روايتي رواية ملاك الروح..غرقانه في بحر الذكريات..رواية من تأليفي..

[**MoOn LiGht**]

ملاك: ياحليلك بس..خربتها طلعت بالشارع ..
ساره:والله انك محششه..
ملاك:المشكله انها ماهي اول مره يشوفني اخوها خالد..
ساره: متى شافك بعد..
ملاك قالت لها عن سالفة يوم كانت نايمه عند منال..
ساره: يوووووه ..من زمان يعني صاير لك هالموقف..
ملاك: تقريباً.
ساره:آآآه..يالقهر..انا اتمنى يصير لي موقف زي كذا بس..مالت..
ملاك:ههههههههه ..
ساره: طيب مين الي كان في الملحق..
ملاك: خالد ماكان موجود بس كان فيه اثنين..الاول اسمه حمد وهو خوي خالد.
ساره: طيب الثاني مين..
ملاك:..الثاني..اسمه عبدالله..اتوقع انه يقرب لحمد..
ساره:ايه..طيب أي واحد احلا فيهم..
ملاك: ماادري..
ساره: اهاا ..طيب حمد هو الي تحبه منال..صح؟؟
ملاك: ايوه..هذا هو..
ساره: طيب حلو..
ملاك رفعت حواجبها: ليه ناويه عليه..
ساره: لا بس ابي اعرف مين هذا الي ميته عليه منال..
ملاك: ايه والله انه ملح..احس انه ومنال يصلحون لبعض..
ساره:اقووول الا ذكرت...مو تقولين طلعتي في الشارع..
ملاك استغربت من شطحة ساره: ايه..بس....ليه..
ساره:ايه بس ماشفتي سيارة محمد اخوي...
ملاك: لا ماكان فيه ولا سياره برى..
ساره: يالله ..حتى اخوي سنع..
ملاك:طيب روحي اسألي اختك..
ساره نادت نواره:نواره ترى محمد مو برى..
نواره: يالله..وش اسوي بالملح كله..
نوره:نواره والي يرحم والديك ماابي اجلس بلحالي..
نواره:ياحلوه انتي.. محمد قايل لي انه برى بشيك بعدين يحلها الف حلال..
ساره:نواره ..انا بدق على محمد..
نوره:اوكي انتي دقي عليه وانا بكلم نوير 2..

طلعت ساره جوالها ودقت على محمد..
ساره:ألوو..
محمد:مرحبا..
ساره:اقول محمد..انت وينك الحين..
محمد:انا قدام بيت خويتك..
ساره لفت على ملاك : ملاك يقول انه موجود هنا..
ملاك :والله ماادري يمكني ماانتبهت او انه عند الباب الخلفي..
ساره: انت عند أي باب..
محمد: اتوقع انه الخلفي..
ساره: لاطلع ورا.ههههه..
ملاك:اشوى ..شكيت في نفسي.هههههههههه...
ساره:هههههههه..
محمد:اقول متى ناوين تطلعون..
ساره: والله ..الله يخلي لك الاميره..نويره ..
محمد:المهم يالله اطلعوا..
ساره :اوكي يالله باي..
محمد:مع السلامه..
صكت ساره من اخوها محمد..
ساره: نويره..يقول محمد يالله اطلعوا..
نوره: يالدبه اجلسي..
نواره: مااقدر ..بكره بشوفك خلاص.. وبكره بنام عندك..
نوره: لا وش ابي بك بكره..
نواره: ياسلام..
نوره: احبك..
نواره: ترقعينها هاه!!..
نوره: ارقعها بالواقع..
نواره: يازينك بس..

ساره عطت نواره عبايتها..
ساره: يالله يا نواره..ولا تبين تجين بكره وكلك هالات سودا والكل بيكون متكشخ..(ولفت على نوره وهي مبتسمه) وطبعاً نونو احلاهم..
نواره بكل ثقه: داريه..
ملاك: نوير وش دخلك ..نونو اختي نوره مو نواره..
نوره: لا انا ونوير في الهوا سوا..
ساره ومن طرف خشتها: اشك..
ملاك: ههههههههههه..
نواره: شفتي صديقتي ..تقول انا وياها بالهوا سوا..
نوره: ايه بس لايكبر راسك..ترا بس ماابي افشلك..
ملاك وساره: ههههههههههههه
نواره صقعت نوره: هين يالدبه..
ساره: يالله يالله يالله..اختاري ياتطلعين الحين ..او تجلسين بالزاويه تتشهدين ..
ملاك:هههههههههههه
نواره: وش قصدك..
ملاك: يعني ياتطلعين ولا تتشهدين لان محمد بيفرمك..
ساره: يالله ياهاالبنت فاهمتني...كفك(رفعت يدها).
نوره: ايه احنا بعد نفهم لبعض..لاحظوا حركات بزارين..
نواره: الا صح صادقه نوير..اصلاً..
قاطع نوره صوت جوالها..

نواره: ألوو..
محمد : اطلــعي..يا بارده..
نواره :طيب لاتاكلني..
محمد: يالله بس..
نواره: وشو انا الحين برا طلعت رجلي تشوفها..
نوره وساره وملاك يظحكون عليها ياعميري ناسيه انها تتكلم مع محمد ..
محمد: اقول نواره وش عندك انتي..
نواره: لا ماعندي شي..يالله طلعنا بعد خمس ثواني تشوف رجلي الا اذا كان الارسال بطيء عندك..
البنات ميتين ظحك عليها..
محمد: اقول اطلعي وانتي ساكته..
نواره: يالله باي..
محمد: باي..

لفت نواره عليهم : فشلتوني وانا اكلم اخوي ولا تتميلحون عنده..
نوره: لا وشوله اتميلح عند اخوك انا مخطوبه يابابا..
ساره: وانا اخته..
لفوا على ملاك..
ملاك عبست: لا والله كل واحد لقا له عذر وانا ش ذنبي..
ساره: دبري لك واحد..
ملاك: لقيت عذر..اممم..ماابيه عندي احد..
نوره:مين..
ملاك: مالك دخل مايعرفه احد فيكم ..
نوره: ايه ..بتفضفضين..
ساره: ترا خلصت خمس ثواني..
نواره: يالله بنات باي ..ادعوا لي اجي بكره..
نوره: خصبن عنك..
نواره: ان شاء الله ان الله احيانا..
نوره: ان شاءالله..
ساره: يالله بنات باي..
نواره: باي بنات..
نوره وملاك سلموا عليهم بعض: باي..

يوم وصلوا عند الباب ويسولفون ويظحكون..
نواره : يالله بنات بطلع رجلي..
نواره طلعت رجلها برى وهم ميتين ظحك عليها..شوي حست بقوطي على رجلها..
نواره: آآييي..الله يقلع هالوجه يعور..
نوره: مره ثانيه خذي احتياطك والبسي جزمه سبورت ..
نواره: لا خلينا ناعمين وحركتات..
نوره: اقول وش قال قال ناعمين..يالله ياحلوه مع السلامه..
ملاك: مع السلامه نشوفكم بكرة ان شاءالله..
ساره ونواره: يالله مع السلامه..

=================================\

ركبوا الحلوتين نواره وساره ..
محمد عطى نواره نظره: مابغيتي..
نواره: وشو مابغيتي..كل شي علي ترا سوير معي قول مابغيتوا..
ساره طبعاً مبتسمه للحياة ..مالها دخل خلوها على جنب ..بريئه..
محمد: انا مكلم ساره قبل..وانتي الي كنتي جالسه تهذرين مع نويرتس..
نواره: ويازينها هالنوير..وعلى فكره لاتلومنا بكره ملكة البنت..
محمد: ماراح ارجعكم بكره..
ساره: وراو..
محمد: خليك انتي ساكته..
سكتوا شوي بس ساره تبي تحرك الجو..
ساره: اقول نواره وشلون رجلك..
نواره: ايه ..تعورني مره اخاف انكسرت كله من هالقوطي ..تلاقين راميه قوطي زيه..
ساره:ههههههههههههههههه
محمد عطاها نظره بطرف عينه: والله من ذا الاكل الي تاكلينه مامنه لافايده ولاعايده..والحليب لو اسألك عنه ماتعرفينه..لا واسمه هشاشة عظام..
نواره: اقول تسند والي يرحم والديك..
محمد: اقول ساره ماتلاحظين بعض الناس بدو يزودونها..
ساره مستانسه هي مالها شغل: ههههههههه لا حرام عليك هاذي اختي..
محمد: شكلك تبين تصفين معاها..

================================================== ==

منال وخالد كانوا في السياره ..منال مدرووخه معنى الكلمه وخالد عادي متعود على سهراته مع الربع..
خالد يقوم منال الشبه نايمه : منال ..
منال بكل فهايه : هممم..
خالد: جوعانه.؟؟
منال: ليه..
خالد: لا بس ابي اعرف انتي صافه معاي!!يعني وش رايك..
منال: لا ..
خالد: طيب بمر على المطعم اوكي..
منال: لاااااا بلييييز مالي خلق..
خالد: ياشينك..
منال: اقول ولا تدري مر عليه عادي..
خالد: وش الي غير رايك..
منال : مدري ..احس مشتهيه ايس كريم..
خالد: لا ماراح اروح لمطعم عندهم ايس كريم..
منال: ورااه..
خالد: ابي اقهرك..
منال: الله يعين زوجتك عليك..
خالد: لا بخليها تتدلع علي..
منال: لا تعليق..

شوي وقف خالد عند مطعم ماكدونالدز..
منال:هاهاهاي ..ماك يبيعون عسكريم..
خالد: وش اسوي.. اخوك حبيب..
منال: شكراً يااخويا الكبير..
خالد: وش تبين..
منال: ايس كريم سنداي شوكليت..
خالد: اوكي..
منال: اقول انت الي بتوصلني بكره..
خالد: مدري اشوف..
منال: ابيك توصلني انت اوكي..
خالد: ابشري..
منال: يازينك والله في آخر الليل تطلع حبيب..مو في الوقت الرسمي لملاقاتنا..تطلع ثقيل طينه..
خالد: هههههههههه وش اسوي ..نسيت اخذ جرعه منك ومن هبالك..
منال: اقول على فكره الهندي واقف برا له ساعه ..اطلب..

طلب خالد ورجعوا للبيت ويوم دخلوا طيرت منال جزمتها والعبايه مرميه ع الارض ورقت فوق..
خالد كان يشوفها حس ان البنت عندها سالفه.. طنش وجلس بالصاله..

منال كانت جالسه في غرفتها .. بعدين راحت تتروش..ويوم خلصت نزلت تحت تبي تاخذ العبايه عشان تكويها لبكره عشان ماتتأخر..

خذت عبايتها ومرت على خالد..وجلست جنبه..
خالد لف عليها: أهلا.. وش عندك..
منال: يعني اذا جلست عندك ..يعني ابي شي..
خالد: مدري ..بس اجرب حظي..
منال: والله اصلا فيني النوم دايخه ..بس مريت عليك قلت ابي اجلس جمبك..
خالد: طيب ..خبري بكره بتقومين بدري..
منال: يعني تبيني اقوم..
خالد: لا بس اشوف..ياشينكم يالبنات تفهمون غلط..
منال: لو فيني حيل كان سدحتك على الارض الحين..
خالد:هههههههههههههههههه..

سحب خالد عليها ورجع حق فلمه الي كان متابعه..ومنال جنبه متنحه..
منال شهقت: يوه..
خالد: وشو..
منال: نسيت الايس كريم فوق..يوووووه وصخ غرفتي..
خالد: والله انك تنحه..
منال نقزت: بروح الحق عليه..

يوم صعدت لغرفتها لقت الايس كريم انقلب لسوب كريم..(سوب يعني حساء)..<< خخخخخخخخ..

================================================== ==

في اليوم الي بعده ..والي هو اليوم المهم لنوره... الكل مرجوج ويتجهز وحالتهم حاله وكل واحد احلا من الثاني.. بس كانوا المميزين من بينهم...نوره ..اكيد كانت ملكتها كانت سبشل مرررره ..كانت طالعه قمر.. .. ولو ان ملاك ملامحها مرسومه رسم..بس ماتحب تطلع سبشل مره..ونواره وساره ومنال كلهم كانوا كووول..نعومه ..بنات..

ملاك تدخل من هنا وتطلع من هنا ..تجيب هذا وتحط هذا.. يعني العربي ماجلست مع صديقاتها ..

قاموا منال وساره يبون يساعدون ملاك..
منال: اقول ملوكي..تبين مساعده..
ملاك: لا شكراً ..بس شوي وانا جايه اجلس معاكم..
ساره: اهاا..طيب وش تبين نسوي..
ملاك ابتسمت: لا والله شكرا ماابي شي..
منال سحبت الصينيه الي بيد ملاك: يماما مو على كيفك.. وين تبين اوديها..
ملاك حاولت تاخذها من منال: منال..والله شوي وبجلس معاكم..
منال: طيب خلينا نختصر الوقت وقولي لي وين تبين اوديها..
ملاك: حطيها هنا ..وشكراً..
ساره: طيب وانا وش اسوي..
ملاك: خلاص..خلصنا..
منال: زي مايقولون ..ختامها مسك..هههههههه..

ملاك: ياحلوات بروح اجيب جوالي بسرعه من غرفتي وبجي..اوكي..
ساره ومنال: يالله ..بسرعه طيب..

صعدت ملاك لغرفتها ومرت على غرفة نوره وشافتها خاااايفه ومتوتره..
ملاك: وش فيك يالحلوه..
نوره: تعالي يالدبه شوفي قلبي وشلون يدق..
مسكت يد ملاك وحطتها عند مكان ضربات قلبها..
ملاك: يالله ..نوره صيري كوول زي قلبك..
نوره: ليه يعني طالع بارد..
ملاك: لا بس يعني هدي..
نوره: اني خليك في موقفي وقولي هدي..
ملاك : طولي بالك..

دخلت عليهم منار..
منار: نوره تقول ماما يالله تعالي..

نوره: ملاك..ابي ورقه وقلم..
ملاك: ليــــــه..
نوره: بكتب وصيتي..
ملاك: حرام عليك.. طول السنتين كنتي تحبين عبدالعزيز عشان في الاخير يوم ملكتك منه تموتين ..
نوره: انا احبه ..بس متوتره..
ملاك: يالله امسكي يدي وبنزلك..
نوره: يالله ..


نزلوا وتمت الملكه ..وقعت نوره..ومر اليوم كأحلى يوم عند نوره وعبدالعزيز.. وملاك كانت فرحانه لنوره مرررررره..
كانت نوره سعادتها كبيره ..هالسعاده تتمناها كل بنت ..انها تتزوج شخص تحبه ويحبها ومو أي حب الحب الصدقي الاصلي الحقيقي...

==========================================

من بعد ملكة نوره بدت اختبارات ملاك..والظغط والاهتمام..والحوسه..والحبسه..
وكانت اكثر وحده في شلتهم مهتمه مررره بالمذاكره..منال..كانت مرره ميته ع المذاكره ..والمشكله هي اشين درجات فيهم كالعاده..لانها ماتذاكر ..بس هالمره نازل عليها شي..اذا مرت عليها امها تقرا عليها ..ويدخل عليها خالد يهبل بها..

اما ملاك وساره.. مطنشين صح انهم يذاكرون بس يطلعون ويستانسون..مو حبسه....

*************************************
كانت ملاك جالسه تذاكر وحست انه خلاص عقلها بينفجر.. مره ذاكرت هاليوم كثير .. وماعليها مابقى لها الا شوي ..وتونا الاختبار بعد اسبوع..
مسكت ملاك جوالها: ادق على ساره ولا لا..
هي في نفسها تدق على ساره بس خايفه تكون ساره تذاكر وتزعجها.....
ملاك: لا اخاف تذاكر واخرب عليها وتسحب على المذاكره..تسويها الخبله..

رمت ملاك الجوال على السرير..وقالت بتطلع تجلس في الصاله.. نزلت ملاك وشافت يزيد يلعب بلاي ستيشن سيارات ..

ملاك: الله حلوه سيارتك..انت مسويها ولا جاهزه..
يزيد: عيونك الحلوه .. ايه انا مسويها..
ملاك: احلى من وين جايب هالكلام..
يزيد: وش كلامه..عادي كلن يقولها..
ملاك انسدحت على الكنبه: ملل.. طفش .. زهق..
يزيد: تلعبين معاي..وفيك خير فوزي علي..
ملاك وهي حاطه يدها على راسها وهي منسدحه: لاتتحدى..
يزيد: يالله شببكت اليد..
قامت ملاك: لا يابابا ..روح جيب الدركسون((المقود)) مره وحده..انا بالدركسون اجيبها احسن..
يزيد: لا يماما..انا باليد اجيبها احسن..
ملاك: طيب انا دركسون وانت اليد..وتدري انا اجيبها باليد بعد بس بالدركسون بسبقك بساعه..
يزيد: طيب ..يالله بجيب الدركسون من غرفتي..

جاب يزيد الدركسون وشبكه..
ملاك: اصبر حالك حالي ..بزين لي سياره..
يزيد: اوكي يالله..
زينت ملاك السياره اختارت لمبرقيني..وصبغتها اصفر..وحطت فيها اقوى نوع نوز..وعل جنب السياره صورة تنين لونه اخضر وبنفسجي..واللوحه كاتبه
Malak$
وتحمست ..لان كلهم لعبهم زين ولو ان ملاك تلعب بالدركسون.. بس جابتها..على قولتها وفازت عليه وبعدين فاز عليها... يعني يتبادلون بالفوز..

جتهم منار وهم خلاص شوي ويطبون بالتلفزيون..
منار: ملاك..
ملاك ماردت عليها معد تسمع الا صوت النوز الي في السياره والفرامل..
منار: مــــــــلاك..
لسا ملاك ماردت هي الحين شبه موجوده..
منار ملت وقربت عند اذن ملاك وصارخت:مــــــــــــــــــــــــــــــــــــــــــ ــــــلاك..
ملاك ارتاعت وطيرت الي قدامها.. وصلت مع ملاك: نعم..ازعجتيني ..وش تبين..
منار: مره ثانيه اذا ناديتك ردي ولا بعيدها..
ملاك: خير ان شاءالله..
منار: وش فيك امزح..
ملاك مشت ترقيعتها البايخه: نعم وش تبين..
منار: نوره تبيك..وصح جوالك ازعاج له سنه يرن..
ملاك: طيب ياسبيكه كان جبتيه معك..
منار: انتي تقولين لحد يدخل في غرفتك..
ملاك: وش رايك تذلفين..
يزيد:ههههههه عصبت ملاك عصبت..
ملاك: كل تبن..تراك مافزت ..بس انا اصير بزنس ويمن في الاوقات الغلط..

صعدت ملاك وراحت لغرفتها بتشوف مين الي داق وتروح لنوره بعد.....دخلت ملاك لغرفتها..وخذت الجوال من السرير..لقت ساره هي الي داقه..
كملت ملاك مسيرتها وراحت لنوره تبي تشوف وش تبي..طقت باب غرفة نوره..
نوره: ميـــن..
ملاك: انا..
دخلت ملاك بدون ماتقول نوره تفضلي..مو لازم متعودين..
ملاك طالعت نوره لقتها تكلم..تركت على الباب بظهرها...
نوره تكلم الي بالجوال: اوكي..يالله باي..
لفت نوره على ملاك:يالدبه ماقلت ادخلي..
ملاك: معليش بس تعودت..
نوره: لاعادي مو هاذي مشكلتي الحين..
ملاك: وش فيك..
نوره: تخيلي ..عزيز عازمني على العشاء..
ملاك: احلى مين قدك..وين..
نوره: ماادري .. في مطعم..
ملاك: طيب .. مافيها مشكله..
نوره: طيب ..ماادري وش البس.. احس اني عربجيه بلبسي لازم اتنعم اصير زيك لوول..
ملاك: انا..وش لووله..
نوره: احس الي فيهم دلع يقولون لوول احنا هههه..فهمتي..يعني انتي دلوعه..
ملاك: طيب ..ولو اني مدري وين دلع معه..انتي مايعايرك عبدالعزيز بالدلوعه..
نوره: الا..
ملاك: طيب ..انتي مااعجبك الوضع..والحين تبين تصيرين دلوعه..
نوره: ملاك..تراك لحستيني..وبعدين انا ماقلت دلعيني قلت نعميني..
ملاك: انتي كلك نعومه..

رن جوال ملاك ..سارونه تتصل..
ملاك: معليش نونو برد..
نوره: عادي محد ماسكك..

ردت ملاك عليها..
ملاك: هلا بالغلا كله..
ساره: يالدبه وش فيك ماتردين..
ملاك: معليش بس كنت بعيده عن الجوال..
ساره: انقذيني..
ملاك ارتاعت: وش فيك..
ساره: مليت من المذاكره..
ملاك: الله يقلع بليسك خرعتيني..
ساره: ملاك انتي تذاكرين الحين..
ملاك: لا مليت وخلصت جزء كبير اليوم فقلت اكمله بكره..
ساره صرخت صرخة فرحه: يـــــــــــــــــــــس..
ملاك: ليه وش عليك..
ساره: ابي اطلع ..ابي اطلع..ابي اطلع..
ملاك: طيب اطلعي محد ماسكك..
ساره: لا ماابي اطلع بلحالي تقولين مسكونه..تعالي معاي..
ملاك: وين..
ساره: ماادري نتمشى..
ملاك: طيب مين الي بيودينا..
ساره: ندبرها بس قولي ايه..
ملاك: ماادري..
ساره: يارب ايه ..يارب ايه..يارب ايه..
ملاك:هههه شكلك شاربه بايسن اليوم..
ساره: لا ..الا..تقريباً...
ملاك: طيب دقيتي على منال..
ساره: ايه ماكله الكتاب من كثر ماتذاكر..ماادري وش عندها هالبنت انقلبت..اتوقع له علاقه بحمد..
ملاك: مايندرى..
ساره: طيب وش قلتي..
ملاك: اوكيه..
ساره: غراسييس ..ميغسي بكوو..شوكريا..ثانكس..شكراً..
ملاك: ههههههههههه ..
ساره: بشوف السواق اذا طالع ولا لا..
ملاك: لا يالدبه انا الي بجيبك اوكي..
ساره:بسـ....
قاطعتها ملاك:آ آ آ آ ..مو على كيفك رايحه معاي ولا بذاكر..
ساره: خلاص طيب..وعلى فكره ترى قلت طيب خوفاً عليك من المذاكره لاينفجر راسك..
ملاك: ههههههه عارفه عني..
ساره : طيب متى بتطلعين..
ملاك: اصبري ببدل..وشوي وبطلع..
ساره: اوكي..يالله باي..
ملاك: باي..

صكرت ملاك والتفتت على نوره لقتها بتاكلها بعيونها ..
ملاك: وش فيك..
نوره: الحين ابيك تحلين مشكلتي ..وتطلعين مع سوير..
ملاك: وش فيكم اليوم شايفيني فوزيه الدريعي..هاذي تقول انقذيني وانتي تقولين حلي مشكلتي..والمشكله ان مشاكلكم بايخه..هاذي حلينا مشكلتها..وانتي الحين بحلها..

فتحت دولاب نوره...وطلعت تنوره قصيره لونها بني محروق.. وفيها زي الرفعات وحركه مررره وماركه..وطلعت معاها بلوزه بيضاء حاير عليها صورة رموش عين مغمضه باللون البني ..ومكتوب عليها كلام بنفس اللون... بعدها طلعت اكسسوار لولو بني طويل تلفه لفتين من طوله .. وساعه بنيه من شانيل... وطلعت لها ليبس ستيك لونه لحمي بلمعه.. .

ملاك: هاه ..سوو سيمبل اند كيووت..والمكياج حطيه ناعم هادي..
نوره: ياحليلي والله ان ذوقي زين..
ملاك: المشكله ان الي يفتح دولابك بيستانس كل شيء جاهز بس يبيله تنسيق... يعني فاست شوبينق..
نوره: اقول وش رايك تتسندين..
ملاك: اصلاً بروح ابدل لاني بروح مع سوسو..
نوره: اوكي..
ملاك: طيب ياحلوة انتي متى بيجي ياخذك..
نوره: ماادري بس بيقول لي قبلها بساعه..
ملاك: اوكي..باي..
نوره: باي..

***************************************
Mراحت ملاك لغرفتها بدلت لبست بنطلون جينز ازرق غامق ..مع بدي فوووووشي..في زاوية البدي حرف
وحطت شادو خفيف وردي..وليبس ستيك وردي..واحمر خدود خفيف.. وطلعت من غرفتها ..

مسكت جوالها ودقت على السواق عشان يجهز السياره..
لبست عبايتها..وطلعت..

وهي في السياره دقت على ساره..
ملاك: ألوو..
ساره: هلا والله..
ملاك: اهلين..ياحلوه تراني بالطريق الحين..
ساره: اوكي ..جست أمومينت..دقيقه وانا برى بعد ..استناك..
ملاك: هههههههه نشوف..
ساره: يالله باي..
ملاك: باي..

صكت ساره من الجوال ..وكملت شغلها... وكانت لابسه تيشيرت اسود وبنطلون واسع كُحلي..حتى ماحطت مكياج ..بس كحل..والاساور ماليه يدها ..تقولون عربجيييه..

[**MoOn LiGht**]

ماامداها شوي الا رن جوالها..ملاك المتصله..
كانت ردة فعل ساره انها فتحت عيونها وكشرت: اوبس..
ساره:مرحبا..
ملاك: مرحبتي..يالله ياحلوه اطلعي..ولا صح انتي الحين برى..ههههههه
ساره: هههههه وانتي مصدقه الله يهديك..تفضلي ادخلي البيت تقهوي..اقل شي اشربي كاس مويه..
ملاك: يووه يادبه ليه ماخلصتي..وانا كنت خايفه اني متأخره عليك..
ساره: لا والله تفضلي..حياك الله..
ملاك: آآآآآه .. ياشينك يادبه..
ساره: يالله بفتح لك الباب ..خلصت بس بسوي شي بسرعه..
ملاك: اوكي..

فتحت ساره لملاك الباب..
ساره: حياتس الله ..البيت بيتتس..
ملاك: مايركب ابد ..وياحلوه وش عندك خبري انتي كوول موو رووك..
ساره: سوو وات..خلينا نغير وش ورانا..

جتهم نواره..وشافت ملاك..
نواره: هلا والله بملاك ..
ملاك: هلا فيك..
نواره: كيف الحال..
ملاك:تمام الحمدلله..انتي شخبارك..
نواره: تمام الحمدلله... وش عندكم..
ساره: بنطلع..تجين معانا..
نواره: والله ماادري..
ملاك: تعالي..شكل الدبه اختي ساحبه عليك..
نواره: لا ..ياليتها تسحب نشبه..ههههههه
ملاك:هههههههههههه ..طيب تعالي معانا ..الطلعه مالها طعم بدونك..
ساره :احم احم احم..
ملاك لفت على ساره: اقول بدونكم ماسمعتي..
ساره: طيب انا وش قلت..
ملاك : الشرها مو عليك الشرها على الي يلعب عليك ويمدحك..
ساره فتحت عيونها: ياسلام..
ملاك وهي مبتسمه: المهم.. يالله تجين معانا..
نواره: اوكي ..شكراً على العزيمه..
ساره: لا شكر على هوم وورك..خخخخ
نواره وملاك:ههههههههه..

طلعوا الثلاثه وشيكوا على منال اذا مره ماتبي تجي..وقالت لهم انها تعبانه وبتجلس بالبيت..
استانسوا وفلوها .. وفي الاخير قالوا بيروحون للمطعم..
كان المطعم مفتوح..والحلوات كانوا متلثمين... فتشوا بما انهم في مطعم وبيهبل بهم الغطا..خربوها اليوم..
نواره: بنات وش تبون تطلبون..
ساره: أي شيء..
ملاك: اكره كلمة أي شيء..
نواره: عطيني جواب..
ساره: زيكم..
نواره: متأكده..
ساره: ايوه..
نواره: وانتي ملاك..
ملاك: يعني كلنا بنطلب ــــــــــــــ..
ملاك وساره: ايوه..
نواره: اوكي..بروح اطلبه..

راحت نواره..تبي تطلب لهم..سكتها شي انصدمت يوم شافته...شي حاولت تنساه ويوم بدت تنساه رجع الحين..ليه يرجع..


================================================== =================


كان هذا الشي مشعل... نواره كانت تشوفه من ورا مو متأكده انه هو..
لف بياخذ الطلب ..طلع هو نفسه مشعل..كان شكله مرره خربان ..ماحلق ذقنه..وكان وجهه تعبان.. وواضح عليه ان احواله شينه..
نواره في بالها( مشعل !!.. انت مشعل !! .. وش فيك حياتي..شكلك تعبان ... من وين طلعت.. ويوم كنت انتظرك ليه ماجيت..ليه فجأه اختفيت..انت ماقلت لي انك تحبني ..ليش اختفيت وشلت همي..ماتدري ان قلب احد كان معاك..مالاحظت بثقل بصدرك... وينك يوم احتجت لك...)..
من كل هالافكار حست ان دمعتها اثقل من ان عيونها تشيلها..نزلت الدمعه... مع كل الي سواه مشعل لها ..ماكرهته..تحس انه حياتها..تحبه..
مسحت نواره الدمعه وحاولت انها تبعد قبل مايشوفها مشعل..ماتبي ترجع تخلي حياته كئيبه..

جت ساره لنواره..
ساره: نواره وش فيك تأخرتي..

رن اسم نواره في اذن مشعل ولف على طول.. يبي يشوف هي نوارته ولا نواره ثانيه...بمجرد نظره حس انه رجع للحياة...(نواره..اخيراً لقيتك..أنا آسف..كنت غبي يوم قلت ببعد عنك..سامحيني..بس كنت اتوقع انه افضل لك ..والحين انا ضايع ماادري وش الصح من الغلط..ابيك توقفين بجنبي..لأني اتمنى اكون بجنبك من بعد رضاك ..)..

كل هذا مر في عقل مشعل وأكثر..
ساره كانت مستغربه من هالنظرات الي بين نواره وهالرجال الغريب..
نواره: سوري تأخرت..بس انا برجع للبيت..معد ابي آكل..واذا بغيتي شي انتي وملاك دقوا علي..
ساره: لحظه..ليه بتروحين..
نواره مالفت وكملت مشيها..وهي غرقانه بالدموع..
(اثاري ذكراك معد هي بذكرى..رجعت عشان تصير واقعي هالحين..يوم بديت انساك ..رجعت...غريبه بسمتك بشفاتك يوم شفتني..وانت الي طلبت الفراق..وانت الي بديت به...والله عجيب..بس لقيت مين يحبني مشاري...,تذكر يوم خليتني اعيش عليك واموت بفرقاك..تذكر يوم طحنا ببعض ولقيتك ولقيت الحب فيك..تذكر يوم كنا حبايب وتخليت عن الحب ولاعطيتني ولاسبب..حتى الحرف مانطقت انا لسا ابي اعرف..لي تركتني... وليه ماكرهتني).. كل الافكار تجمعت بعقلها..وهي لسا مقتنعه انها بتروح وبتخليه يضيع مره ثانيه..


ساره استغربت من حركة اختها... ولسا تشوف مشعل كان معبس وضايق صدره لان نواره راحت مره ثانيه..
ساره بكل جرأه: السلام عليكم..
مشعل انتبه لها: وعليكم السلام..
ساره: ممكن تقول لي مين انت..
مشعل: معاك مشعل..
ساره رافعه حواجبها: وضح اكثر..
مشعل مالقا رد لسؤالها..
ساره: طيب كأنك تعرف اختي..
مشعل: ايه.. كانت علاقه قديمه.. (قالها وبدون نفس)صداقه..
ساره استغربت هي تعرف عن مشعل كانت تقرا هالاسم بكل مكان تمر به نواره..بعدها جتها فترة كآبه ومع الوقت تعدلت..
ساره: انت مشعل..
مشعل ابتسم حس ان نواره لسا تذكره لانها قايله لاختها عنه: ايه..
ساره سألت سؤال حبت تعرف وش وراه: طيب .. انت تحب اختي..
مشعل كان يبي يقول ايه بس كان يبي اول وحده تعرف عن حبه هي نواره بنفسها..فمارد على سؤالها..

شوي الا ملاك جايه... شافت ان الوضع بين ساره وواحد ماتعرفه بشرار..
ملاك: ساره..وين نواره..
ساره: رجعت للبيت تقول انها تعبانه وانقلبت احوالها..
ملاك: اوكي..طيب وش رايك نرجع احنا بعد..
ساره: اوكي..بس شوي بكلم مشعل بشي وبجي..
ملاك استغربت من هالولد الي ماتعرفه وشكله كئييب: اوكي ..تلقيني برى..
ساره : اوكي..

طلعت ملاك..وجلست ساره تكلم مشعل تبي تفسير للي صار ومين هو.. ومشعل كان يرد على اسئلتها لانها اقرب وحده لنواره..ويبي نواره هو يحبها..

بعد كم من سؤال من اسئلة ساره..
ساره: ابي اسألك سؤال اخير...يوم انك كنت تحبها ليه تركتها..
مشعل سكت شوي ..وساره لاحظت سكوته وحست ان عنده سبب تافه..
ساره باستحقار: وترجع لها بعد..( قامت تبي تروح)..
مشعل بسرعه رد: لحظه ياساره..
ساره لفت استغربت انه يعرف اسمها ويمكن هو تارك اختها نواره من سنه تقريباً وحست انه يعزها من قلب..
مشعل وهو يكمل كلامه: انا ماتركتها..انا جيت بخطبها بس صار لي موقف حاس علي كل شي .. وكله من شخص واحد..هو كان يعرفني من قبل.. وماكان يطيقني.. وهالشخص هددني بنواره اختك..
ساره حست انها تأخرت على ملاك فقاطعته.:طيب شوف الحين انا تأخرت عن صاحبتي عطني رقمك وبعدين اشوف كل شي..
مشعل اضطر انه يعطيها رقمه عشان تشرح لنواره كل شي: تفضلي ــــــــــــــــــــــــــــــــــــــ0505..
ساره: مشكور..(حطت رقمه بالشنطه)..
ساره: مع السلامه..
مشعل : مع السلامه..

طلعت ساره..وراحت عند ملاك..
ملاك: اخيراً..
ساره:يالله ياحلوه.. منها السواق موجود ماننتظر..
ملاك: يالله..

ركبوا السياره...
ملاك تكلم السواق: روح ودي ساره صديق انا..
ساره: الله الحين صرت صديقك..
ملاك: هههههههههههه.. لا اهجدي بس..ولاتعلقين..
ساره: اوكي ..ات ايز يور شويس..
ملاك: احس اني دايخه.. ياحليلها نوره عازمها عبدالعزيز على العشى..
ساره: يالله عقبالنا ان شاءالله..
ملاك: آمين..ههههههه..
ساره: لاتضيقين صدري ..تراني ابي واحد نفس الي في بالي نفس الصفات الي في بالي نفس الشكل الي في بالي..يارب تتحقق..وابي اعرفه قبل مايخطبني مو على طول..
ملاك: مااتوقع انه فيه امل..اصبري يمكن لو بعد الخطبه بيصير احسن لك..
ساره: والله مادري بس ان شاءالله يطلع زين..يوووووووه..
ملاك: وش فيك..
ساره: بكره بذاكـــــــــر .. مالي خلق استغفر الله..
ملاك: الحياة صعبه..
ساره: بجــــــــــــــــــــــد..
ملاك: المره الثانيه ..اذا تذكرتي شي شين مو تذكريني معك وتضيقين صدري..
ساره: اصلا انا ليه متذكره..بس عشان اهبل بك..
ملاك: ضيقتي صدرك ع الفاضي..لاني مااهتم..
ساره: ياشينك..
ملاك: زعلتي..
ساره وهي مكشره: ايه..
ملاك: زين ..سويت الي ابيه..
لفت عليها ساره: ياسلام..
ملاك:ههههههههههه..
ساره: خلاص زعلت..
ملاك: والله زعلتي..
ساره: ايه..
ملاك: ليه تزعلين ..اعقلي بلا حركات البزارين هاذي..
ساره: انتي الحين تحاولين تراضيني ولا تزيديني زعل..
ملاك: ماادري..الي يجي..
ساره: يادبه كله منك الحين تحطمت وماراح اذاكر بكره ولا راح انجح ..
ملاك: مصلحتك..
ساره: داريه بس انتي تخربينها..
ملاك: للمعلوميه ترا كلامك لحس..
ساره: لا تخافين كلنا بالهوا السوا..
ملاك : بالزبط..

وصلوا لبيت ساره ووقف السواق قدام بيتهم..
ساره: يالله باي..واذا مليتي من المذاكره دقي علي..وش ورانا نطلع مره ثانيه..
ملاك: والله هذا شي مااتوقع انه بيصير..والعكس صحيح..
ساره: ههههه لا والله بجد دقي .."كيب اون تتش"..
ملاك: من عيوني..يالله باي..

دخلت ساره لبيتهم واتجهت ملاك لبيتهم..

=============================================

منال المصرقعه كانت تذاكر عند خالد..يعني هو اصلاً يبي يزعجها ..ويبي يخرب عليها..ويبي يحوسها..
في الاخير هي الي ازعجته وهي الي خربت عليه وهي الي حاسته..

منال: خالد..ابيك تسألني من الكتاب..
خالد تنهد(يالله ..ياربي وفقني وريحني من هالبنت): اقول ماتلاحظين انك ازعجتيني..
منال: انت كنت تبي تجلس معاي ..فقلت بازعجك..اقصد بجلس معاك..
خالد: بس سؤال وتنقلعين..
منال: اوكي..
خالد سحب الكتاب ..ضاعت علومه في البدايه بعدين: يالله..ماهي الطريقه الوحيدة للتخلص من منال؟؟..
منال: هاذا السؤال جوابه قوي..اوكي يالله ..1-ان لايفكر الشخص الاخر بان يزعجها..2-ان ينفذ طلباتها..3- ان يروح الحين يجيب لها شوكلاته لانها مشتهيتها..
خالد: يالله انتم يالبنات..اذا صار عند البنت اختبار تتوحم تبي كل شي..
منال: ايه لاتلومنا..مناهجنا اصعب من مناهجكم..انتوا مناهجكم سهله..ياخذونكم على قد عقولكم..
خالد: اقول تسندي ابرك لك..قال ايش قال سهل..هئ..
منال: شفتا ..صعب عليكم لانكم سبكبك..طبعاً مو كلكم سبايك..في ناس عاقلين..
خالد يحسبها تقصد حمد: زي..
منال والله ماهي معاه: زي مايكل سكوفيلد..
خالد: عفواً مين هذا..
منال: هذا ممثل اسمه وينت وورث ميلر..بس في مسلسل طالع اسمه مايكل سكوفيلد..
خالد: ماشاءالله عليك..عارفه انه ذكي ..اقول متى اخر مره زرتيه..وشلون اهله..
منال: لاتستخف دمك..معروف هذا ..وواضح من وجهه ونظرته ان وراه دواهي..
خالد: اقول الجو رهيب..
منال: ياثقل دمك...وتراني تاخرت بروح انام ابرك لي من اني اقابل هالوجه..
خالد: ناس يتمنون يقعدون قدامه..
منال: مشكلة الثقه الزايده..وتكون على خالي بلاش..
خالد: اقول وش رايك تنامين..
منال: انا ماانتظر شورك..
خالد: والله ان حسيتي بصقعة شي عليك..لاتلوميني..
منال وهي شايله كتابها وع الدرج: لومينا ولا لمبرجيني ه ه ه ه(ظحكه بدون خلق)..
خالد مسك بطنه يستهزأ: ابي اظحك..ابي اظحك..
منال: اهجد لاينط فيك عرق..
خالد: مقدماً استعدي للصقعه..
منال: ايه اشوف مايكل جوردن بيصقعني..ترا ماتصيبني دامها من يدك..
خالد: عشان ماتزعلين ماراح تصير من يدي ..لا بتصير بيدي..
منال: يوه اموت ع الفرق الشاسع انا..
خالد: تلايطي بس..
منال: يابغضني لك..

رقت منال لغرفتها وهي مطنقره ..مايسوى عليها تذاكر..
يوم وصلت لغرفتها لقت في جوالها 4 مكالمات..شافت من مين لقتها..3 من حمد ووحده من نفس رقم بدر.. هي ملت من هالبدر الي بالشها..خلاص قررت بتعلم عنه احد..قالت تقول لخالد ابرك لها..
منال: الله يزعجه مثل ماازعجتني....خلني ادق على دح دح بعدين بخلي خالد يطب فيه..
مسكت منال الجوال ودقت على حمد..
حمد: مرحبا..
منال: مرحبتين..كيف حالك..
حمد: تمام الحمدلله..انتي شخبارك..
منال بدون خلق: أيــه..
حمد: وش فيك تقولينها بدون خلق..
منال: انت الله يهديك ..خاصبني اذاكر..يعني انا ذكيه مايحتاج..
حمد: صح عليك بس اخذ الاحتياط واجب..وعلى فكره فيه مرهم مخفف من الثقه الزايده..تبين اجيبه لك..
منال: لا شكراً..ولا تدري جيبه يمكن تحتاجه..
حمد: يالله بس ..
منال: الزبده..انت داق علي ..هلا شو عاوز..
حمد: والله حبيت اشوف اوضاعك تذاكرين ولالا..
منال: الا اذاكر بس نزلت ابلش خويك شوي من الملل ..
حمد: طيب وين وصلتي في المذاكره.. خلصتي الفهرس..
منال: والله انك تحطم ماتلاحظ..عطني تشجيع..
حمد: قصدك حماس..
منال: يازينك وانت ساكت..
حمد: طيب اسمعي ..لك وعد مني اذا جبتي درجات زينه بجيب لك هديه ..
منال: والله..ترا مااصدق انا..
حمد: وعد ..بس وين الدرجات..نستنى..
منال: اصبر علي..بس مو تحطمني بشي بايخ.. وصح وشلون بتوصلها لي..
حمد: تراني ادخل بيتكم عادي ولا نسيتي..
منال: ايه بس بتدخل عند خالد ومااتقدر توصلها..
حمد: ولايهمك انتي تكلمين حمد ..بس انتي جيبي النتايج واقول لك كل شي بالتفصيل..
منال: يالله اجل وش نسوي ورانا ورانا هالمذاكره..
حمد: ههههههههه الحياة بالوان..
منال: ايه مع الاختبارات الوان فلوماستر الفاقعه..
حمد:هههههههههههه..ياعمري متعقده..
منال: بقووه..اوكي ايفري مان فور هيم سيلف..
حمد: وش دخل هذا في ذاك..
منال: توقع أي شي..يالله تامر على شي..بنام تعبت..
حمد: سلامتك..
منال: الله يسلمك باي..
حمد: باي..

صكرت منال وهي تتثاوب..انسدحت على السرير وهي تفكر بحمد..تبغى تعرف وش بيجيب لها..
ذكرت ان بدر داق عليها وقالت بتروح تقول لخالد ..فقالت بتمسح اثار مكالمة حمد..وكل شي..

نزلت منال عشان تعطي خالد خبر عن السبيكه بدر.. وهي درج سمعت صوت واحد غريب..ماعرفته...كان يشبه صوت احد تعرفه بس ماتدري مين هو..تسندت على الجدار تبي تسمع وش يتكلمون عنه...
خالد: يالمصرقع..تحسب الناس مثلك ماوراهم لاشغل ولا مشغله..
.........:انا مالي دخل جاي بس اقول لك عن حمد شي..
خالد: نوافوه..اخوك طيب هو الي قايل لك..
نواف ابتسم: لا ماقال لي بس ابيك تساعدني..
خالد: طيب وش السالفه بالضبط..
نواف: اقول..انت تحب حمد..
خالد استغرب من هالسؤال التافه: وش الهدف من السؤال..
نواف: جاوب وبتعرف..
خالد: ايه ..افاا عليك هو صاحبي من سنة جدي..
نواف: طيب لو..يعني...
خالد:ممكن تعجل..
نواف: انا آسف اذا ازعجتك..بس اخوي دايخ على اختك..(وقال بسرعه)..بس لاتعصب ..
منال كانت خاااقه..ماتت البنت..من جواها تصارخ(آآآآآآآآه..يحبني ..يحبني..)<< حالتها صعبه..
(نواف هذا اخو حمد..هو اخر العنقود..عمره 13 سنة..علاقته مع حمد مره زينه بس فيها تعقيد<<عيال)..
خالد ببرود: طيب..
نواف استغرب من ردة فعله: طيب وشو..
خالد: انا عارف..اخوك سبيكه مايعرف يخبي..
نواف: داري لدرجة اني انا عارف..
خالد: طيب وش كان الهدف من انك تقول لي..
نواف: بصراحه بصراحه..
خالد: ايوه..
نواف: جاي بعطيها هديه منه..
منال انهبلت..(اثاريك مخربها ياولد ال..... الله لايخلينا منك.. والله طلع حمود رومانسي)..
خالد: اوف الاخ صار يمون..
نواف :عادي..هديه تعبيريه..
خالد: اشوف وين الهديه طيب..
نواف: لحظه شوي..

كان مخبيها ورا الباب وجابها..
خالد: عطني بشيك..
نواف: حرام عليك لاتصير ملقوف على حساب غيرك..
خالد: ليه وش فيها هي..
نواف: وانا وش يدريني..
خالد: والله شوف قول لاخوك ..آول مره..وآخر مره..
نواف: ان شاء الله..
خالد: يالله تبي شي بعد..
نواف: انا ابي اعطيها..
خالد قبص خدود نواف: يازينكوم والله تبي تعطي منولي..
(عن منال هي الحين ساهيه خاقه وتبي تعرف وشي هديتها)
نواف فك يد خالد: ايه ودي اعطيها..انا مااضمنك يمكنك تتلقف ..ولا ماتعطيها بالعربي الفصيح..
خالد: ترا بس عشانك صغير ولا تذلف..
نواف غمز: عيونك الصغيره يابابا..
خالد مسك راس نواف وسحبه: اقول امش بس يالمهستر..
طلع خالد جواله من جيبه: اصبر بشوف اذا هي صاحيه..بقول لها تنزل..

منال استوعبت انه بيدق على جوالها .. على طول طمرت لغرفتها....يوم وصلت لباب غرفتها..دق الجوال..

منال مسكت الجوال وردت وهي تتنفس بقوه:ألووو..
خالد: الوو..وش فيك تتنفسين كذا..
منال: هاه..لا بس كنت..كنت..كنت ارقص..
خالد: الحمدلله فيه احد يرقص في عز الليل..
منال: انت وش عليك..وش تبي..
خالد: تعالي تحت ..بعطيك شي..
منال: اوكي..

وقفت منال عند المرايه متحمسه تبي تشوف لبسها..بيجامتها ماعليها حلوه مره ماكانها بيجاما..وناسه يعني..
نزلت منال مسويه ثقل ماتدري وش السالفه..شافت نواف..
منال: هلا والله بنواف..
نواف: هلا بك..
منال مسويه ماتدري وش السالفه: هلا خالد بغيت شي..
خالد كان رايح للمطبخ مسوي مايهتم: نواف جايب لك شي..
منال شافت خالد راح: وش جايب لي..
نواف: هديه من حمودي..
منال حست انها شي..: غريبه..
نواف: اشوى طلع الي في بالي صح..
منال: وش الي في بالك..
نواف: انك انتي تحبينه..
منال طلعت خدودها حمرا:طيب هو موصيك تجيبها..
نواف : لا لعبت عليك ..بس جيت ابي اشوف صح الي في بالي..هههه
منال عصبت: لا يالبايخ..
نواف: هدي هدي..الحين انا العب ..(مد الكيس لها) تفضلي..
منال خذت الكيس وهي مااستوعبت..
نواف يستخف دمه على اخر الليل: اقول منال..تبيني اوصل شي لحمد..
منال: شي.. زي ايش..
نواف: مدري..يمكن..بوسه..بس لاتضمنين اني بوصلها..
منال: طيب اسمع بعطيك شي ثاني توصله..
نواف تحمس: وشو..
منال: مدري ..يمكن..صقعه ولا فلقه ولا تدري..كلهم يصير 2 في واحد..
نواف: لا شكراً..
منال: روح يالمراهق بس..
نواف: ان شاء الله سنيوريتا..ومااوصيك ..قولي لحمودي ان العمليه تمت بنجاح..(رفع يده كانه جواله..وحرك حواجبه)..
منال: يالاقشر..يالله ان تكبرك..
نواف طلع:سلمي لي على خالد..مع السلامه..
منال: مع السلامه..

على طول صعدت منال لغرفتها ..ماودها تناقش خالد.. فتحت الكيسه لقت علبه كبيره وبطاقه..خذت البطاقه وقرتها..
مكتوب("السلام عليكم ورحمة الله وبركاته..
الى منولي.. هذي هديه تعبر لك عن الي جواي.. ان شاء الله تقبلينها..
ملاحظه/ ماتفتحينها الا بعد الاختبار الاول..")
وكان مكتوب في الزاويه بخط صغير مره ومو واضح لونه..< احبك يالدبه>..
تشققت منال.. صارخت وهي صاكه على اسنانها.. بس انقهرت لانها بتفتحها لما تخلص الاختبار الاول..

خالد مااهتم..بس حس ان خويه مخلص بحبه..لانه مااخفاه..واستانس لاخته لانها حبت واحد يحبها ومخلص.. والمشكله انه مخربها وعارف ان منال تكلم حمد..<< والله ماعنده ماعند جدتي..

نهاية الجزء الرابع......


والحين اصبروا اليييي ما اكتب الجزء الخامس يعني ريضين

[بنوته خجوله]

يسلموو mo0n LiGht على البارت
وننتظرك في البارت الخامس
(ننتظرك بحماس)
تحياتي
بنوته خجوله

[بنوته خجوله]

مرحبا Mo0n LiGht

يلا ننتظرك بليييييييز نزلي البارت
وبليييييز خليه طويل
تحياتي:
بنوته خجوله

[بنوته خجوله]

يلا تأخرتي علينا كثييييييييييييير... بليييز نزلي البارت قبل ما اسافر <<<<انا راح اسافر يوم الخميس

تحياتي
بنوته خجوله