المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
02-03-06, 04:41 AM
| #1 |
| |[ عـضـو مــاسـي ]| الدولة:    روابط إعلانية |  آآآلله ابوكم يابنـات هالـيـوميـن ,, قـسـم باللـه انـكم مالكم داعي . . . . . . . . السلام عليكم ............ ابارك لجمهور الليفر بول بهذا الفوز المستحق واليوم حر وبكره ما عندي دوام وامي تقول ارقد يا مال الصلاح ............... ............... ............... ............... ............... ............... .... الموهم 7 7 والله وانا اخوكم الصغير ,, لي مده أدرعم على الاسواق .. مرة في القهاوي ومرة في المملكه (( يسوي دعايه )) ومن تالي أدمنت النت ,, صرت أجلس فيه أنا والربع دايم ,, وسحبنا على كل المنتديات الا القهاوي والمملكه (( يسوي دعايه اشطبه يا مشرف )) أتفرج ,, أتصفح ,, اضحك ,, ثم اطلع وقبل لا أطلع أسيّر على القهاوي والمملكه(( ياخوي انت للحين موجود؟ مابعد شاتك أحد؟ )) المووووهم ,,, داخل اليوم المنتدى كالعاده ,, مالي طاري حتى أرد ,, فجأة وأنا في رحلة استجمام مع نفسي، لمحت إيقونه حزينه مكتوب عليها : إضافة مـوضـوع ,, ( كنها تقول : لله يا محسنين )) وتذكرت وصية جدي قبل يموت يوم قال: يا مشاري يا ولدي ,, لا ترد أحد يطلبك ,, تكفى ياولدي لاتفشلني بين القبايل. طقيت صدري وقلت للإيقونه : يلعن ام اللي يردك يا بنت الأجواد ,, نضيف موضوع ليش لا أهم شي لاتزعلين علينا يا الطخمه وذبيت عليها الرقم (( اعنبوا بليسه أي شيء مؤنث يرقمه )) وعلى طاري الترقيم ,, أعرف واحد من الشباب ,, مدمن ترقيم ,, مدمن شيء اسمه اكتب رقمك وذبه ,, لدرجة ان أبوهم مرة راجع البيت وهو شاري صندوق طماط .. وشاف أخونا طماطه في آخر الصندوق متينه ومليانه وحمراء ,, عجبته ذب عليها رقمه إييييييييه اتركونا من خويي الحين وخلونا نرجع لسالفتنا الأصليه ,, عندي موضوع والله انه يا جماعه فاقع مرارتي ,, مضيق صدري وفي نفس اللحظه لاحس مخي !! أباطرحه قدام حضراتكم ,, وأنتم براحتكم, , إن بغيتوا اطرحوه أرضاَ أو ثبتوه جواَ أو دحدروا به على القهاوي والمملكه (( رجعت الدعايه انتبه له يا مشرف )) موضوعنا في هذه الظهريه هو : العبايات ,,, عباية المرأة ,, وآآه يا أخواني من سالفة المرأة وعبايتها لأن موضوعها ذو شجووون والمثل يقول: الشجووون ملعوووون تكفون لا ينط لي واحد منكم ويقول: وش عليك منهم؟ وش دخل أم اللي جاب مندوبك ؟ لأني وقتها راح أقول له : دخلني الباب وألحس كفر الدباب ولا يجيني واحد ثاني مطفي النور وداعس ثم يخش فجأة في عيني وهو يشربك ويقول: موضوع مكرر ,, لأني وقتها راح أظطر أسدد له طراقين . الأول صدقي والثاني مكرر من جد يا جماعة الخير ,, هل اللي حاصل حالياَ في الأسواق والعروس والشوارع .. اسمه عبايات ؟ ويسمى ستر وحشيمه ؟ سؤال أطرحه لكم ياحضرات القضاه والساده المستشارين وأبي منكم إجابه .. أنا كـ شاب أعزب أشعث أغبر ما قد شفت الا شغالتنا السرلانكيه .. فجأة تشطفني في الشارع بنت عليها عباية أضوق من ثوبي !!!!! وش موقفي ؟ أكيد بأعض الأرض وأتمتم قائلا : ألعن أبو الصيده يا شيخ أنا كـ شاب أفكر كثيرا في الجنس الآخر ولا قد شفته .. أجي السوق وألقى ثلاث بنات مروا من جنبي عليهم اسم طرحه والأكمام كأنها كراسيدا باكستاني أنواع الزخارف ,, وش ترجون مني ؟ أكيد ابليس بيدق علي بيجر ويقول: دز وراهم يا مال السيل أنا كـ مواطن متحمس و لي حق العيش في هذا الوجود المنتعش ,, أروح المستشفى أبي أعالج راسي من الصداع ,, ثم تصادفني في ممر المستشفى فتاة عليها لثمه كأنها ناوية تسرق وعيونها كحل في كحل وش أسوي ؟ أكيد راح يزيد صداعي وبأرجع من المستشفى مصدع ألعن من قبل والبركه في عباية بنت الأجواد لا والمشكله ,, تلقى البنت شينه وشيفه وكأن وجهها قوطي داعسه وايت بس بالعبايه قسم بالله ماتقوم معها حلا شيحه شغالتنا مثلا .. اسمها ( راني ) .. وجهها كأنه مفك بيبسي .. وفي الليل أتجنب رؤيتها لأنها تذكرني بسوالف الجن الله يقاصرنا ويقاصرهم بالاحسان .. مرة لبست نقاب حق جدتي العجوز ,, ماعرفتها .. قمت ألاحقها في الحوش وأقول: يا لبى قلبك يا المبرقع انت يوم استانست وشالت البرقع وناظرتني بإبتسامتها الخاليه من الأسنان ..ضاعت علومي و قلت : يالله روحي مطبخ جيبي مفاتيحي (( من زود الشين اللي فيها لخبطت بين غرفتي والمطبخ )) يعني شفتوا كيف ان العبايات والبراقع قد إيش ملاعين خيـّـرررر ؟ لحظه لحظه ,, كأني أشوف احد الاعضاء راز سبابته اللي كنها عصا موكلي ,, تفضل اسأل يا عضو والله براافو عليك ,, سؤالك جدا في محله .. نعم أحسنت من المسؤؤل (( صفقوا كلكم للعضو الداشر )) دايم أسأل نفسي وانا من النوع اللي أحيانا في العصريه أجيب ترمس شاهي ومكسرات وأتقهوى انا ونفسي وندردش بس الغريب ان نفسي من النوع الحياوي . تصدقون ماقد قالت لي ولا مرة: صب لي بياله قبل فترة كنت جالس مع نفسي وحصل موقف رهيييب .. , سألتها : من المسؤؤل عن هالعبايات السامجه اللي انتشرت ؟ وين اخوانا اللي في الهيئة أو شااابين على مندوبنا حنا بس يا الشباب ؟ وينهم عن عبايات هالغزلان ؟ المشكله أن نفسي ما ترد لأنها مو لاقيه اجابه .. سألت نفسي ثاني مرة : اعنبوا بليس هذولي ما وراهم أهل يقولون: هالعبايه عيييييييييييييب حراام !! للمرة الثانيه تلتزم نفسي السكوت ولا ترد ,, سألت نفسي ولثالث مرة : طيب وين الحمية ؟ وين أخوانهم الكبار عنهم ؟ أو بس جيدين في تحويم الحمام في السطوح؟ وللمرة الثالثه مارست نفسي السكوت وعطتني بالخامس ! سألتها لرابع مرة : طيب هالبنات وش هدفهم من عبايات الخصر واللثمه والدانتيل والزخارف؟ معقوله يبون لفت انتباهنا وفعلاَ راضين بالترقيم وتحرش هالمراهقين اللي أنا زعيمهم ؟ كالعاده لم ترد علي نفسي للمرة الرابعه وحقرتني !!! عصبت انا ,, طنقرت ,, وأنا من النوع اللي إذا عصب على طول يحمق قلت : مو معقوله يانفسي .. ياختي قولي شيء ,, بالله عليك مو حرام اللي نعيشه في الشوارع والاسواق والمحلات وعند الاشارات ,, ياهوووه تكلمي انطقي بالله مو ظلم مو حرام هالعبايات تلعن جدفنا كشباب طموح . ردي يابقرة وفجأة .. وبدون مقدمات .. طار الحب والفستق وانكبت زمزمية الشاهي وقامت نفسي علي وسددت لي ذاك الكف وشالتني ومحطت بي ثم انفجرت تصارخ علي تقول: : (( يااخي أزعجتني ياخي من يوم طبيت الثمانطعش الين الحين في من عمرك وانك مزعجني بهالاسئله نعنبوا من جابك 5 سنين وانت شغال تجلدني بأسألتك لابوك لابو مخك لابو هالعبايات والبنات اللي تقول . ياابن الذين آمنوا شغل مخك خلاص وقتك تغير .. هذا زمان البنت مو زمان الولد .. انت اللي تستحي وهي لا .. هي الجريئه وانت الحياوي .. ياخي عاصر زمانك وخلك جنتلمان او ياخي انطق في بيتكم لااعاد تطلع ,, انثبر في غرفتك الله ياخذ شكلك وفكني . لاعاد تتمشى بسيارتك ولا عاد تروح جامعتك ولاعاد تطب الاسواق وكل تبن واقضب ارضك ,, جعلك الماحي قل آمين تكفى يامراقب أشطب يوزره والله انه ابلشني)) مرت خمس دقائق وانا فاقد الوعي وخايف من نفسي وقعدت أفكر في كلامها وبالذات كلمة : ذا زمان البنت مو زمان الولد .. انت اللي تستحي وهي لا .. هي الجريئه وانت الحياوي .. قمت ,, عدلت الزمزمية ,, جمعت الحب والفستق والقريض اللي طاح ,, والتفت عليها وحبيت راسها وقلت : سامحيني والله انك صادقه ابشري من اليوم ورايح ما هنا طلعه ووالله صدقتي في كل كلمه ,, ضحكت وقالت لي : هههههههههه أعترف صح جلدتك ؟ صح أنا أخوف لما أكون عصبيه ؟ قلت: لا وفوق هذا والله انك حكيمه بعد .. الله لايحرمني منك .. قالت : ولا يحرمني منك بعد أنت يا بعد روح روحي .. قربت منها وقربت مني .. وصار مشهد رومنسي قطعه إياد مدني مهوب أنا m السؤال : هل تتفقون مع ما قالته نفسي الحكيمه ؟ أم يا هل ترى بالغت وشطحت قليلا (( ماخذين بالكم من الفصحى ؟ )) ولو الواحد منكم يا الحبايب شاف عباية أخته مخصره ومزخرفه كأنها هوندا حقت خال .. وش موقفه . يرضى ؟ وإذا - لا قدر الله - وحصل ما لايحمد عقباه وتحرش في البنت أي شاب مفتووون ,, ليش اللوم والحكي كله على الشاب والبنت طالعه منها براءة ؟ ليش ؟ ليش؟ (( وجه واحد منهار في المحكمه ويقول: اغيثونا )) اللي بيجاوب ..يجاوب ,, واللي مهوب يجاوب لا يجاوب ., والمثل يقول: اللي على راسه بطحاء ابن أمه يواسيها ................... تشاااو اين جوادي دااري ان الموضووع طوييل حبتين بس يلا اخذوه على شفتات حبه بالليل وحبه بالمسا وحبه بعد العشا خخخخخخخخ هذا ااخر لطشاتي وحبيت انكم يكون لكم الاولوية في قراءته بس تحدذييير بلييييييز لا حد يلمس الشاشه لان الموضوع تووه حااار عذب السجايا |
|
|
02-03-06, 06:47 AM
| #2 |
| |[ عـضـو مــاسـي ]| الدولة: |  هههههههههههههههههههههههههههههههههههههههههه هههههههههههههههههههههههههههههههههههه هههههههههههههههههههههههههههه ههههههههههههههههههههه دام الانسـان مايرضى شى على نفسه لا يرضاه على غيره مشكور عالموضوع المســلي >>> ودهـ يفقع خشت عـذب خخخخ سلملم |
|
|
|
02-03-06, 09:04 AM
| #3 |
| |[ عـضـو مـتـألـق ]|  الدولة: | ههههههههههههههههههه رهييييييييييييييييب ياعذذب السجايا انا بصراحه شفت موضوعك ذا وفصلت معي يعني ============ مسكينه توهقت والسبب مواضيع الصرقعه المهم والله ياعذب هذي مشكله يواجها شبابنا العصر الحالي والعصر الازلي اذا ماخاب ظني ========== لو سمحة عذب قرب المايك ابي ادلي بدلوي شكراً اخوي المهم العبايه هذي ستر بس فيه بنات ماشاء الله عليهم يحبون الكرسمس واجد ======== وش جاب الكرسمس نرجع يقولك (اذا لم تستحي ففعلي ماشئتي ) يعني الي مايستحي يعمل مايشتهي يعني من واقع حياتي احكي لك على موقف بصراحه عنكم انتم اخوانا الآعضاء ======= تقصد الشباب يعني احياناً حتى الي لأبسه عباية راس ما تخلونها المهم كنت بالسوبر ماركت مع الغاليه وانا اتقضى بعض الآغراض للبيت طبعاً انا بحال سبيلي كنت نفس الشي عند الطماط بس شكله ماكان طماط اتوقع كان خس ======== بدة نور تفصل معها بقققققققققققققققققققققققققققققققققققققققققققققققوه ياويلك ياعذب خربة اخلاقي بموضوعك المهم عباتي على راسي واتقضى للبيت ولا حولي احد فجأه يطب علي واحد انا وقتها قلت : وش به الآخ هو يعرفني ولا يقرب لي طلية فيه قلت له نعم أخوي بكل احترام شوي الا هو ناطلني بذيك الخزه انا قلت :ابد نور السالفه بتكبر بذات يوم طل بعيني وانا قلت :الله يجيب العواقب سليمه وقتها ماكان معي الا اخوي الصغير الا غصب يروح للأشرطة اليلاستيشن وانا اقوله خلنخلص بطاطس وطماط ونروح ================= طولت صح المهم باقي شوي واخلص وين وصلنا ايه الولد نطلني ببيت شعر قمة من بعده اعافر بمحلي تدري ايش قال لي أن العيون التي بطرفها حور*** ودت عيال القبايل في خبر كان انا قلت نور نعنبو الطماط والي يشتريه الحقي على نفسك لا يذنب ابن الناس والسبه انا واروح برى السوبر ماركت ادور السياره واسنتر بها ساااااااااااااااااااااااااااعه كامله وامي تبيجرني تدق علي وان وقتها اقول يامغيث اغثني ========= حلوه دعوه بنوتيه المهم رجعت البيت بدون امي وبدون طماط وبدون بطاطس يعني حتى امي نسيتها وراي من الخوف والخرعه شفت هذي سالفه تدل على انكم حتى انتم ياشباب ماتصدقون زول العبايه يعني انا طالعه بعباية الراس وبدون حتى كحل وهذا الي سار عجل لو طالعه بكحل ايش كان ممكن الولد سواء بي ========== ما استبعد ياخذ عيوني معه للبيتهم ما يستفاد من السالفه: 1\ العبايه للحشمه صح وانا اختك 2\ بعض البنات الله يهديهم مزودينها شوي 3\ اشكر نفسك الطيبه على الحوار الي حاورتك فيه 4\ وايضاً اشكرها على الطق الي جالك 5\ اشكر نفسي لأنها فصلت معي وخلتني ارد على موضوع صررررررررررررقعه توبه ارد على مواضيع زي كذا ههههههههههههههههههههههههههه تقبل مني تحيتي:نور |
|
|
|
02-03-06, 06:15 PM
| #4 |
| |[ عـضـو مــاسـي ]| الدولة: | فوفو ...................... الف شكر على تشريفك عذب السجايا |
|
|
|
02-03-06, 06:17 PM
| #5 |
| |[ عـضـو مــاسـي ]| الدولة: | فراغ العاطفه ................... يسلموووووووووووووووو على هالطله والصرااحه الحلوووه وخليتك تطلعين اللي كان يحوس بخاطرك توبه ارد على مواضيع زي كذا <<<<<<<<<< لاااااااااااا بالعكس خلك مثلي صرقع تعش تنتعش والف شكر مرة ثانية عذب السجايا |
|
|
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| مالكم داعي اذا ماعجبتكم | جروح الليل | صور - كاريكاتير | 19 | 17-09-09 05:57 AM |
| آلـمـدآرس بـعـد 20 عـآم << فـلـه قـسـم | ღ دآنـــة ღ | نكت × نكت ضحك | 13 | 22-02-09 10:41 AM |
| احرفو اش قال ابوكم لئمكم يومولادتكم | روعـــالحب ـــة | نكت × نكت ضحك | 15 | 03-10-08 02:46 PM |
| ضربـ أبـآهـ حتى المـوت والعيآذ باللـه ... ! | *،*فـــ هـ ـــ د*،* | منتدى الأخبار المثيرة - عالم الجريمة | 12 | 11-06-06 03:34 PM |
