بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#1
05-05-2008, 04:51 PM
| |||||||||
| |||||||||
 بصـــمــت نتـــألم بصـــمـــــت نتـــألـــم من خلف أبواب الحزن المشرعة على أرصفة قلبي المكلوم ..... من وراء عتبات الجروح النازفة بدم روحي المذبوحة ....... من الماضي الكئيب ... والحاضر الباكي على حالي أرى طيف عزيز ....يلوح لي عبر الأفق ... يقترب مني بخطوات بطيئة ... يقترب أكثر ... يضع يده على جروحي النازفة يلامس بسحره قلبي الدامي يواسيني .... يناجيني ثم فجأة ...... وبدون مقدمات أو ابداء مسببات يرحل ............... يطير بعيداً... بصمت نتألم تحكي عن معاناة قلوبنا عن مايسكن بداخلنا عن آلامنا احزاننا افراحنا عن حياتنا بصمت نتألم تحكي عن معاناة عالم الحزن والحب والغرام عن معاني الالم والحزن وهي واقع كثير منا قد عاشه كثير منا يعاني ولكن بصمت يتألم يبكي يحترق يشتاق يحب ولكن بصمت لماذا نصمت؟؟ ابطال روايتي كانوا يتألمون بصمت ها انا اليوم اكتب روايتي الاولى واترك لكم القرار هل انا كتبت الواقع ام انه من خيالي الواسع!!اكتب روايتي وانا واحده من ابطالها واحده من ابطالها اللذين تأملوا ولكن بصمت...!!! بقايا ذكريات الحب غير قابله للنقل  |
| بصـــمــت نتـــألم |
| |
|
#2
05-05-2008, 04:58 PM
| |||
| |||
 رد : بصـــمــت نتـــألم ((الجزء الاول)) [/size][/color][/color][/center]
سارا:هاي بنات صباح الخير ندى:لا تو الناس مابغيتي تجين كان تأخرتي شوي بتخلص الحصه الاولى وانتي توك تجين سارا:ههههههههه عادي اهم شي اني جيت ندى:اقول اجلسي وانتي ساكته دانه:اقول سارا امس ليش مادخلتي الماسنجر غريبه؟ سارا:لا كنت طالعه مع بنت عمي ندى:يالصايعه وماتقوليلي سارا:والله نسيت سوري الاستاذه:ماخلصتوا سوالف من الصباح ندى:لا استاذه بس دقيقتين الاستاذه:على راحتك متى ماخلصتي خلصي من متى اصلا سوالفك تخلص سارا:هههههههههههههههههه اذا صار في شي مفيد سكتنا مو شي انا ماهتم فيه الاستاذه:ليش وشي الماده اللي تعجبك؟ سارا:رياضيات فيزيا مو ادب خرابيط مدري وش يقول الاستاذه:انتي الكلام معاك ظايع ريم:توك تدرين انو الكلام مع سارا ضايع هذي اعند انسانه اللي براسها مستحيل ينزل الارض الاستاذه طنشتها وراحت... سارا وندى وريم صديقات من المتوسط طبعا هذا غير باقي الشله اللي هي 6 بنات ندى وسارا صحبات لدرجة تقولون توأم مستحيل تشوفين وحده من غير الثانيه هم ثاني ثانوي وكلهم ان شالله علمي عشان كذا مطنشين مواد الادبي فيهم هبالة الدنيا كلها مايحبون يشوقون احد متضايق إلا يرسمون الضحكه على شفاته هذي احلى صفه بالشله كلها ومستحيل يستغنون عنها وحلم ندى وساره يكونون مهدنسين يسوون عماره يصير كل الناس يتكلمون عنها ويدرسون ويكافحون بس عشان هذا الحلم ودايما ريم والبنات يضحكون عليهم,, نرجع لاحداث القصه...... خلص الدوام وطلعوا البنات بيروحون البيت... سارا.ندى مين بياخذك؟ ندى:فيصل سارا:من زماااااان عن اخوك توم كروز ندى:حدك عاد لاتتطنزين على فصولي سارا:فصولي اللي يسمع يحسبه اول ابتدائي مو ثالث ثانوي ندى:عن الكلام الزايد وامشي نطلع وطلعوا ندى وساره وشافت سارا فيصل بعد غياب 4شهور يمكن.. ندى:يلاباي قبل مايعصب سارا:طيب باي وراحت ندى لفصيل وسارا لعند السواق اول ما ركبت ندى السياره سألها فيصل:يووه سارا من زمان عنها؟ ماردت ندى واكتفت بابتسامه وسارا من النوع اللي ماتغطي وجهها وهي طالعه حتى ندى,, وصلوا البيت وكل واحد راح غرفته وساره كمان وصلت بيتها راحت على طول تنام لانها من النوع اللي تموت على النوم,,,,في بيت سارا على الساعه 6 المغرب سارا:ماما ماما وينك ام معن:وجع انا تحت نزلت سارا لامها وجلست جمبها وعرفت امها انها تبي تقول شي ام معن:خير وش تبين وين تبين تروحين سارا:الحين انا ماجي عندك إلا ابي شي ماتوقعتها منك يام معن ام معن:بتقولين اللي تبين ولا لأ سارا:طيب خلاص بقول ودي اسوي حفلة Dj(يعيني اغاني عربي خليجي اجنبي كل شئ ريمكس) ام معن:عندنا بالبيت سارا:ماما اجل بالشارع ام معن:طيب متى بتسوينها؟ سارا:والله مدري بشوف متى البنات فاضين واردلك ام معن:يصير خير سارا قامت وباست راس امها وقالتلها:شكرا ياأحلى ام بالعالم وهذا الشئ صار على دخلت ابو معن ومعن اللي عمره 13 سنه.... ابو معن:وانا ياسارا مالي نصيب سارا:والله ولا يزعل ابوي الغالي وهذي احلى بوسه معن:وش عندك اكيد تبين شئ ولا ماتسوين كل هذا على الفاضي سارا:ليش قالولك معن معن:ههههه مايضحك ام معن:بس انتي وياه اطلعوا فوق كملوا هواشكم سارا:لأ انا بطلع انام ام معن:هو توك صاحيه ماأمداك سارا:لأ تعبت نتكلم عن بيت أبو معن العنود البنت الكبيره أول جامعه ادب انجليزي بعدين سارا 17سنه بعدين معن 13 سنه الولد الوحيد ابو معن رجل اعمال مهم سمعته بالبلد تهز السوق هز من النوع اللي يدلع البنات بس شديد على الولد عشان يطلع رجال عكس ام معن معطيه كل الدلال لمعن لانه وحيدها.... طلعت سارا ودخلت غرفتها وفتحت الاب توب حقها وشبكت نت ودخلت الماسنجر ولقت ندى داخله وسلطان هذا واحد متعرفه عليه عن طريق النت عمره22وبينهم رابطة صداقه قويه بس ماقد شافها ولاكلمها بالتليفون.... سلطان:اهلن تو مانور الماسنجر سارا:اعرف مايحتاج تقول سلطان:ياشين اللي واثقين سارا:سلطان وش فيك اليوم مو طبيعي سلطان:كيف يعني وش قصدك؟ سارا:مدري متضايق فيك شي لا تخبي علي حتى النك نيم حقك مو حلو سلطان:اه اه ياسارا وش اقولك سارا:تكلم وش فيك؟ سلطان:تعبان ياسارا مخنوق مو قادر اتنفس سارا:ليش وش صار شي جديد مع نوره(نوره بنت يحبها سلطان تصير صديقة اخته عمرها19يحبها من سنتين ومو قادر يقولها وبحكم صداقه سلطان وسارا يكلمهاعن نوره وهي تساعده) سلطان:لأ بس هي الحين عندنا بالبيت قاعده مع لمياء تو كنت عندهم مو قادر استحمل اشوفها وماقولها شئ بمووووووت سارا:هذا اللي يحب احسن تستاهل مدري كيف تفكرون بهالخرابيط وحب ومدري وشو سلطان:الشره مو عليك علي انا اللي قاعد اشكيلك هذا وانتي الرومنسيه قلت بتفهميني طلعتي لا رومنسيه ولاشئ باي سارا:سلطان لحظه مو قصدي بس انا تضايقت عشانك والله سوري لا تزعل سلطان:مازعلت بس والله خلاص احس بموت مو قادر انزل تحت لانهم قاعدين بالصاله ابي اطلع اتنفس ابي هوا احس الغرفه ضيقه علي سارا:لأ سلطان لاتطلع وانت بهالحاله الحين يصير شي لاقدر الله ماراح اسامح نفسي لاني انا اللي خليتك تطلع وانت بهالحاله بعدين الامور ماتنحل بهالشكل بهدوء سلطان وهو معصب:اي هدوء ياسارا وانا صارلي سنتين احبها وساكت اشوفها قدامي وماقدر اقولها احبببببببببك سارا:غريبه الحين انت رجال وماتقدر تقول لوحده انك تحبها سلطان:ليش علباك الرجال ماعندو احساس سارا معليش انا بطلع بروح انام يمكن اقدر انسى شوي سارا:طيب بس لا تطلع من البيت ولا تسوي اي شئ تهور وبكرا روح الجامعه تصبح على خير سلطان:ان شالله وانتي من اهله طلع سلطان وراحت سارا تسولف مع ندى.. سارا:هاي ندى:وش فيك تقولينها من غير نفس سارا:كنت اكلم سلطان ندى:لسى ماصار شي مع نورا(ندى تعرف السالفه لان سارا قالتلها وهي تعرف سلطان بس مو زي سارا) سارا:لأ المسكين بيموت ندى:الله لايبلانى بهالخرابيط سارا:اي والله انتي كيفك؟ ندى:تمام,تخيلي اليوم سألني فيصل عنك سارا:وش قال توم كروز السعوديه ندى:ماقال شي قال انك مملوحه سارا بغرور:طبعا مملوحه محد طلب رأيه,,اقول ندى ندى:خير وش عندك سارا:ودي اسوي حفلة Dj بالبيت وش رايك ندى:وااااااااااااو وناسه والله انك راعية فله ورقص...... سارا:طيب متى ودك نسويها؟ ندى:والله مدري خلينا بكرا نسأل البنات ونشوف سارا:ليش بكرا الحين نكلم ريم ونسألها ندى:هو صاحيه انتي الحين الساعه 12بالليل سارا:طيب عادي بدق اصلا ريم ماتنام بدري ندى:انتي حرا بس اذا هاوشتك مالي دخل مسكت سارا جوالها ودقت على ريم,,دق جوال ريم على نغمة سارا(الله لايجيب الزعل بينك وبيني وان زعلت ارضيك انا يانور عيني) ريم وهي كلها نوم:الووو سارا:وجع وشهالصوت ريم:داقه الساعه 12 وش تبين ياللي ماتستحين ابي انام سارا:لا بس كنت بقولك ودي اسوي حفلة Dj متى تبين نسويها ريم وهي معصبه:الحين داقه 12 بالليل تقولين بسوي Djالشره مو عليك علي اللي يرد عليك وسكرت السماعه من غير ماتقول باي ولا تسمع رد سارا سارا رجعت لندى على الماسنجر:تخيلي سكرت السماعه بوحهي ندى وهي تضحك:ههههههههههههههههههههههههههههههههههههههه احسن تستاهلين احد الساعه12 بالليل وبكرا دوام سارا:ههه سخيفه انا وش دراني انها نايمه ندى:وانا بعد بطلع بروح انام تعبانه سارا:من الصباح وانا ملاحظه وجهك مو طبيعي ندى:والله حتى انا مدري وش فيني بس عادي مع السهر سارا:طيب يلا روحي نامي تصبحين على خير ندى:وانتي من اهله وطلعت ندى وراحت تنام وسارا انسدحت على السرير تفكر بحالة سلطان يعني اللي يحب كذا يتعذب اجل اللي نشوفوا بالتلفزيون وشو الحمدالله ان ربي مابلاني بهذا الشئ بس ااه لازم ادور حل حرام الولد يعيش بهذا الحال صارله اكثر من سنتين وهو ساكت ولا قالها شي الله يكون في عونه وغمضت عيونها تحاول تنام.... اليوم الثاني في بيت سلطان الساعه 9 الصباح.... سلطان وهو نازل من الدرج: يمه يمه يمه ام سلطان: وصمه وش تبي سلطان:انا طالع رايح الجامعه وبتأخر لانو عندي محاضرات الين الساعه 3العصر ام سلطان:الله يحفظك ياوليدي سلطان باسها على راسها وقبل مايطلع سأل امه:يمه وينها لمياء ام سلطان:اختك رايحه الجامعه مع نوره مدري وش بيسوون جدوال مدري وشو بس بعدين بتجي نوره ومها صديقة لمياء يتغدون عندنا سلطان اول ماسمع اسم نوره وهو بعالم ثاني الين متى بيصبر على هالحال لازم أكلمها او أكلم لمياء على الاقل ماصحى إلا وامه تناديه,ام سلطان:يمه سلطان اكلمك وين رحت سلطان:ها يمه لأ انا معاك وش قلتي ام سلطان:اقولك نوره ومها بيجون يتغدون عندنا سلطان:الله يحييهم البيت بيتهم مو غريبين اجل انا بطلع مع فهد اتغدى ام سلطان:وليش الغدى برى عادي مو أول مرا نوره تتغدى عندنا زي اختك سلطان بنفسه ااه ااه يايمه اي اخت هذي ملكة قلبي الهوا اللي اتنفسه مابي اصير معاها بنفس المكان عشان ماتعذب محد حاس بالنار اللي جواتي سلطان:لا يمه معليش بطلع مع فهد بعدين مها ما أمون عليها عشان اتغدى معاهم يلا يمه بطلع تأخرت اخذتنا السوالف شوفي الساعه 9:30 وانا لسى هنا والمحاضره10 يلا باي ام سلطان:فمان الله انتبه على نفسه لاتسوق بسرعه... نتكلم عن عايله سلطان اللي مكونه من سلطان الولد الوحيد والكبير 22سنه طب بعدين لمياء 19 سنه اول سنه هندسة ديكور بعدين منى اخر العنقود 15 سنه ثالث متوسط وابوهم من اكبر رجال العمال اللي بالسعوديه يعني الحاله الماديه مو قاصرهم شي و نوره تصير صديقه لمياء الروح بالروح من ايام الابتدائي الين الحين ونفس التخصص بجامعة الامير سلطان نرجع لاحداث القصه بجامعة العيال بالرياض سلطان كان قاعد مع الشله حقته ويدرسون لانو عندهم امتحان وهو مافتح شي لان امس كان ضايق صدره وماله خلق شي... سلطان:طيب هذا بيجيبه الدكتور عبد العزيز:والله يابو الشباب مدري بس اقراه يمكن يفيدك بشي عبدالله:اقول عزيز امس شفتلك وحده ياعليها جسم تقول عارضة ازياء عبدالعزيز وهو متحمس:يالخاين وين شفتها وليش ماقلتلي اخذت رقمها عبدالله:شوي شوي اكلتني بقشوري ابد امس كنت طالع طفشان رحت التحليه اجيب لي كوفي شفتها واقفه تكلم صاحبتها مريت من جمبها وعطيتها الرقم وهي امس كلمتني الله ياعليها صوت يطيح الطير من السما عبدالعزيز:الله كل هذا صار ولا قلتيلي يالخاين فهد:اقول اذكروا ربكم داخلين امتحان وقاعدين تسولفون عن هالخرابيط عبدالعزيز وعبدالله:لا اله الا الله محمد رسول الله وسلطان ابد مو معاهم ساعه يدرس وساعه يفكر بنوره وحالته معاها وانتبهله فهد وقال بسوط واطي لانه جمبو:وش فيك سلطان لك يومين مو على بعضك شكلك مو عاجبني صاير شي سلطان والاه طالعه من صدره:اه خليها على ربك بس حط فهد يده على كتف سلطان وقال:توكل على ربك وبتنحل ان شالله طال الزمن او قصر ادرسلك كلمتين واحنا نمشي مابقى شئ ترانا تأخرنا... ومشو العيال وسلطان ابد مو على بعضه وكل اصحاب سلطان اللي هم فهد وعبد العزيز وعبد الله ونايف يدرون بسالفة سلطان مع نوره لانهم اصحاب من ايام المدرسه دخلوا كلهم الامتحان كان مرا سهل لان الدكتور حبوب وطيب كلهم حلو كويس إلا سلطان طبعا وطلعوا على الساعه 12 كان عندهم بريك الين وحده بعدين محاضره الين 3 وهم قاعدين ويسولفون يحاولون يطلعون سلطان من الحاله اللي هو فيها... عبد العزيز يكلم سلطان:ياشيخ اضحك والله مايسوا عليك الحب يابو محمد عبدالله:انا ادورلك وحده تنسيك نوره واهلها ناظره سلطان نظره خلته يعتذر عبدالله:والله مو قصدي بس والله حالتك لا تسر عدو ولا صديق ماتكلم سلطان وظل ساكت لانه لو تكلم بينفجر ومو حلوا ينفجر قدام الناس وهم بالجامعه بس قال:شباب انا استأذن مالي خلق احظر المحاضره عبدالعزيز:لا تسوق ياسلطان وانت بهالحاله سلطان:مافيني شئ لا تخافون وراح عنهم من غير مايسمع اي رد عبدالله:فهد قوم الحق على سلطان لايسوق وهو كذا الله يلعن الحب اللي يوصل الانسان لكذا... وعلطول قام فهد من غير مايتكلم وراح ركض لسلطان ولقاه قاعد جوا السياره وفاصخ الشماغ وحاطه ورى ومشغل اغنيه لشرين احمد(على بالي ولا انت دراي باللي جرالي) والدمعه على خده وماحس بفهد اللي فتح الباب ودخل الين وطى الصوت(قصر)على الاغنيه انتبه سلطان وعدل جلسته ومسح الدمعه اللي على خده,,فهد مسك يد سلطان وضغط عليها:لهدرجه تحبها مارد سلطان اكتفى بدمعه نزلت غصبن عنه كانت الاجابه على سؤال فهد فهد:قوم انا اللي بسوق ولا ناوي تموتنا عشان حبيبة القلب نزل سلطان من غير مايرد وركب محل فهد وخلى فهد يسوق من غير مايسأله وداه بيتزا روما المطعم المفضل لسلطان فهد:يلا انزل خلينا ناكل ميت جوع سلطان:مالي نفس اكل بقعد هنا فهد:احلف عاد مارد سلطان وشغل اغنية شرين من جديد وغمض عيونه فهد مسك يد صديقه وسحبه وضمه لصدره وكأن سلطان كان يستنى هذي اللحظه واطلق العنان لدموع المحبوسه وقام يصيح ومع كل شهقه تشد يده على يد فهد بعد فترة سكوت تكلم سلطان:احبها يافهد تعرف شلون يعني احبها فهد:والله عارف وحاس فيك سلطان:لأ انت مو حاس انا تعذبت سنتين انا اشوف الموت وانا عايش تعرف احساس انك تموت بالدقيقه مليون مرا هذا انا الين متى بضحك على الناس واوريهم اني مبسوط بحياتي كل يوم اشوفها عندنا وماقدر اكلمها انا تعبان يافهد تعبان فهد كان يشوف صديقه ومو قادر يتكلم ماقدر يقول شي الموقف اكبر منه بس بعدين تكلم وهو مايدري ليش قال كذا.. فهد:تعرف ياسلطان ان الناس دايم يقولون مستحيل الرجال يصيح عشان وحده لانه يحس الصياح ضعف والله وربي شاهد على كلامي لو شافوك وانت بهالحاله كان غيروا كلامهم سلطان: اه اه يافهد ضم فهد صديق عمره لصدره بقوه وابدا ماعارض سلطان بالعكس ضم فهد بقوه وكأنه حبل نجاة يمكن يضيع منه وقال سلطان:تدري فهود انك احلى شئ بحياتي مدري من دونك كيف بعيش الله لايحرمني منك ياااااارب فهد:ولا منك يااااارب بس ممكن نروح ناكل انا بموت من الجوع ولاتقول مالي نفس لأفتح الباب وارميك عند السيارت سلطان:هههههههه لا انا اصلا بديت احس بالجوع يلا امش فهد:يلا وربك بيفرجها ان شالله ودخلوا المطعم وطلبوا اللي يبونه ولان فهد جوعان مابقى شئ ماطلبه,,,,بنفس الوقت في بيت ندى الساعه 2الظهر توهم راجعين من المدرسه ندى وفيصل كان في استقباله اختهم سديم الحامل بالشهر السادس وماخذه ولد صديقة امها وهذا اول طفل لها صارلها سنه ونص متزوجه وهي عايشه جمبهم علطول,,, سديم:اهلا وسهلا ندى وهي رايحه لاختها:هاي ام كرشه وكيف القمر وتبوس بطن اختها ضربتها سديم على راسها ندى:اي وش فيك مايصير ابوس ولد اختي فيصل:لأ بس انا وراح لسديم وباسها على خدها ندى:طيب سديم وين ماما وتصرخ بالبيت ماااااما ماااااااما ام سعود:وش تبين يالمزعجه ندى:افى يام سعود الحين انا اخر العنقود صرت مزعجه وعلى دخلة ابو سعود من الباب ابو سعود:ماعليك منهم انتي حبيبة ابوك وراحت علطول ندى تخم ابوها وتبوسه على راسه وتطلع لسانها لفيصل عشان تقهره وفيصل طبعا عصب:وانا ولد البطه السوده محد معبرني الدلال كله لندى وسعود وانا ياحياتي بالشارع وطلع الدرج رايح غرفته ام سعود:فيصل ماتبي تتغدى فيصل:إلا بس بغير ملابسي وباخذ شور(يتسبح)وانزل موت حر بررا......... وبعدها كل واحد راح غرفته يغير عشان يتغدى إلا سديم قعدت تشوف التلفزيون نتعرف على عائلة ندى>سعود وسديم توأم عمرهم 24 سديم تخرجت من الجامعه علوم اداريه متزوجه احمد ولد صديقة امها وصارلها سنه ونص والحين حامل اما سعود فهو يدرس بلندن هندسه باقيله ترم ويتخرج مو متزوج يحب ديمه بنت عمه ويستناها تتخرج من الجامعه عشان يخطبها فيصل 18 سنه ثالث ثانوي ثانوي علمي حلمه يصير دكتور وشاطر بالمدرسه مررا ندى 17سنه هي اللي تخلي في جو بالبيت بهبالتها هي وفيصل حلمها تصيرمهندسه وابو سعود عنده معرض اثاث يعني الحاله الماديه مو قاصرهم شي..... نرجع لاحداث القصه في بيت سلطان الساعه5العصر..... دخل سلطان البيت وكان هدوء الكل بغرفته وكان مخطط انه ينفذ الخطه اللي قاله عليها فهد راح طلع الطابق الاعلى وراح طق الباب على غرفة لمياء ومالقى جواب توقع انها نايمه بس فتح الباب بهدوء ولقاها منسدحه ومغمضه عيونها وتسمع اغاني قعد على السرير بس ماحست هزيتها وقلت:لمياء لولو حبيبتي صاحيه لمياء:هممم اي صاحيه تبي شي سلطان وهو متردد:لمياء قومي ابي اقولك شي قامت لميا لانها حست بصوت سلطان انه من جده يتكلم وقالت:نعم وش تبي تقول سلطان:بقول شئ بس لاتعصبين واذا ماعجبك الموضوع انسيه ولا كأني قلت شئ لمياء:تفضل انا اسمعك سلطان وكل الهدوء بصوته:نوره صديقتك انا وياها متربين مع بعض صح؟ لمياء:اي صح بس ليش تسأل سلطان:الحين بتكلم بس لاتقاطعيني الين اخلص بلييييز لمياء:طيب ماراح انطق بحرف سلطان وهو خايف من ردة فعل لمياء:قبل سنتين كانت نوره معزتها من معزتك بس والله مدري وش اللي صار وصارت ماخذه عقلي وقلبي صرت احبها بكل معنى الكلمه طول الوقت هي اللي مسيطره على عقلي وأكيد انتي ملاحظه اني ماصرت اقعد معاك واسولف زي أول يوم كنا صغار بس ماقدر اقعد اشوف ضحكتها الناعمه عيونها سوالفها كل شئ فيها يبهرني احس بالعذاب اذا قعدت معاكم وانا مو قادر اقولها اني احبك احبك ايه احبك هذي الكلمه اللي طول عمري ارددها بقلبي بس مو قادر اطلعها وأقولها للإنسانه اللي تستحقها... لمياء كانت تسمع كلام اخوها وهي مو مصدقه معقوله سلطان يحب نوره لهذي الدرجه صح نوره معجبه بشخصيته بس مو لدرجة الحب تعتبره زي اخوها الله عليك كل هذا مخبيه بقلبك من سنتين وساكت,,قطع سلطان سلسلة افكارها وقال:وش فيك ساكته مو عاجبك الكلام لمياء بعد فتره ماتعدت دقيقه:مدري وش اقول طيب وش تبيني اسويلك تبي اروح اسألها سلطان:صاحيه انتي وش تقول لها سلطان يحبك انتي تحبينه لمياء:لأ طبعا ماقلت كذا بس انت وش تبيني اسوي سلطان:والله لو ادري ماسألتك انا حاير ابي حل لمياء:اممم طيب خليني افكر واقولك سلطان:طيب انا بطلع اروح غرفتي بريح شوي اذا سألت امي قوليلها لاحد يصحيني لمياء:طيب بس لاتشيل هم ابتسم سلطان ابتسامه ألم وطلع وترك اخته بحيرتها..... يوم الاربعا الساعه 7 المغرب في بيت ابو معن..... معن وهو ينزل من الدرج كانت العنود وام معن قاعدين يسولفون ويشوفون التلفزيون.. معن:يمه ماما يمه ام معن:نعم يابعد قلب امك العنود:ياسلام وش هالدلع معن:احسن انقهري وطلع لسانه للعنود ام معن:وش تبي معن:يمه بطلع الحين بروح مع فراس محل كمبيوتر وان شالله ماراح اتأخر العنود:لأ اقعد ادرسلك كلمتين مابقى شئ على الامتحانات النهائيه معن:وانتي مين سألك يالملقوفه,ها ماما أروح؟؟ ام معن:ايه بس لاتتأخر 11 تكون بالبيت واذا قبل احسن معن وهويبوس راس امه:من عيوني ياحلى أم 9 بالبيت ان شالله وطلع معن وراح مع فراس لواحد من اصحابهم اسمه مشعل ابو من اغنى اغنياء السعوديه راحو فراس ومعن مع مشعل لاستراحته وكانت فاضيه ماينسمع إلا صوت اغاني من غرفه بزاويه الاستراحه راح مشعل لعند الباب ونادى فراس ومعن وفتح الباب وانصدموا فراس ومعن بس مشعل كان متعود على هل المنظر... ياترا وش شافوا بالغرفه؟ وش بتكون ردة فعلهم بعد اللي بيشوفونه؟ _________________________ ___________________________ فتح الباب مشعل وشافوا بالغرفه معاذ اخو مشعل الكبير ومعا شلة من اصحابه وبالغرفه معاذ قاعد وهو سكررران من كثر الشرب وجمبه بنت نايمه على كتفه منظرهم كان في قمة البشاعه والشله الباقيه كل واحد مستلمله بنت وقاعد معاها وهو سكران,,,معن وفراس أول ماشافو المنظر ماقدروا يتكلمون من الصدمه بس مشعل صحاهم... مشعل:هي هي انت وياه وش فيك معن وهو معصب:وش هالمكان يامشعل انت قلت بتودينا بيتك مو استراحه دعاره(قلة ادب) مشعل:وش دعوه الموضوع مايستاهل كل هذا معن و زادت العصبيه:لأ يستاهل ونص بعد فراس امش نطلع فراس ماكان معاهم نهائيا قاعد مبلم(يطالع)بالبنات وفاتح فمه بهالأجسام وقال:مشعل وش هالاجسام كأنهم اللي بالتلفزيون زي هيفا وهبي ونانسي عجرم مشعل:عجبوك صح؟ فراس:تحطييييم ابي اسلم عليهم معن وهو مو مصدق فراس كذا يسوي وتكلم وهوحده معصب:فراس انت صاحي تبي تسوي حرام تبي تشرب وش قاعد تقول انت يلا امش قدامي فراس:لأ مو ماشي احد يشوف هالنعمه ويرفسها معن:اي نعمه امش بس استغفرالله فراس:مو رايح واذا تبي هذا الباب قدامك واذا تبي اوصلك بعد من عيوني بس روحه معاك لألأ... معن ناظره بنظره خلته يسكت ومايتحرك من مكانه طلع معن يركض من الاستراحه ويبي يرجع البيت لقى السواق برا لانهم كانوا جايين بسواق معن ورجع البيت اما مشعل وفراس اللي جازله(عجبه)الوضع قعد مع معاذ والشله ويسولف ويضحك وحاول معاه مشعل يشرب خمر وبالنهايه شرب شوي وبالنسبه لمشعل عادي الوضع لانه كل ويك اند يجي يشوف هذا الشئ فماكان منبهر زي فراس وعلى حدود الساعه 1ونص طلب فراس من مشعل انه يوصله البيت ومشعل ماعارض ابدا وصل كل واحد بيته.... ااه من هذي الليله كان في ناس مبسوطين ومرتاحين البال مثل ندى وناس القلب معذبهم من الشوق والحنين مثل سلطان وناس بدو يفكرون لبعيد ومحتاره مثل سارا ماتدري هل هي معجبه بفيصل ولا زي اي ولد تشوفه بحياتها وناس حيرانين مايدرون وش يسوون مثل لمياء اللي حياره ماتدري وش تسوي بمشكلة اخوها<<والايام راح تورينا وش بيصير معاهم.... يوم الخميس الساعه 2الظهر في بيت ابو سعود... ندى:ماما اليوم بتجيني سارا على المغرب ام سعود:البيت بيتها بأي وقت مو غريبه سديم:وانتي ماتملين منها اللي يسمعك يقول ماتشوفينها ابد ندى:وانتي مين كلمك يأم كرشه سديم طنشتها وكلمت أمها:يمه بروح أنام احس بدوخه أم سعود:تبين اساعدك؟؟ سديم:لا وش دعوه يمه مو لهالدرجه اقدر اروح لحالي انتي ارتاحي,,وتركتهم وطلعت فوق ندى:وانا بعد بطلع اشوف فيصل نايم ولا صاحي أم سعود:والله انا هذا الولد بيجيبلي الجلطه من كثر ماينام ماشالله مايشبع نوم روحي صحيه اذا نايم ندى:لا توصين حريص بس دقيقه وبتسمعين ذيك الصرخه اللي تهز الرياض كلها,,طلعت ندى وراحت غرفة فيصل اللي كانت جنب غرفتها بس قبل ماتفتح الباب سمعة صوت وقربة اذنها للباب عشان تسمع كويس وسمعت فيصل يكلم بالتليفون ويقول لاحبيبتي ان شالله اليوم بشوفك انتي حددي المكان وانا اجي كم جوجو عندي يلا باي حبيبتي اشوفك الليله,وبهذي اللحظه دخلت عليه ندى وقالت: مين كنت تكلم؟ فيصل ومو عارف وش يقول لانو مايقدر يكذب على ندى:اكلم نواف صديقي ندى:بالله احلف بس تراك ماتقدر تكذب علي فيصل:ومين قال اكذب كنت اكلم نواف ندى:وغير هالكلام قول الصدق انا دودي اختك فيصل وبعد تفكير قرر يقولها لانه يعرف انها ماراح تتركه إلا اذا عرفت وقال السالفه كلها: كنت اكلم جوجو هذي وحده تعرف عليها بالماسنجر قبل 4شهور وهي قدي وشفتها مرا وحده بس قبل اسبوعين واليوم بشوفها ان شالله هي البنت عاديه بس بنظري ملكة جمال غير كل البنات اللي اعرفهم احبها احبها من كل قلبي قدرت تمتلك قلبي بسهوله ااه ياندى لو اقولك عنها ماراح اخلص بس المشكله ان نواف يقول اتركها لانك بتندم بس لو شافها كان ماقال كذا كامله والكامل وجه الله بس بتحدى العالم كله عشانها حتى لو امي وابوي اخ من ياجوجو حب حياتي.... ندى ماكنت تستوعب اللي قاعد يقوله معقوله فيصل يحب وحده لهدرجه ويتحدى نواف بعد بس عشانها وش تقول ماتقدر تمنعه لانه عنيــــــــــــــــــد واللي براسه بيسويه قعدت تفكر براسها يمكن 5دقايق وفيصل يناظر تعابير وجهها وهو خايف من ردة فعلها بعد فتره تكلمت:فيصل انت كبير وعارف مصلحتك مايحتاج اقولك سوي كذا ولا تسوي كذا بس انصحك نصيحه فكر بدل المرا 100مرا بعدين كمل مشوارك,,,وطلعت من الغرفة وتركت فيصل في دوامه من الافكار فكره تجيبه وفكره توديه والف سؤال وسؤال براسه بس عشان جوجو كل الدنيا تهون وراح تروش(تسبح)عشان يلبس ويروح يشوف حب حياته جوجو اللي ملكة قلبه بدقيقه..... |
|
#3
05-05-2008, 05:01 PM
| |||
| |||
| رد : بصـــمــت نتـــألم بعد ماطلعت من غرفة فيصل علطول راحت غرفتها وهي ماتشوف قدمها ورمت نفسها على السرير ومالقت نفسها إلا وهي داقه على جوال سارا عشان تفضفضلها وردة سارا:هاي نيدو تو مانور الجوال ندى والضيقه بصوتها:هاي سارا سارا:نيدو وش في صوتك متضايقه ندى:تو كنت عند فيصل بغرفته سارا:طيب عادي ندى:ااه لو سامعه اللي قاله لي كان عرفتي سارا:ندى اتكلمي لا تقولين الغاز طيحتي قلبي فيصل وش فيه ندى:صح سارا متى بتجين؟ سارا:والله انك فاضيه بعد كل هالاغاز تسألين يمكن7 انتي كملي ندى:خلاص اذا جيتي قلتلك سارا:انتي صاحيه تبيني استنى الين المغرب ندى:تخيلي فيصل يحب وحده سارا كأن احد رمى عليها مويه باااارده:نــــــــــــــــــــعم ندى:هذا اللي صار سارا:مين هي هذي الحمار ندى:سارا والللللللله متضايقه احس مخنوقه تعالي بسرعه سارا وهي تحاول تخبي الضيق اللي فيها:نيدو السالفه ماتستاهل كأنك ماتعرفين اخوك يومين ويتركها لا تكبرين السالف وهي صغيره هدي نفسك واضحكي طنش تعش تنتعش ندى:صح ماتستاهل بس مدري ليش تضايقت لهالدرجه احس نفسي كبرت السالفه يلا انا بسكر واروح انام ولاتنسين حاولي تجين بدري سارا:طيب نامي ولاتفكرين يالغيوره تبين تحبين زي فيصل عشان كذا عصبتي ندى:هههههههههههههههههه انا وجه وحده تحب اعوذ بالله الله لايبلانا سارا:اي اضحكي هذي نيدو حبيبتي مو اللي تو يلا روحي ادخمدي عطيتك وجه بزياده ندى:اقول بس اسكتي وانطمي بــــــــــاي سارا:انا اوريك يالحماره وسكرت السماعه بوجه ندى ندى ماتت ضحك على حركتها والله محد فاهمني إلا انتي الله لايحرمني منك يـــــــــــــــــــــــــــارب في بيت سارا المغرب.... سارا نازله من الدرج وهي لابسه برمودا جينز وبلوزه سودا نص كم وشعرها مربوط(ماتحب تفك شعرها ابدا) وحاطه قلوس خفيف شكلها عادي بس حلو وماسكه عبايتها>>> أم معن:على وين ان شالله؟ سارا:بروح لندى نسيتي أم معن:اي صح نسيت متى بترجعين سارا:والله مدري 12تقريبا يلا باي أم معن:وعليكم السلام سارا:طيب سوري مع السلامه,,,وطلعت سارا وركبت السياره طبعا السواق اللي بيوصلها وقبل ماتروح بيت ندى راحت ستار بكس تجيبلهم كوفي ودقت على ندى تشوف وش تبي وكان فيصل جمبها وهو اللي رد:اهلا سارا كيفك؟ سارا استغربت:مين معاي كيف عارف اسمي؟ فيصل ويستهبل:يالخبله انا فيصل سارا:اوووو سوري والله ماعرفتك وين ندى فيصل:تصلي وش تبين فيها سارا:صدق انك ملقوف كنت بسألها وش تبي من ستار بكس فيصل:ياسلام وانا ماتسأليني وش ابي سارا:انا ماخلصت كلامي يالغبي وش تبي طال عمرك فيصل:والله اني كنت مشتهي ستار بكس انتي صديقه كذا سارا:اعرف بس يلا وش تبون فيصل:ندى موكا فرابتشينو وانا كرامل فرابتشينو,بس لا تتأخرين بسرررعه قبل ماطلع سارا:ان شالله طال عمرك اوامر ثانيه فيصل:لا شكرا سارا:اقول عن الفلسفه يلا باي فيصل:بايات شافت ندى فيصل يكلم بجوالها وسألته:خير ان شالله ماصدقت اصلي ولعبت بجوالي مين كنت تكلم اعترف؟ فيصل:يعني مين صديقتك المزعجه سارا كانت تسأل وش تبين من ستار بكس وقلتها تجيبلي انا بعد ندى:انت ماتستحي تطلب من البنت تجيبلك وانت الحين بتطلع فيصل:الله والاكبر اللي يسمع يحسب سارا وحده غريبه عادي امون عليها خليها تجيبلي بعدين انا مو طالع الحين بطلع الساعه 9 قاعد على قلبك ندى:طيب ممكن تطلع ابي البس قبل ماتجي البنت فيصل:عادي انا اخوك البسي ندى:احلف عاد اقول اطلع برا بسرعه فيصل:ليكون نسيتي اني اخوك الكبير احترمي نفسك ندى:طيب ياخوي الكبير ممكن تطلع لو سمحت فيصل:افكر واقولك ندى وهي تصرخ:اطـــــــــــــــــــلع برررررررررررررا فيصل:طيب لاتصرخين فقعتي اذني بهدوء,,وطلع من الغرفه وسكر الباب عشان ماتضربه ندى في نفس الوقت بمطعم من مطاعم الرياض كانت قاعده نوره ولمياء يسولفون,,لميا تحاول تلاقي الوقت المناسب عشان تفاتح نورة بموضوع سلطان بس خايفه من ردة فعلها ولكن استمدت كل قوتها وقالتها:نوره!!! نوره:نعم لميا:بقول شي بس مابي هذا اللي بقوله يأثر على صداقتنا نوره:طيب قولي مافي شئ راح يأثر على صداقنتا لميا:اممم والله مدري وش اقولك بس ترا اخوي سلطان يحبك من سنتين ومو عارف كيف يقولك وطلب مني اقولك واشوف ردة فعلك(واخذت نفس طويل وكملت)الحين ايش ردك؟؟ نوره مو منصدمه مدري وش كان شعورها:مدري وش اقولك يا لميا بس مانكر اني معجبه بشخصيه سلطان بس مو لدرجة الحب واعتبره اخوي حتى تعاملي معاه زي ماتعامل مع ريان اخوي ماحسسته ابدا اني حتى معجبه فيه وهذي مشاعره وهو حر فيها... لميا:طيب ممكن سؤال بس لا تعصبين ليش ردة فعلك كذا قوية وشوي جارحه نوره:كأنك ماتعرفين اللي صار لأخوي ريان مو سهل ابدا وهذا الشئ خلاني اخذ موقف من الحب... لميا:معليش بس اللي صار لاخوك شئ وسلطان شئ ثاني لا تربطين الموضوعين مع بعض... نورة:كيف ماتبيني اربطهم مع بعض ليش اللي صارله قليل تحرمه من بنته وتخونه قدام عينه ومع اعز اصحابه لميا:والله مدري وش اقولك بس على راحتك بس حاولي تفصلين بينهم وامحي الماضي من حياتك وعيشي اليوم عشان تقدرين تصيرين مبسوطه نوره:كيف انساه وانا اشوف نظرة الحزن بعيون اخوي حبها من كل قلبه وعطاها كل اللي تتمناه وبالنهايه تخونه مع اعز اصحابه وفبيتهم وتاخذ البنت وتقول ماعندك شئ عندي وبنتك تنساها تعتبرها ماتت كيف انسا وانا اشوفه يحاول يبين لنا انه نسها واللي سوته فيه بس كلنا عارفين انه لسى يذكر كل شئ كأنه صاير اليوم لميا:مر على السالفه 5سنين ولسى يتذكرها ومانسها أخوك رجل عظيم بمعنى الكلمه نوره:عرفتي ليش ردي كان جارح وياليت تفهمين اخوك ولاتخلينه يكرهني لانه عزيز علي لميا:ان شالله وانتي حاولي مو تنسين الماضي تتناسينه عشان تقدرين تعيشين المستقبل وابتسمت نوره وهي تبتسم:ان شالله من عيوني بس ماودك نطلع يلا قومي لميا:يلا امشي,,,,وطلعوا البنات من المطعم رايحيين بيت نوره... (قصة ريان اخو نوره هو كان يدرس بكندا وحب وحده سعوديه وقعدوا أربع سنين يحبون بعض كانت قصتهم ولا اروع ولما رجع الرياض كان باقي لبدور سنه وتخلص جامعه وقال لأمه انه يبي يخطبها الام بالبدايه كانت معارضه السالفه كيف تتزوج وحده عايشه برا لحالها وبنات الرياض مافي اكثر منهم ومن هالكلام بس بعد محاولات من نوره وريان وافقت الام وأول مارجعت بدور راحوا وخطبوها وكان زواجهم ولا أروع مابقى احد ماتكلم عليه مابقى احد ماحضره وقعدوا متزوجين سنتين بعدين حملت بدور وجابت بنت سمتها ريهام وكان عند ريان صديق اسمه خالد وكان زي أخوه وأغلى ويجي يزورهم بالبيت ويقعد مع بدور لانها ماتتحجب عنه وكان الموضع بينهم تمام بيوم من الايام قبل 5سنين كان ريان طالع من البيت مسافر الشرقيه يوم ويرجع عشان الشغل كانت بدور مع ريهام اللي صار عمرها سنه بالبيت رن جرس البيت وكان خالد دخلته بدور وقعدوا بالصاله وبدور مستغربه من جيته بس خالد سبقها وتكلم:انا عارف ان ريان مسافر عشان كذا جيت الصراحه انا معجب فيك احبك بدور:نعم انت نسيت ان ريان يكون صديقك وانا زوجته,, خالد بكل وثوق:تقدرين تنكرين انك معجبه فيني هذا اذا ماكنتي تحبيني ولا علبالك ماشوف نظراتك وكلامك,, بدور:انا مانكر اني احبك بس انا متزوجه وعندي بنت,,قام خالد وقعد جنبها مايفصل بينهم الا كم شبر:واذا متزوجه عادي انتي كنتي تحبين ريان وبنفس الوقت تطلعين مع العيال والله اعلم وش كنتوا تسوون,, بدور:احترم نفسك ماسمحلك,,, قرب خالد اكثر ومسك يدها:وشو اللي ماتسمحيلي انا ماكذبت وش فيك خايفه خلك عادي,, بدور:مو خايفه بس انا متزوجه وقطع كلامها صوت باب البيت وهو ينفتح الباب وكان ريان والوضع اللي كانوا فيه ماخلاهم يتحركون لا ريان ولا بدور ولا خالد كلهم جمدوا بأماكنهم وضع بدور وخالد ماكان يفسر إلا الخيانه كان خالد قاعد ولاف يده على بدور وقريبه منه مرررا ريان ثار الدم ومسك خالد وعطاه كف محترم وصرخ:انا أمنتك على زوجتي وبنتي تجي تخوني وين العشره اللي بيننا وين الاخوه والصداقه لهالدرجه مالها ثمن عندك وتخوني مع زوجتي وفبيتي صدق انك...العشره ماتسمحلي اقولها ولف على بدور وسحبها وقربها منه:انتي وين الحب 5سنين احبك عطيتك كل اللي تبينو مابخلت عليك لو طلبتي روحي عطيتك بالنهايه تخونيني ليش قوليلي سبب واحد,,,بدور:انا انا,,ريان:انتي ولا شئ الحين تاخذين كل اغراضك ومالك محل عندي بالبيت حتى بنتك تنسينها وخلي هالخاين يفيدك خان العشره اللي بيننا بسهوله يقدر يخونك بدور:لا بنتي ياريان هنا وstop لاتكمل بنتي باخذها واللي بيدك سويه حتى القانون يقول بنتي معاي ريان:والقانون مايرضي باللي تسونه والمفروض ابلغ عنكم والبنت خذيها الين تخلص المده يعني 4سنين والاقي بنتي عندي ولا عاد اشوف وجهك يلا برا بررررررررا طلع خالد وبدور وريهام والى الان ريهام عند بدور ومو راضيه تعطيها ابوها وهو مايهون يرفع قضيه مهما كان العشره اللي بينهم وخالد من بعد ماطلع من بيت ريان ماشاف بدور وندم على اللي سواه لان ريان صديق مايتعوض بكنوز الدنيا والى يومكم هذا ريان مو راضي يتزوج لان لا يزال يحبها كل يوم اكثر من الثاني ومايكلم خالد وانقطعت اخبارو كلها)<<هذي قصته مسكين معاناة.... نرجع لبيت ابوسعود..... سارا:تفضل استاذ فيصل هذا طلبك فيصل:شكرا طال عمرك ندى:وانا ان شالله نسيتي سارا:لا طبعا مانسيت ناويه انتحر عشان انسى طلبك ندى وهي تاخذ الكوفي:اشوى علبالي هههههه فيصل:يلا انا بطلع البس سارا:على وين ان شالله فيصل وهو يناظر ندى:بطلع مع الشله ممكن اروح البس سارا:اي تفضل روح فيصل:بس كنت بذكرك بشئ اذا كنتي ناسيه تراي اكبر منك بسنه كامله لا تحسبيني اصغر عيالك سارا وهي متفشله:طيب اسفين روح البس لا تتأخر وطلع فيصل يلبس واتكشخ(ترتب)لبس بنطلون جينز وبلوزه ارماني سودا ومكتوبAjبالابيض وحط احلى عطر وطلع ونزلهم تحت وكانوا يسولفون واصواتهم عاليه ويضحكون بس لما شافوا فيصل سكتوا تكلمت سارا:الحين كل هالكشخه وبتروح للشله تلعب على مين قول الصدق انت رايح تقابل مين:وتغمز فيصل:وانتي وش لقفك يالملقوفه اروح لأصحابي ولا لأحد ثاني,,ويطلع لسانه ندى:طيب لا تتأخر وانتبه لنفسك لاتسوق بسرعه مافي شئ طاير فيصل وهو فاهم وش تقصد:ان شالله من عيوني يلا تشاو ندى+سارا:مع السلامه ندى وهي منقهره:شفتي كل هالترتيب بس عشانها سارا:طيب ممكن تقوليلي ليش منقهره اللي يشوفك يقول حبيبك مو أخوك ندى:اللي قاهرني ان فيصل تعرف على كثير بنات ليش هي بالذات اللي بيتحدى العالم عشانها تخيلي قال يتحدى أمي وأبوي عشانها سارا:كأنك ماتعرفين فيصل كل بنت يعرفها يقول بتحدى العالم عشانها يعني مو شئ جديد ندى:لأ انا حاسه هذي البنت غير وتشوفين سارا:طيب ممكن تغيرين السالفه طفشت.... في احد مطاعم الرياض الفخمه كان قاعد فيصل ينتظر حبيبة القلب جوجو وبعد نص ساعه من وصوله جت بنت لابسه عبايه بس مو عبايه لانها كانت شفافه ومافي لون مو فيها ومتلثمه ومطلعه هذيك العيون اللي تطيح الطير من السما على طول وقف فيصل وهو منبهر من جمالها وقربت جوجو للطاوله وسلمت عليه باسته من خده وفيصل لسى واقف بعدين قعدوا... فيصل:هلا حياتي تو مانور المحل جوجو:شكرا حبيبي ماطلبت شئ فيصل:يوووه نسيت شفت هالقمر ونسيت حتى اسمي وطلبوا العشاء وقعدوا يسولفون وكل كلامهم حبيبي وحياتي وطلعوا على الساعه12 وتواعدو يشوفون بعض كل اسبوع هذا غير مكالمات التليفون والماسنجر.... في بيت ابو سلطان كانت لمياء توها جايه من بيت نوره وقاعده تفكر كيف توصل لسلطان اللي قالته لها نوره بس مصيره بيعرف الحين ولا بعدين طلعت غرفة سلطان عشان تكلمه طقت الباب محد رد فتحت الباب ومالقت احد بالغرفه نزلت تحت تدوره ولا لقته راحت للمكان المفضل لسلطان وبالفعل لقته كان قاعد برا عند المسبح وسرحان قعدت جمبه ولا حس الين نادته لميا وحس عليها سلطان:هلا لمياء بغيتي شئ لمياء وهي متوتره:اي كنت بقولك اني قلت لنوره سلطان:طيب وش قالتلك لمياء:سلطان لا تزعل وتاخذ الامور بحساسيه وقدر اللي هي فيه سلطان:يعني انا ولا شئ بالنسبه لها لمياء:انا ماقلت شئ استنى هي قالت انها معجبه بشخصيتك بس مو لدرجة الحب وهي ماتقدر تحبك لانها ماخذه موقف من الحب قاطعها سلطان:وانا وش ذمبي تاخذ موقف من الحب وانا الضحيه لمياء:انتي خلني اكمل لانو اخوها ريان كان يحب وحده وخانته واخذت بنته وهو للحين مو قادر ينساها سلطان:وانا وش دخلني بسالفة ريان وزوجته لمياء قالتله سالفة ريان كلللها عشان يتفهم موقف نوره وماياخذ موقف وبعد ماقلتله السالفه سلطان:الله يصبره ياااارب لمياء ممكن طلب لمياء:تفضل سلطان:ممكن اكلم نوره قدامك لمياء:نعم ليش تبي تكلمها سلطان:ابي اقولها شئ لميا:بس ماتوقع ترضى سلطان:انتي جربي ماراح تخسرين شئ لميا:طيب بجرب واشوف ودقت على نوره وماردت دقة مرا ثانيه وردت نوره:هلا لمياء ماشالله بسرعه اشتقتيلي لمياء:نوره سلطان جمبي ويبي يكلمك نوره:ليش وش يبي لمياء:والله علمي علمك تبين ولا لأ نوره:والله مدري خليني اكلمه ونشوف وش يبي لميا تكلم سلطان:خذ رضت تكلمك وانا بطلع عشان تاخذ راحتك سلطان:ليش ماتبين تسمعين وش بقولها لميا:الموضوع يخصك انت ونوره انا وش دخلني بس ها لاتطول سلطان:مشكوره ياحلى اخت,,طلعت لميا وسكرت الباب وتركت سلطان ونوره سلطان:هلا نوره كيفك؟ نوره:اهلين والحمدالله سلطان:اكيد مستغربه من مكالمتي لك نوره:تقدر تقول مستغربه سلطان:انا بقول كل شئ بدون لف ودوران لمياء قالتلي كل اللي صار بينكم وانا بعد بقولك نوره انا حبيتك من كل قلبي حبيت كل شئ فيك بس ماكنت قادر اقولك لان خايف من ردة فعلك خصوصا لانك صديقة لمياء كنت خايف اخرب العلاقه اللي بينكم بس الحين خلاص مو قادر استحمل وسبب رفضك انك تحبيني عشان سالفة اخوك ريان يانوره احنا عيال اليوم واذا بنخلي الماضي يأثر على حياتنا محد راح يعيش مبسوط انا ماطلب منك انك تنسين الماضي بس حاولي انه ما يأثر على حياتك انا ماتكلم عشان مصلحتي وابيك تحبيني انا اتكلم عشان نفسك اخوك هذا اللي كاتبه ربك مانقدر نسوي شئ والدنيا كلها مو زي بدور وخالد في ناس كمان طيبين وأوفياء انتي حاولي تفكرين بنفسك وكمان ساعدي ريان يطلع من القوقعه اللي حاط نفسه فيها نوره:والله مادري وش اقولك ياسلطان كل الكلام اللي قلته صح مليون بالميه بس الحزن اللي اشوفه بعيونه يخليني اكره الحب وسيرته وكم مرا حاولنا نساعده ويرفض يقول انا اصلا نسيتها وبنتي انا اشوفها كل اسبوع,انت مالك ذنب بالسالفه كلها بس مابي اضحك عليك واوهمك بالحب وانا ماقدر اسعدك صح انا معجبة بشخصيتك بس اخاف احبك وماكون الصوره اللي انت رسمتها خلينا كذا احسن وصدقني لو راح الخوف اللي عندي راح اقولك اني احبك لاني مستحيل راح القى احسن منك اللي يحب سنتين وساكت ومخلص للي يحبها حتى لو هي ماتدري انا متأكده انه بيصير مخلص لها طول حياته وشكرا على صراحتك معي واوعدك اني افكر بالموضوع بس ماضمن النتيجه سلطان:انا اللي اشكرك على صراحتك وانك ماكذبتي علي وأوهمتيني بالحب واهم شئ تفكرين حتى لو ماطلعتي بنتيجه وزي ماقلتي اللي مخلص سنتين بيصير مخلص طول العمر وانا اوعدك وربي شاهد اني اصير مخلصلك طـــــــول عمري حتى لو ماحبيتيني والحين تامرين على شئ نوره:سلامتك يلا تصبح على خير وانتبه لنفسك سلطان:ان شالله وانتي من اهله سكر السماعه من نوره وراح للمياء يحكيها كل اللي صار ولاول مرا من سنتين ينام سلطان وهو مرتاح وبكرا اول مايصحى بيدق على فهد وسارا يقولهم اللي صار... بعد كل الاحداث اللي صارت وش تتوقعون راح يصير نوره ممكن تفكر بالموضوع وتحب سلطان؟ جوجو وفيصل ياترى وش مخبي لهم القدر؟ سعود اخو ندى ياترى وش راح يكون تأثيره على القصه وديمه بنت عمه بتتزوجه ولا لأ؟ راح نكتشف كل لاجابات بالأجزاء المقبله... بقايا ذكريات الحب غير قابل للنقل |
|
#5
05-05-2008, 07:52 PM
| |||
| |||
| رد : بصـــمــت نتـــألم
تسلم الجوكر على مرورك ويشرفني انك تكون اول من رد على روايتي المتواضعه  |
 | سياسة الخصوصية |  |
العرض العادي
