياد : الا رند : اجل مين انت ؟ زياد : انا زوجها رند : اووه زيااااااد ما عرفتك .. ليش تتوشوش كذه ؟ زياد : رنيم نايمة رند : ايش انتو مو عرسكم بعد كم يوم ؟ زياد : لو سمحتي هذيك مجرد حفله عرس رند : هههههه لا اطول عليك اذا صحت رنيم قولها اني وصلت وابغا اشوفها بكرة زياد يمزح : مافي تشوفينها الا يوم العرس رند : قلنا زوجها بس عاد مو تتأمر من الحين زياد : توكم شايفين بعض من 3 اسابيع خليني انا اشبع منها رند : الله اكبر ما كأنها رح تكون في خلقتك بعد كذه 24 ساعة زياد : مو قلتي مارح تطولين علي .. يلا مع السلامة رند : هيي انـ ... سكر زياد في وجهها وهو يضحك ويتخيل شكلها المعصب .. خليه يمقلب فيها من بعيد ما رح تقدر تسويله شي رند اتنرفزت .. تحسبه يتكلم من جد : الله يعينك يا رنيم اتزوجتي واحد متخلف وانتي ما تدرين قال ايش مافي تشوفينها الا يوم العرس .. خليني بس اشوفك لا انتفك تنتيف رمت الجوال على السرير معصبه و دخلت الحمام اتروشت وبدلت ونآآمت ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× الساعه 8 الصباح صحت رنيم على صوت ازعاج 2 في غرفتها .. عادي اخواتها المتخلفات يسووا جنانهم المعتاد صار كل ماله الصوت يعلا .. ويقترب .. حطت المخده على راسها حتى تمنع الصوت يدخل اذنها لكن الباب انفتح وصاروا يشدوا منها بطانيتها و مخداتها دفوها و دخلوها على الحمام حتى فتحت عينها هناك تتافف طلعت من الحمام وهي تحاول تستوعب اللي قدامها .. قاعدين داليا و رند على السرير ينتظرونها !! راحت لعندهم وضمتهم : يا خايسيييييين داليا : ماهان علينا تتزوجي واحنا مو موجودين رند : لا ومين يا حسرة ؟؟ استغفر الله رنيم ترى زوجك مرة ثقيل دم رنيم : ههه ليش ؟ رند قالت لها الحوار اللي صار بينها وبين زياد امس داليا : هههههههههه رهيب زياد ما اصدق انك عصبتي رند : يترفز صراحة .. والله اذا زوجي بيقعد يتحكم بذي الطريقة بطلنا نتزوج رنيم : والله انه انتي اللي دمك ثقيل يمزح اكيد .. مستحيل يكون يتكلم من جد داليا : ما علينا الحين .. تعالي قيسي فستااااانك رنيم : آآآه صح فستاني العزيز .. يمكن الحين بس بحس اني عروس من جد اخذته رنيم و لبسته و لفت عليهم : حلو ؟؟ رند: خطييييييييييييييييييييييييييييييييييييير رنيم : بنزل اوريهم ياه طلعت رنيم من الغرفة وهي لابسة الفستان وترفع اطرافه و تمشي شوي شوي حتى وصلت عند الدرج ووقفت كأنها تنتظر شي اتحول المكان لقاعة افراح كأنه اتقدم الزمن بسرعة و جا يوم العرس .. اتحول الهدوء لصوت موسيقى هاديه والناس تسمي و تبارك يوم اقبلت غار القمر من قمرها والشمس قالت لي شبيه من الناس كأن السما جاب النجوم ونثرها,, من حولها والنجم فوق الثرى داس كَنْيَ آلقٌٍمًرٌٍ فْيَ حٍّلآيَآيَ ...} سٌِِّبٌَِحٍّآنْ مًنْ صٍْوٍرٌٍنْيَ وٍآبٌَِدًٍعًٍ جًِْمًآليَ ... سٌِِّبٌَِحٍّآنْ مًنْ صٍْوٍرٌٍ جًِْبٌَِيَنْيَ وٍخٌِلآنْيَ...} بٌَِيَنْ آلبٌَِشًِْرٌٍ آتُِِّْبٌَِآهٍَى بٌَِدًٍلآليَ .... يَآحٍّظْ مًنْ يَسٌِِّعًٍدًٍ بٌَِشًِْوٍفْيَ وٍلقٌٍيَآيَ....} وٍيَآحٍّظْ مًنْ آهٍَتُِِّْنْى فْيَ وٍصٍْآليَ .... قولو محِبُوبُك بُعُدُ كم يًووومٍ [ عُنٍدُك ] جَآيً مٍشُتِآَقِ وٍ’ يًبُيً [ يًطَلبُهُآ يًدُك] شُوٍفٍوٍآ دُمٍعُآتِ آلَفٍرٍحِ بُـ’ عُيًوٍنٍهُآ [ ليً ] وٍآتِرٍكوٍ دُمٍعُآتِهُآ لآ تِمٍسِحِوٍوٍوٍوٍوٍهُآ آسِئلوٍهُآ وٍآعُرٍفٍوٍوٍ وٍشُشُشُـ‘ـ إهي تِمٍنٍىٍ لـ’ أجْلِ أجَيًبُهُ عُنٍدُهُآ َقِبُل تِحِنٍىٍ هُيً حِيًآتِيً [ وٍكل مٍآ آمٍلك ] فٍدُآهُآ وٍوٍوٍوٍ مٍسِتِحِيًل آصِدُ عُنٍهُآ ........... طَمٍّنٍوٍوٍوٍوٍهُآ وٍدّيً آغٌمٍضَ وٍوٍ آَفٍتِحِ وٍ’ آلتِقِيًهُآ وٍآتِرٍك آلدُنٍيًآ وٍآحِطَ آيًدُيً بُـ’ آيًدُيًهآَ صِدُقِوٍنٍيً مٍآمٍلىٍ عُيًنٍيً سِسِوٍآهُآ. وٍلوٍ تِقِوٍل آنٍيً هُوٍآهُآ [ صِدُقِوٍهُآ...* ] انتهت خطوات الدرج القصيرة حتى التقوا زياد ورنيم عند الكيكة الكبيرة .. مسكوا السيف و قطعوها .. زياد قدام كل هالعالم مع رنيم في يوم عرسهم .. مبسوووط ومرتبك في نفس الوقت .. شعورهزي شعور اي عريس يكون وسط حريم والكل عيونه عليهم اثنينهم بـس بدأت خطواتهم تمشي بإتجاه الكوشة اللي كانت في انتظارهم مسك زياد يد رنيم اللي كانت باردة .. مو داري هي من برودة المكان والا هي بردانه ؟؟ دخل الخاتم في اصباعها و بادلته نفس الحركة رجعوني عنيك لأيامي اللي راحوا .. علموني اندم على الماضي وجراحوا اللي شفته قبل ما تشوفك عنيا .. عمر ضايع يحسبوه ازاي عليا انــــــت ع ـمــــــــــري .. انت ع ـمري اللي ابتدا بنورك صباحه انت انت انت ع ـمـــري قد ايه من عمري قبلك راح .. وعدى يا حبيبي ولا شاف القلب قبلك فرحة وحده .. ولا ذاق في الدنيا دي طعم الجراح ابتديت دلوقتي بس احب عمري ابتديت دلوقتي اخاف لا العمر يجري كل فرحة اشتاقها من قبلك خيالي .. التقاها في نور عينيك قلبي وفكري يا حياة قلبي يا اغلى من حياتي .. ليه ليه ليه ليه ما قبلنيش هواك يا حبيبي بدري اللي شفته قبل ما تشوفك عنيا .. عمر ضايع يحسبوه ازاي عليا انــــــت ع ـمــــــــــري .. انت ع ـمري اللي ابتدا بنورك صباحه انت انت انت ع ـمـــري هذا كان صوت المطربة شيماء الشايب مالي اجواء القاعة و سالب قلوب كل عاشق روت هالاغنية ورود الحب على اراضي الهيام و رسمت مستقبل احلى 2 اتفتحت الورود و صار لها مكان مستقر على ارض الهيام و الحب .. لسه ورا هالثانئي مشوار طويل ومستقبل مليء بالاحداث كيف رح تكون بقية حياتهم ؟؟ وكيف رح يرسموا مستقبلهم ؟؟ ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× رشا على سريرها تقرا كتاب وتنتظر متى يغلب عليها النعاس حتى تنام و تريح جسمها اتأخر الوقت وهي لسه ما نامت !! " المشاكل الاسرية تأثر على حالة الطفل النفسية .. وخصوصا في مراحل عمره المبكر " اتوترت رشا من هالكلمة .. و سكرت الكتاب وحطته على جمب .. اتمددت كويس و اتغطت وهي تفكر حست انه مافي ي رح ينقص طفلها لو عاشوا لحالهم .. بس اكيد رح تجي فترة يسأل عن ابوه .. ايش رح تقوله ؟؟ .. يمكن ابوه يطالب فيه حتى يصرف عليه مثل العالم والناس حست بالخوف .. وانه المسأله مو ممكن تكون بهالسهوله !! .. ورح يأثر على حالة الطفل النفسيه لا لا .. مو ممكن اخليه يصارع هالمآسي كلها .. مارح اخلي حياته تصير تعيسة ابدا .. لازم اتصرف بسرعة .. لازم اخذت سماعة التلفون و دقت على جوال عبد الله ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× نهآآية البآآرت
|
|
#1008
17-06-09, 02:00 AM
|
|||||
|
|||||
|
رد : ورود على أراضي اَلهيام ("روايتي الثانيه" / رومانسيه / خياليه)
وبالتوفييييق للجميييييييع يااااااااارب
|
|
#1010
17-06-09, 12:13 PM
|
|||||
|
|||||
|
رد: ورود على أراضي اَلهيام ("روايتي الثانيه" / رومانسيه / خياليه)
تسلمي على البارتات الحلوة ياعسل
رنيم وزياد ثنائي خطييييييييييييييير الله يسعدهم مع بعض داليا وراكان هادييين يجننوا رند تستاهل عبدالرحمن أحسن من محمد الا يبغاها خلااااص ينساها والله حزنتني ربى بس هيا كمان تستاهل واحد أحسن من محمد رشاااا تحززززززن بس حلو انها بدأت تفكر بطفلها وأتوقع انها تكلم عبدالله يرجعها عشان طفلها ويااااارب يرضى يرجعها وبانتظار البارت الجاي بكل شوووووووووووووووووق والله يوفقك في اختباراتك ويوفقني ويوفق الجميع
|
 |
| أدوات الموضوع | |
| طريقة العرض | |
رد: ورود على أراضي اَلهيام ("روايتي الثانيه" / رومانسيه / خياليه)
النمط المتتابع
