المنتديات
اجعلنا صفحة البداية
اضفنا للمفضله
المنتديات
|
#16
09-04-08, 03:53 PM
|
|||||
|
|||||
روايتي رواية ملاك الروح..غرقانه في بحر الذكريات..رواية من تأليفي..
ام يزيد قالت لنوره عن موضوع دراسة عبدالعزيز برا في اسبانيا .. ام يزيد :هاه يمه وش قلتي…… نوره:ماادري …بس انتي وش رايك.. ام يزيد: هذا الموضوع يخصك يايمه انا معاك في نفس رايك… نوره ظمت امها وحست انها احلا ام في الدنيا وقالت:بتوحشوني… ام يزيد: يعني موافقه… نوره هزت راسها بالايجاب يعني موافقه… ام يزيد :والله والبنات كبروا…. نوره تذكرت ملاك وخدماتها لها ومساعداتها لولا الله ثم ملاك كان ماكانت مخطوبه الحين من عبدالعزيز(ملاك تصاحبت مع اخت عبدالعزيز عشان اذا جاء يخطب نوره مايستغربون اهلهم وشلون عرفوا بعض او ليش اختار هالبنت بالتحديد فكانت وسيلة للتواصل مابينهم..)وتذكرت ان ملاك تموت وتدرس برا مررره نفسها تدرس برا خذتها فرصه نوره ترد الجميل.. نوره:ماما… ام يزيد:هلا ..عيون الماما…….. نوره:تسلملي عيونك..بس في طلب اخير لملوكتي… ام يزيد :وشو الطلب.؟؟؟؟؟؟ نوره: انتي تعرفين ان ملاك ودها تدرس برا… ام يزيد :توها بترد… نوره:عارفه وش بتقولين ..بس السنه الجايه انشاءالله بكون متزوجه من (نزلت عيونها مستحيه) عبدالعزيز فبخليها تسكن معي لو تبي ..وبكون معها ماراح يصير لها شي مادام اني انا وعبدالعزيز معها …يمه فكري بالموضوع…الله يخليك….. ام يزيد اعجبها تفكير نوره لانها ماكانت تفكر بنفسها ووحدها فكرت بملاك اختها:شوفي ..انا بفكر وبسأل ابوك اذا اقتنع ..يحلها الف حلال.. نوره عرفت من كلام امها انها شبه موافقه بس المسألة مسألة وقت…. =================================== كانت ملاك في السياره ساهيه تفكر بصديقتها البايخه الي تنشب ملاك بخالد.. لوبي: ..يالله اهنا في سوي وسل... ملاك انتبهت انهم وصلوا:اوه..طيب خلاص روه للبيت ..ولاترجع انا ماراح ارجع اليوم.. لوبي:اوكيه... مسكت ملاك جوالها ودقت على منال.. ملاك:الووو.. منال:..الوووو هلا ...ها بشري وصلتوا... ملاك: لا تونا تحت الكبري....ايه وصلنا... منال:هههههه وانا اقول أي كبري البنت مظيعه... ملاك: ممكن اسألك سؤال... منال:آسألي...هلا.. ملاك:بتفتحين ولا ادق على السواق يرجعني ..... منال :طيب طيب بنفتح ...بعد تهدد... ملاك: يالله ...باي.. منال فتحت الباب لملاك وهي ماسكرت الجوال... منال:هلااااا ..الوو ملاك اصبري عندنا ضيفه.... ملاك: لا خلاص بصك...تستهبلين هههههه منال: هلا والله بمليك.. ملاك: هلا بالدبه... منال :تفضلي حياك ..اعتبري البيت بيتك... ملاك :والله ياحركات انتي ..صايره سنعه ..بنزوجك... منال : لا شكرا ..حاطه عيني على واحد.. ملاك :احلفييييي ...مين؟؟ منال : لا اصبري.. اجيب زوليه نجلس عند الباب..هههههه ملاك :ههههههه .. منال : تفضلي ..الآنسات اولا.. ملاك وهي رافعه حواجبها مستغربه من الي قلب احوال منال:سبحان الله... دخلوا ملاك ومنال وهو يسولفون وملاك تظحك على خبال منال وملاك تستهبل على منال عشان ترفع ظغطها ويوم دخلوا في الصاله ملاك فتشت ومنال كانت تسوي لي زعلانه من ملاك على ثقل الدم... خبطت يد منال على الباب خبطه محترمه..... ملاك ماتت ظحك على منال وبدون ماتناقش غنت لمنال :ههههه"احسن.. مدام انك زعلت احسن وعمرك مارضيت.. اصلا.....(ماكملت)." ملاك كانت عند المدخل ومعطيه الباب وجهها والصاله كانت ورا ظهرها....سكتت يوم شافت منال تطالع ورا وهي مبتسمه وتظحك... منال وهي تكلم الي ورا ملاك:..ماقلت لك ...(تقصد ان ملاك تطبق عليها بالاغاني) ملاك استغربت ولفت ..تبغى تشوف منال كانت تكلم مين...يوم لفت شافت خالد وام منال..... من الصدمه ماتدري وش تسوي ...((ياربيه وش فيني ها اليومين كلها طايحه في مواقف مع خالد هذا))...وقفت تطالع خالد من الروعه..وهو كان يطالعها ويظحك ورا يده..يظحك على ردة فعلها ..((يلعن بليسه ..يظحك علي.. شغلك عندي يالخايس.............شف يتميلح......—وهي تصحي عمرها--- هيه اعقلي وشو خلاص تحركي..))...كل هذي الافكار مرة في عقلها بس بعشر ثواني.. منال وهي ميته ظحك على ملاك :هههههه ... مسكت منال طرحة ملاك وغطت وجهها لان باين من شكلها ان بعد خمس دقايق بتموت من البكي.. منال من بين ظحكاتها:حليناها ههههههههه..... رقوت منال وهي ماسكه ملاك المنصدمه ودخلوا في غرفة منال ومنال كانت ماسكه ظحكتها تقول نحترم الموقف المحرج و ملاك منصدمه لين الحين... ملاك : ياحماره ..شايفتني وانا افتش غطاي ..وانا ادخل عليهم بعد..ووش كانت ردة فعلك......(وهي معصبه)..ولا شي.... منال ماقدرت تتحمل انفلتت ظحكتها:ههههههه ياحليلك والله هههههه ملاك: وش فيك علي من امس وانتي مطنشتني كله تطيحيني في مواقف مع اخوك... منال بنظرة خبث :وجبت الي ابيه... ملاك شوي وتقوم عليها:اعقلي لاعقلك..... منال: خلاص ..مااعيدها.. ملاك رووقت شوي .. منال :على فكره احمدي ربك ...ترا كان بيجي يطب علينا في الغرفه بس انا قلتله لا... ملاك وهي معصبه :يلعن بليسها.... منال:ههههههههههه لاحظي من زود الملح اعترف.. ملاك : منال والله انك بايخه ..واخوك يظحك علي ليه فيني شي غلط... منال :لا داخ على جمالك هههههه ملاك متعوده على مصاخة صديقتها:لا صدق والله بغيت اقوم اخبطه.. منال : تخيلت شكلك قمتي عليه ومسكتيه من بلوزته وتقولين له.."اقول يالطيب في شي يظحك"..ههههههههههههه ملاك :اقدر اسويها.. منال:اتحدى... ملاك تهورت :تتحدين.... دخلت ام خالد عليهم :اقول منال ..متى بتكبرين هذا الي شاطره فيه (وهي تقلدها)..اتحدى.. ملاك استحت لان امهم سمعتهم وزياده على كذا كانت فيه يوم صارت الفشيله الي تحت.. ملاك قامت وسلمت:هلا والله خالتي... ام خالد:هلا والله بملاك ..توه ينور البيت.. ملاك:منور بوجودك.. منال: يمه..خالد تحت.؟؟ ام خالد :لا طلع للملحق يقول بيخليكم تاخذون راحتكم.. منال : حسافه ... ملاك عطت منال نظره سكتت منال.. ام خالد شافت نظرة ملاك :اقول ملاك واللي يرحم والديك علميني على هاذي النظره الي قدرت تسكت هالملسونه.... ملاك: ابشري ..شكلي بفتح دورة للنظره هاذي ..ههههه ام خالد:هههههه منال وهي تقلد ملاك باستهزاء:"شكلي بفتح دورة للنظره هاذي... ام خالد وملاك:ههههههههههه ========================= في نفس البيت في الملحق خالد كان ينتظر صديقه حمد..لانهم يجتمعون كل يوم اربعاء في بيت خالد.. سمع خالد الجرس جاء بيفتح طلع له حمد صديقه وواحد من الشباب معه... خالد :هلا والله حياكم... حمد:الله يحييك.... خالد: تفضلوا... عبدالله وهو الشاب الي مع حمد:لا شكرا تسلم ..بس انا جيت اوصل حمد وقلت اسلم .... خالد:لا افى عليك تدخل وتتقهوا بعد.. عبدالله: والله .... قاطعه حمد:يالله عاد لا ترد طلب ابو الشباب ... عبدالله:معليش بس ترى مو عشانك عشان..(التفت على خالد على اساس انه مايعرف خالد).. خالد:خالد... عبدالله :عشان خالد...(التفت على خالد)..معك عبدالله .. حمد: هذا ولد عمي ... خالد: تشرفنا...بس غريبه مانشوفك ..شفت كل الي يعرفهم حمدالا انت... عبدالله: والله لاني انا اشتغل في اسبانيا ومااجي للسعوديه الانادراً... خالد: اهاا ..مااوصيك كل ماجيت للسعوديه اعرف ان بيتي مفتوح لك... عبدالله: تسلم.. حمد :اشوف ياخويلد طقيت صداقه مع عبيد ونسيتني... خالد :لا تخاف ..مانسيتك ..الا جالس على كبدي... حمد : موشيء جديد.. خالد : شيء طيب انك عارف.. حمد وهو يشوف عبدالله:عبدالله ..احس انه يقول وين القهوه ترا ماني فاضي... خالد:ايه زين انك ذكرتني ... مسك خالد الجوال عشان يدق على منال تجهز القهوه.. حمد وهو يكلم عبدالله بهمس: ..لاحظ ..يعني طرده.. خالد مد رجله ورجف حمد رجفه نسته الدنيا.. منال: الووو... نعم ..خير خالد وهو يظحك على شكل حمد :اقول منال وش صار لخويتك.. منال:الحمدلله داق عشان تسأل هالسؤال البايخ.. حمد وهو يكلم خالد:الوعد بعد شوي .. منال سمعت صوت حمد:اقول ...خلودي.. خالد بثقل عارف ان خلودي للمصالح: نععم.. منال :مين عندك هنا.. خالد: وش دخلك... منال:قول لي ولا بدخل عليكم هالحين... خالد :كيفك ..هذا شيء راجع لك... منال :طيب استعد.. خالد :يالله حياك...(سمع صوت خبطة الباب عرف ان منال طلعت من الغرفه ويسمع صوت خطواتها عالدرج) خالد بسرعه:هاااااااااااي لا تصدقين... منال:انت قلت حياك... خالد : وتصدقين... منال :طيب قول لي مين عندك.... خالد بصوت وهو معصب :الربع... منال:مين يعني... خالد :ليه تبين نخطبك لواحد منهم...(وظغط السبيكر يبي يحرجها لانها طاقه الميانه مع حمد).. منال:لا شكرا ...يكفي انهم جالسين معك وهذا سبب مقنع ... خالد طاح وجهه وحمد وعبدالله يظحكون ..لان خالد كان يحسب انه بيفشلها فشلته..... خالد لف عليهم:على فكره تقصدكم.... زاد ظحك حمد وعبدالله... حمد:رد ولا اروع ههههههههه تعجبيني.. منال سكتت عرفت ان خالد الخايس كان حاط سبيكر بس يكفي انها سمعت حمد يكلمها ... خالد:اقول انطم انزين...اقول منال جهزي قهوه..طيب منال:........... خالد :انا اكلمك اتوقع... منال :................. خالد:الوو ياناس ياعرب... منال وهي تصارخ:خلاص طيب ..لازم ارد...والله.. حمد وعبدالله استقعدوا يظحكون :ياحليلها ..مصرقعه...ههه منال بعدت الجوال عنها على اساس بتصكر :مصرقعه في عينك ...شايفني اصغر عيالك..(وصكرت)... ملاك نزلت لعند الدرج تنادي منال الي طمرت من مكانها وهي تقول طيب استعد وكانها سمعت الرد وماصدقت الا طلعت.. ملاك :منال وش فيك ... منال: يالله ياخوي فيه بياخه ... ملاك: ليه... منال: اصبري باقول للشغاله تجهز القهوه... ملاك :اوكيه.. منال تنادي :تينا ...تينا.. تينا الخادمه: نأم.. منال:جهزي القهوه ..لبابا خالد.. منال باستهزاء :بابا..ههههههههه ملاك :بسم الله عليك الرحمن الرحيم..ترا انتي الي قايله بابا مو الخادمه... منال: وش اسوي ماتفهم الا على "بابا"لها الدرجه واضح على شكله انه عجوز... ملاك: احس انك ماتعيشين الا وانتي متطاقه مع اخوك خالد... منال :الطقاق متعه..مع خالد طبعاً.. ملاك:ايه اشوفك حالفه تعرفين مين عند اخوك خالد ..لييييييييه.... منال وهي تتنهد: ايييييه ..الحب ... ملاك: لايكون تحبين واحد من اصدقاء خالد... منال : ايه ياانه يجنن يخقق.. ملاك: ماتخيلك تحبين احد.. منال حطت ايدها على خصرها :وليه انشاء الله... ملاك :بس يعني انتي احلا من ان تحبي.. منال : ايه واظح.. ملاك:هههههههههههه كاشفتني.. منال:طيب اقول كيف الحال.. ملاك :طيب منال الله يخليك قولي لي مين اهوو.. منال وهي تتنهد:اسمحي لي اقول لك بكل صراحه وقدام الناس بدون غرور......هذا حمودي.. ملاك:مين؟؟؟؟؟؟؟ منال :هذا صديق خالد... ملاك:لايكون الي قال لك "تعجبيني" ولا"اختك مصرقعه" منال :بعض الناس حفظوا.. ملاك:اقول ..ردي هو ولا الثاني.. منال : لا اهو حموووووووودي. ملاك:هههههههه ياحليلك وانتي ماصدقتي قالك مصرقعه الا رديتي عليه.. منال :وش نسوي بعد.. ملاك:الا هوو كم عمره.. منال : لا يكون تحطين عينك عليه.. ملاك:لا مخليته لك ..بس يعني عشانك قلتي له شايفني اصغر عيالك وهذا سبب مقنع.. منال :ايه قد اخوي خالد... ملاك رفعت حواجبها: وانا وش بيدريني عن اخوك.. منال :ايه صح ..شوي شوي لا تاكليني يمه...ايه عمره24.. ملاك :اهاا.. منال تغير السالفه:طيب جبتي الافلام الي قلتي لي عنها... ملاك:ايه اصبري شوي ..هي في كيستي... منال: أي كيس ...انتي ماجبتي كيس على فكره... ملاك :ياربيييييه..لايكون نسيته في السياره...فيه اغراضي.. منال :دقي عليه يجيبها... تلاقينه مابعد مره.. ملاك :طيب اصبري... دقت ملاك على السواق يرجع عشان تاخذ اغراضها من السياره... ================================== نوره كانت جالسه في غرفت ملاك على سريرها ماسكه دفتر من دفاتر ملاك الي تخربط فيهم وترسم وتعبر...و.........و.....,وجالسه تتلقف تحسب انها يتلقا شي ملاك فاظحه عمرها فيه وللاسف مالقت حتى الان (لوكانت ملاك عندها دفتر فيه اسرارها كان ماحطته في أي مكان ..كان خبته في مكان اتحدى أي احد يفكر فيه)... دق جوال نوره وهي ماسكه كراسة ملاك..(ملاك كانت فنانه في الرسم وهذا الشي كانوا نوره وملاك يتنافسون فيه).. مسكت نوره جوالها وكانت نفس نغمة عبدالعزيز ردت على طول.. نوره بصوت كله نعومه:الوو.. عبدالعزيز بنفس طريقة كلامها:الوو..هلا نورتي.. نوره:اهلين.. عبدالعزيز :عرفتيني.. عبدالعزيز:انا سلطان... نوره استغربت من عبدالعزيز شكله رااايق:لا ماعرفتك ..مين معي... نوره تعرف تميز صوت عبدالعزيز يعني ماراح تمشي معاها اللعبه هاذي:هلا والله بسلطان...وش فيك مادقيت بعد امس الساعه 2.. عبدالعزيز: اعذريني ..بس كنت مشغول.. نوره:طيب اسمع سلطان لعد تدق علي انا الحين..(بصوت مليان دلع) ..مخطوبه.. عبدالعزيز خق عليها: يالللللللله...اموت عليك يالمخطوبه انتي... نوره استحت:تسلم... عبدالعزيز: على فكره ترى صدق انتي تعرفين تلعبين علي صدقت ان فيه احد اسمه سلطان... نوره:اعجبك في التمثيل انا ههههههه.. عبدالعزيز:انتي اصلا معجبتني من قبل ماتمثلين اصلا... نوره :عبدالعزيز للمره الثانيه شوي شوي علي.. عبدالعزيز :هههههههههههه.. نوره:ممكن اسألك سؤال.. عبدالعزيز:هلا ..اسألي .. نوره:اذا (بكل دلع)تزوجنا بنروح لاسبانيا صح.. عبدالعزيز خاف انها غيرت رايها:ايه .. نوره : ماودي اثقل عليك بس... عبدالعزيز:لا عادي ..انتي تثقلين علي ..لا ابدا.. نوره:تسلم ...ايه اقول ......ملاك اختي ودها تدرس برا وهذي فرصتي ارد لها الجميل يعني...اذا كنت موافق.. عبدالعزيز : انا عندي اوكيه ..حياها الله ..حيالله الي خلت نوره خطيبتي وانشاء الله زوجتي عن قريب... نوره طلعت حمرا من يوم ماانخطبوا طب فيها عبدالعزيز بالكلام العسل.. عبدالعزيز يكمل كلامه: بس مااتوقع يمديها تكمل السنه هذي يمكن السنه الجايه لان زواجنا انشاءالله بالصيفيه.. نوره: ايه ..السنه الجايه بتدرس باسبانيا يعني.. عبدالعزيز :بالظبط انشاءالله.. نوره: الله لا يحرمنا منك ..انت الي مهنيني بحياتي.. عبدالعزيز:ولا منك ..انتي الي عقدتيني بحبك.. نوره بدلع:يعني انا عقدتك بحبي!!.. عبدالعزيز:مو بس عقدتيني الا ذبحتيني انا الحين هلكان على الدلع الي مغرقتني فيه..(يتنهد) آآآآآآآآآآه ...نوره انا احبك .. نوره ماتت من هالكلمه تجنن على شفايفه ماتمل منها ابداً:وانا بعد ....اموت عليك... عبدالعزيز :بسم الله عليك من الموت انشاءالله فيني ولا فيك.. نوره:لا ..مو حل هذا ..مافي حل وسط..... عبدالعزيز:يالله انتي تعذبيني اذا قلبتي الجو.. نوره تسمع امها تناديها وشكلها معصبه:الو الو ..امي تناديني باي... عبدالعزيز :لحظه لحظه،نوره.. نوره:هلا.. عبدالعزيز:احبك... نوره كانت مستحيه:انا بعد(سمعت امها تناديها) يالله باي... صكرت ومستعجله وخايفه من امها في نفس الوقت .. نوره ترد على امها من فوق:نععم... ام يزيد: تعالي بسرعه... نوره نزلت بسرعه تبغى تعرف وش في امها:نعم يمه وش فيك تصارخين.. ام يزيد: انا ماقلت لك تجهزين منار ويزيد ..لأني بروح.. نوره طقت راسها على انها نست: يووه نسيت.. ام يزيد:هذا الي شاطره فيه ...ووين السواق مارجع لين الحين.. نوره:لا ..بتروحين مع السواق..؟؟؟ ام يزيد :لا بروح مع ابوك لو بروح مع السواق كان ماخليته يروح.. نوره:يعني كلكم بتروحون وانا بجلس بلحالي في البيت.. ام يزيد: تبين تجين معانا ..يالله.. نوره:ماادري وش رايك.. ام يزيد :ماادري بسرعه ترا احنا خلقه متأخرين يعني عجلي اذا كنتي بتجين.. نوره: لا لا ..بدق على نواره عشان تجي ولا نطلع مع بعض .. ام يزيد :كيفك.. ========================== حمد وخالد وعبدالله كانوا قاعدين في الملحق ومندمجين في السوالف حتى ان خالد نسى انه عنده شغله بس سفهها ومن حظه القهوه شكلها راعية طويله... حمد وهو يطالع عبدالله: اشوفك دخلت جوو .. عبدالله:من حظي ان القهوه تأخرت.. حمد:ايه والله صادق تقول طالبين مفطح... عبدالله وخالد:ههههههههه خالد:هالحين ببادخل واجيب لكم القهوه..ولا عالاقل اشوف ليش متاخرين.. ملاك وهي جالسه في غرفة منال الي كانت نازله لان خالد يبيها ...دق جوالها وقرت المكتوب لوبي يتصل بك ملاك ردت:نعم.. لوبي :انا في قدام بيت استنى الحين.. ملاك:طيب...... ملاك لاحظت ان منال موو موجوده وخالد معاها يعني مافيه احد برا فقالت بتطلع تفتح للسواق وتاخذ كيستها..نزلت من الدرج الثاني الي يوصل للمجلس..وهي بتفتح الباب سمعت صوت ارتاعت انصدمت تحسبه خالد.. ماكان بيدها تسوي شي الا تدخل في الغرفه الي هنا.. دخلت ملاك وصكت الباب مرتاعه لا يكون شافها..وكانت معطيه الباب وجهها.. ملاك مانتبهت ولا لفت لورا كان النور في الغرفه شاعري ..سمعت صوت ..صوت شي تحرك..لفت لقت اثنين قدامها واقفين يطالعونها ...عبدالله وحمد يطالعونها مستغربين..عبدالله كان معجب بجمالها وحس ان قلبه يدق بقوه ..مايدري ليه ..اما حمد كان مستغرب على كثر قعداته عند خالد يعرف كل الي في البيت الا هاذي مامرت عليه..صح انها حلوه بس هو يحب منال المصرقعه ... ملاك حست ان الارض مو شايلتها ...مرتين في يوم واحد..انتبهت لعبدالله الي ماشال عيونه عنها من اول مادخلت عليهم وحست ان فيه شي غريب شي خلاها تلاحظه وتنتبه له ..كانت عيونه عسلي على اخضر كان جسمه رياضي ولبسه حرركه وشكله رجال كانت كل صفات الرجوله فيه... بدون ماتحس لفت لورا وفتحت الباب وطلعت وهي الصدمه منسيتها الدنيا.... يوم طلعت لف حمد على عبدالله حس ان عبدالله رااااح بعيد.. ظحك حمد: وين رحت.. عبدالله انتبه لها النشبه الي جنبه:هاه..موبعيد.. ملاك وهي تمشي دخلت جوا البيت مو حاسه بنفسها وهي ماره على المجلس الي صراخ خالد على منال عالي لانها فشلته قدام الشباب .. دخلت المجلس ولقت خالد يطالعها الافكار مجتمعه في بالها(من هذا.. وليش متابعني وين بمشي.. وليه يصارخ على منال ..هذا خالد صح ..ياربيه لا يكون بس يقولون لها اصحابه عني)حست ان خالد منتبه لها وان فيه ظحك عليها ..لان شكلها مفهيه وعيونها مغرقه بالدموع الي ماطاعت تطلع...(ياربييه ليه حظي كذا اليوم اول شي خالد بعدين ربعه بعدين مره ثانيه خالد)..ولفت بكل برود ورقت من الدرج الثاني... يوم شاف خالد ردة فعلها ظحك عليها (يالله البنت هذي تعقدت ..ابصم لك بالمليون انها ماراح تجي نره ثانيه اليوم..)....كل هذا صار في دقيقه وحده هههههه.. عبدالله وحمد سمعوا طق على الباب الي برا عبدالله قام وفتح الباب... عبدالله:مين..نعم.. السواق: هذا كيس هق مدام ملاك... حمد: شكلها هي المظيعه الي دخلت علينا تو..يمكن كانت جايه تاخذ الكيس منه.. عبدالله :ايه والله صادق... خذا الكيس من السواق وصك الباب... ملاك وهي في ااخر الدرج ذكرت ليه كانت نازله ورجعت على الدرج بسرعه لا البقره السواق يرجع ويخلي الكيس والكيس فيه كل شغلها.. نزلت وهي تركض خبطت بواحد برا عند المدخل الي داخل..وطاحت.. ملاك تعورت:آآآي... كان عبدالله الي خبطت به وكان من قوته ماتحرك من الصدمه الي خطوه لورا بس.. عبدالله:آسف.. ملاك رفعت عيونها(لااااااا خلاص عاد مصختوها) ..بس شافته جلست تبكي ... عبدالله ارتاع مايدري وش يسوي مسك ايدها وقومها .. ملاك تمالكت نفسها وخففت دموعها.. عبدالله رفع الكيس:اتوقع هذا يخصك... ملاك سحبت الكيس من يده ودخلت في غرفة منال بسرعه.. وكملت بكيها.. منال دخلت وانصدمت وش في صديقتها تبكي :ملاك ..وش فيك.. منال تبي تهديها:اشتقتي لي.. ملاك من بين دموعها: ماراح اجي عندك مره ثانيه.. منال : ليه عشاني سفهتك... ملاك ماحبت توتر الجو,عدلت جلستها :شوفي اليوم مرتين طاح وجهي قدام اخوك..واتوقع بتجي الثالثه قريباً... منال:انا لحقت على الاولا بس الثانيه ..ماادري..(لفت منال وجهها لقت كيسة ملاك استغربت)..اقول متى جبتي كيستك.. ملاك:هاذي المره الثانيه (ماحبت تقول لها عن الموقف الي مع اصدقاء خالد) وانا نازله دخلت ولقيتك تكلمينه في المجلس وشافني... منال:عشان كذا تبكين...مالت .. ملاك: لا بس بي زاد على كذا اني اشتقت لك... منال: اشتاقت لك العافيه.. =========================== خالد دخل ومعاه القهوه.. خالد:آآآٍسف تاخرت عليك يا عبدالله واخرتك.. عبدالله :لاعادي.. حمد: بس فاتك..قبل شوي دخلت علينا وحده شكلها مظيعه رحمتها... خالد :ههههه انا اقول وش فيها وهي داخله وجهها الي يقول شايفه جني.. عبدالله:ايه شايفه حمد.. حمد:اقول روقنا بس .. عبدالله:الا مين هاذي... حمد وخالد استغربوا من سؤاله وش بيستفيد.. عبدالله حس بانهم شكوا:الحين حمد الي مايعيش الا في بيتكم مايعرفها.. خالد:ايه هاذي صديقت اختي ... حمد: اقول عبدالله وناسه معك ..مو لازم تروح اقعد شوي.. خالد: ايه صح صادق حمد اقعد والله انك تونس الصدر.. عبدالله: شوفوا بيني وبينكم الحين الشغله مافي امل اسويها الحين لاني تأخرت...و.والله الود ودي بس تأخر الوقت... خالد شاف ساعته.:..اوف ..ماشاءالله الوقت مر بسرعه... عبدالله :يالله معليش ..مع السلامه.. خالد :ماأوصيك تزورنا كلما جيت من اسبانيا.. عبدالله:ابشر ..يالله في أمان الله.. حمد وخالد:مع السلامه.. ==============================
|
|
#18
16-04-08, 01:49 AM
|
|||||
|
|||||
رد : روايتي رواية ملاك الروح..غرقانه في بحر الذكريات..رواية من تأليفي..
يسلمو هالإيدين
نتريا البارت إلي بعده
|
|
#20
10-05-08, 01:37 PM
|
|||||
|
|||||
|
رد : روايتي رواية ملاك الروح..غرقانه في بحر الذكريات..رواية من تأليفي..
معليش حبايبي تأخرت عليكم بس ..قررت اني مااحطها اقسام اريح لي ولكم..
وهذا القسم الاخير من الجزء الاول..
|
 |
| أدوات الموضوع | |
| طريقة العرض | |
النمط المتتابع
