روايتي رواية ملاك الروح..غرقانه في بحر الذكريات..رواية من تأليفي..

[**MoOn LiGht**]

=========================================
منال كانت في البيت جالسه في الصاله مع خالد...متحمسن مع الفيلم..وزياده على كذا كان فيها النوم....
خالد: الحين احنا ليش متحمسين مع هالفيلم الخايس...
منال: ههههههه مدري ..بس مو خايس مره..عشان الحلوه ماتت قلت خايس..
خالد:ياللـــــــــه كلن على همه سرا...
منال: للمعلوميه انا ابي انام ...بس مااقدر طار النوم..
خالد: طيب روحي نامي..بدري عليك قايمه بدري..
منال: لا وش ينومني خلاص..
خالد: طيب بالأصح..مين مقومك..
منال ذكرت موضوع بدر: أيــــــــــــــــــه..صح..خالد..في واحد مزعجني على الجوال كم من مره يدق علي وانا ساحبه عليه..والي يرحم والديك ..أدبه..
خالد رفع حواجبه: من متى طيب وهو يدق عليك..
منال: من امس مدري قبل امس ..بس ماامداني اقول لك...
خالد :طيب عطيني رقمه..
منال سكتت وعطته نظره..
خالد: وش فيك..
منال: وأنت مصدق بأحفظ رقمه عندي..
خالد: طيب ..وشوله تقولين لي وشلون ااادبه الحين..
منال: طيب اسمع اذا دق مره ثانيه..بعطيك رقمه...
خالد: طيب..خلاص..
منال:ياثقالة الدم..لا وازيدك من الشعر بيت..يتميلح يقول(وهي تقلد سالوبه بطريقه غبيه) اسمي بدر..
خالد: وحافظه الاسم يالسنعه..
منال: ياثقل الدم..
خالد: ههههههه اهاا من ورانا..
منال: قسمً بالله ياخالد ان ماعقلت ..بتلقى اقرب كاس في وجهك..
خالد :لا شكرا..

دق جوال منال وكانت ساره هي المتصله..
منال: هلا وغلا..
ساره: اهلين..
منال: كيفك..
ساره: الحمدلله تمام..انتي كيفك..
منال: الحمدلله...
ساره: منولي ..اسمعي ..ترا نوره اخت ملاك تبي تفاجأ ملاك اليوم...عزمتنا نوره وتقول ان ملاك ماتدري يعني خلوها مفاجـأه..اوكيه..
منال: الله وناسسه..اوكيه..مفاجأه يعني مفاجأه......طيب الساعه كم تقريبا بجي..
ساره: لا ياحلوه..انا بمرك ..اول شي تنزل نواره اختي بعدها بتدق نوره وننزل من السياره..اوكيه..
منال: تقريباً كم بياخذون من وقت..
ساره: مدري بس يكفي اننا نمر ع البقاله ..ههههههههه..
منال: خلاص اجل بجيب محفظتي..ههههه
ساره: سنعه..
منال: طيب انا وش بسوي ماعندي لبس زيين..
ساره: البسي فستان..
منال استغربت: من جد والله..؟؟!
ساره: بسم الله عليك الرحمن الرحيم ..وين من جدك صدقتي..منتب صاحيه..
منال: واعليا مانمت زين..
ساره: اهااا انا اقول وش وراها البنت..
منال:هههههههه..طيب جبتي لها هديه..
ساره: ايه هديه عاديه مرره ..عطر..
منال: انا جايبه لها صندوق فيه علاقه وخاتم..
ساره:يالله علينا برائه..انشاءالله تعجبها..
منال: الا قولي انشاءالله تقبلها..
ساره: ايه وش وراها...
منال: مايندرى..ماشاءالله على نوره مع ان ملكتها بكره الا انها مهويه وعطت اختها فرصه ..
ساره: االله يحفظهم لبعض..
منال لفت على خالد الي يطالعها من اول مابدت تكلم "يحسبها ملاك":أيــه ..مالت على الي عندي..هذا وهو ولد بعد وعنده سياره..كش علي..
ساره: طيب اسمعي يمكن اروح للسوق اشوف لي لبس احسن من الي عندي مادش في بالي..
منال: بجي معك ..انا ميح ماعندي لبس يبيض الوجه..ابي اتسنع....نبي نخطب ههههه..
خالد هنا رفع يده: الحمدلله رب العالمين..
منال: وش عليك انت ..يالله لقافه..
ساره:طيب بمرك اوكيه..
منال: كان احسن..
ساره: اوكيه يالله باي..
منال: يالله باي..
صكروا مع بعض...
=====================================
ملاك كانت جالسه مع نوره يفطرون..
ملاك: يالله يانوره..كل شي من يدك حلو..
نوره: والله اني حركات..من قدي..
ملاك: طيب ..كل يوم بتطبخين للامير..
نوره: هو يقول انه ماراح يخليني المس الارض..هنا المشكله ..
ملاك: تخيلتك ..في المطبخ تقولين له ..ودني هنا..ودني هناك..كل هذا عشان تسوين شكشوكه..هههههههه..
نوره:ههههههه ..
ملاك: والله انك دبه ماطلع طبخك وخرابيطك الا يوم جيتي بتروحين..
نوره: هذا الموضوع ماراح يضيق صدرك عليه يابنت الحلال..
ملاك: يعني له دخل بالخبر..
نوره قامت وشالت صحنها ..ورفعت كتوفها: ماادري..
ملاك:احلا يالسنعه.. وين رايحه..وحركات مو عادتك..
نوره: خليني انا خلاص بعرس..
ملاك: اوكيه ..خذي شيلي معك طيب..
نوره: عفواً..قومي..تحركي..
ملاك: الحين انا اقوم ..اجل عبدالعزيز وش بيسوي..ههههه
نوره: لا عبدالعزيز عاد شي ثاني..
ملاك: اكيـــــــــــــــــد..

قامت ملاك وشالت مع نوره..مكرمه..وراحوا للملحق..شوي ودهم يستهبلون..
نوره: تصدقين لو يخلون الجامعه بكره اوف احسن ..يصير اربعاء وخميس وجمعه..
ملاك:وش نسوي.. مو بيدي..
نوره: طيب ودي ارقص..
ملاك: عربي ولااجنبي..
نوره: لا مشتهيه رقص اجنبي ...
ملاك: يالله اصبري اتنقى لك أي سيدي..
ملاك طلعت سيدي ..شكلهم ساحبين عليه بقوه...
ملاك: خلينا نجرب هالسيدي..
نوره: من وين طلعتيه هذا ..ترا اغلب اغانيه هنديه رجه..
ملاك: طيب وش ورانا رقصك الهندي روووعه..
نوره: احم احم..ههههههه
ملاك:هههه يالله نشغله..
طلعت اول اغنيه ..اغنيه jhoom barabar jhoom...اغنيه تشجع للرقص مره..وطويله<<هنديه..
نوره: يوووووه ..ونااااااسه قومي ارقصي معي..
ملاك: لا مااابي ارقص..
نوره قربت منها ومسكت يدها وسحبتها وجلسوا يرقصون ..كان الجو وناسه خبال مره يضبطون حركه جديده ومره يتهزون على حركاتهم..
تعبوا شوي وهجدوا..وهم يظحكون على استهزائهم..
نوره: تدرين ان الهنود يستمدون حركاتهم في الرقص من الألآت..
ملاك: هههه وشلون يعني..
نوره: يعني تمسك الساري وتدور...ياماخذتها من المروحه ولا الخلاط..
ملاك:ههههههههههه..
نوره:هههه والله بجد...ولا تفر يدها ..تقول تعصر برتقاله ولا ليمون..
ملاك :هههههههههههه..
نوره: بس وناسه مع كل هذا وناسه...
ملاك: تصدقين ..وناسه اذا فهمتي لغتهم..
نوره: ليه انتي تعرفين..
ملاك: اعرف كلمات ...بس مااعرف جمل..
نوره: على سبيل المثال..
ملاك: نقول ..امممم ..ايه.."جاندني"..
نوره: هذا اسم هندي ...ولا..
ملاك: الا ..بس معناته..ضوء القمر..
نوره: الله وناسه..
ملاك:هههههههههه..
ملاك تكمل كلامها: اقول نوره..من زمان ماكلمتي عبدالعزيز..صح..
نوره: صرت استحي منه وقلت له ..ان الملكه قربت..
ملاك: ماقد شافك صح..
نوره: شوفي قبل مايخطبني ..شافني يوم كنا مسافرين كان معانا بس ماشافني زين..
ملاك:اهاا ..وبعد الخطبه..
نوره: وبعد الخطبه ..نفس الحاله شافني من بعيد ..موو واضحه ملامحي..
ملاك: ياأنه بيدوخ اذا شافك زين..
نوره: والله اني اخاف العكس..
ملاك: وليه ياماما ..انتي تهبيلين تجننين(قبصت خدود نوره وجلست تفرها)..
نوره: ايييي ..خدودي..
ملاك: يالله تدنن..قطبه..
نوره:هههههه حشى..
ملاك تبي تشوف ردة فعل اختها: يووه وناسه ..بكره بتجلسين جنبه..
نوره: خايفه..
ملاك: الحمدلله..خايفه من ايش؟؟
نوره: ماادري.. بس خايفه يطيح وجهي..
ملاك: لا لاتخافين..تبين ادخل معك..
نوره بسرعه: لا شكرا..
ملاك:هههههه والله..نيو جينيريشن(الجيل الجديد)..
نوره: مالك شغل..
ملاك: طيب..مااوصيك بكره خليه يدوخ منك..ابيك تطلعين ريحته..
نوره: لا توصين حريص..ههههه
ملاك: اشوى اني ..مو عبدالعزيز..
نوره: وليه انشاءالله..هذا وانتي الي توصين عليه بعد.. قولي لي ليه..هاه..
ملاك تبي تنقذ نفسها: كان مت من الجمال الي قدامي..
نوره: والله صار عندك خبره في الترقيع..
ملاك:الحياة تعلم الشطار..
نوره: يالله... تحريف في الامثال..
ملاك: معليش الحياة صعبه..
نوره: من جد..
================================
منال كانت تتجهز لان ساره بتمر عليها عشان يروحون السوق.. يوم جت ساره دقت على منال..
ساره:ألووو..
منال: هلا والله...
ساره: اهلين..يالله تراني عند الباب..
منال: يووه احلفي.. اصبري طيب شوي..
ساره: لايكون ماخلصتي..
منال: الا خلصت بس شوي وانا جايه..
ساره: كالعاده لازم نستنا الأميره ..بعد ساعه على الاقل هي راكبه..
منال: لاحرام عليك شوي بس..
ساره: بعد لك من واحد الى عشره واذا مالقيتك في السياره بمشي..
منال: زيدي صفرعليه لوو سمحتي..
ساره: لاااااه..تبين كاتشب فوقه بعد..
منال: هاهاها اصبري وانا جايه..خلاص انتي تضيعين الوقت..
ساره: يالله باي..
منال: باي..

منال البارده كانت تكوي العبايه من زود البروده ..والعربجه..العبايه محيوسه ولا تتميلح ماخلصت شغلها لين الحين..
منال: اخيراً خلصت..
خالد مر عليها: هيي..انتي..مين الي عند الباب..
منال: ليش.. وش شايفني..
خالد: لان فيه بنت بالسياره..
منال: ايه هاذي صاحبتي ..
خالد: مين أي وحده..
منال: ماشاءالله عليك مابقيت اللقافه لاحد..اناني وملقوف..
خالد: تراني ساكت ..لاتخليني اطب فبطنك واعلمك مين خالد..
منال: لاوالله..يالله جرب..
خالد: والله لو ان البنت ماتستناك برا كان الحين انا ماسحك بالارض..
منال: يمه..الا اقول خالد..
خالد: سبحان الله..
منال: اقول اسكت بس ..تصدق اليوم بتدخل ملاك ال20..
خالد : طيب..اصفق لها..
منال: ياي مسوي ثقل..
خالد: اقول روقي بس..
منال: انشاءالله..
خالد نفخ: يالله البنت تستناك..
منال: ايه..صح..
منال كانت تنزل بسرعه وركبت السياره..يوم لفت على ساره لقتها محممممممقه..
منال مسويه براءه ابتسمت في وجه ساره..
ساره: عمرك ماتتغيرين ..
منال: اسفه والله اسفه..
ساره: اقول خلي الاسف لغيري..(ولفت راسها ع الجهه الثانيه)..
منال: ساره..سوسو..سارونه..بلا زعل..
ساره: لا انا ماازعل بس افكر لايكون المغرب بتصيرين كذا بارده..
منال: لا انشاءالله..

طبعاً السايق يستنى الامر بانه يمشي..يعني كان واقف..
منال: اقول ساره..يوم اننا بنوقف برا البيت ندخل نقهويك احسن..
ساره: طيب..اسلوبك وصخ ياشيخه..
منال: عادي ..انا الي اسلوبي معه وصخ هذا انا احبه..
ساره: طيب والي ماتحبينه..
منال: ألعن..
ساره: لاا احلفي..عشان اتحداه يتركك..
منال: وليه ..خليه بس يجرب احوله عامود كهرباء..
ساره: يالقويه انتي..(تقول لالسواق)..يالله امشي روح حياة موول..

تو السياره ماشيه جاء خالد..وقف السواق شوي..
فتحت منال الدريشه: نعم وش تبي..
خالد: يالفاهيه نسيتي شنطتك..
منال: اووه شكراً..
خالد لف وراح: فاهيه..
منال: يووه..تصدقين مدري وش فيني قالبه عليه هالايام هو مسوي شي غلط..
ساره: انتي تسأليني..
منال: انتي وش دخلك انا اكلم نفسي..
ساره وصلت معاها: انزلي انزلي..
منال: امـــــزح..ههههههه
ساره: الله يصبرنا عليك..
منال مسكت خد ساره: يازينك وانتي معصبه..تدننين..
ساره: آآييييي..يدك حاره..
منال: داريه اجل ليه قبصتك..
ساره: ياربي وش السواة الحين..
منال: هههههه خلاص والله اسفه باسكت..
ساره: اخيرا..
منال تظحك وهي مصكره فمها..

ساره ومنال اشتروا لبس رووووعه..واشتروا لكل وحده سلسال وعليها اسمها ..
وطلعوا من السوق ووصلت ساره منال عشان تتجهز من الحين لروحة ملاك..

منال دخلت جوا البيت ومعاها اكياس..
جلست على اقرب كنبه للباب..وسدحت راسها وهي جالسه..
دخل خالد وشافها..جاء يبي يهبل بها..مسح يده على وجهها وقال..
خالد بصوت كله حنان: منولي وش فيك..
منال: خاااالد روح لاصكك بكف..
خالد: افاا مين الي مزعل منولي..
منال: ياربيه ياخالد..محد قال لك انك ثقيل دم..
خالد: لا ..لأني مااتثيقل دم الا عندك..
منال: طيب بروح اتجهز بروح لمليك بعد شوي..
خالد: طيب مين بيوصلك..
منال: محد وش اسوي..
خالد: خلاص انا اوديك..
منال: لا شكرا ..كنت اجرب واشوف ..اصلا انا بروح مع سوير..
خالد: انتي ماتمدحين كله تسبين..
منال: لا ترا انا عندي السب مدح..
خالد: يعني انتي تمدحيني كل يوم..
منال: ماقلت انت..
خالد: يالله هذا وانا اخوك..
منال: طيب يازينك اخو..
خالد: اقوول منالوه..مادق عليك الي تقولين نشبه..
منال: لا مادق..
خالد: اجل مسويه سالفه ليش..
منال: والله انا مادريت ..انه بيسحب علي بس تراه كان مزعجني وبقوه بعد..
خالد: طيب..خلاص..
منال: اشوى انك متفهم..في اخوان اعوذ بالله..لو يسمعون ان احد مزعجها مافيه نقاش مسكوها مع كشتها ..وورطوها انتي تكلمين واحد لا انتي طلعتي معه..
خالد: اوووووف..مين قال لك هالكلام..ترا مو كل الناس كذا..
منال: لا فيه كذا والله يشفيهم..متخلفين..
خالد: انشاءالله عمري مااقابلهم..اقول انتي يالله روحي تجهزي مو تطقين صديقتك برا مره ثانيه..
منال: لا تونا ريضين..
خالد: وانتي ريضه بعد..
منال شالت اكياسها:طيب يالله بروح اتجهز..
خالد: اخيراً..
منال مسكت كرتون المناديل الي جنبها ورمته عليه..
خالد: لا تستقوين وانتي شايله بضاعه..
منال: ليه وش بتسوي لي..
خالد: هذا..(وطمر يلحقها),,
منال ماامداها الارقت فوق والمفتاح مجهز من قبل..
خالد: بكم..
منال من ورا الباب: طالعه عليك..
خالد: يالله بس مصيرك بتطلعين من الغرفه..
منال: الله يخس بليسك كسرت ظفري..بتعوضني..
خالد: هههه خلاص بكره انشاءالله بجيب لك درزن اضافر..
منال: حبذا لو تجيبها اليوم..
خالد: بعد ..حبذا ...
منال: خلاص روح ياولد..
خالد: وانا استناك تامريني بي..
راح خالد عنها..
==========================
ملاك كانت في غرفتها..من الملل مسكت الكراسه وجلست ترسم بالاوان الشمعيه رسومات ..مثل رسومات الصغار..الي تجي شجره وبيت وشمس..
نوره دخلت عليها..
نوره:عووو ..روعتك..
ملاك بحماس: لا ..جت نواره..
نوره: لا ليش وش تبين فيها..
ملاك : ابي الخبر انا..
نوره: ايه صح..
ملاك: طيب نوره انزل ولا ماانزل..
نوره: وش هالسؤال البايخ..
ملاك: لايعني اذا جت نواره..
نوره: لابتنزلين لاني بقول الخبر وهي موجوده..
ملاك: اوكي..طيب ساره بتجي معاها..
نوره: لازم يعني تجي ساره مع نواره..
ملاك: نوره وش فيك سؤال بريء نوره..
نوره: طيب شوفي يمكن نطلع..
ملاك حطت يدها براس نوره تقيس حرارتها: نوره ..بسم الله عليك الرحمن الرحيم ..بكره ملكتك ..
نوره: واذا..
ملاك: يبيلها شغل وتسنع..الله يستر بس لايكون قبل عرسك بيوم بتكونين مسافره بس..
نوره: وش دعوى...لا بس كل شي جاهز وشفته وشيكت عليه انشاءالله كل شي بيصير خير وبعدين تراها ملكه يعني تقولين عزيمه كبيييره .بس..
ملاك: الله من زود السناعه الله العالم لايكون بكره بتأجلينها تقولين فيك النوم..
نوره: وش عندك...ماتلاحظين انك بديتي تغلطين..
ملاك: آســـــفـــــــه..كل شي ولازعل نوره..
نوره:ايه ..كذا تمشين زين..يالله تكشخي..
ملاك استغربت: ليه...
نوره : بس نواره بتجي ابيك تلبسين احسن ماعندك..
ملاك: وش فيك..نوره..
نوره: البسي وتعالي ..ماقلت لك يمكن نطلع..
ملاك: يعني مصٍره..
نوره: يالله مع السلامه ..ابي اشوفك تحت وانتي كاشخه..
ملاك: نوره ليه..
نوره: جايبين لك خطيبك ..يبي يشوفك مشتاااق لك..
ملاك ارتاعت: نعم..
نوره: خلاص اكشخي بنطلع انا وانتي ونواره ..هذي هي السالفه..
ملاك: طيب ..
طلعت نوره من عندها وملاك كشخت ولو انها ماتدري وش السالفه بس يفضل انها تسمع الكلام..ولا هي الي بتبتلش..
(طبعاً ام يزيد كانت رايحه لبيت اهلها ومعاها يزيد ومنار وابو يزيد هو الي موصلهم يعني البيت فاضي لنوره وملاك).
==================================

القسم ال من الجزء الثالث..

ملاك كانت لابسه بلوزه حمراء موديلها انها تكون مهويه وتحتها بدي ابيض ضيق..ولابسه معها تنوره قصيره للركبه تقريباً لونها اسود.. وكانت لابسه سلاسل حمراء وبيضاء وسوداء..لولو..فكان شكلها طالع كيوووت ورسميات..يعني وناسه..

نزلت ملاك تبي تشوف وش عند نوره..
نوره: هلا والله..اشوى سمعتي كلامي..
ملاك: طيب وش عندك..
نوره: لا حرام اشوف اختي كاشخه..
ملاك: لااه قولي ق...
نوره: طيب نواره في الطريق ..يعني استعدي للخبر..
ملاك: ليه الخبر معاها..
نوره: لا عندي..
ملاك: طيب انتي بعد متكشخه مرره ..وش عندك..
نوره: ولا شي ..بس يمكن اليوم نصور فيديو..لان اليوم مهم لك ياعاشقة الذكريات..
ملاك: مين مايعشق الذكريات..المهم..طيب بنصور مو كل هالكشخه عشان فيديو..
نوره: شوفي انا فاضيييه ممكن نواره تجيب كاميرا ونصور صور عاديه..لا ومو أي كاميرا..
ملاك ابتسمت: نوره..اسمحي لي اقول لك بكل صراحه وقدام الناس بدون غرور..
نوره: نعم..
ملاك: والله ماكان بكره ملكتك..
نوره: يعني وش تبيني اسوي اجلص في غرفتي واصيح..ولا اسوي حفل توديع عزوبيه..
ملاك:ههههههه وشلون حفل توديع عزوبيه ويييين قاعدين احنا..
نوره: مدري عنك..
ملاك : تدرين لو موجود شي اسمه حفل توديع عزوبيه هنا في السعوديه ..كان يصير حريم جالسين..والقهوه قدامهم وان كثر قاموا شغلوا المسجل..
نوره: هههههههههه..
ملاك: ياحلوه..انتي شاحنه كاميرة الفيديو طيب..
نوره: ايوه تلقينها في غرفتي..
ملاك: بروح اجيبها اجل..
نوره: طيب..وجيبي شنطتي معك تلاقينه فوق سريري..
ملاك: اوكي..

صعدت ملاك لغرفة نوره... وأخذت الكاميرا واخذت الشنطه معه...
وهي نازله ..فتحت الكاميرا لقت فيها شريط فاضي..مافيه شي مصور.. الا من البدايه ..مصورينها يوم كان عمرها 16 ..كانوا مسافرين وهي قايمه وشعرها منفوش ..ونوره تصورها وكان عمر نوره 19 كانت تظحك على شكلها وتعلق عليها..ملاك في الفيديو كانت معصبه من نوره ..حطة يدها على الكاميرا وتقول: صكريها صكريها..كانت ملاك قشرا بس عقلت بعدين.. وكان ورى ملاك منار كانت جالسه مع يزيد وكان عمر منار 6 سنوات..وعمر يزيد 10 سنوات..
ملاك ابتسمت وتذكرت اغلب الي صار لهم في هذيك السفره وكانوا مصورينها بس ماتدري وين الشريط الثاني..
نزلت ملاك وفتحت الكاميرا معاها..قعدت جنب نوره ..نوره كانت ماسكه الجوال تكتب رساله لنواره ومالتفتت..
ملاك والكاميرا بيدها وتصور نوره: نوره..وش تكتبين..
نوره: اصبري ياملاك شوي..
ملاك: مين عزوزي..
نوره: لا..انقلعي ..ممكن..
ملاك: طيب..
وقفت ملاك وراحت ورا نوره وقربت الكاميرا لعند نوره..
نوره: مليييييك..
ملاك : نوره وش فيك طالعه هاجده..
نوره: لاني مشغوله ولا كان طبيت في بطنك..
ملاك: طيب ..تكتبي رسالة لمين..
نوره: لنواره..ارتحتي..
ملاك: اهاا..
نوره ارسلت الرساله ولفت على ملاك: خلصت وش تبين..(شافت الكاميرا معى ملاك)..
نوره: يالدبه تصوريني وانا مدري..
ملاك: صباح الخير..لا وتدرين انك تو قلتي لي كلمه قويه وسبيتي بعض الناس..كل هذا عشانك كنتي متحمسه ولا انتبهتي لي..(رفعت حاجب وبنظرة تهديد)..اذا سويتي لي شي غلط بانشرها..
نوره بتحدي:ماتقدرين..
ملاك ردت على نظرة التحدي بمثلها: جربيني..
نوره قامت تبي تاخذ الكاميرا من ملاك ..(طبعاً كل هذا والكاميرا تصور)..ملاك بدون أي ردة فعل مسكت الباب وراحت تركض برا ..ونوره تلحقها..
ملاك باستسلام: خلاص ..
نوره: عطيني سبب مقنع ..
ملاك:لاني ..امممم ..لاني مصوره لك وجهك العنيف وبعطيه لعبدالعزيز..
نوره: لا الحين بطب عليك بجد..
ملاك: امزح..ههههه..
نوره: لا لاتمزحين كذا معاي..
ملاك مسكت خدود نوره: يازينك وانتي معصبه..
نوره: الله يقطع بليسك..حللتي خدودي..
ملاك :هههههه والله انتي اليخيخه..
نوره: امشي بس ..يالله..

دخلوا جوا وكانوا يظحكون..
نوره لقت في جوالها اتصالين من نواره..
نوره: اوبسي..
ملاك: وشو..
نوره: نواره متصله علي..
ملاك: دقي عليها طيب..
نوره: اوكي..

نوره دقت على نواره..
نوره: ألوو..
نواره: يالسنعه وينك ..
نوره: لابس ضروف طارئه..
نواره: الله العالم..شوفي تبيني سوير ومنال ينزلون معاي ولا بعدي ..
نوره: لا بعدين بدق ..و..(انتبهت لملاك الي ماتبي تخرب عليها المفاجاه)و..تعرفين.
نواره: اوكي..
نوره: طيب وصلتوا..
نواره: اصبري خمس دقايق واحنا واصلين..ولا تدرين عدي من واحد الى عشره وانا عندك..طيب..
نوره: طيب ههههههه ترا اذا خلصت وانتي مو موجوده ماراح افتح لك خير شر..
نواره: الله الله ..يالله باي..
نوره: باي..
صكرت نوره الجوال..
نوره: ملاك ترا نواره بتوصل هالحين..
ملاك: طيب..

رن الجرس..
ملاك : مشاءالله مسرع..
نوره: خلاص بروح افتح الباب..
ملاك: اوكيه..

[**MoOn LiGht**]

طلعت نوره بتفتح الباب..
نوره: ميين..
.....:انا ..عبدالعزيز..
نوره يبس قلبها ماتدري وش تسوي ماتدري وش تقول ..تفتح الباب ولا لا..لا..
نوره بصوت نعومي وهادي: نعم..
عبدالعزيز بصوت يخقق: لا بس اشتقتلك ..وجبت لك شي..
نوره: ياحياتي..ليه متعب نفسك..
عبدالعزيز: اذا ماتعبت عشانك اتعب لمين..
نوره خقت الصراحه: تسلم..
عبدالعزيز: طيب ..خذي الهديه وبروح على طول..
نوره فتحت الباب وخذت منه الكيسه: شكراً..
عبدالعزيز: العفو..
نوره: والله لو مابيجوا ضيوف ..كان ماخليتك تنطق برا..
عبدالعزيز: لا شكرا..يكفي اني بشوفك بكره..
نوره تذكرت ..وتخيلت الموقف ودق قلبها..:ايه ...صح..
عبدالعزيز: يالله باي حياتي..سلميلي على ملاك وقولي لها عقبال المليون..
نوره: هههههه انشاءالله ..يالله باي..

نوره كانت ماسكه الكيس ومنصدمه..بس مستانسه انه جاء لبيتهم وعطاها هديه..
دخلت جوا ..جتها ملاك..
ملاك: مين الي كان عند الباب..
نوره: توقعي مين..
ملاك استغربت: مين..
نوره: عزوزي..
ملاك : هاه..وش جايبه..
نوره: اشتاق لي..
ملاك: طيب ..جاي عشان يشوفك؟؟
نوره: لا..عطاني هاذا(ورفعت الكيس عشان توريه ملاك)..
ملاك: وشو هذا طيب..
نوره: علمي علمك..

رن الجرس...
نوره ارتاعت: ملاك روحي افتحي الباب انا برقي الكيس لغرفتي..
ملاك: طيب..

راحت ملاك بتفتح الباب..
ملاك: مين..
نواره: انا نواره..

فتحت لها الباب..وسلمت عليها..
ملاك: هلا والله بنواره توه ينور البيت..
نواره:منور بوجودك..
ملاك : تفضلي ..حياك ..
نواره: الله يحييك..وش هالسناعه..
ملاك: وش نسوي نبي نخطب..
نواره:هههههه..
ملاك: ههههه..اخيرا جيتي ابي نوره تقول لي وش عندها..
نواره: قصدك الخبر يعني..
ملاك: ايوه ..بالزبط..
نواره: مصيرك بتعرفين..
ملاك: الله يستر..

دخلوا داخل البيت ونوره على طول جت وسلمت على نواره..
نوره ونواره على طول جلسوا يسولفون وسحبوا على ملاك....ملاك ماتبيهم تبي تعرف وشهو الخبر بس يالله معليش....

========================================
اما عن منال وساره..كانوا في السياره يدورون بمكان قريب من بيتهم..
منال: طيب ننزل متى..
ساره: نواره بتدق علي وبنجي عندهم..
منال: اهاا..
ساره: تبين نوقف عند البقاله..
منال: حبذا..
ساره: اجل مافيه..
منال: يلعن بليسها..يعني عنادا فيني ..ها..
ساره: خلاص خلاص بزارين ..بنوقف عند البقاله..
منال: لا ماابي..
ساره: طيب انا ابي..
منال: خلاص روحي بلحالك..
ساره: مستحيل انزل بلحالي..
منال: اجل انطقي..
ساره: يالله عاد..منولي بلا بياخه..
منال: ترا عشانك بس..
ساره: ههههههه الله العالم..
منال: هاه ترا بغير رايي..
ساره: لا خلاص..

توقعوا ايش صار مع ملاك ..وايش صار في ملكة اختها نوره ..

===============================
نهاية الجزء الثالث..




وهاه هاذي نهاية البارت الثالث..
وابي ردودكم..عشان اشوف اكمل الرواية ولا مااتعب نفسي..

[بنوته خجوله]

يسلموووو moon liGt على الروايه الروعه
..انا سجلت في المنتدى عشان روايتك..
بلييز كمليها ننتظرك

بنوته خجوله

[**MoOn LiGht**]

ابشـــــــــري بس انتي ياقمر ..ايكسبنسيف والطلب شييب

[**MoOn LiGht**]

وهذا هو البارت الاول من الجزء الرابع لعيونكم يالي كاتردون



الجزء الرابع..

ملاك كانت ملانه ..سحبت نوره ونواره قويه..كانوا جالسين برا على الطاوله الي بجنب المسبح... ملاك كانت جالسه عند المسبح بالظبط ومدخله رجولها بالمسبح وتحوس بالمويه...ونوره ونواره وراها يضحكون ويسولفون... لفت ملاك تطالعهم وكانوا وراها..حست انه مافيه امل يسكتون....<<المشكله عند منال وساره الي يستنون الاميره تدق عليهم..
ملاك تجرأت وقامت..
ملاك: نوره...
نوره التفتت على ملاك: هلا..
ملاك: منتي قايله لي ال.. الخبر..
نوره: أيــه ..صح ..زين ذكرتيني..
نواره: الحمدلله رب العالمين والله انك سنعه..
نوره: عفواً انتي مالك شغل ..هذي مواضيع بين الاخت وأختها..
نواره: يااااي..
نوره: نرجع ..حق..محور..حديثنا..
ملاك:طيب قولي الخبر..
نوره: الخبر هو...
ملاك: ايه..
نوره: هو...
ملاك عصبت: اييييييييه..
نوره: اسمعي اذا طبيتي بالمصبح كذا بقول لك..
ملاك: نوره بليييز ترا مالي خلقك..
نوره: طيب ..مبروك..
ملاك استغربت: مبروك لأيش؟؟..
نوره: ابشرك بتكملين دراستك برى..
ملاك تشقققت بس تبي تتاكد من الموضوع:وشلون طيب..
نوره: ابوي وامي موافقين ..بتروحين معي ومع زوجي عن قريب لاسبانيا ..وبتكملين دراستك هناك..
ملاك متفاجأه وبصوت عالي: احلفييييي..
نوره باستهزاء: لا ألعب عليك شوفي الكاميرا الخفيه في الزوايه وش تحبين تقولين لجماهيرك..
ملاك نطت على نوره وظمتها: شكراً شكراً شكراً..احبك احبك احبك..
نوره: كسرتي ظهري...
ملاك لفت على نوره وحبت راسها وخدها. اليمين واليسار..
نوره: خلاااااااااااص..
ملاك وهي مستانسه: يالله ..الله لا يخلينا منك..
نوره: شفتي اني حبيبه..
ملاك: تجننيييين..
(طبعاً نواره كانت ماسكه الكاميرا وهي وراهم وتصور الموقف .. ملاك نست الدنيا تحس انها تبي ترد الجميل لنوره بس ماتدري وشلون)..
نوره: ملاك ..واذا قلت لك انااااا...العب..عليك...
ملاك تغيرت ملامحها:..والله انك دبه...هذا جزاي استانست اني باجلس معاك ماراح تروحين عني..ليش انتي دايما ترفعين ظغطي..
نوره جلست تظحك عليها ملاك عصبت بجد..
ملاك تكمل كلامها وهي خلاص شوي وتنفجر: لا وتظحكين..ياربيه ابي اشتري رشاش ارشك به..ترا رفعتي ظغطي...
نوره وهي تظحك صكت فم ملاك الي شكلها مو ناويه تسكت..
نوره:ههههههههه لا صدق مو لعب..والله بتسافرين معاي..
ملاك خلاص ماتدري تفرح ولا تعصب..
ملاك: ياربيه ..ضاعت علومي ..وش المطلوب مني الحين افرح ولا يضيق صدري..
نوره: لاستانسي..بتروحين لاسبانيا مع نوره وعبدالعزيز..مين قدك..
ملاك ضمت نوره: الله لايحرمنا منك..احبسس..

دخلوا منال وساره ومعاهم اكياس من البقاله..وأحنا طرنا..
ملاك طارت من الوناسه: هلا واللللللللله ..اسفرت وانورت..توه ينور البيت ..جونا الحلا كله..أ...
قاطعتها منال: اقول مشينا احسن لنا ..ترا كلتنا بالكلام..
ملاك طلع وجهها احمر بتنفجر وش عندهم الاخوان:خييييييير هذا جزاي امدح فيكم..
ساره جت عند ملاك: وكل شي يطلع منك عسل..
ملاك: يالله تلوموني بهالبنت..
كلهم ظحكوا عليها..

ملاك: منالوه سوسو..
منال بصوت خفيف: لاحظوا انا منالوه وساره سوسو..
نواره: تستاهلين هههههه..
ملاك:ألوو.. بكمل دراستي برى..
منال ابتسمت بس ضاق صدرها لانها بتفقد صديقتها:مبرووووووك..
ساره:مبرووووووووك..
ملاك لفت تكلم نوره: نوره من السنه الجايه صح..
نوره: بالزبط..
ملاك: وان شاءالله بحلل هالسنه معاكم ولا راح اخلي شي ماسويته معاكم..
ساره: لا ياماما ..ترا اذا فكرتي تقاطعينا ولا شي ..ماتضمنين حياتك..كل ساعتين انتي داقه فاهمه..
ملاك: توناااا يالله فضلك..ان الله احيانا..الحين خلينا نحلل كل دقيقه مع بعض..
منال: بس ياحلو انتا..مو تحليل بزارين..بالاصح بنتهور..فاهمه..
ملاك اشرت على عيونها:"من عيوني كل ماتامر عليه"..
كلهم يضحكون ولسا الاخت نواره تصور..

البنات كلهم صفوا عند المسبح وغطسوا رجولهم فيه..
ملاك: الحلوين مارين على البقاله..
ساره : وش نسوي بزارين وركبوا السياره..
منال وهي معصبه: شففف..مين الي تقول ماراح تنزل الا واحد معاها..
ساره: ايه انتي الي جبتي الفكره..
منال :اهاا عاد..
ملاك: خلااااااص..اهم شي جبتوا لي شي..
منال وساره:ههههههههههه..ولا يهمك ننساك انتي..
ملاك: احمدوا ربكم..

نوره ونواره متابعين الاخوات..
نوره تهمس لنوره: خلينا نهبل فيهم..
نواره:هههه يالله..
قربوا منهم..
نوره: اللللله ابي..
نواره: انا بعد ابي..
منال رفعت راسها وقالت بطريقة البزارين: لا عشان تعرفين تطقينا في السياره..
نوره: طيب انا مالي دخل...
ملاك: وش عندكم اليوم انتم..
ساره لفت على نواره: هماك انتي دبه..
نواره: لا الحلاو مايسمن..
نوره: ياليت..
منال: حشى الي يشوفكم يقول براميل ..ترا انتم عصاقيييييل..حرام عليكم..
ملاك: احس اني استرجعت ايام الطفوله..
الكل قال بصوت عالي: تكفيييييييييييييييين..
ساره: يالكبيره انتي..
نوره: اصبري اجيب العصا من المطبخ..
نواره: اجيب لك علاجك..
منال: تبين تروحين الحمام..
الكل طالع منال المحششه وش جاب طاري الحمام..
منال:ههه وشو ..خلصت الاسئله..
الكل:هههههههههههههه..

نوره:بنات يالله ع جوا ابي اردح ..ابي استهبل..
منال: كأنك تقرين افكاري..
دخلوا كلهم داخل..
نوره: بنات وش تبون..
ساره:نوره عادي ترقصين هندي ..ماشاءالله عليك انتي تضبطين الهندي..
منال: ايه واللي يرحم والديك ..
نوره: لا هذا يبيلها البس تنوره زي تنانيرهم واجيب غوايشي..
ملاك: انا بجيبها انتي بس ترقصين..
نوره: طيب يالله..
البنات صارخوا:واااااااااااااااو..
نوره: بصراحه اشك اني مع بنات..
نواره: ياحبيلي جالسه وساكته..
نوره: ايه..ينزل الله مطر...
نزلت ملاك ومعاها التنوره والغوايش..
نوره: طيب ..بروح البس التنوره..
ملاك: البسيها فوق الستريتش(نوره كانت لابسه بلوزه تحت الخصر وطويله شوي وتحتها ستريتش اسود)..
نواره: ترا مصلحتك ..
نوره: حشى..طيب ..
لبست نوره التنوره والغوايش وفلت شعرها وبدت ترقص..ووناسه كانوا خبال وطبوا ورقصوا معاها تقول مو رقص ..شلل<هههههه..

منال دق جوالها..وكان المكان ازعاج الاستريو معلى عليه الصوت مره..
منال ردت يوم شافته رقم غريب ويشبه رقم بدر..
منال بكل عصبيه وصوت عالي: نعــــم...
بدر :الله ينعم عليك...
منال: انت أي للغه تفهم..لعاد تدق على عالجوال فاهم..
"طلعت منال من الغرفه لانه كان ازعاج وهي تبي تتفاهم معاه.."
بدر: وليه اضيع هالصوت الحلو..
منال: طيب تبي نجدد عليك الصوت واسمعك صوت زوجي..اقصد..ابو عيالي..
بدر: ياحليلك والله عندك عيال..تصدقين مو واضح ..
منال: ليش عندك اعتراض..
بدر: لا عادي ..ماعندي شي..
منال: طيب خلاص بصك..بسوي العشاء حق عيالي ..وراهم دوام بكره..
طلعت ساره بتنادي منال: منااااااال منالوه تعالي يالله ..
منال انصدمت لان صوت ساره كان عالي وسمعها بدر وعرف اسمها ..صكرت في وجهه على طول..
دخلت داخل وهي معصبه :نعم وش تبين ..
كلهم استغربوا..
ملاك:عسى ماشر..
منال: مايجيك الشر بس فيه واحد داق غلطان..وازعجني..
ملاك غيرت الموضوع: طيب منولي ..ترقصين معاي..
منال: نعم..
ساره: كلنا بنرقص رقص ..الرومانسي ذاك..
منال: طيب احنا خمسه فيه وحدده ببتبرع..
ساره:ألا وهي انا ..
منال: ليييه..
ساره: ابي اصوركم..
منال:اهاا.. اوكيه..
نواره: انا الحين بعطيكم دروس..اذا علت النغمه نتبادل يعني ملاك ونوره وانا مع منال شوي ..يعني بالعربي نحوس..
ملاك: مصدقيييين..
نوره: يالله بنات..
منال: يالله..
نوره: ار يو ريدي..
ملاك: بسم الله عليك الرحمن الرحيم..ترا بنرقص ..فالس..اتوقع هذا اسمها..ولا..
منال: والله انا ماادري ولاابي ادري..
نوره: المهم رقصه وبس..
ساره: يالله كل واحد في مكانوه....سموا بالرحمن ..وكل بيمينك وكل مما يليك..
ملاك: يالله ..بجد الجو فيه شي غلط الكل محشش اليوم..
نوره: يالله يالمهستره..
ساره: يالله 1-2-3..اكشن..(شغلت الموسيقى)
وعليهم رقص..تحفه ..بلوتوث على طول ..ولا.. يرقصون وهم ميتين ظحك..
******************************\

مر عليهم اليوم طويييل وحللو بجد...وفي اخر الليل كلهم مدروخين مره.. والي منسدحه على الكنبه...والي على الارض منبطحه..يعني اشكال وألوان..
منال: اقول نروح لبيوتنا ابرك لنا..نوره مسكينه وراها ملكة بكره..
نوره صارخت وهي صاكه اسنانها من الخوف:يممممممممممممممممممه..
ساره: زين سويتي ذكرتيها..ههههههه
ملاك: الحين ابي اعرف وش خايفه منه..
نوره: يمه ..بجلس بجنبه..
منال: وأذا....
كلهم التفتوا عليها..
ملاك: انتي وش عندك..
منال بكل براءه: هاه..وشو..
ملاك: يازينك وانتي ساكته..
نوره: اقول بنات شكلي بصعد فوق بجيب شي وبجي..
ملاك :اوكيه..
نواره: اسمعوا ابي اسوي مسرحيه ..
ساره: وشلون..
نواره: تمثيل يعني قصير..
ملاك: طيب عن ايش؟
نواره: عن شكل نوره وهي في ملكتها ..بليز بنات..
منال: حلوه الفكره وناسه..يالله..
نواره: ملاك دبري لنا ثوب وشماغ..
ملاك: عفواً بس ترا ماعندي اخوان كبار..\
نواره: يزيد اخوك مايقصر..
ملاك: تراه بزر..
نواره:و منال صعنطوطه..
منال: يعني انا بمثل دور عبدالعزيز وناسه..
ملاك: بجيب لك ثوب ابوي أي واحد القاه ..
منال: عادي..
ملاك: والشماغ حق زيزو..
رقت ملاك وجابت الشماغ والثوب وجابت كحل عشان يرسمون الشنب ولقطت معاها كم من اكسسوار..

=-====================
اما عن نوره الي دخلت في غرفتها وشافت الكيس على السرير..الكيس الي جابه لها عبدالعزيز تبي تعرف وش فيه..فتحته لقت فيه عطر ماركه...وسوار من ألماس مكتوب عليها اسم عبدالعزيز ونوره ...كانت السواره حلوووه مررره..وموجود بعد دفتر صغير مليان كله كلام واشعار ورسمات لنوره..ولعبه على شكل ارنب كيوت...لانه يسمي نوره ارنوبتي..لانها تناقز دامياً...

نوره استانست اعجبتها الهديه مره..
نوره:يانااس احبه احبه احبه..
مسكت جوالها ودقت على عبدالعزيز تبي تشكره..
عبدالعزيز وشكله مدروخ فيه النوم:هلا والله بأرنوبتي..
نوره: اهلين..مشكووووووووووور على الهديه ..هذي اغلى هديه من اغلى واحد..
عبدالعزيز: اهم شي عجبتك..
نوره: اكيد بتعجبني مايكفي انها منك..
عبدالعزيز: نوره ..ابي اطلب منك طلب..
نوره بدلع: اطلب ..عيوني لك..
عبدالعزيز:الله يحفظ لك عيونك..بس نوره..ابيك ...بكره..ت..ت...
نوره:ايوه..
عبدالعزيز:لو تقدرين ابيك تتعطرين بالعطر الهديه وتلبسين الاسواره..
نوره بدلع: غالي والطلب رخيص..
عبدالعزيز ظحك عليها..
نوره ضاق صدرها ليه يظحك علي:وش فيك تظحك..
عبدالعزيز: شكله فيك حماس زايد..
نوره: لاتلومني فيني النوم..
عبدالعزيز: روحي نامي مو بكره اذا جلستي عندي تتثاوبين..
نوره تذكرت انها بكره ملكتها: ....................
عبدالعزيز:ههههه وش فيك..
نوره:هاه..ولا شي..
عبدالعزيز:يالله حياتي روحي نامي..
نوره: اوكي..يالله باي..
عبدالعزيز:باي..(وبصوت خفيف)..أحبك..
نوره خقت من هالكلمه بس مالقت رد..وبكل دلع:...ب..باي...
صكرت الجوال وهي فرحاااانه ..(آآآآه تجنن كلمة احبك على لسانك)..

قطع حبل افكارها صوت وحده تصارخ..
نواره بصوت عالي: نوووووووره..نويير..
نوره طلعت من غرفتها:نعم ..خير..
نواره: وش هالشي الي بتجيبينه ماصارت..
نوره: مالك دخل ..خلاص هذاني بنزل..
نزلت نوره وجلست معاهم وهي ماتدري وش وراهم..
==========================

خالد كان مع حمد ..كانوا طالعين ..بالتحديد كانوا في المقهى..
خالد: حمد ودي اسألك سؤال..
حمد:طيب اسأل..
خالد: بس ابي الصدق مو تعطيني كم فقشه..
حمد: جرب حظك ماراح تخسر..

خالد: طيب ..اسمع..(دق جوال خالد)..ياللـه..
كان المتصل منال..
رد خالد عليها: هلا..
منال:اهلين ..اقول خالد عادي تمر علي..
خالد: وينك انتي طيب..
منال: انا في بيت صاحبتي ملاك..
خالد: طيب تبيني امر عليك الحين..
منال: حبذا..
خالد : اوكي ..هالحين بطلع..
منال استغربت ماعنده مانع: اوكي..طيب ..كم بياخذ الطريق تقريبا..
خالد: ماادري يمكن ربع اونص ساعه..
منال:اوكيه..باي انتظرك..
خالد: باي..

لف خالد على حمد..
حمد: مين..
خالد: وش عليك..
حمد: طيب وش كنت بتسألني..
خالد: الحين انا بروح اجيب منولي..
حمد: ليه هي وين..بتجبها..هنا..
خالد: اقول ..وش رايك تتسند..بجيبها للبيت يعني ..وهي في بيت صديقتها..
حمد:اهاا..
خالد ابتسم: تبي تجي..
حمد: لا ..اصلاً كنت استنى اللحظه الي اصرفك فيها واروح ارتاح منك..
خالد مسك عقاله:يلعن بليسه..
حمد:ههههه العب عليك..يالله روح الحق على اختك..مو تصير مصدر ازعاج زيك..
خالد: الحين صارت اختي مصدر ازعاج...خلاص بقولها انك علقت عليها عشان تعقل..
حمد: اقول خالد متى بتعقل..
خالد مسك كتف حمد: لما تعترف لي بـ.....
حمد:بأيش..
خالد رفع كتوفه كأنه مايعرف..
حمد: شغلك عندي ياخويلد..
خالد ابتسم في وجهه وطلع من المقهى..

========================================

كانوا البنات جالسين ينتظرون سياراتهم تجي..
منال: نوري..آسفه ازعجتكم ولارحت بدري..
نوره: لا افاا عليك بس..والله انا ودي تجلسون بعد..
منال: الله يخليس ويحفظس لعبدالعزيز..
نوره: ههههههه..
ساره: ملاك ..
ملاك ردت وفيها النوم:هلا ..
ساره: لابس ابي اشوف وين رحتي..
منال:لاهي ماراحت..هي تبينا نروح عشان تنام..
ملاك: ياسلام..لا ..ابيك انتي تروحين ..عشان اقعد مع سوسو..(وضمت ايديها حول ساره)..
منال: على الروحه..الود ودي..
ملاك: من جدك..
منال: وش رايك....
ملاك:والله ماادري عنك..
منال: لااا ...احمدي ربك ان ملكة نوره بكره ولا كنت بنام عندكم سواءً رضيتي ولا مارضيتي..
ساره: يووه..والله انها نشبه ..اشوى ان عندي اخو كبير تتغطى منه ولا كان كل يوم هي عندي.
منال: اقول ملاك..ماتلاحظين ان اسلوبي راح في خرايطها..طلع اسلوب شين..
ملاك:هههههه لا بعذرك دايخه فيك النوم..
منال الحلوة نغمتها صوت صراخ بنت مرعب..ورن الجوال..
كل البنات فزوا من مكانهم..
منال ظحكت عليهم ولا كأنها ارتاعت معاهم..
ردت وهي تظحك عليهم وفي نفس الوقت خايفه من نظراتهم..
منال وفيها شوية ظحك:ألووو..
خالد استغرب وش فيها البنت تظحك:مين..
منال: بنت الجيران..(ورجعت تظحك)..
البنات متابعينها ..البنت سكرانه ماادري وش عندها..
خالد:بسم الله عليك الرحمن الرحيم..
منال: ليه..داخ..داخلني جني..بسم الله علي..(قالتها وهي تشاهق)..
البنات ماتوا عليها ظحك..
خالد ظحك على تحشيشها: منال..ترا قربت البسي عباتك وبدق عليك لما اوصل..
منال: ز..زين..(لسا تشاهق)..
ملاك: هههههههههههه..وش هالشهاق مالقا يجي الا في وقت غلط..
منال: عادي..تعو..تعودت..
كلهم ظحكوا عليها..
نواره:اكتمي نفًسْك شوي..
منال : طيب نجرب وش ورانا..
نوره وهي قايمه من مكانها:اقول لالالالا.. تبون اخوها يجي مايلقا الاجثه..
نواره: ماشاء الله..من اولها صارت مسؤوله..
منال كانت كاتمه نفسها بس ظحكت ..
نواره:هههههه..
منال وهي تشاهق: بنات..خلا..خلاص اسكتوا بجد..ماابي اظحك..
ملاك: ابشري يالله بنات..
ساره: يالله سكت الجميع ونطق الحمار قائلاً...
سكتوا كلهم وفيهم الظحك..
كانوا كلهم مقابلين منال..وكان ورا منال الدرج...نزلت نوره وهي لابسه قناع شيين ..وجه عجوز يخوف..ولابسه بشت بعد...البنات انصدموا مين هذا ومنال ماشافت لانها وراها..
جت نوره وحطت يدها على كتف منال..رفعت منال عينها.. وتمنت انها مارفعتها....صرخت صرخه هزت البيت كله...البنات ظحكوا عليها..ردة فعل مافي احلا منها..
نوره رفعت القناع عن وجهها:بسم الله عليك الرحمن الرحيم..
منال وهي مرتاعه: الله يقلع بليسك يانوره..انتي تبين تصيرين مجرمه قبل يوم ملكتك بيوم..لا ومو يوم بعد..بساعات ..لك وجه تجين وتروعيني ..كفو توديع..هذا واحنا طول اليوم مستانسين تخربينها في الاخير..افرضي ..يعني افرضي اني مت من الروعه..
نوره:وهذا الي انا خايفه منه..
منال وهي من الروعه دمعتها بتطلع: ليه يانوره ..ليــه..
نوره:منال..دققي في نفسك وتعرفين ليه..
ساره: اهجدي اهجدي..
نواره: اقول نوره والله انك متهوره..
ملاك:بجد متهوره..البنت شوي وتموت..
ساره:هذا وهي توها مسويه مسؤوليه..هههههههه..
منال: اهاااااا ..عشان الشهاق..
كلهم ظحكوا.:.صبااح الخير..
منال رن جوالها بنفس النغمه الصراخ..عصبت منال..انعكست الاوضاع صاروا هم يظحكون عليها وهي مكشره..
منال تقصد الجوال:يالللله ..انا مو فاضيه لها بعد..
البنات بيموتون من الظحك..
منال ردت بالسبيكر: ألووو نعم خير وش تبي..
خالد: شوي شوي..كلتني..
منال: نعم..وش تبي..
خالد:والله ياوخيتي ..ابي ثنين بيبسي..
منال وحولها ظحك بصوت خافت..
منال: ابي اظحك..بس مااقدر..
خالد: يعني وش ابي ابيك تطلعين انا برا البيت..
منال: ايه ..صح..
خالد: الا تو ..يوم رديتي تظحكين..مسرع انقلبت احوالك..
منال : اصبر علي ..اذا ركبت بالسياره بقول لك...
خالد:والله اني داري ان ماعندك سالفة..
منال: ياناس كلن يحطمني..
خالد :يالله يامنال..البسي عبايتك واطلعي لي..
منال: طيب..
صكرت منال..
منال:يالله يابنات..بروح..
نواره جاها مسج..نواره: يالله اخوي محمد بعد جاء ..سوير جيبي عبايتي ويالله مشينا..
ملاك: ياحلاوه..كلكم بتروحون مع بعض..
نوره: اسمعوا الي ماتجي بكره ياويلها..
ساره: ابشري..غاليه والطلب رخيص..
ملاك: هههه ماصدقت احد يعزم..
منال: بجد..
نواره: منولي ترا شوي بجلس يعني لاتستنينا..
منال: اوكيه ..
ساره: الله يصبرني ..اختي بارده..
منال:ههه الله يصبرك..اقول اخوي بيقبرني..بروح ابرك لي..
ملاك قربت تبي تسلم على منال: يالله منولي مع السلامه..
منال:مع السلامه..

طلعت منال من البيت وملاك كانت معاها تودعها..
دخلت ملاك البيت ولقت شنطة السنعه منال موجوده...على طول طلعت ملاك تبي تلحق على منال..
فتحت ملاك الباب ولقت سيارة خالد تمشي...خربتها البنت وطلعت تأشر للسياره..

خالد انتبه لملاك..وظحك بصوت خافت..
خالد: اقول يالسنعه ..مانسيتي شي..
منال: ليه تسأل..(انتبهت ان شنطتها مو معاها)..
منال وهي تتميلح:اقول خلودي..نسيت اعطي البنت غرض..
خالد يستغبي: اهاا..عشان كذا خويتك طلعت من البيت وهي تأشر الحين..
لفت منال لقت ملاك تأشر لها ياعمري سكرانه ماعندها ماعند جدتي..هي مخربتها لان حيهم هجده ومافيه ناس كثيرين يمرون..ولو انه حي راقي..
منال: هالمصرقعه..ههههههه ارجع ارجع ..
خالد وقف ورجع على ورى..ملاك لاحظت انها مالها داعي دخلت بسرعه ..منال دخلت..
ملاك:يالسنعه نسيتي شنطتك..
منال: لا مانسيتها بس حبيت اخليك تطلعين وتأشرين لي..
ملاك: ها ها ها الشرهى مو عليك الشرهى على الي طالع يناديك..
منال: يالله عاد..تسلمين..يالله باي..
ملاك:باي..


نواره كانت داخل تكلم نوره..دخلت ملاك ..
ساره: ماصارت كل هذا تعطين البنت شنطتها..