المنتديات
اجعلنا صفحة البداية
اضفنا للمفضله
المنتديات
|
#501
09-12-08, 08:26 PM
|
|||||
|
|||||
ورود على أراضي اَلهيام ("روايتي الثانيه" / رومانسيه / خياليه)
عند رشا اللي كانت واقفه ترحب بام مهند .. جلسوا وكل وحده تسأل عن اخبار الثانيه بعد ثواني نزلت شوق كانت لابسه تنورة قصيرة كروهات اسود واحمر .. وبوزة هاي نك سودا وبوت اسود .. لبست اكسسوار احمر و حطت مكياج خفيف ام مهند تبتسم لشوق وشوق كل ما تشوف ابتسامات ام مهند الفظيعه تتوتر وترتجف اكثر رشا ابتسمت بخبث واشرت لشوق انها تجلس وتتكلم مع ام مهند ام مهند ما قصرت في الاسئلة طبعا وشوق تجاوب بحسن نيه كانت هالزيارة هدفت لها رشا بس تتعرف ام مهند على شوق وحطها في بالها عشان اشياء مستقبليه تكون سبب في راحة بال رشا وسعادتها ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× صارت الساعه 1 الليل .. اتعشوا الناس كلهم في بيت رنيم وبدأوا يروحوا .. حتى ما بقي احد غير البنات وزياد وسند سند : عن اذنك زياد دقايق زياد : اوكي سند دخل البيت وظل زياد بالحوش .. رنيم وداليا ورند جو بيدخلون البيت مروا على بيت الشعر حق الرجال لقوا زياد جالس في الجلسه اللي برى لحاله .. راحوله وجلسوا معه رنيم : اهليين .. كيفك ؟ زياد : هلا .. تمام والله انتو كيفكم الكل : تمام رنيم : حلو انك جيت .. انبسطت ؟ زياد : ههه ايه الحمدلله .. كيفكم كلكم .. داليا ورند .. من زمان عنكم داليا : حتى انت من زمان عنك .. كيف ايش مسوي زياد : والله الحمدلله .. انتي كيفك رند ؟ رند طالعت فيه والملامح جامده : الحمدلله تمام زياد ما استبشر بملامحها ابدا .. كأنه فيها شي ابدا مو طبيعي رنيم : وينه سند غريبه مو معك ؟ زياد : دخل البيت اظنه بيجيب شي وطالع رنيم : اها ما تعدي دقايق الا وسند عندهم سند : ماشاء الله شعندكم قاعدين هنا ؟ رنيم : ولا شي .. حبينا نسلم على زياد سند : ماشاء الله .. يلا على داخل رنيم : شدعوة ما تدري ترى زياد صديقي في الجامعه زياد صار وجهه الوان .. ليش تحرجة دايما كذه ؟ ولا تهتم ابدا له رند طالعت في وجه زياد اللي صار الوان .. يا سلام لو درى سند عن هباب زياد لرنيم في بريطانيا .. مع انه اساسا ما كان يدري انها اخته سند : اوه والله .. افا من ورانا ولا تقولي يا زياد زياد : شدعوة عاد.. بس ما جات السالفه سند عرف انه انحرج وحب يصرف الموضوع : مممم .. يلا خلنا نطلع نكمل سهرتنا برى زياد : معليش والله سند حاب اروح البيت .. تعبت اليوم سند : افاا .. يلا بس مارح اثقل عليك يالحبيب .. تحب اوصلك ؟ زياد : لا مو مشكله .. يلا اشوفك سند : ان شاء الله .. مع السلامة زياد : مع السلامة راح زياد ودخلوا البنات البيت وقعدوا في الصاله .. رند طلعت جوالها وجت تدق على السواق رنيم : رند لا تقولين بتدقين على السواق يجي ياخذك ؟ رند : ايه .. سوري بس لازم اروح سفري بعد اسبوع رنيم : نعم ؟؟ سفر وشو ؟ رند : اوه ما قلت لكم .. كلمني بابا اليوم الساعه 5 لمن كنت نايمة داليا : وايش صار ؟ ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× ابو رند : كيفك حبيبتي ؟ رند : الحمدلله تمام بابا انت كيفك ؟ ابو رند : الحمدلله .. اكيد فاتحتك امك في الموضوع صح ؟ رند : ايه ابو رند : ادري حبيبتي انها كانت صدمة بالنسبة لك بس صـ ... رند : لا تشيل هم بابا انا موافقه ابو رند بفرحه : موافقه ؟؟ رند : ايه .. وحابه اني اكمل حياتي بالرياض عندك .. انا انحرمت من حنانك وقربك طول هالسنين .. ولمن جاتني الفرصه مستحيل اضيعها من يدي ابو رند والفرحة والابتسامة باينين في وجهه : الله يحفظك يا بنتي ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× رنيم بدأت تتجمع الدموع في عيونها .. شالت حالها وطلعت ركض على غرفتها ما تتحمل بعد صديقة عمرها رند عنها رند ما سوت أي شي ولا اتكلمت .. داليا : متأكده ؟ رند اشرت براسها بمعنى ايه داليا قامت وجلست جنبها .. توها جت بتفتح فمها تتكلم الا رمت رند نفسها بين احضان داليا داليا تمسح على شعر رند : هدي حبيبتي .. وان شاء الله الله يقدم لك كل خير داليا كانت تكلم رند وتحاول تهديها وهي نفسها بحاجه لهالشي هدت رند بسبب محاولات داليا .. اخذت رند عبايتها و دقت على السواق وجا وراحت على بيتها داليا طلعت عند رنيم في الغرفه لقتها قاعده تبكي داليا : يووه رنيم خلاص مافي داعي لذا كله !! .. ايش رح تستفيدي من البكا يعني الحين ؟؟ .. بدال ما تحاولين انك تشجعينها و تساعديها تبكين كذه ؟؟ ترى هي الحين بحاجه لنا اكثر من أي وقت ثاني اذا احنا ما ساعدناها وشجعناها مين بيسوي هذا كله ؟؟ هي في داخلها ما تبغى .. بس وافقت ورضت .. هنا بتترك كل شي .. اهلها .. ذكرياتها .. صاحباتها .. ورايحة هناك بلد ما قيد جربت في حياتها تعيش فيها .. لازم تلاقي مين يشجعها عشان تقدر تروح وهي على الاقل مقتنعه وراضيه ومتحمسه .. صح والا لا ؟ داليا كانت تقول هالكلام وتحاول تقنع نفسها فيه بنفس الوقت .. لانها هي بعد صعب عليها فراق صاحبتها و اختها .. بس رح تزعل لمتى ؟؟ رح تزعل وتترك صديقتها تعاني لحالها ؟؟ لازم تشجعها وتحمسها حتى تقدر تعيش راضيه ومو مغصوبة على شي ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× اما عند مدى .. مدى انتظرت لحد ما الكل نام ودخلت غرفتها وسكرت الباب .. فتحت العلبه وطلعت الكرت ونقلت الرقم في جوالها .. اترددت كثير قبل لا تضغط على زر الاتصال غمضت عيونها واتنهدت واستسلمت وضغطت رنات متواصله بدون أي جواب .. طالعت في الساعه .. كانت الساعه 1 ونص مدى تكلم نفسها : ايش هالغباء .. يعني شي طبيعي بيكون نايم الرجال افففف على غباءك يا مدى سكرته وجت تحطه على الكمدينه الا رن بصوته العالي على نفس الرقم دقات قلبها تتسارع .. وتنفسها يزيد .. ويدها ترتجف .. كل هذا في مدى بسبب اتصال سامي ترد والا لا ؟؟ ترد والا لا ؟؟ سامي فقد الامل .. حتى حس انه ممكن تكون مو مدى .. احد غلطان ولمن اتاكد من الرقم شاف انه غلط وسكر وما حب يرد مرة ثانيه .. شال السماعه من اذنه بس وقف صوت الرنين فجأه على طول رد عليها : الو .. الو مين ؟ مدى : ............ سامي : مدى ؟ مدى : ........... سامي ابتسم .. دام انها ما ردت اكيد هي : اتوقعتك مارح تتصلي .. انتظرتك كثير مدى : ......... سامي : ليش ساكته ؟؟ احب اسمع صوتك مدى استجمعت كل قواها حتى قدرت تنطق كل هالحروف : شكرا على الهديه سامي اتسعت ابتسامته : ولو حياتي العفوو مدى اتشققت اول ما سمعته قال حياتي وما عرفت ايش تقول : ........... سامي عرف انها استحت .. ما قدر يكتم ضحكته : هههههههه اموت انا عاللي يستحون مدى : ههه وليش تضحك ؟ سامي : ازجعتك ضحكتي ؟؟ اسف مدى : اموت على ضحكتك سامي : يا الله يا الله .. اموت انا كذه ترى مدى : اجل اسكت احسن لي سامي : يعني ما تبغيني اموت ؟ مدى دخل وجهها على بعضه من الفشله وسكتت سامي : هههههههههههههههههههههههههههههههههههههههه يا حبيلك يا شيخة مدى : ........... سامي : مدى مدى : هلا سامي : والله انا احبك مدى : وانا بعد سامي : ايش ؟ مدى : ايش اللي ايش ؟ سامي : ما سمعت مدى : قلت وانا بعد سامي : وانتي بعد ايش ؟ مدى عرفت انه يجرها بالكلام : ولا شي سامي : لا من جد ايش ؟ مدى مرة ثانيه استجمعت كــــل قواها وعصرت عيونها من كثر مو هيا مغمضتها بقوة : أَحِبـــــــِكْ سامي اتنهد وغمض عيونه ودقات قلبه تتسارع قولــي " اح ـبـك " كـي تزيـد وسآمتي فبغـير " ح ـبك " لا اكـون ج ـميلا قولي " اح ـبك " كي تصير اصابـ ع ـي ذهبا .. وتـــصبح جبـهتـي قنــديلا قولي " اح ـبك " كي يتم تحــولي فأصير قمـ ح ـا .. او اصير نـ خ ـيلا الان قــولــيــها ولا تـترددي بــ ع ــض الهوى لا يقـبل التأجيل قولي " اح ـبك " كي تزيـد قـداسـتـي ويصير شـ ع ـري في الهوى انـ ج ـيـلا سأغير التقــويم لو اح ـببتي فأمحـو فصــولا او اضـيف فصــولا وسينتهــي الـ ع ـصر القــديم ع ـلى يـدي واقــيم مـمكلة النــساء بـديـلا قولي " اح ـبك " كـي تـصـير قصـائـدي مائـيـة .. وكـتابــتي تـنـزيـلا مـلـك انا لو تصــبحين " ح ـبـيبتي " اغزو الشــموس مــراكبا وخــيولا ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× رند وصلت البيت لقت البيت مظلم وما شكله في احد صاحي طلعت رايحة على غرفتها الا تلاقي امها نايمة على سريرها كأنها كانت تنتظرها حاولت رند تمنع الدموع المتجمعه في عيونها وقت ما شافت امها تنتظرها ونايمة على سريرها علقت عبايتها و دخلت بدلت ملابسها وفتحت الغطا ورقدت جنب امها ونامت نامت وعيونها مغرقة بالدموع .. وقلبها مكتوم يحاول يطلع الكتمة لكن مو قادر نامت وكلها حزن وضيقة على فراق اهلها وصاحباتها وحياتها اللي تعودت عليها .. لكنها مقتعنه وراضيه بالنقل .. وتدعي ربها دايم يسهل لها اما داليا .. رجعت هي بعد البيت .. تحتاج تبدأ تروح السوق حتى تشتري الاشياء اللي تحتاجها في بريطانيا لمن ترجع ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× مر هاليوم ثقيل على الكل الكل كان حط رند تحت الاضواء .. بما انه نقلها نقل بكل حياتها .. اما داليا كلها كم شهر وترجع داليا كانت مشغوله مرة هالايام بسبب سفرها لبريطانيا من جديد .. طول النهار في السوق تشتري ملابس واشياء ممكن انها تحتاجها هناك بما انها عاملة حساب انها تسكن في سكنات الجامعه او في شقة صغيرة .. ايش تسوي لحالها في بيت كبير مثل اللي كانوا قاعدين فيه ثلاثتهم رند حجزت طيارة من الشرقيه للرياض خلال هالاسبوع كانت ترتب شنطتها باهم الاشياء عندها .. والاشياء العاديه تقدر تشتريها من هناك .. وشوي شوي كل ويك اند تجي وتاخذ معها شنطة .. مارح تاخذ كل شي دفعه وحده .. من اخر مرة رند كلمت زياد فيها ما عاد رجعت فتحت الماسنجر وكلمته .. مو عشان شي .. بس انشغلت مع سالفه النقل مو اكثر ولا اقل رنيم كانت تساعد رند من هنا وداليا من هناك .. شغلتها تلهي نفسها وتقضي مع كل وحده فيهم وقت اطول .. رح تمضي عليها ايام رح تحس فيها انه مافي احد من صاحباتها معها رشا كانت كل هالفترة تحاول تقرب ام مهند لشوق .. ومحد داري ايش رغبتها بذا كله مدى غرقانه في عالمها واحلامها مع سامي .. وسامي مو مصدق كل هذا ولا هو مستوعبه للحين ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× المشوار بدأ .. داليا مسافرة بكره ورند اليوم سفرها رنيم تضم رند في المطار رنيم : كلميني .. ياويلك لو ما دقيتي علي كل يوم رند : هههه ان شاء الله .. يلا مع السلامة رند لفت على داليا وضمتها بأقوى ما عندها : شكرا داليا .. شجعتيني وحمستيني بما فيه الكفايه .. حتى حسيت بالرغبه في اني اروح واجرب العيشه هناك .. رح افتقدك داليا : لا تقولين كذه .. كلها فترة وانا ارجع الشرقيه وان شاء الله ازورك وتزورينا رند بدأت الدموع تتجمع في عيونها وبأت نبرة صوتها تتغير : ان شاء الله داليا : لا لا لا ليش البكا .. ( بدأت نفس الشي نبرة صوت داليا تتغير للبكا ) ترى بكينا كثير ضمت داليا رند باقوى ما عندها ورنيم بعد مقدر لهم انهم يفترقون الحين .. وما يكملون بقية حياتهم في بلد وحده ومكان واحد اقلعت الطيارة .. واقعلت معها ذكريات رند وتناثرت بين الرمل .. سكرت على حياتها بالشرقيه ورح تبدأ حياه جديده في الرياض !! ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× الساعه 11 الليل بالضبط رنيم وداليا كانوا واقفين على الشباك الكبير يبين الطيارات تحت رنيم اول ما شافت طيارة رند تقلع وتبتعد عن الارض حطت راسها على كتف داليا وبكت .. دالياض مستحت على شعر رنيم و نزلت دموعها .. كفايه بكى .. بكوا كثير ولسه رح يبكوا بعد ؟؟ مشوا رنيم وداليا وطلعوا من المطار و كل وحده راحت على بيتها داليا دخلت غرفتها و سكرت على شنطتها باقي 6 ساعات بالضبط على سفرها .. طلعت من الغرفه ونزلت عند امها في الصاله ام داليا : هلا حبيبتي تعالي اقعدي هنا داليا : وين بابا ؟ ام داليا : طلع وشوي وراجع داليا : اها داليا حطت راسها على صدر امها وامها قعدت تمسحلها على شعرها ام داليا : جهزتي اغراضك ؟ داليا : ايه خلاص سكرت الشنطة ام داليا : الله يسهل عليك ان شاء الله .. ام راكان بعد تسلم عليك داليا : كلمتيها اليوم ؟ ام داليا : ايه .. تقول يمكن تجيك المطار تسلم عليك داليا : ههههه شدعوة ماما مو مهاجرة انا ام داليا : والله صح ذكرتيني برند وصلت الرياض ؟ داليا : ايه كلمتنا واحنا في السيارة قريبين من البيت قالت لنا انها وصلت ام داليا : الله يسهل عليها هي بعد .. والله محد كان متوقع انه ابوها يطلبها عنده في الرياض داليا : الله يساعدها يارب ام داليا : امين ثواني ودق جرس الباب فتحت الخدامة ودخلت رنيم شايله الهاند باغ حقها وداخله رنيم : هاي داليا : هايات .. هههههههههه شفيك ؟ رنيم : بنام عندك اليوم .. كلها 6 ساعات و تختفون كلكم واقعد لحالي داليا : ههههه ام داليا : ههههه حياك الله يا بنتي . . . رنيم وداليا طلعوا الغرفه .. رنيم حطت اغراضها وبدلت ولبست بجامتها وقعدت على السرير رنيم : ودي اكلم رند مرة ثانيه داليا : تلاقيها الحين في المطار مع ابوها رايحين على البيت رنيم : الله يعينها يارب داليا : امين ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× رند نزلت من الطيارة ومشت في مطار الرياض المزحوم بالناس لمحت ابوها بين كل الناس اللي كانوا موجودين راحت عنده وسلمت عليه واخذوا شنط رند وطلعوا كان السواق يمشي بيهم في الشوارع لحد ما وصلوا لبيت ابو رند رند طالعت في البيت من الشباك .. اول مرة تشوفه .. كان اضخم واكبر مما اتصورت بكثير دخلت السيارة البيت ودارت حول نافورة كبير والزرع اللي حولها لحد ما وصلت عند مدخل البيت نزلت رند ونزل وراها ابوها فتحت لهم الشغاله الباب ودخلوا .. رند اول ما انفتح باب البيت طالعت في السقف الملون والمرسوم عليه .. والجدران المزخرفه .. ما اتوقعت ابدا انه ابوها يعيش بكذه مكان لحاله ؟؟ ابو رند : اكيد بتكونين تعبانه من السفر والوقت الحين متأخر بناديلك وحده من الخدامات توصلك على غرفتك .. والا حابه نقعد سوا ؟ رند كانت مهلوكة من التعب : معليش بابا بس حابه اني اريح بغرفتي ابو رند : اللي يريحك حبيبتي .. واللي تشوفينه يريحك سويه نادى ابو رند على وحده من الخدامات و طلعوها لغرفتها طلعت رند ورمت بنفسها على السرير .. بيتها بالشرقيه صح كان ضخم ومرة كبير .. لكن يمكن بيت ابوها هذا لانه ابوها عايش لحاله فشايفة انه البيت اكبر واوسع ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× اما سامي متمدد على السرير ويلعب بخيوط الكوشن اللي جنبه والجوال عند اذنه ويكلم مدى سامي : ههههههه والله رشا يحليلها اختي مسكينه مدى : ليش ؟ بالعكس احس عبد الله بزياده مدلعها ويعطيها اللي تبي سامي : بس ابدا مو مبسوطة .. توأمي واحس فيها .. وخصوصا ايام الخطبه والملكة ابدا ما كانت موافقه انها تتزوج عبد الله .. لكن ابوي غصبها مدى : اف وليش ؟ ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× نهآية البارت كيف بتكون حياة رند في الرياض ؟؟ وكيف بيعدي عليها اول يوم ؟؟ رنيم .. كيف رح تتعود على غياب رند وداليا ؟؟ داليا .. وكيف بتكون رجعتها لبريطانيا وحياتها هناك ؟؟ ورح رح ترجع لها ذكرياتها مع فيصل وتنسى الوضع اللي عايشة فيه الحين ؟؟ رشا .. وايش قصتها مع شوق ؟؟ سامي : وايش رح يفضح عن حياة رشا مع عبد الله قبل وبعد الزواج ؟؟ ××××××××××××××××××××××× وُرٌوْدْ عَلَىْ أَرَآضِيْ اَلْهِـيَـآأمْ ××××××××××××××××××××××× اتمنى اشوف توقعاتكم واراءكم عن البارتين واسفه على الاطاله والقصور .. وان شاء الله ما اطول في البارت اللي بعده وقريب بحدد لكم موعد له تحياتي لكم : اختكم / بنوتة اون لاين
|
|
#502
09-12-08, 08:29 PM
|
|||||
|
|||||
رد : ورود على أراضي اَلهيام ("روايتي الثانيه" / رومانسيه / خياليه)
نبذة عن البارت الـ 13 + البارت الـ 14 + جزء من البارت الـ 15 في الصفحة 101
|
|
#503
09-12-08, 09:20 PM
|
||||
|
||||
|
رد: ورود على أراضي اَلهيام ("روايتي الثانيه" / رومانسيه / خياليه)
يسلمووو بنووووته البارت مرررررررررررره يجنن
|
 |
| أدوات الموضوع | |
| طريقة العرض | |
النمط المتتابع
