أحبك ما أبي غيرك .. ولـو غيـرك ترجّانـي

[اهات ليل]

أحبـك ) قلتهـا بقلبـي .. وباحساسـي وبلسانـي =
كثير قلـوب ترجيهـا .. ولكـن لا يهمّونـك
أحبك ما أبي غيرك .. ولـو غيـرك ترجّانـي =
أنا شاريك ما بيعـك إذا غيـري يسومونـك

أموت اشتاق لك كلي .. أبيـك تـزور أعيانـي =
خفوقي يا غلا ينزف وله واشواق مـن دونـك
أطير من الفرح لا من لفـى صوتـك وحيّانـي =
أحس اني أهم الناس لا من قلتي : شلونـك ؟

ألوم النفس لا قلتي : بكيت ومـا أحـد جانـي =
أنا وش عاد يضحكنـي اذا العالـم يبكّونـك ؟

إلى منّك تضايقتي .. أنا المسـؤول والجانـي =
أنا المفروض ما أرضـى أخلّيهـم يزعلونـك



أحبك زود عن روحي عن اعمامي عن اخواني =
وباقي الناس يا عمري .. تـرى والله يفدونـك

عليم الله لا قلتي : ( أحبك ) .. زالت احزانـي =
واذا قلتي : ( أحبك موت ) صحت وقلت : مجنونك
غدير الحب في قلبك .. حنان ولهفـة اروانـي =
أذوب بهمسة ٍ عذرا .. وأثبت إني مفتونك

أنا في دنيتي تايه .. ولا ادري ويـن عنوانـي =
ويوم اني عرفتك صار عنواني هو : عيونك

أغار من امك وعمك .. وهذا وذاك .. والثاني =
أغار من اصغر اخواتك ولا ودّي يشوفونك

منى عيني أضمّك لي وامســّــح ذيـك الاوجانـي =
ألاعب خصلة ٍ يمنى ويسرى تعتلي متونك

عيوني لو طلبتيها .. لقيت الكـل .. هنّانـي =
ترى روحي مع عيوني مناهم بس .. يرضونك

م ن ق و ل

[النــــايــف]

صح لسانك وبيض الله وجهك
لك كل الحب وتقدير

[أملي بربي كبير]

الله الله .. شو كلمات روعه

يسلمو .. وننتظر كل ما هو جديد

تحاااااااياااااي

[اهات ليل]

[* دمعة حزن *]

تسلم يمينك على هالنقل الرائع..وصح لسان من قالها
ابيات رائعه واحاسيس جميلة فقدناها بينا وفقدنا الاحساس
بوجودها حولنا..يعطيك العافيه..تنقلنا بين كلماتها وعشنا
مع ذرة احساس وحب معها..ننتظر جديدك المرهف والاجمل..لك مني كل الشكر والتقدير
اختك"دمـ ع ــه"