روايتي رواية ملاك الروح..غرقانه في بحر الذكريات..رواية من تأليفي..

[**MoOn LiGht**]

القسم الرابع من الجزء الاول

نوره كانت طالعه مع نواره صديقتها لصحارى مول وكانوا طالعين لمطعم عشان يتعشون ..
نواره:الله يوفقكم لبعض انتي وعبدالعزيز..بس يالخاينه ..بتروحين لاسبانيا ...
نوره: وش نسوي بس اهم شي اني مع عزوزي...
نواره: انشاءالله عقبالي يجي مشاري ويخطبني ..ادعي لي الله يخليك..
نوره:افاا عليك كل ما اذكرك ادعي لك معاه..
نواره: نوره تخيلي مايوضح حبه لي مررره..بس انا احبه مع اننا نتطاق وتصير لنا مشاكل ونزعل من بعض بس ماطعت اكرهه...
جاء لهم النادل وحط لهم على الطاوله عصيرين نوره ونواره التفتوا على النادل ..
نواره:ماطلبنا عصير ..
النادل:لا هايدا من الشباب الي هونيك...
نوره قامت وحطت العصير في الصينيه الي في يده ..الشباب الي مرسلينه طبعاً شافوها وحركتها ..
وبدون تردد قالت نوره بصوت عشان يسمعونها الشباب الي مرسلينه: نحطه بالصينيه احسن من كب نعمة الله في الوجيه...
نواره : والله انك قوية عين..
نوره :متخلفين..لو اجيب عبد العزيز الحين كان لعن والده والديهم...
نواره :ههههههه..

&&&&&&&&&&&&&&&&&

ملاك ومنال كانول يطالعون الفلم الي جايبته ملاك كان فلم مرعب ماكانت ملاك راضيع تشوفه بس الله يخلي منال غصبتها تجيبه وتشوفه بعد..ملاك طبعاً جابت الشريط من اختها نوره عاشقة الافلام المرعبه...
منال:الله يلعن بليسك عليك فلم ..افتحي اللمبه بس...
ملاك: يعني ماراح تكملينه..
منال :الا بكمله بس اول خليني اغير بلبس بيجامتي ...
ملاك:ايه والله انا بعد ابغى ارتاح...
منال اتجهت لدولابها بتاخذ البيجاما وملاك لفت علشان تطلع بيجامتها من الكيس ..وتذكرت شكل عبدالله وهو يعطيها الكيس "اتوقع هذا يخصك"..(ياربيه ليه ياملاك تلقفتي ورحتي تجيبينه..احس انه استحقرني ...على طول بكيت)..وطلعت البيجاما ولبستها وملت من الفيلم الي ماشافته ولا تدري وش سالفته ولا همها كانت تفكر بكل الي شافوها ..وماتدري ليه حست بشعور غريب اتجاهه..(ملاك انسيه ..ماراح تشوفينه مره ثانيه وترا هذا الشعور ..اسمه خووف وبس )..
منال كانت متحمسه مع الفيلم وملاك في عالم ثاني انتبهت ملاك للبنت الي متحمسه قررت تروعها..
ملاك وبصوت عالي :بوووووو..
منال فزت ارتاعت الا بغت تموت: ياحماره ..يالسخيفه ..انقلعي عن وجههي يالله..برا برا..
ملاك ميته ظحك على صديقتها:متأكده..ترا عادي اروح انام عند خالتي...
منال وهي معصبه: روحي خلي خالتك تنفعك..
ملاك قامت بتتجه للباب:متأكده ..مو اطلع بعدين تخربين علي وترجعيني..
منال:لا اطلعي خليني اشوف الفيلم..
ملاك:وبكل صراحه طيب..
منال: اصلاً ..الغرفه الي قدام غرفتي على طول هي غرفة خالد وهو عمره مايصكر الباب..
ملاك غيرت رايها على طول: وانتي مصدقه اني بطلع...
منال:ههههههه مدري عنك ..تسوينها
ملاك دق جوالها لقتها نوره اختها ردت على طول..
نوره:هلا ..
ملاك: اهلين ..كيفك..
نوره:وش مقومك الحين ..
ملاك:من اولها صارت البنت سنعه..هههههه
نوره:ايه وش على بالك..اقول ملاك ليش كذا ...
ملاك :وشو...؟؟؟
نوره: مامعي احد في البيت ..بس انا والشغاله ..
ملاك: طيب انتي وين ماما واخواني..
نوره: راحوا مع ابوي لبيت جدي ومارجعوا شكلهم بينامون هناك..
ملاك :طيب انت قلتي انك طالعه مع نواره..وينها..
نوره:تتغلا ماتبي تنام عندي وانا ماقدر انام عندها فيه اخوانها ..وعزوزي يغار علي..
ملاك :مااقدر عليك ههههه...طيب جيبي نواره من زمان عليها..
نوره وهي تكلم نواره:نواره ملييك تبيك..
نواره مسكت الجوال:هلا والله بملييك..
ملاك:هلا بنويره الدويره..كيفك..
نواره:الحمدلله تمام انتي كيفك..
ملاك:الحمدلله...وشلون جلسة البيت الممله معك..
نواره:الحين تنبلع لاني في أي وقت ادق على نوره والقاها فاظيه لي..بس الله يصبرنا من انخطبت وهي بدت تتميلح شوي ..تلف يمين وتلف يسار..
ملاك :لا عادي الله يصبرنا ..بنشبها لك لما تكرهينها يصير تروح وانتي كارهتا...
نواره:لا والله نوره محد يمل منها..(تطالع نوره تبغى تشوف ردت فعلها)..
نواره تكمل كلامها: ملاك اختك في عالم ثاني تطالع الارض..
نوره وهي تكلم نوره: تصدقين النمل يوم قعدنا كثروا..
ملاك:نواره حطيه ع السبيكر..
نواره :طيب (وحطته ع السبيكر)..
ملاك وهي تكلم نوره:نوره تصدقين حتى النمل وده يذوق حلاتك..
نواره :احلا ياملاك ..من وين تجيبين هالحكي..
ملاك: الله يخلي نشبتي لنوره وسماعي مكالماتها مع حبيب القلب..
نوره: وش مخليك تسمعيني..
ملاك :لااا ترا انتي داريه عني فوقتها...
ملاك انتبهت لمنال الي تقول لها:ملاك اسمعي اذا كنت بتكلمين خليني اكلم معك حالي حال نواره ..
ملاك تكلم منال:اصبري..(وهي تكلم نوره ونواره) ..بنات ألغاز ...بحط سبيكر منال بتطب معانا..
(ملاك حطت سبيكر)منال: هيين ..وتقولينها عيني عينك ..,وش قال قال ألغاز...
ملاك ونوره ونواره:ههههههه
منال تصرف: الا نوره ..مبروووك..
نوره:الله يبارك فيك..انشاءالله عقبالك وعقبال نواره وملاك..
ملاك:وليش انا الاخيره..
نوره: لييه ..حاجزه..هههه
ملاك:لا بس ..لا يكون تشكين فيني..
نواره: ملاك لا تهمك يعني اني مخطوبه..
منال: تصدقون احس ان نواره عن قريب انشاءالله..
نواره: الله يسمع منك..
منال: البنت فالتها هههههه..
نواره: يالله يامنال من زماان عنك ..
ملاك: لو تشوفينها الحين..
منال عطتها نظره: وش فيني...
ملاك: تجننين...
منال :احمدي ربك لقيتي رد ينقذك مني..
نوره ونواره:ببببسسس..
منال: وشوو يعني بنتين ماناموا ومداومين وش تتوقعون منا..
ملاك : اصلا انا ماازعل على القمر..
منال: يعني في احد يزعل من ملاك ..
نواره: بصراحه تخوفون توكم تتطاقون..
منال وملاك: هههههههه
نوره:الله لا يقول لك عليهم لعب ..بزارين ..
ملاك : عفوا ..يالكبيره ابي اكلم نواره..
نوره: تفضلي..
ملاك:نواره وشلون بترجعين لبيتك في آخر الليل ماتخافين من الشوارع..
نواره: مدري بس ..شكلي بخربها وبقعد هنا ..بس المشكله ماجبت ملابس لي...
ملاك: ماشاءالله دولاب نوره مليان خذي الي تبين...
نواره: داريه اصلا باخذ بدون مااشاورها وبااخذ احلا شي بعد كذا لعانةً فيني...
ملاك : ودي اشوف وجه نوره اختي الحين احس انها محممقه(معصبه)..
نواره :لا ياحليلك بس حطت راسها ع السرير راحت بعيييد..(وهي تكلم نوره) ..ياهوو ياعرب ..نحن هنا فأين انتم...ههههه يوه راحت بعيييد بجد..
ملاك : شكل منال بتصف معاها..شوفي حظها توها شايفه فيلم مرعب اتحداها تنام..هههههههه..
نواره: وانتي شفتيه معاها..
ملاك:تقريباً..
نواره: وشلون يعني تقريباً...
ملاك: يعني كنت ساااهيه فيني النوم ...
نواره: الله يصبرنا على اختك اذا نمت بتقوم وبتشغلني ...
ملاك: تعودت عليها....تصدقين بشتاق لها..
نواره: موووت...
ملاك :يالله ماودي اشغلك ..صحي الاميره النايمه ..واجلسوا استغلوا وقتكم...
نواره: اوكيه ..لاتوصين حريص..ههههههه
ملاك :يالله ياعيوني ..باي...
نواره: باي.....
لفت ملاك على منال لقتها نايمه في سابع نومه فقالت تصف معاها ..يوم غفت سمعت صوت باب الغرفه الي قدامها وصوت خالد شكله كان يكلم بالجوال احد ..وماتدري ليه حست ودها تطل عليه تشوفه وتدخل...(ياشيين الوحده اذا كانت مانامت لمدة يوم كامل)...سمعت منال وهي نايمه تقول (حمد) بصوت خفيف..ملاك (ههههه والله البنت عاشقه )..(لايكون حمد هو الي عطاني الكيس ...ماألومها تحبه كله ملح احس انه وسيم بس ماودي اخرب على حب صديقتي ...انا ماحبيته اصلا بس من الصدمه ماقدرت اعرف وش كان شعوري بالظبط)...

وعن نوره ونواره ..نوره قامت وعطت نواره بيجاما وغصبتها تنام معها...لان الاخت نواره قايمه متأخره فما كان فيها نوم.. بس نوره اذا بغت شي تسويه..وناموا ونواره متعوده قبل ماتنام تدعي ان الله يوفقها مع مشاري..تحبه حب مو طبيعي..وماتدري هو يحبها ولا لا يعني مو متأكده.....


نهاية الجزء الاول..

[**MoOn LiGht**]

وعشان مايأنبني ضميري..

هذا البارت الثاني ..

الجزء الثاني

كانت ملاك تمشي في مكان جديد عليها بس تعرفه وتعرف كل لفه فيه وكا حصاة فيه..بس مكان واحد حست انه جديدعليها..هو ممرين ..الممرين كلهم يشبهون بعض مرره نفس الاشجار والارض حتى الاوراق لي طايحه على الارض.. ماكانت ملاك تدري أي طريق تمر فيه الي يمين والا الي يسار..
ومرة عليها..عجوز وقالت لها:اسمعي يابنتي اختاري الطريق الي تحسينه بيمشي معك زين واذا غلطت في الطريق بتهدمين الطريق الاول والثاني معه بعد..انتبهي يابنيتي..
لفت العجوز وراحت...
ملاك خافت وارتاعت وقررت انها تدور ممر ثاني ..طالت حست ان الظلام كان شديد والظباب..وصارت تركض ..لما طاحت ...
قامت ملاك من النوم وهي مرتاعه وش ها الكابوس طولت وهي جالسه على السرير تبغى تفهم الحلم....
تذكرت انها شايفه فلم مرعب امس ..(لا ماله معنى هالحلم يمكن من الفيلم المرعب الي امس ايه اتوقع ..)..لفت لقت منال في سابع نومه ..فما حبت تقومها قالت تعطيها خبر انها راحت تتحمم من بعد الحلم الي ظايقها يمكن ترتاح...
ملاك تقوم منال: منولي ...منولي..
منال: نعععم..
ملاك: اسمعي يادبه بروح اتحمم طيب..
منال: اوكيه ..خذي راحتك..
ملاك قامت طلعت فوطتها وملابسها وراحت للحمام...قبل ماتطلع لفت يمين ويسار لقت غرفة خالد مفتوحه..(يالله وشلون بمر الحين ..ليه مايحس ان فيه ضيوف في البيت)..الباب كان مفتوح بما فيه كفايه انها تشوف الي نايم على السرير..(ملاك بمر بسرعه وبصك الباب)..
طلعت ملاك لعند باب غرفته ومسكت الباب على اساس انها بتصكه بصوت هادي عشان مايقوم ..انقلب خالد وهو نايم طبعاً..يعني لو يفتح بيشوفها هي خافت وشهقت وبعدت عن الباب ودخلت الحمام بسرعه...هو يوم سمع صوتها ظحك ..ماكان نايم كان يظحك عليها ويبغى يشوف ردة فعلها..

ملاك تحممت وطلعت يوم طلعت لقت باب غرفة خالد مصكره ارتاحت ..بس خافت انه شافها..(خلاص تعودي موو اول مره يشوفك..الله من زود الملح)..
يوم دخلت في الغرفه لقت الدجاجه منال لسا نايمه..
ملاك: منال قومي يالدجاجه طولتي وانتي نايمه...
منال: خلييييني الله يخليك بس ساعه..
ملاك : بزعمك ساعه شوي..
منال : احمدي ربك اني كلمتك بالطيب..
ملاك :يالله منولي بليز قومي..
منال :عطيني سبب مقنع يقومني..
ملاك : حتى وانتي نايمه محششه...تراني اقومك لمصلحتك..
منال وتظحك ظحكه كلها استحقار:ههههئ ..وش قال قال (قلدتها) .مصلحتك..
ملاك :يعني منتي قايمه..
منال :لا..
ملاك :طيب يامنالوه ..دواتس عندي ..
منال : دواي تس..هاهاها حلوه بس لا تعيدينها..
ملاك: عفواً ..الأخت تكلمني..
منال: لا انتي وش دخلك ..الله يخلي لنا الجدار احسن مستمع ..
ملاك :خذيه قدوه لك...
منال :واعليا حاولت..
ملاك :اقول منال الحين انتي نايمه ولا قايمه..
منال : انا شبه نايمه وشبه قايمه..
ملاك : طيب وش الفرق بين شبه نايمه وشبه نايمه..
منال : شوفي يااخت ملاك..شبه نايمه يعني محاطه بالنوم من جميع الجهات الا جهه وحده..وعلى فكره هذي الجهه انتي..
ملاك:هههههههههه طيب وشبه قايمه..
منال : يعني اكلمك ..عشان ماتزعلين وتدقين على امك وتجي تاخذك..
ملاك : ياحليلك دقيت من زمااان..
منال : انا داريه واحسن شي سويتيه ..انا الحين بي احسن توديع الضيف...
ملاك : كفو ..توديع ضيف..يالله منال قومي..
منال : طيب ليه تدقين..
ملاك: لاتصرفين قومي وانتي داريه اني مادقيت اصلا..
منال : ياشينك مصدر ازعاج..
ملاك :منال حرام عليك ..احس يومك يضيع في النوم..
منال: ايه حاولت اقلله بس مافيه امل..
ملاك: هو مصيره بيقل بس يالله قومي ...
منال : طيب يووووووه الحين لازم اتحمم ..
ملاك: هذا شي راجع لك..
منال: طيب ..(وهي تقوم من السرير) ..ياللله حسن الخاتمه..
ملاك: ياحليلك ..هههههه..
منال خذت لبسها وطلعت عشان تتحمم..بينما ملاك جلست تنشف شعرها وتكشخت وتسنعت..لانهم بيطلعون بيفطرون برا..

========================
عبدالله كان مع حمد في السياره رايحين للاهل كانت فيه عزيمه كبيره
حمد وهو يتنهد:يالله باعبدالله..
عبدالله التفت عليه: وش فيك..
حمد :شفت البنت الي امس دخلت علينا عند خالد..
عبدالله توقع ان حمد يحبها وماينلام اذا كان يحبها: ايه..
حمد : ياليتها ..منال المصرقعه دخلت علينا..
عبدالله:ههههه احلا انت تحب ...
حمد: ايه وش على بالك..تخيل احس ان ظحكتها تخليني اشوف طريقي..
عبدالله :طيب خالد يعرف انك تحبها..
حمد :مادري والله بس انا احاول اخبي الحب شوي..
عبدالله: وش بتستفيد اذا خبيته..
حمد :اخاف تكون ماتحبني ..واضرها..او يمكن تحب واحد غيري..
عبدالله :بصراحه اقول لك عني..احس انها تحبك انت ..لانها كانت تتميلح يوم حط خالد السبيكر..
حمد:لا وش تميلح سكتت..
عبدالله: ايه بس تلمح انها مستحيه...وعلى فكره ليه خالد يسوي هالحركه لاخته الا بسبب ..باانه عارف شي عن اخته ..او شي عنك..
حمد:لا انا موو واضح علي ابداً..
عبدالله :يمكن تحبك..
حمد: طيب واذا طلع خطأ عليك..وش اسوي بك..
عبدالله:على فكره ترا البنات يعصبون اذا كان الي تحبه مايعطيها وجه..يعني حتى لو ماتحبك حاول يمكن تحبك..
حمد : والله شكلك مخربها..
عبدالله: حرام عليك..ماادري من وين طلع الكلام اصلا ..هههه ..بس تدري لا تسمع بكلامي اخاف يكون غلط وتزعجني"انت السبب وانت السبب" يعني خلاص اعتبر الموضوع ماانفتح..
حمد: ياشينك يوم ارتحت نرفزتني..
عبدالله :هههههه يالله ترا وصلنا ..بس بقي قليل من الوقت..
حمد ينكت: اصبر اصخ اللفافات...طيب وش الهدف من الخبر..
عبدالله:ههههههههههههههههه والله وعندك خبره عن الفافات..
حمد: الله يخلي خواتي لي ..
عبدالله: تصدق ياحمد ..شكلي خلاص بسكن الرياض..
حمد : وشغلك؟؟..
عبدالله:مدري يمكن استقيل..
حمد :ليه انت شغللك في اسبانيا دائم..
عبدالله :لا يمكن سنه وزياده..وبعدين بنقل للرياض..
حمد: ياشيخ كملهم ماراح تخسر..
عبدالله: والله ماادري..بس مره اذا رحت في اسبانيا احس اني غريب..واذا شفت سعوديين ارتاح شوي..
حمد :اقول بس...بتكمل الشغل بعدين تعال حياك..
عبدالله وهو يتنهد: الشكو على الله..
وصلوا عبدالله وحمد للعزيمه وكلهم طابين على عبدالله مره مشتاقين لراعي اسبانيا..حتى الي مايعرفه عبدالله طاب عليه.......عبدالله كانت صورة ملاك في راسه ماطاعت تروح ابدا كان يحاول يشيلها من راسه بس ماعرف وهي كانت السبب الي خلته يلف برايه ..وتخليه وده يستقيل ويسكن هنا.. يمكن تصير لهم مواقف زياده ويشوفها مره ثانيه بس سحب كل هالافكار من راسه ...يتذكر يوم بكتت من الروعه ..رحمها ..شافها وكانت واقفه قدامه ..وسدم فيها سدمه خلاها تخبط بالارض حس انها تعورت..السدمه كانت قويه...(يالله ..وش سوت هالبنت بعقلي الي ماقدر ينساها)..
================================

ملاك كانت تفكر بمواقف امس ..وتحس ان خبطتها بعبدالله قويه لدرجة ان كتفها فيه الم خفيف..بس كانت تتوقع ان عبدالله هو حمداللي تحبه منال...
ملاك مسكت كتفها:الله يخسه...وش ها القوه..
دخلت عليها منال وهي لافه الفوطه على راسها..
منال:الله يخس مين؟؟؟..
ملاك وهي ماسكه قلبها من الروعه: بسم الله الرحمن الرحيم..روعتيني..
منال :الله يخس مين؟؟؟..
ملاك :روعتيني ..ولا تعيدينها...
منال:الله يخس مين؟؟؟..
ملاك : وش عليك..
منال: طيب مين القوي هذا>>بزعمها غيرت السؤال..
ملاك:مالك شغل..
منال :طيب بس قولي لي مين ماراح تموتين..
ملاك كان معاها جوالها في يدها وقالت تستفيد منها وتكحل البلشه--ماكانت تبي تقول لمنال انها سدمت امس في حمد--..
ملاك : وش عليك شي تافه ..كنت اشوف صورت المصارع اندرتيكر..
منال تبي تفشلها: الله اندرتيكر ..ابي اشوف صورته..
ملاك ابتلشت بس ربي راحمها ان الاخ يزيد قبل كان ياخذ جوالها وحاط لها صورت اندرتيكر..ومن الصدفه كانت ناويه تمسحها بس قال لها يزيد تخليها لما يرسلها لجواله بعدين تمسحها..
ملاك:هاه شوفي تحسبيني العب عليك ..يعني فيه سعودي قوي ..
منال: طيب وش دخل كتفك عشان تمسكينه..
ملاك : اسألتك تافهه..
منال: داريه ..بس لها هدف..
ملاك: وشو الهدف..
منال : ياشينك ..اذا فتحت موضوع معك لازم يطوول ..وكله من تصريفاتك..
ملاك:والله لاتلوميني من اسألتك التافهه..
منال :ايه طيب ..
ملاك: كل هذا تتحممين ..
منال:لا نزلت قلت لامي اني انا وياك بنروح وقالت ان السواق مو موجود ..راح..
ملاك: طيب..يعني بنفطر هنا..
منال :لا بنروح مع خالد..(وتكلمت يوم شافت ملاك بترد وتقول لها انها ماراح تروح)..بس بيوصلنا وبيذلف..
ملاك كان مرتفع ظغطها: اوكييه ..
منال : اقول ..مايسمى فطور صار غدى ..يالله يالبطيئه..
ملاك رفعت حواجبها: يلعن بليسها ...الحين انتي الي متأخره وصرت انا الي مأخرتكم..
منال:ههههه العب ...تعرفيني ثقيله دم ..
ملاك :طيب اصبري لي بلبس عبايتي من الحين عشان مااطيح في موقف ثالث مع خالد ..
منال:ههههه والله امس وناسه..
ملاك :وناسه في عينك..
منال: ياليتني اطيح في مواقف مع حمد.هههههههه..
ملاك:يارب استجيب دعاويها...خله عشان تعرفين وش كانت ردة فعلي..
منال :ماراح اسوي زيك انا ..انا غير..
ملاك :ايه طيب .."يالله بنا يالله..يالله يالله يالله"..
ملاك ذكرت ان منال قالت لخالد"ماقلت لك" يوم غنت ملاك اغنية احلا"احسن مادام انك زعلت احسن...."..
ملاك :منال يوم غنيت امس احسن لك ..وش تقصدين يوم قلتي "ماقلت لك" ..
منال :هاه ..لا ولا شي..
ملاك: يالله قولي لي ماراح ازعل..
منال :انا ماخفت من زعلك خفت تعصبين..
ملاك :يالله بليز ..قولي..
منال: طيب ..بس كنت اسولف معه وقلت انك تركبين اغاني على أي شي يصير قدامك..
ملاك عطتها نظره: يعني تسولفين عني قدامه..
منال :لا والله بس امس قبل ماتجين كنت اقول له انك محششه بس..

ارتاعوا يوم سمعوا خالد يطق الباب ..
خالد: منال يالله بسرعه ..انا وراي شغل..
منال: طيب اصبر خل البنت تلبس عباتها..(شافت ملاك معصبه).وانا بعد بلبس عبايتي..
نزلوا تحت وركبوا السياره ..يوم ركبوا السياره لقوا خالد يدور في درج السياره عن شي..
منال: وش تدور ..
خالد: مالك شغل..
منال :الله يستر...
خالد يحب يحرج أي احد خصوصا اذا كان ضيف عند منال ..مايدري ليه هالمره بقوه صاير يحرج..
خالد طلع شريط وشكله قديم مايستخدمه ..هف عليه ..
خالد: لقيته..
منال: وش هذا ..
خالد سفهها ودخله بالمسجل طلعت اغنية احلام "احسن"..
هنا ملاك استحت ..وهو ميت من الظحك وهو قدام يظحك على النور الاحمر الي يشع من ورا ..وها النور هي حمم ملاك معصبه منه..منال مفهيه مافهمت قصده.. لانها ماكانت اول مره ملاك تغني ..كانت تطبق كثير اغاني على منال...
ملاك بصوت خفيف:منال والي يرحم والديك قولي له يغير الاغنيه..
منال تستعبط:اقول لمين..
ملاك:منال قولي لاخوك يغير الاغنيه..بلييز..
منال تقدمت لجنب مرتبة خالد: خالد غير الاغنيه..
خالد :ليه..
منال: طيب على الاقل طفه..
ملاك بسرعه لحقت على منال وقبصتها .اذا طفا خالد المسجل بيسمع صوتها زين..ومنال ماتحب الصمت لازم تسولف ولا تطاق ..
منال صارخت لان ملاك قبصتها:آآآآآآآآآه..
خالد صكر اذنه من صراخها..ووده يظحك على رد ملاك عليها..
منال: يامال المنيب قايله..
ملاك:لا قولي..
خالد: وووه بنات كل وحده تصلح سيارتها..
ملاك بصوت خفيف: ثقالة دم..
خالد سمعها بس مااهتم لانه قاصد يرفع ظغطها..
منال قربت منها: ملوكي ..وش فيك معصبه اليوم..
ملاك: مافيني شي ..بس مدري وش قلب حالي اصبري علي شوي واروق..
منال: اوكيه..
خالد حس انهم ساكتين حط لهم اغنية stand by me
هالاغنيه هااديه ورومنسيه وتخلي الواحد يدخل جو..
ملاك دخلت جو مع الاغنيه وهي تطالع من الدريشه كانت ساهيه ومتركيه على يدها وكان شكلها نعومي بجد ...وماانتبهت لخالد الي كان متابعها من المرايه الي قدام...كانت تفكر في عالم ثاني تتخيل انها لقت الشخص الي بتحبه يوم من الايام وماكانت صورته موواضحه في خيالها تحس انها تعرفه بس ماتعرفه....
انتبهت يوم وقفوا عند الاشاره انها كانت في عالم ثاني.. ومنال تطالع في خلق الله..ملاك عدلت جلستها وانتبهت على المرايه الي كان خالد يشوفها منها...حست انها تافهه..ماتدري ليه..

وصلوا للمطعم ونزلت منال وملاك وقبل مايدخلون المطعم ..
منال: خالد شوف بدق عليك اذا جينا بنرجع اوكيه..
خالد: اوكيه..
ملاك: منال ترا يمكن ارجع للبيت على طول اوكيه..
منال:انتي تحلمين ..
ملاك : والله من جد احس اني ماارتحت..
منال : والله ماترجعين ..خلاص حلفت تونا يالبايخه..
ملاك كانت هاديه في هاذي اللحظه ماردت بس لفت راسها وهي تشوف الناس الي حولها..
خالد : خلاص اذا تبين ترجعين دقي علي..
منال : خلاص.. طيب ...باي..
خالد: مع السلامه..
مشى سيارته وطالع المرايه يبي يشوف ملاك حس انه ظايقها بقوه وقرر يعقل..لاحظ انه زودها معاها...
منال: وش فيك ياملاك..
ملاك: لا مافيني شي بس ماادري ليه انقلبت احوالي..(عشان ماتظايق منال) يمكن جوعاانه..ههههههه.
منال : يمكن لاني انا ميته جوع..
دخلوا المطعم وطلبوا الي يبون..وهم ياكلون كانوا ساكتين ..
منال:ملاك ممكن اسألك سؤال..
ملاك: هلا..اسألي..
منال :ظايقك اخوي خالد..
ملاك : لا عادي..
منال :لا ترا هو ماادري ليه متثيقل دم بزياده يوم جيتي..
ملاك :لا عادي ..انا ممشيته لو رفع ظغطي كان ماسكت عليه..
منال: يالقويه انتي..ههههه.
ملاك: احس اني صرت باارده ..مدري ليه..
منال : انا نفس الحاله..
ملاك :طيب اسمعي اذا خلصنا خلينا نطلع نتمشى اوكي..
منال: اوكي..
======================================
قايمين من صباح الله ماامداهم ينامون الا قاموا وابتلشوا.. كانوا بيفطرون في البيت نوره مسويه كرم وجلست تحوس في المطبخ ..نواره تظحك على شكل نوره..لانها وهي تطبخ تعلق بالمصري ..وتمطط الكلام...
نواره:الله يستر لا نرقد في المستشفى بكره..
نوره: ايه من كثر الحلا الي جاء من اصابعي..
نواره: اكييييييييد..
نوره: اقول نوير..
نواره: هلا بنوير2...
نوره: تصدقين ماادري وشلون افاجأها بالخبر الزين..
نواره: مالت على الي عندي مايفاجؤوني..
نوره :الحين جاوبي علي ..بعدين تشكي لي..
نواره: والله ماادري..ماعندي افكار..بس اعتبريه هديه لاي مناسبه..
نوره: الود ودي بس مافيه مناسبه زينه..(نوره تذكرت ان ملاك بتدخل20 بعد كم يوم)..ايه صح هي بتدخل العشرين بعد كم يوم واذا دخلت باقوللها..
نواره:ايه والله صادقه..
نوره: بس اخاف تزعجنا في اسبانيا..
نواره: احس ان اختك هاديه بس يطلع لسانها اذا كانت مع صديقتها منال...
نوره: عفواً نسيتيني انا السبب الاساسي ..
نواره:افاا عليك..
نوره: الا اقول وعبدالعزيز دق علي قبل شوي بس مارديت ممكن تجيبين جوالي لو سمحتي..
نواره: يالله ازعاج..طيب اصبري..
قامت نواره وجابت جوال نوره..
نواره: وشلون بتكلمينه وانتي تشتغلين ...
نوره: لا ماراح اكلمه الحين..
نواره :وقومتيني على الفاضي..
نوره : لا دعيت لك مع مشاري..
نواره: ايه اقنعتيني..
نوره:ههههه بجد الله يوفقكم مع بعض...
نوره دق جوالها وكانت ملاك المتصله ..
نوره: هلا ..(سوت كانها تكلم نواره)..جبنا طاري الكلب جاء ينبح ..ههههههه
ملاك: انا كلب ...ياالدبه هين هذا جزاي اشتقت لك ودقيت عليك..
نوره: لا جبنا طاري منار وجت عندنا..
ملاك:عاش مصرف..
نوره :سلامات ..ليش داقه ..عسى ماشر..
ملاك: هاه ..اول مره ادق عليك يعني...
نوره :لا بس مستغربه..اشتقتيلي صح..
ملاك: الا مووت..
نوره :"والله واحشني مووت خاف بعدك اموت"..
ملاك: ههههههه
نوره :غريبه اليوم ماغنيتي وهي واضحه..
ملاك :قررت اترك هالعاده لانها طيحت وجهي كم من مره..
نوره: وشلون..
ملاك :لا بس..اقول كيف حال نواره ..
نوره :الحمدلله ..تمام..
ملاك كانت تطالع منال الي كانت تكلم خالد الي مارد عليها عشان يرجعهم مللوا من السوق وحبوا يرجعون للبيت..
نوره :اقول ..وينكم انتم وش هالازعاج..
ملاك: في السوق..بس بنطلع الحين..
نوره:ايا الخاينه ..ليه ماقلتي لي اجي انا ونوير2..
ملاك: والله احنا رايحين نروق ..ومانبي الوزن الزايد..
نوره وهي تقلدها:وزن زايد..وش قال قال وزن زايد..
ملاك : هههه يالله ياعيوني ..بنمشي...
نوره:اوكي يالله باي...
صكروا ..ولفت ملاك على منال..
ملاك:منال رد ولا لا...
منال: ايه رد بس يقول يمكن يتأخر علينا شويييييييي بس..ويقول جايب لي مفاجأه..
ملاك: يالله ياحركات انتي ..مفاجأه..
وقفت سياره قدامهم ونزل خالد منها ...
منال: معليش سيارتي خربت قلت نروح مع عبدالله..
منال رفعت حاجب: مين عبدالله...
خالد :هذا ولد عم حمد..
منال لفت ورا خالد تبي تشوف الي في السياره يمكن يكون حمد موجود..ماقدرت تشوف زين..
منال: مين الي معاه قدام طيب..
خالد ابتسم : ماقلت لك مفاجأه..
منال فهمت انه حمد: خالد الله يهديك ..انا اختك الناس يخافون على اخواتهم وانت تقربين من واحد مااحبه..
خالد :ايه طيب امشي..انتي ماتحبينه ولا هو مايحبك لا تلعبون علي..
منال بفرحه تحاول تخبيها: ليه هو يحبني..
خالد طالعها بطرف عينه: بتركبين ولا ناخذ ملاك ونوصلها وانتي تقعدين..
منال : يمه ..تخيل ملاك جالسه مع اربعة عيال ماتعرفهم..
ملاك استحقرت الوضع الي هم فيه يتسرسرون وتشوف السياره فيها شخصين ماتدري مين هم..وكانت تشوف الي حولها بس ماعطت احد وجه..
منال: ملاك يالله خلينا نركب..
ملاك: اوكيه يالله..
ركبوا السياره وكان حمد وعبدالله قاعدين قدام..وملاك مخربطه تحسب حمد هو عبدالله وعبدالله هو حمد...وكانت بالاصح قاعده ورا حمد وجنبها منال وخالد الي قاعد ورا معا منال وملاك بس طبعاً منال في النص..والي يسوق هو عبدالله..
ملاك ماكانت مهتمه لاحد كانت تفكر في عالم ثاني ماتدري تفكر بايش بس كانت ساهيه..ومنال كانت تتميلح لا حمد موجود معاهم في السياره...
منال بصوت كأنه همس: ملاك ..ملاك..وين رحتي..
ملاك انتبهت لمنال الي كانت تناديها من زمان: هااه ..هلا..
منال: عطيني جوالك بكتب لك شي ..
ملاك :اصبري بطلعه ..(عطتها الجوال)..
منال: اصبري بكتب لك شي ..
ملاك :اوكيه...
منال خلصت من الكتابه وعطته ملاك:ملاك اقريه طيب..
ملاك:اوكيه.. طيب..
كان عبدالله متابع كل حركاتها من المرايه الي قدام ..مايقدر يشيل عيونه عنها..
خالد طلع سيدي وعطاه لعبدالله: عبدالله شغل هذا السيدي..يوم انك فاضي..
ملاك كانت بتقرا الي كتبته منال بس رفعت راسها مستغربه(الحين هذا عبدالله ولا حمد..) يعني الي سدمت به هو الي ماتعرفه منال...
ملاك بصوت خفيييف:منال أي واحد فيهم حمد..
منال :اقري الكتبته وبتعرفين..
ملاك فتحت الرساله كان مكتوب (ملاك هاذا حمد الي قدامك وش رايك فيه)...
ملاك يوم قرت الرساله ماتدري ليه ارتاحت حست بنشاط كبير وفرحه كبيره..على طول ردت وكتبت (يجنن الله يحفظه لك وشكله يحبك لانه كل شوي لاف راسه علشان يشوفك ومسوي لي يشوف خالد..وليه اخوك مفهي مايعرف ينتبه لاخته)...
عطت ملاك منال الجوال عشان تقرا...
منال بصوت كله حماس: صدق والله..(حست ان صوتها كان عالي ماتدري ان حمد تشقق على هالصوت"اااه يامنال لو بيدي كان قلت لك عن حبي وخطبتك")..
ملاك ظحكت من ورا ايدها..وخالد :قصري صوتك عيب..
منال بزعمها بتكحلها قالت لهم: آآسفه...
خالد وهو يطالعها:لا والله ..
منال ملت من تعليقاته: تراك انت الي امس ظاغط سبيكر موو انا..
ملاك وعبدالله وحمد يظحكون بس بصمت على الثنين يتطاقون وكل واحد معاه حق..وحمد (الحمدلله اني مو انا الي اسوق الحين ولا كان صاير لهم حادث من زمان)..
خالد:خلاص فهمنا ..قصري حسك..
منال باستحقار وهمس:اعوذ بالله..
ملاك:اعقلي يابنت..اثقلي..
منال :ياحبيلك بس انتي..(رفعت صوتها شوي عشان خالد يسمعها..) انتي الي مريحتني ولا كان انتحرت من زمااان..(مادرت ان كل الي في السياره سمعوها هههه)..
ملاك: قصري صوتك الي قدام سمعوك..
منال : احك.. لها الدرجه صوتي عالي..
حمد دش عرض: عالي وبس هههه..(وعلى طول شغل المسجل عشان مايسمع ردة فعلها وهو يظحك)..
منال خلاص بتقوم وتخنقه:وش دخلك..في احد كلمك..
حمد: عفواً تكلميني...
منال سفهته..ولفت على خالد: الشرها مو عليك الشرها على الي يقول لك انت توصلنا..
ملاك كانت تشوف ردات الفعل وتظحك على منال الي مابقت احدالا تطاقت معه....وعبدالله لسا متابعها وكل ماابتسمت ابتسم معاها....
وصلوا للبيت ونزلوا الثلاثه ملاك ومنال وخالد..عبدالله فتح الدريشه ودق بوري يمكن ملاك تلف عليه يريح باله ويشوفها...ظغط بوري وانتبهوا له كلهم وكانت عينه على ملاك الي يوم شافته وحست انه يبي يقول شي سحبتها منال ودخلوا..
خالد:هلا ..والله تامر بشي ..
عبدالله وكان يطالع ملاك لما دخلت جوا بعدين لف على خالد:اقول بدري ..ليه منتا جاي معانا انا وحمد..
خالد: لا والله بودي سيارتي للورشه ..وعندي كم شغله..
حمد :طيب سلمني على منال وامك ..
خالد لف عليه :وليه ماسلمت على منال الي كانت جالسه في نفس السياره تو..
حمد: مدري حسيتها زعلانه لاني رديت عليها..
خالد يحاول يبين لحمد شي: عمر الحبايب مايزعلون..(عشان يصرف)..اوكيه يالله باي معليش بس عندي شغل..
حمد: خالد وش تقصد..
خالد: مع السلامه.."ولف وراح عنهم"
حمد بصوت عالي عشان يسمعه خالد: خالد وش تقصد..
عبدالله :حمد ادخل لامشي واخليك تخبط في اقرب عامود..
حمد دخل: طيب ..وش يلمح له خالد..
عبدالله:واضحه ..انا فهمته وانا ماعرفه زين..يعني هي تحبك وانت تحبها...الا أي وحده تحب انت الي في النص ولا الي وراك..
حمد: القمر الي في الوسط..
عبدالله: ليه قد شفتها..
حمد :كثير..من خبالها تصير لها مواقف معي كثيره ..
عبدالله: طيب هي كل مره تطاق معك؟؟
حمد : طقاقها معي عسل..
عبدالله: ياحليلك والله حركاات..
ومشوا وراحوا كل واحد في بيته وارتاحوا بعد العزيمه...

===================================

[**MoOn LiGht**]

نوره خلصت من الغداء ومن شغل المطبخ..وجلسوا نوره ونواره ياكلون...
نواره اعجبها الاكل :احلا يانوره ..صرتي سنعه بنزوجك..
نوره: لا شكراً انا مخطوبه وقاظيه..
نواره: طيب نقدم موعد الزواج..
نوره: خلي الملكه تتقدم وبعدين الزواج يصير خير...
نواره: ايه ..الله يوفقكم ...
نوره: آآآآآمين..يالله انشاءالله عن قريب تصفين معي..
نواره: انا بس ابي اعرف ليه مايحبني..
نوره :مشاري قايل لك انه مايحبك..
نواره: لا بس احس انه مايحبني ..صح اني ماابين له حبي له..
نوره :وشلون اسلوبه معك ..زين ..شين ...يكلمك من طرف خشمه..
نواره: لاا بالعكس ..احس انه اذا كلمني يسولف وياخذ راحته..بس مااعترف أي احد منا انه يحب الثاني..
نوره : يعني تبينه يعبر لك عن حبه..
نواره: ايوه ..هذا الي ابيه..
نوره:هههههههه على فكره ترا هو سعودي..ومافي سعودي يعبر عن حبه الا ناااادر...
نواره : على هاذي انتي صادقه..انتي وشلون عبر لك عبدالعزيز عن حبه..
نوره: بعد سنه كامله بدا يلمح وانا فهمت له ..ويوم صارت له مشكله ماقدر طلع كل الي في قلبه..وانا ماقدرت زد الخير خيرين واعترفت له ..ومن يومها وهو مااخذ راحته معي..بس يوم جاء يخطبني بجد صار يخققني..
نواره: يووه يعني بستنا لما يقول لي..
نوره: وش يدريك يمكن يدق الحين ويقول لك..
نواره: هاذي مستحيله..
نواره توها مدخله الشوكه في فمها ودق الجوال..ارتاعت وشرقت..(ممكن يكون صح كلام نوره..)..
نوره:هههههه بسم الله عليك ..اشربي مويه..
نواره: كح كح.."شربت نواره المويه ومسكت جوالها طلعت اخت نواره ساره هي الي داقه"..
نواره وعيونها مدمعه من الشرقه :الله يخسها روعتني..
نوره وهي حاطه يدها على بطنها: هههههه بسم الله عليك الرحمن الرحيم..من جدك تصدقين الكلام..
نواره :كل شي جايز..
نوره: طيب بتردين على سوير..
نواره : لا ..بتقول لي ملاك موجوده..ماتصدق انام عندكم و تزعجني بملاك اختك...
نوره: مايكفيهم انهم في نفس الجامعه..
نواره: اسكتي بس ..انا وياك كنا في نفس الجامعه مع ذلك خساير تيلفونات والفواتير وجيات لبعض..
نوره: ايه والله..
نواره دق جوالها مره ثانيه..
نواره: الوو..
ساره: هلا نواره وينك..
نواره: في بيت نوره..ليه..
ساره :ليه ماقلتي لامي بجد خايفه عليك..
نواره: دقيت عليها امس وماردت وارسلت لها رساله اني بنام عند نوره..لا يكون معصبه بس؟؟
ساره : لا بس خايفه عليك..
نواره :لا قولي لها اني في بيت نوره...طيب..
ساره: طيب..يالله تامرين بشي..
نواره: لا ..سلامتك..غريبه ماطلبتي مني ملاك..
ساره :لا هي اصلا مي موجوده عند منال...
نواره: ماشاء الله عارفه الاخبار كلها..
ساره: اكيد هاذي صاحبتي..(ساره هي صاحبه ملاك ومنال في الجامعه بس ساره ماتحب الطلعات الكثيره فما تحب تطلع معاهم الا اذا راحوا للملاهي او حركات كذا)..
نواره: اوكيه.. طيب...
ساره: يالله باي..
نواره: باي..
صكروا الجوال..
نواره تكلم نوره: تخيلي امي ماتدري اني نايمه عندك..
نوره: يالسنعه ..ليه ماقلتي لها امس..
نواره: امس دقيت وماردت كانت نايمه..فارسلت لها مسج وهي بتشوفه وبتصدقني..
نوره: ايه اوكيه...ترا انا خلاص مااقدر اكل زياده ..انتي خلصتي..
نواره: انا اصلا مو جايعه ..اجاملك بس..
نوره: كان كملت المجامله وقلتي ايه..
نواره: مااقدر اكذب عليك..
نوره: اكيييد..
نواره: يالله كملي كرمك وغسلي الصحون..
نوره : لا بدري على تغسيل الصحون ..خلي الشغاله هي الي تغسلها انا مالي شغل ..
نواره: ههههه والله اني عارفه ...
==============================
عبدالله وصل حمد لبيته...ووصل للبيت الي المفروض هو ساكن فيه مع اهله لكن لانه يشتغل في اسبانيا له هناك فله صغيره..وكان بيت اهله اشبه بالقصر الصغير...كانت فيه مسااحات كبيره وواسعه ..وكل هذا من مرتبتهم في الاعمال كان مجال اعمالهم عالي ومترتب ..وكان عبدالله هو الي منتقل لا سبانيا لان كل اهله واخوانه ظروفهم ماتسمح لهم يطلعون برا السعوديه..الا هو ماكان متزوج ولا عنده مسؤوليه تمنعه انه يسافر فقرر انه هو الي يكمل الشغل الي في اسبانيا ويرجع....
دخل عبدالله وهو دايخ وتعبان ..يوم دخل لقا كل اهله مجتمعين في الصاله سلم على امه وابوه وحب راسهم ورقا فوق..(عبدالله كانت عايلته عباره عن امه وابوه واخته الكبيره تهاني الي عمرها 32 بعدها يجي سلطان الي عمره29 سنه وبعد سلطان يجي سيف الي عمره 27 وفي الاخير عبدالله اصغر واحد وعمره 25سنه..وكلهم كانوا متزوجين الا عبدالله اصغر واحد فيهم مايحب يجيب طاري الزواج..مااعجبته فكرة الزواج من وحده مايعرفها..ولا هي تعرفه).....

كان الحوار الي يدور بينهم كله عن الشغل والشركه وهو ماصدق يرجع ..الا وهم يتكلمون عن الشغل ..
صعد عبدالله لغرفته وتحمم وعلى طول طب على السرير ونام وصورة ملاك الي ماطاعت تروح عن باله موجوده في وجهه...
يحاول يشل صورتها عن باله لانه على قولته انه خلاص بيروح يسافر ويمكن اذا رجع تكون مخطوبه الا متزوجه وبتروح عليه...
==========================================

منال وملاك كانوا في الغرفه يسولفون ويظحكون ويتطاقون..كل الحالات يعني...
منال: شفتي ياملاك كيف ..يتطاق معي وانا ماقلت له شي ولا سويت له شي..
ملاك : لابس تلاقينه يحب يتحرش فيك ..بجد انا بعد اذا هبلت فيك احس راحه عقليه وجسديه ونفسيه..
منال: الكلام معك ماله فايده...
ملاك: لا خلاص اسفه ..بس صدق يمكن كان يحاول يعطيك وجه بس انتي ماعطيتيه وجه فقال الحل الوحيد يتطاق معك..
منال: تتوقعين..
ملاك: بجد تصلحون لبعض ههههههه كلكم اساس للطقاق..
منال: طيب انا ...ولا خلاص...
ملاك: لا انتي وشو ..كملي..
منال : بصراحه انا عندي رقمه ولا ادق عليه وماابي ادق ولاهو يدق ليييييه..
ملاك : مدري عنه بس اصبري ..بيجي يوم وبيمل من كثر الوقت الي خبا عنك حبه ..وبيقول لك..
منال: ماادري والله ..بس لو يحاول بس وانا بزيد عليه..
ملاك: يالله كل الي اعرفهم يحبون الا انا ليييه(تكتفت وعبست ..باسلوب اطفال)..
منال : اريح لك ..الحب عذاب..
ملاك : الله الله..(باستهزاء)..
منال : احس فيني النوم ..بس مااقدر انام ..وش السواة..
ملاك: اجلسي معي ..هذا وانتي قايمه بعدي وجاك النوم قبلي..بجد دجاجه..
منال: طيب جلسنا معك ولاتزعلين..
ملاك كانت حاسه انها موو مرتاحه بالجينز فقالت بتروح تلبس بيجامتها اريح لها..
ملاك: اقول ترا مارتحت بالجينز بروح اغير..
منال: اوكيه....بغطي وجهي مالي خلق اقوم...
ملاك: طيب خلاص..
غيرت ملاك وخلصت وارتاحت..ومنال كانت متغطيه بالبطانيه وهي منسدحه..
ملاك :منال تراي مخلصه من زماان..
منال: داريه انا متابعتك من اول مابديتي ...
ملاك : ايه ..طيب اقتنعت ..اقول قومي ..لا تقولين سيير عليك النوم؟..
منال تغني وهي واضح عليها انها دايخه من صوتها:"حمام جانا مسيير ولا سلم علي ..حمام جانا مسير ولاسلم علي"...
ملاك: ياشين التقليد..
منال : وش اسوي نقلتي لي العدوى ..(قامت وعدلت جلستها)..اقول ملييك انتي قلتي لنوره اختك انك خلاص بتشيلين هالاسلوب من قاموسك من المواقف الي صارت لك..وش المواقف..
ملاك تسوي كانها ماتدري: أي اسلوب؟؟.
منال: ياللله بلا غباء ..انك تركبين اغنيه على أي موقف..وش المواقف الي تقولين صارت لك خلتك تحرمينه؟؟...
ملاك: مافيه شي بس انا ملليت منه حسيت انه غبي..
منال :لا والله يونس الصدر..اكيد لان ملوكي تغني ...
ملاك : تسلمين..
منال :للمعلوميه مدحتك عشان تقولين لي وش الموقف..
ملاك :مافيه شي يابنت الحلال..
منال: بجد ..ملاك عمرها ماتتغير..ولاشي..
ملاك: اسمحي لي اقول لك بكل صراحه وقدام الناس بدون غرور..
منال وتتنهد :ايه وش بتقولين...
ملاك: تصبحين على خير..(وغطت وجهها بالبطانيه)...
منال: مسويه سالفه عشان تقولين تصبحين على خير..
ملاك: على فكره ترا الحلم بدا لا تخربين علي شكله زين..
منال : اصبري اظغطي ستارت بشوفه معك..
ملاك :ممنوع ..اصلا الدخول بس انا ادخل..
منال : سوي لي واسطه..
ملاك :مقدر..
منال :لييه انشاءالله..
ملاك: اخاف يزعل علي السكيورتي ..ياحظي وش ملحه..
منال : بسم الله الرحمن الرحيم..
ملاك :هههههههههه ..
منال: طيب بدا الحلم...
ملاك: ايه ..لحظه...شكلي قد شفته...اييييييييه يوه امس جايبينه..
منال :جددي اشتراكك..انا عندي اشتراك اكشن..
ملاك :انا مشكل...
منال: اقول شفتي آثآر النوم وش تسوي..
ملاك وهي شبه نايمه : شوفي يامنولي..(وهي تتثاوب)..انا الحين مرفوع عني القلم..
منال: انا اوراقي توها عند الاداره ماتوقعت...
ملاك بكل فهايه:أي اوراق واي اداره..
منال :اقول وشلونك..
ملاك: ذهبي ومن داخل احمر...وانتي...
منال :فضي ومن داخل ازرق...
ملاك :اقول منال ارفعي يدك معي ورددي وراي..
منال رفعت يدها :يالله..
ملاك :اللهم..
منال تردد:اللهم..
ملاك: اشفي ...
منال تردد: اشفي ..
ملاك:مرضانا ومرضى المسلين..
منال: هاذي طويله بس خليني اكملها..ياللللللللللله..
ملاك تكلم منال: امسحي وجههك الحين..
منال مسحت وجهها وهي تظحك على التحشيش:هههههه...
ملاك:اللهم رب هذه الدعوة التامه والصلاة القائمه آتي محمداً الوسيله والفضيله وابعثه اللهم مقاما محمودا الذي وعدته..انننننننك لا تخلف الميعااااد..
منال:ههههههه
ملاك: اللللللللللللللللللللللللللللللللله اكببببببببببببر..
منال:هيييييييييييييه..مليك اعقلي ..
ملاك :هههههههههههه. تصدقين ماكنت معاك..دخلت في الحلم وشفت بوابه كبيره ذهبيه وعلى الارض زوليه حمراء..
منال: عشان كذا تقولين انك ذهبي ومن داخل احمر..
ملاك وهي تظحك حست ان ماعندها سالفه: انا قلت كذا..ههههههه...
منال :بسم الله عليك الرحمن الرحيم ..لاا وازيدك من الشعر بيت وقمتي تأذنين ..ودعيتي لمرضى المسلمين..
ملاك: لا الدعاء لحقت عليه ...
منال: ملاك ..ترا ماعندك سالفه...
ملاك :داريه ...خلاااااااااص ابي انام...
منال: طيب عادي تسولفين علي وانتي نايمه ..احس ان ملاك النايمه احسن منك..
ملاك: نشوف على حسب..
منال : اسحب كلامي ..النوم ابرك..
ملاك: انتبهي لا يطيح..ههههه
منال تظحك بثقل من النوم الي ماكلها:هه هه هه هه..
ملاك: ممكن تعيدين الظحكه ابي احطها نغمة مسج..ههههههه
منال: بكره بكره انشاء الله..
ملاك:هههه منال بجد انتي مرفوع عنك القلم الحين..
منال: الله يخليك ياملاك خلاص ابي انام..
ملاك: انا مابيك تنامين طيب..
منال: ملاااااااااااااااك الله يخليك..
ملاك: اوكيه بس بشرط..
منال بظيق: وشو ..
ملاك : اذا حلمتي ب..احم احم ..حمد تعزميني..
منال: اذا حلمت به تامرين امر..
ملاك :ليه انتي ماتحلمين بالي تحبين...
منال: لا ياحظي..احلم بالي اكرهه..
ملاك : ماالومك مسويه اشتراك للاحلام الاكشن ..حولي لرومانسي يمكن ينفع..
منال :مقدر ..دافعه لهم ومخلصه..
ملاك: ماتقدرين تحولين..
منال: والله انك فاضيه نخرب بشي مال امه داعي ..
ملاك :ههههه والله انتي الي تردين علي..
منال: تصبحين على خير..
ملاك: طيب ..بسألك سؤال صعب اتحداك تجاوبينه..
منال : ماراح ارد عليك..
ملاك : هذا يدل على غبائك..واذا رديتي عليه وطلع الجواب صح بيكون دليل لحبك لحمد..
منال عشانها تحب حمد وبس: طيب ..بسرعه اسألي..
ملاك :اشوف بعض الناس اقتنعوا..
منال : بتسألين ولا لا..ترا مالي خلقك..
ملاك: طيب السؤال هو..ترا اذا جاوبتي خطأ يعني ماتحبين حمد..
منال:طيييب فهمنا بسرعه اسألي انا وراي نومه..
ملاك: السؤااااال هو..منال وش اسمك..
منال على طول قامت من السرير بتطب على ملاك الي رفعت ظغطها علشان سؤال بايخ..
ملاك وهي ميته ظحك على منال وردة فعلها:ههههههههههههه ..
منال: ياحماره هبلتي بي علشان سؤال بايخ زيك..
ملاك: وش فيك طمرتي الي يشوفك يقول شامه قهووه..
منال : ليه في احد يشم قهوه..
ملاك : اكيد عشان يعرفون يفرقون بين القهوه والشاهي..
منال: وش فيك طالعه غبيه ..والله بجد القلم مو مرفوع وبس الا باعوه...
ملاك : اوووه حسافه باعوه ..اشوى عندي قلم ثاني احتياط..هههههههههه
منال بظحكه يائسه: هئ هئ هئ اللهم لا اعتراض اللهم لا اعتراض..
ملاك: ياحليلك يامنال..اسكتي تراك ازعجتيني ..ابي انام انا ...يوه..
منال وهي شوي وبتصيح فيها النوم وملاك مستثقله الدم..
ملاك: اخيرا ..طلعت حرتي ورفعت ظغطها..يالله بنام وانا منتصره..
منال: خلاص.. يعني كنتي ناويه..دواتس عندي يامليك..
ملاك: لا والله دواي معاي بالشنطه..هههههههههه..
منال: اسفه ..بس المره الجايه تنامين بدري غصبٍ وورا خشمك..
ملاك بصوت خفيف: ظاقت..ههه
منال : خلاااااااص تصبحين على خير..
ملاك خلاص يأست للنوم: وانتي من اهله..
ناموا ومنال مرتفع ظغطها من ثقالة دم ملاك الي طلعت كذا فجأه..
=================================

[**MoOn LiGht**]

في صباح اليوم الثاني والي بالاصح يوم الجمعه...
نوره ونواره كانوا في سابع نومه كملوا السهره لما 10 الصبح وناموا ولا قاموا الا متأخر ومن منار ويزيد كل شوي مارين عليهم يخبطون"امي تقول قوموا ماصارت" هذي الكلمه الي رددونها..
نواره بصوت كله نوم: اقول نوير 2..
نوره وهي تتثاوب :نعم..
نواره: شكلي برجع اليوم للبيت..
نوره عدلت جلستها: بدري ..ماوراك دوام..
نواره: مدري ..ودي ارجع بس ودي اقعد ..واحس اني صايره ثقل عليك..
نوره: لاثقل ولا يحزنون...
نواره: نشوف ..الحين خلينا نقوم ويحلها الف حلال..
نوره: لاا شوي بس نكمل النومه ونقوم..
نواره بدون أي اعتراض لان كان فيهم النوم من جد: اوكيه..
كملوا النومه بعد 15دقيقه دق جوال نوار وكان ع الصامت انتبهت نوره على نور الجوال..
نوره: نوير..جوالك..
نواره: يالله مالي خلق..
مسكت الجوال وبدون ماتشوف مين الي داق سوت كرم وردت عليه..
نواره بصوت كله نوم وزياده على صوت نواره الي ماكله الدلع طلع مزمز ميرندا ههه: الووو..
مشاري خق على الصوت الرونقه ماقدر يسوي ثقل: تسلم لي ها الالوو..
نواره نقزت من السرير مرتاعه ماتوقعت انه يكون مشاري ابدا ماكانت مرتاعه بالاصح ..كانت متشققه داق عليها الظهر غريبه مو من عوايده: هلاا مشاري..
مشاري: هلا والله بنواره كيفك..
نواره وهي تطالع نوره وتحاول تعلمها ان الي يكلمها الحين مشاري: الحمدلله انت كيفك..
مشاري : انا تمام ..بس بجد وحشتيني..وآآآآآآسف اني ماكلمتك ولا سألت عنك بس الشغل كان ماكلني ..كل مااجي بدق عليك يجي احد ويخرب علي ..سامحيني..
نواره في بالها(وانا كيف ازعل عليك اصلا): لا عادي ..
مشاري حس ان نوره توها قايمه من النوم لانه كان يسمعها وهي تتثاوب: عسى ماازعجتك بس ..شكلك كنتي نايمه..
نواره: لا اصلا كنت بقوم ...بس يعني امس انا سهرانه عند نوره2...
مشاري : يعني انتي عند نوره.؟؟
نواره: ايوه..
مشاري :اهاا (وانا اقول وش فيك ماطلعتي اليوم من البيت—كان فاضي ويستناها تطلع عشان يشوفها ويريح باله وقلبه الولهان--)..طيب سلمي لي على نوره...
نواره تكلم نوره: نوره مشاري يسلم عليك..
نوره: قولي له تقول الله يسلمك..
نواره تكلم مشاري: تقول الله يسلمك..
مشاري: آآسف ازعجتكم ..بس اسمعي اذا روقتي وارتحتي ..دقي علي ابي اكلمك بموضوع ضروري من زمان وانا ابي اقول لك عنه..
نواره تحمست: انا الحين مروقه...
مشاري باسلوب تميلح: لاا مابي اكلمك عنه الحين..بعدين طيب..
نواره تقلد تميلحه: ليييييه طيب الله يخليك الحين..
**طبعاً نوره فاقه فمها على جنب على اسلوب نواره..محششه بجد بعدو عنها أي وسيلة اتصال وهي توها قايمه من النوم...***
مشاري: هههههههه والله خلاص انا بدق عليك في الليل..نكون كلنا مروقين..اوكيه..
نواره: يووه في الليل..اليوم طويل علي..
مشاري بتغلي: لا انا بعد ابي اروق ترا..
نواره: طيب خلاص بالليل بالليل..
مشاري: يالله باي روحي افتحي الدرشه ريحة النوم ماليه المكان..
نواره: ماشاءالله عليك ..شامها..
مشاري : ايه انا عندي الحاسه السادسه وهي دبل كل الحواس..
نواره: ماشاءالله عليك...يعني انت الحين تشوفني ..
مشاري :لا وينك..
نواره:انا الي ااشر لك الحين..
مشاري: هههههه شكلك راعية طويله ..قومي يالله..
نواره بكل دلع: اوكيه..تامر بشي..
مشاري : سلامتك..
نواره: الله يسلمك ..يالله باي..
مشاري : باي...
صكت نواره وهي عاضه شفايفها الي تحت باسنانها..
نوره: هاه وش قال لك..
نواره لفت على نوره: ماقال لي شي..
نوره: طيب ترا الي يعض شفايفه كذا تكبر..وانتي ماشاءالله مانتي ناقصه شفايف..
نواره :حرام عليك ..انا شفايفي كبار..
نوره : بصراحه ..اشك ان لك شفايف..احس لو تتعتعين بتبلعين برطمك ههههههههههههههههه.
نواره: هههههه على كذا خليها تكبر شوي عشان مااغص بها..
نوره: كيفك بس ترا ذا زاد الشي عن حده ينقلب ضده..
نواره: ايه طيب..(وانسدحت)..
نوره باستهزاء: هماك توك بتصحين..
نواره: شوي نص ساعه بس...
نوره: بكيفك..بس تنافقين مشاري ..
نواره قامت : لا كل شي ولا موشو..
نوره ميلت خشتها: موشو ويييين قاعدين مولان..هههه
نواره وهي قايمه بتطلع تروح للحمام لفت عليها وبكل استحقار: عفواً ..انتي تنكتين....يعني المطلوب مني اظحك..
نوره سوت لي فيها كريمه وبدال ماتمسك الساعه الي جنبها وترميها مسكت المخده ورمتها:كلي تبن...
دخلت نواره الحمام وغسلت وجهها وفرشت اسنانها..وطلعت ..
نوره: مابغيتي تطلعين توقتك سكنتي هناك..
نواره وهي تمسح وجهها: اقول ادخلي انتي ساكته ابرك لك..
نوره طلعت للحمام ..يوم دخلت نواره الحمام دق جوالها..وكان عبدالعزيز المتصل..نواره مسكت جوال نوره وقرت لقته عبدالعزيز هو الي داق..
نواره بصوت عالي عند الحمام عشان نوره تسمع:نوره ترا عبدالعزيز يتصل عليك ..
نوره :لا تردين عليه ..بطلع وبدق عليه..
نواره: متأكده..
نوره: ايه مافيها كلام..
نواره بهمس: احلا يالي يغارون...
نوره : سمعتك..
نواره:هههههههه..
هجد الجوال شوي دق مره ثانيه ونفسه عبدالعزيز هو الي داق...
طلعت نوره وعلى طول ردت..
عبدالعزيز: هلا والله...
نوره بدلع: اهلين ..كيفك..
عبدالعزيز: الحمدلله كيفك انتي..
نوره:الحمدلله تمام..
عبدالعزيز: وش رايك نخلي الرسميات لاهلها ..وبسألك سؤال وش فيك مارديتي علي الا متاخر..
نوره باسلوب مزح: يقولون الي يثقل يصير حيه دايم للابد..
عبدالعزيز: خلاص انا باخذ فيلسوفه..وناسه..
نوره بدلع:هههه..لا بصراحه كنت بعيده عن الجوال..
عبدالعزيز : لايكون توكم قايمين انتي ونوير..
نوره: كاشفني..
عبدالعزيز: نوير هاذي يبي لها طق ليه تخرب نومك..
نوره: لاااا كل شي ولا نواره..
نواره عرفت انه يحش فيها: هييه بتتكلمون عني تكلموا زين ولا اسكتوا ..
نوره :لا ماتقطعنا فيك.
نواره: يه لازم تفشل (علت صوتها عشان يسمعها عبدالعزيز)..الله يعينك عليها..
عبدالعزيز : لا نوره على قلبي عسل..
نوره بدلع: يالله لاتحرمني منك...
عبدالعزيز: ولا منك..
عبدالعزيز يكمل كلامه: اقول نونو ..ليه ماتدلعيني ..يعني تقولين لي عزوزي او حركات كذا..
نوره بكل دلع: يعني اناديك عزوزي..
عبدالعزيز خق :آآآآآآآآه..لا خلاص نوره اسحب كلامي اذا ناديتي كذا بموت..
نوره: بسم الله عليك من الموت..
عبدالعزيز: الله وناسه من اليوم ورايح بيكون كل صباح انا سامع صوتك حتى لو انك نايمه بقومك ..وقبل ماانام بسمع صوتك ..حتى لو كنتي نايمه بعد..
نوره: حشى..ماصارت نوم ..دجاجه..
عبدالعزيز: لابس يعني هذا الحاله الوحيده الي تخلي الواحد يتظايق ويتنرفز..
نوره: افاا ..انا اتنرفز منك ولا اتظايق منك ..مين الي قاص عليك وقايل لك هالكلام..
عبدالعزيز ماعنده:اسمحي لي اغني لك ..
نوره : تفضل..
عبدالعزيز:"بحبك وحشتيني بحبك وانتي نور عيني دا وانتي مطلعه عيني بحبك مووت"
نوره: اللللللله..بس بصراحه مايلبق....تحطيم..
عبدالعزيز:لا يعني صوتي شين..
نوره :لا يجنن بس بالمصري موخوش..
عبدالعزيز: على فكره ترا الي يغني حسين الجسمي..مو مصري..
نوره: بس الاغنيه مصريه .هاها..
عبدالعزيز:فزتي علي ..طيب ممكن ام كلثوم تطربنا بصوتها العذب..
نوره:انا ام كلثوم ..افاا..
عبدالعزيز: لا لا لا انتي نوره حبيبتي وخطيبتي وانشاءالله مليكتي وزوجتي عن قريب...
نوره :طيب ماامداني اروق..
عبدالعزيز: هههههه طيب لقييتي عذر الحين بس بعدين مالك عذر بخليك تغنين لي كل شوي..
نوره :احمد ربك صوتي حلو ..ولا كان ابتلشت كان دقيت عليك كل يوم الصبح ..اخليك تصبح على نشاز..
عبدالعزيز : ايه والله الحمدلله ان صوتك يهبل ..
نوره :هههه طيب يالله تامر بشي..
عبدالعزيز : سلامتك..
نوره:الله يسلمك ..مع السلامه..
عبدالعزيز :مع السلامه...
======================================

[**MoOn LiGht**]

اما عن خيشتين النوم ملاك ومنال ماحسوا في نفسهم من التعب امس كله خبال وظحك وركض ورقص واستهبال..انقلبت الا سبات...والي خلاهم يكملونها نومه انهم ولا احد مر عليهم وقومهم...خالد مايبي يزعج ملاك رحمها من كثر ماهبل بها وام خالد مع الشغل نست كل شي طالعه من هنا ورايحه لهناك<<شغل حريم..
قاموا على صوت جوال المرجوجه منال من زود الرواقه حاطه اغنية راشد الماجد.. مشكلني ..
منال خبطت=طاحت من السرير على جنب..ملاك ارتاعت ..بس شافت منال وهي خابطه صبحت على ظحك بالاصح ماتت من الظحك على شكل منال وهي طايحه..
منال وهي معصبه مسكت الجوال وردت:نععععمم..
.........: صباح الفل والورد والياسمين....قومتك؟؟
منال: لاحظت ...نعم ..ومين وش تبي خير ترا ازعجتني...
.............: شوي شوي علي ..نبدا بسم الله الرحمن الرحيم 1-انا حمد..
يبست منال حمد داق عليها وش يبي طيب..
كمل حمد:2-آسف اني ازعجتك ..بس حبيت اعتذر عن حركتي البايخه امس وردي عليك..بس ماادري ليه احس اني احبك اذا عصبتي(حس انه فضح عمره وحب يكحلها )..مو يعني احبك اذا عصبتي بس (مايدري الا اعماها ..)"طق راسه معصب من غباءه"..اقصد...
منال كانت خاقه ياربييه الله استجاب دعائي واعترف وبكل دلع: وشلون..
حمد(اااااه يالله لا تتدلعين انا مو ناقص اخق عليك):اقصد..(يصررف)اقول نسيت اسلام عليك السلام..
منال(عاش مصرف): وعليكم السلام..كيفك..
ملاك كانت تطالعها وتظحك ..(توكم تسملون الحين هههههه والله حاله ..اجتمعوا)..ومنال في نفس المكان الي طاحت فيه ماقامت..
حمد: الحمدلله تمام ...انتي كيفك.....
منال: الحمدلله تمام ..
في لحظه سكتوا شوي..
حمد يملي الفراغات الي مالها داعي..
حمد: اقول منال...ليش نايمه متأخر امس..
منال : لا بس تعرف ..ملاك صديقتي عندي وفليناها ومانما الامتأخر ..وهي اصلا الي مأخره النوم بسؤالها الغبي...
حمد :طيب وشو السؤال الغبي..
منال :وش عليك...
حمد: لابس يعني ..
منال: اول شي تحمد..
حمد:هههههه الحمدلله ..
منال :تقول ..وش اسمك..بالله هذا سؤال صعب..
حمد :هههه شكلها كانت محششه ..طيب ليه ماسفهتيها ومارديتي عليها..
منال انحرجت ماتبغى تقول انها ردت على السؤال عشان تثبت حبها له: لا بس تعرف ..ازعجتني ..وعشان اسكتها وافقت..
حمد:اهاا..طيب ماوراكم بكره دوام..
منال:الا ورانا دوام....ولا تخاف عمري ماعدلت نومي اصلاً..يعني مافيه فرق..
حمد: يعني ملاك صاحبتك بتروح معك بكره للجامعه ولا لوحدك..
منال مستغربه من اسألته:وليه تسأل هاالاسئله..
حمد: لا بس ..اتأكد مو زين تروحين بلحالك...(تنهد حس انه فضيحه)..آآه..
منال وهي مبتسمه عليه وعلى اهتمامه: تسلم..
حمد حس انه خلاص فضح عمره فيقول ليه امثل زياده: ترى انتي غاليه علي يامنال يعني انتبهي لنفسك..
منال خقت بصراحه بس كانت مستغربه منه: اقول حمد ..وش عندك فالها اليوم..
حمد خاف انها تضايقت: اسف اذا كنت ضايقتك..
منال: لا عادي بس يعني استغربت انك داق علي ..جديده هالحركه..
حمد : تعودي عليها من اليوم..ههههههههه<<يظحك للتكحيل..
منال (وناااسه اخيراً مابغيت تحس فيني ياناس تلوموني احبه ولو انه يرفع الظغك):ههههههه<<تجامل..
حمد(تسلم لي هالظحكه):يالله منال تامرين بشي..
منال: سلامتك..""كانت تبي تقول بدري ""..
حمد:الله يسلمك ..يالله باي..
منال: باي...

صكرت منال وهي ماسكه الصرخه ..وتتنفس بزعمها تهدي نفسها وهي لسا في نفس المكان الي طاحت فيه وملاك فوق السرير تطالع البنت وهي مستغربه..
ملاك: وش السالفه..
منال لفت عليها وماقدرت صارخت من الوناسه ..
ملاك: بسم الله عليك الرحمن الرحيم ..وش فيك..
منال : ملاك اكتشفت ان حميدان يحبني..
ملاك :ليه..قال لك شي؟؟..
منال: لا واضح من اسلوبه..
ملاك: طيب وش قال لك..
"منال قالت لها كل الي صار"..
ملاك: ماقلت لك انه يحبك..
منال طالعتها بطرف عينها:ماقلتي..
ملاك : بس وظحت لك انه يحبك وقلت لك انه يلمح لك..
منال وهي تتنهد:آآآآه..حمودي ..
ملاك متابعه حركتها: منال ..ترا اليوم برجع للبيت بكره عندي جامعه..
منال: انا وياك في نفس الجامعه ..خلاص بكره اوصلك للجامعه وتدقين على السواق هو الي يرجعك اوكيه..
ملاك: يالله يامنال ..هبلتي بي ماعطيتيني فرصه ارجع للبيت..
منال: ماامداك تجلسين معي ..طيب..
ملاك: طيب تونا بدري خلينا نستانس الحين وبعدين يحلها الف حلال..
منال :ايه والله..
ملاك: يالله بروح اتروش ماارتاح الا لما اتروش ..
منال :طيب يعني انا عادي عندي..
ملاك تبي تهديها: تذكري مين الي مكلمك تو..
منال:آآآآآآآه يجنن..
ملاك:ههههه ياحليلك..
طلعت ملاك لانها بتتروش ..بينما منال راحت تتروش في حمام خالد تمون هي وياه ..وهو عادي مايزعل لانه يدخل عليها في غرفتها وهي نايمه وياخذ اغراض من عندها..

خلصت ملاك ..وطلعت من الحمام وهي لافه شعرها بالفوطه..طالعت غرفة خالد كانت مصكره ..وهادييي ..حست انها مرتاحه بس في نفس الوقت مااعجبها الوضع ماتدري ليه..دخلت في غرفة منال لقت منال داخله ومخلصه من التحمم..
ملاك: ماشاءالله متى خلصتي..
منال: قبلك بشوي..
ملاك: اهاا ..مسرع..
منال لفت عليها وهي تدور الاستشوار في الدرج:قولي ماشاء الله..
ملاك: اعوذ بالله..
منال: قولي مشاءالله مو اعوذ بالله..
ملاك : ماشاءالله.. ماشاء الله.. خلاص...كلتني..
منال:ههههه وش فيك بعد...
ملاك: ماودي انام هنا..
منال: لييه يالله عاد..بلييز والله انك بايخه..
ملاك :طيب شوفي بروح متأخره بس ماانام هنا..
منال: طيب ليه..
ملاك: كذا...
منال شبكت الاستشوار: خلاص مليك بستشور شعري..اهجدي..ولا تدرين غني لي..
ملاك: ماراح اغني عشان سواد عيونك بس بغني لشعرك الي ينرحم ..هههه حتى ماتعرف تستشور شعرها..
منال : غني وانتي ساكته..
ملاك:ههههه ماتجي..
منال: خلاص بتغنين يالله ماراح تغنين بالطقاق..
ملاك: لا بغني..
منال: يالله اطربينا بصوتك الجميل..
ملاك : ترا فيه مقدمه..
منال: الا وهي..
ملاك:والفيديو يجيبون صورت شعرك"والله مايسوى "هههههههه
منال: هاهاهاها ..والله اسكتي احسن لك..
ملاك: لا خلاص بغني ..
بدت ملاك تغني اغنية اليسا."كنا بأواخر الشتا....."وكانت طربانه معنى الكلمه ومعليه صوتها لان الاستشوار مغبي صوتها ..فكانت ماخذه راحتها..

في هذي اللحظه كان خالد توه جاي من مشوار وبيدخل بغرفته سمع صوت الاستشوار وكان ازعاج على صوت يحسب انه المسجل...وهو يحسب ان ملاك راحت لانه منال عندها دوام بكره ..وبالأصح كلهم وراهم دوام بكره...