المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
05-04-08, 08:36 PM
| #11 |
| |[ عـضـو مـشـارك ]| الدولة:  |  رد : روايتي رواية ملاك الروح..غرقانه في بحر الذكريات..رواية من تأليفي.. بليز تراكي حمستيني كمليها |
|  |
|
07-04-08, 11:54 PM
| #12 |
| |[ عـضـو مـشـارك ]| الدولة: | رد : روايتي رواية ملاك الروح..غرقانه في بحر الذكريات..رواية من تأليفي.. يسلمو بس كملي تراني متحمسه |
|
| |
|
09-04-08, 03:23 PM
| #13 |
| |[ عـضـو مـشـارك ]| الدولة: | رد : روايتي رواية ملاك الروح..غرقانه في بحر الذكريات..رواية من تأليفي.. ابشرووووووا ..غالين والطلب رخيص ...اخيراً فيه احد حمسني ورد.. وتسلمون عالمرور.. |
|
| |
|
09-04-08, 03:24 PM
| #14 |
| |[ عـضـو مـشـارك ]| الدولة: | رد : روايتي رواية ملاك الروح..غرقانه في بحر الذكريات..رواية من تأليفي.. وهذا هو القسم الثاني القسم الثاني من الجزء الاول مرت الايام مع ملاك بسرعه وجاء يوم الجمعه ..و وشوا ورا يوم الجمعه!!! السبت يعني الدوام مافيه راحه جهزي شغلك.... رن المنبه...قامت وهي تحس انها ثقيله ماوودها تقوم قالت تكمل نومها (بدري بقوم بعد نص ساعه).. بعد عشر دقايق ..احد فتح الباب بقوه تقول طقاق ويخبط على الباب ....................: قوممممممي يالدبه قومي .. ملاك وهي تصارخ: خيييييييييييييير..نعم ..مافي اسلوب ماتعرفين تفتحين الباب ..افرضي انهبلت... نوره:ههههههه زياده على كذا ... ملاك مسكت اقرب مخده لها وخبطتها:نعم وش تبين؟....... نوره :هااه غريبه منتي رايحه... ملاك:الا بروح (عدلت جلستها) ...وش رايك اروح... نوره : البنت مخربتها..يوم انك مخربتها لا تروحين ابيك تجلسين معي اليوم ...ابي اقول لك موضوع مهممممم مره .....يجنن......... ملاك تحمست من اسلوب نوره: وشو الموضوع ...قمت يالله قولي لي وش السالفه... نوره :لا يماما اكلمك بخياس مابعد النوم .لالالالا روحي تروشي والبسي ومشينا نفطر برا... ملاك : يالله عاد بلا بياخه قولي ..... نوره : كلمتي بتمشي اذا ماعجلتي ماراح اقول لك ولا راح اجيب طاري الموضوع ابد....... ملاك وهي منقهره: ماادري وشلون انتي ومنار تمشون كلامكم علينا ..يبي لي اخذ كورسات..طيب هاذاني قمت اصبري لي طيب .. قامت ملاك بتروح تلبس ولفت على نوره :اسمعي يانوره لو السالفه سخيفه بتروحين في ستين داهيه .. قامت نوره على انها بتخبط ملاك على طول ردت ملاك : وشو امدحك ..(هذي الكلمه تقولها اذا تبي تكحل الموضوع والمشكله تمشي مع الناس)..هههه نوره :ايه واضح امشي بس بسرعه لا اغير رأيي... قامت ملاك وتحممت وصلت وتكشخت ونزلت وهي لابسه لبس سيمبل بقووه بس كيووت هو عباره عن تيشيرت ابيض مقللم باسود ورمادي مع بنطلون جينز ... نوره :بدري مابغيتي .... ملاك :اصبري علي ..(وهي تطالع نوره حماسها شدييد ودها تعرف وش السالفه المهمه)..شكل السالفه بايخه مافيك حماس... نوره :حرام عليك ..كل هذا مو حماس الا متقطعه احس اني ماسكه قلبي بيدي... ملاك :يعني السالفه عنك.. نوره :مشينا... ملاك : يعني صح علي عنك ...لايكون.. نوره : مشينا وانت ساكته....(وماخلت ملاك تكمل طلعت على طول).. ركبوا السياره نوره:لوبي روح للفيصليه (لوبي السواق) لوبي :اوكي..على طول فيصليه ملاك مافيه سوي روه جاميأه.. نوره :لا ماراح تروح ..على طول فيصليه..(لفت على ملاك ) ايه وش كنت اقول... ملاك :هاه تفضلي .. وش كنت بتقولين لي.. نوره : نعم ..ماكنت اقول شي... ملاك : حرام عليك وش ذا التعذيب (وهي تقلد نوره )..ابي اقول لك موضوع مهمممم مره ..الحين نسيتي وش الموضوع.... نوره : ملاك بسم الله عليك الرحمن الرحيم ..وش تقولين انت انا ماقلت لك كذا الا ابيك تروحين معي وبس .... ملاك وهي معصبه : يالبايخه بجد .....ااااااااه.. نوره:هي خير ..صوت المراه عوره...هههه ملاك :انثبري بس.... نوره :لا بجد في سالفه بس ماراح اقولها لك الا ..بشرط... ملاك : بعد وتتشرط ...ماابي اعرف السالفه اجل ...... نوره :يالبايخه والله من جد الشرط بسيط ...يعني برئ.. ملاك :وشو الشرط طيب؟؟؟؟ نوره بكل برائه: الفطور على حسابك .... ملاك :طيب الفطور وهو علينا ..تامرين بشي ثاني .. نوره :مايامر عليك عدو ....بس.. ملاك : يالله نوره قولي لي .. نوره :اصبري خلينا ندخل المطعم نروق واقولها لك السالفه يبيلها رواقه... ملاك :هذي ..صح رفعتي ظغطي ...وزياده على كذا داريه ان الموضوع سخيف وبيعصبني زياده... نوره :لا حرام عليك ..شوفي اذا كنتي تحبيني بتفرحين لي واذا كنتي تكرهيني ب... قاطعتها ملاك :بس عرفت .......مبروووووووووووووووووك.. نوره ارتاعت ماشاءالله عرفت السالفه: وليش مبروك... ملاك تبغا ترقعها تقول خربت المفاجاه:لا اقول مبروك لان ابوي قال لي باكمل الدراسه برا صح (جنيه جابت ترقيعه ههههه)...... نوره :الحمدلله ..طيب اقول لك اولا ابوي يقول مستحيل تروحين بلحالك برا السعوديه ثانيا لو وافق في احد يقول مبروك لنفسه الحمدلله والشكر...ثالثا لو السالفه عنك كان ماحمستك هههه ..لعانتاَ فيني...ههههههه ملاك :اصلا عرفت السالفه بس حبيت اكلحلها ولقت التكحيله الصح... نوره : ايه طيب....انزلي بس من زمان ترانا واصلين.... ملاك :يالله ... نزلوا ودخلوا المطعم وجلسوا وروقوا ....في لحظه صمت.. نوره بكل حماس :مااقدر اصبر ....(ابتسمت) ..ملاك .. ملاك:هلا ..عيون ملاك... نوره: باركي لي ..... ملاك عرفت ان الي توقعته طلع صح: مبرووووك بس على ايش؟؟ نوره : عبدالعزيز ... ملاك تأأكدت انها كانت على صواب: وشو خطبك ..... نوره هزت راسها بالموافقه ........على طول ملاك صارخت :مبرووووووووووووووووووووك.... كملت ملاك: عسى مافضحتي عمرك باسلوبك وانتي توافقين... نوره :لا افا عليك ....ملاك بيتحقق حلمي الله بيجمعني مع الي احبه... نوره بدت تبكي ملاك ماتقدر تشوف احد يصير قدامها يصيح وهي ساكته جلست تبكي مع اختها.. ملاك وهي تبكي تبغى تهدي اختها: نوره ......هههه حلوه اشكالنا واحنا نصيح اصبري اصور شكلنا ههههههه.. نوره من بين دموع الفرح:هههههههه يالخبله... نوره وملاك:هههههههههههههه.. افطروا وخلصوا مره ابتسامه ومره ظحكه ومره يتطاقون الله الي يشوفهم يقول هم اكثر من خوات كل وحده كاشفه الثانيه في كل شي ... ======================================== ام يزيد : لوبي ملاك راحت للجامعه... لوبي : لا مافيه روه... ام يزيد :طيب وين راحت هي ويا نوره..... ردت منار الي كانت جنب امها:يمه راحوا يفطرون في الفيصليه ... ام يزيد :طيب خلاص لوبي .. لوبي :طيب مادام ابغى شي .. ام يزيد:لا ماابغى شي خلاص ... صكرت التليفون وتتذكر ان بنتها نوره انخطبت وتوها نوره ماوافقت يقال لي ثقل ههههه =============== ========== دخلوا نوره وملاك وهم يظحكون و مهسترين...شافوا امهم سلموا عليها وباسوا راسها ... ام يزيد:هلا ...توه ينور البيت... ملاك:منور بوجودك... نوره :عطيني فرصه انا ارد على امي.. يوه ... ام يزيد وملاك:ههههههههه... ام يزيد طالعت نوره وحست انها تبغى تقول شي : نوره ...وش فيك.. نوره:لا ولا شي ابد سلامتك... ام يزيد :متأكده.. نوره بتردد: ماما ...ابي اكلمك بالموضوع الي كلمتيني امس عنه...بس ترى مو الحين بعدين طيب.. ام يزيد :اوكي ..طيب على راحتك.. ملاك والابتسامه شاقه وجهها فرحانه لا ختها بتتحقق امنية اختها...وعرفت ان نوره اختها بتوافق واحسن شي ان امها وافقت والاهم ابوها وافق عليه... ================================= دق جوال ملاك ..شافت ملاك شاشة الجوال ..--- منولي يتصل بك--- ملاك: هلا والله..... منال:...................... ملاك :وش في القمر زعلان... منال : ليه ماجيتي اليوم يامليك... ملاك : معليش ...كنت متثيقله اليوم ومابغيت اروح وجت نوره اختي ولحت علي اجلس ..... منال:مافيه اختراع اسمه الوو يالخاينه... ملاك :والله مو قصدي ..كنت فرحانه لا ختي نوره وامداني افكر بشي حتى نفسي نسيتها... منال: وشو في نوره ...نوره هي صح... ملاك :ايه نوره ..تدرين القمر انخطبت من عبود الي تحبه....لو تسمعني وانا اقول عبود بتلعن جدفي هههه منال : مبروووووووووووووك ... ملاك : الله يبارك فيك.. منال وهي تغمز :انشاءالله عقبالك...... ملاك :من بعدك هههههههه تخيلي شكلي هذا وجه زواج امشي بس .... منال: الله العالم وش ورا ذا الفقش هذا ..هع....... ملاك : اقول وش فيك مطلعه قرونك علي ..وين منولي الهاديه الي اعرفها .. منال : هي موجوده بس كاشفه اوراقك الحين......ههههههه........ نوره دخلت على ملاك :ملاك ابي اكلمك بموضوع مهم مره (كانت نوره معبسه)... ملاك :طيب اصبري شوي (ورجعت تكلمم منال )منولي نوره تبي تكلمني بموضوع مهم مره اكلمك بعدين ..... منال: اوكيه يالله باي... ملاك :باي... صكرت ملاك وراحت لغرفة نوره تبي تشوف وش الي قلب حالها... ملاك :وش فيك يانوره ..عسى ماشر... نوره : مايجيك الشر ..بس وافقت عليه وكل شي تم .... ملاك : وهذ الشي يضيق الصدر ...الا مبرووك وليه احس ظايق خلقك.. نوره:ملاك تخيلي يقول يمكن يكمل الدراسه برى في سبانيا ... ملاك : هذي السنه ... نوره :لا ..اذا تزوجنا ..بنروح عشان يكمل دراسته برى... ملاك : طيب انتي ماتبين تروحين معه؟؟؟؟ نوره:الا بس اخاف اهلي يغيرون رايهم اذا قال لهم انه بيسافر وبياخذني معه... ملاك : لا مااتوقع وليه يعارضون اصلا مافيه شي غلط بالموضوع .......وجت خيره من ربي يفكنا منك هههههه... نوره عطت ملاك نظرة استحقار ...ملاك خافت من النظره :والله امزح موو قصدي ازعلك بس اغير الجوو... نوره : مو وقت مزح .. ملاك :لاتخافين وعد مني انهم بيوافقون بس بتظيق صدورهم لأنك بتروحين يمكن يعارضون في البدايه بس بيغيرون رايهم على طول.. نوره: تتوقعين... ملاك :الا داريه... سكتوا شوي نوره تفكر خايفه مايوافقون اهلها وملاك تقول بشتاق لنوره الدبه... ملاك: نوره .. ملاك : بشتاقلك مووت.. نوره :انا الي بشتاق لكم كللكم... ملاك والعبره خانقتها وهي تغير الموضوع: اقول حاولي تعجلين بالموضوع كلمي امي في اقرب وقت وانا بكون عندكم عشان اهدي الوضع...اوكيه.. نوره :اوكيه ... ملاك : خلاص ارتاحي وانا شوي بروح ادق على منولي لاني قلت لها بدق عليها اوكيه .....يالله باي... نوره:باي... =========================== ملاك طلعت ودقت بالجوال على منال(ومنال هي اعز صديقات ملاك ولو انهم ماطولوا يعرفون بعض الا ان الصداقه قويه بينهم كل وحده فيهم كاشفه اوراق الثانيه يعني فاهمين لبعض )...منال طولت ماردت يوم جت ملاك بتصك الجوال ردت منال... ملاك:يالدبه يالشينه زعلتي ...كل شي ولا زعل منولي عيوني انتي بس لا تزعلين ..ههههه لاحظي اول شي طقاق بعدين اتغزل في القمر..... ...:.................... ملاك:الوو وش فيك ساكته.... طلع صوت رجال يعني واحد شكله في العشرينات....: الووو خافت ملاك وعلى طول صكت الجوال من الروعه...تطالع الرقم نفس رقم منال ..بس مين هذا.... ============================= منال دخلت في غرفتها لقت اخوها خالد ماسك جوالها ويبتسم ويهز راسه....(خالد هو اخو منال اكبر من منال ب أربع سنوات يعني عمره 24 هوداخل في ال24 من مده قريبه اجتماعي ووسيم وذكي وتوجد فيه صفات كثيره جميله).. منال: خير .. وش فيك ماسك جوالي ...؟وش تبي فيه ...؟ وليه تبتسم ...؟ فيه احد مظحك..؟وليه قاطعها خالد : خلاااااااااااااااااااص ..شوي شوي علي اهم شي ماقلتيه والي هو السلام.. منال: اوه ...السلام ...طيب رد على الي قلتلك .. خالد:تسمين هذا سلام ابي واحد كامل وطالع من قلب مو مجامله... منال: اقول لاحظت اني عطيتك وجه ... خالد:طيب مريت على غرفتك ..لقيت جوالك يدق رحمته وشفت من الي متصل قريت ملاك الروح فحبيت ارد لقافه فيني .. منال:ولك عين تقول لي ..طيب ليه تبتسم.. خالد:صديقتك محششه وظحكت على خبالها بس برائه صح.. منال : برائه في عينك احمد ربك ماردت عليك تراها قولة عين.لا يغرك الصوت الناعم...(بعد تفكير اقلت بخبث)..بس هذي البنت حلووه قمر مو بنت تقول اسم على مسمى ... خالد: توك تحاولين تعطيني فكره شينه عنها وش الي قلب رايك.. منال :انا اقول الحقيقه... خالد:طيب ..وش اسوي لك اصفق لك ... منال : يمه كأني واقفه قدام نسخة ملاك... خالد : من هي هاذي بعد.. منال: هذي نفس الي كنت تكلمها توو... قال خالد وهو بيطلع.. خالد :ايه طيب آسف رديت على جوالك (لف عليها وقال لها بكل ميانه)ولو اني استانست هههههههههههههه........ منال مسكت المخده الي جنبها وخبطته بها :هههه والله مافهمنا لك..يالله اطلع برا.. خالد :بطلع بس مو لسواد عينك ..عشان تدقين على القمر وتقولين لها هذا اخوي خالد الزين الحلو الوسيم.. منال تسدحت من الظحك :انت (ورجعت تظحك).. خالد:اقول الي مايعرف الصقر يشويه ..(بصوت خفيف) ..ولو انني ماادري وش دخل هذا في ذاك.... سمعته منال وماتت ظحك على اخوها.... دقت منال على ملاك على طول يوم راح اخوها ملاك:....................... منال تخشن صوتها:الووووو..هلا بالقمر ..اشتقت لك ياحبي ..... ملاك : ياحماره ظابطتها ههههه مين الي رد علي تو.؟؟؟؟؟؟؟؟؟ منال :هذا خويي هههههههه .. ملاك : كفوك .... منال :هيه لا تسبين اخوي .. ملاك :يعني اخوك .. منال :ايه اخوي خالد ...الا وش قلتي له... ملاك :ههههه تخيلي على طول طبيت بالطقاق ..قل... منال: وش قلتي طيب ... ملاك : اصبري طيب يوه ..ايه اقول لك قلت له(وقلدت نفسها بطريقة استحقار) ..يا لدبه يالشينه زعلتي ...كل شي ولا زعل منولي عيوني انتي بس لا تزعلين .. لاحظي اول شي طقاق بعدين اتغزل في القمر..... والمشكله ظحكت بعد..هههههه .. منال وهي ميته ظحك :ههههه طيب وش رد.. ملاك :كان ساكت..بعدين قلت ..وش في القمر ساكت .. شوي رد علي قال الوو يوم رد مالقيت الا الجوال مقسوم نصين خبطته باول جدار قدامي من الروعه هههههههههههه منال:ههههههههههه. ملاك:الا اقول وشلون دريتي انه رد علي ...وش قال.. منال بدت تبالغ:يقول صوتك روووووعه والصوت يدل على الشخصيه وهي.... ملاك : رجاءاَ يامنال ليه تفقشين علي وانا عارفه انك كذابه والارانب طلعت من السماعه اصلا .هههههههههههه منال: ها ها ها بايخه ..بس ترا يوم دخلت عليه لقيته مبتسم ويظحك عليك يقول لي(وهي تقلد اخوها) صديقتك محششه ههههه.. ملاك : هذا يسبنا وانا مدري .. منال :لا افا عليك ...الا اقول وش كانت نوره تبي منك.. ملاك قالت لها السالفه ان عبدالعزيز بيكمل دراسته برى عشان يجيب ماجستير......................... منال : طيب ليه مايوافقون اهلك هي معاها محرم بيكون زوجها في وقتها ..مو صح.. ملاك : الا صح ..انا قلتلها انهم انشالله بيوافقون بس ماخبرت اختي متفاأئله.. منال : طيب ملاك مو انتي.........ولا خلاص خلاص... ملاك : لا وش كنتي بتقولين....بلا سخافه قولي.. منال :لا اخاف اقول لك الفكره واخسرك... ملاك :احك ..لها الدرجه الفكره شينه.. منال :لا مو شينه ومو قصدي اخسرك يعني اخسرك ..لا يعني تروحين عني.. ملاك: طيب قولي الفكره..بليييييييز.. منال : اوكي .. انتي موو ودك تدرسين برى ...فرصه.. ملاك : ايه والله جاده ..ثم يمكن يكون زواج نوره في العطله وبعدين ادرس السنه الجايه بره.. منال: شفتي ماقلت لك.. ملاك:منوليي لاتظيقين صدري...بعدين مين قال ان اهلي بيوافقون على طول.. منال : وش يدريك كل شي جايز.. ملاك بتردد: يعني بتزعلين اذا رحت ادرس برا.. منال: لا ماراح ازعل بس بشتاقلك ولقلقك.. ملاك :ياعيوني ..بس ترا احنا مخططين واحنا تونا ماسوينا شي ..ولازم استنا نوره اختي لما تملك وخلاص يكون العرس قريب واقول لهم....عشان مااخرب على نوره ... منال :ايه صادقه..(سمعت امها تناديها :منال ترانا بنمشي بعد شوي تجهزي )اقول ملاك بروح مع امي لخالتي بروح اتجهز..معليييييش؟؟ ملاك: لا عادي .. منال :اقول ملاك قبل مااصكر حبيت اقول لك شي... ملاك : هلا.. منال بخبث:... تدرين مين بيوصلنا؟؟؟ ملاك فهمت قصدها بس حبت ماتوضح: ومين بيوصلكم انشاءالله... منال: ......خلودي ملاك عشان ترفع ظغط صديقتها :طيب ..والمطلوب مني ... منال : اقول باي انتي مافيك امل .. ملاك :هههههههه يالله باي تكشخي مااوصيك يمكن تلاقين طويل العمر هناك..ههههههه منال : هاهاها سكنهم مساكنهم.. ملاك :هههههه وراضيه ...يالله باي مااطول عليك... منال :باي .... صكرت ملاك وهي مبتسمه :هالمصرقعه ههههههههه ================================== |
|
| |
|
09-04-08, 03:36 PM
| #15 |
| |[ عـضـو مـشـارك ]| الدولة: | رد : روايتي رواية ملاك الروح..غرقانه في بحر الذكريات..رواية من تأليفي.. وتدرون بحط بكم القسم الثالث عشان مايأنبني ضميري..خخخخخخ القسم الثالث من الجزء الاول في اليوم الي بعده ..نوره فكرت وقررت ..خلاص اخذت قرارها بتروح وتقول لامها انها بتسافر معه (السنعه ...الحين وافقي بعدين قولي..ههه)... طقت نوره الباب على امها:ماما ..عادي ادخل... ام يزيد:حياك هلا هلا..هلا ببنيتي... نوره ابتسمت :يمه ودي اكلمك بالموضوع الحين... ام يزيد :هلا قولي ... نوره :ماما انا......(سكتت شوي ) موافقه.. ام يزيد :كلللللللللللللللللليش .......مبرووووووك..هذاني بدق على امه الحين وباقولها انك موافقه.. نوره:وليش امه..... ام يزيد ابتسمت :والله فيك جراءه وانتي بنت ال..... ,طيب انا ماعندي رقمه..وبدق على امه وبقولها وبعدين باخذ رقمه وتكلمينه انتي اذا بغيتي بعد... نوره بغت تتهور وتقول عندي رقمه بس انتبهت لعمرها:لا شكرا مابي اكلمه بدري... امها :ههههههههههههههه سكتت ام يزيد يوم شافت رقم غريب قالت ترد تشوف مين:............... .....: الو ....هلا خالتي....... ام يزيد:الو ..اهلين ..بس ماعرفت مين معاي.... ....:انا عبدالعزيز....(وسوا لي رسميات بصوته) ..الي خاطب بنتكم ... ام يزيد:هلا والله بولدي عبدالعزيز....كأنك عارف اننا كنا نتكلم عنك.... (يوم سمعت نوره اسم عبدالعزيز داااخت: ..الله عبدالعزيز داق يمكن بيكلمها عن موضوع السفر لاني انا قايله له يخبر امي) عبدالعزيز:يعني احساسي كان صح .ههههههه ام يزيد: ههههه هلا بغيت شي ياعبدالعزيز... عبدالعزيز: والله ياخالتي حبيت اسألأ عنكم وش اخباركم ....(بتردد).....ونشوف ....رد البنت.... ام يزيد: ايه صح: مبروك البنت موافقه... عبدالعزيز:الله يبارك فيك ..ولا تخافين تراها على عيني وراسي... هنا نوره كانت منحرجه ماتفكر الا بهذا الكلام (:نوره استحي لا تصيرين جريئه موووقت جراءه هذا.. لا تفظحين نفسك سويي كانك منحرجه حاولي تقدرين يالله ...).. ام يزيد التفتت على نوره وظحك على شكلها بصوت خفيف... نوره(: ياربيه لها الدرجه مااقدر استحي )... ملاك دخلت بسرعه لعند غرفة الي قاعد فيها امها ونوره...... ملاك: ماما ترا..(التفتت ملاك على نوره وماتت من الظحك).... نوره عصبت تصارخ:نعم ..خير... ام يزيد تلمح لنوره تسكت وتاشر لملاك تسكت....نوره قدرت تسكت بس ملاك ميته من الظحك.. نوره بصوت خفيف :نعم وش فيك تظحكين .... ملاك اشرت على المرايه الي جنب نوره وهي تظحك ..نوره استغربت (لايكون في وجهي شي بس ) يوم قامت تطالع المرايه لقت وجهها احمرررررررررر...... ملاك تطالع ردت فعل نوره وتظحك كانت ردة فعل نوره انها استحت وزادت خدودها احمرار.. ملاك من بين ظحكها: ههههه خلاص بتنفجرين ههههههه..... نوره : انطمي .. وطلعت استحت وزياده على كذا كانت السماعه مفتوحه وعبدالعزيز على السماعه وانفظحت .. =========================== ام يزيد:طيب ياوليدي اشوف الموضوع بكلم البنت ابوها ....(كان عبدالعزيز توه عارض الموضوع على امها وامها وافقت وبتسأل نوره وابوها وهو كان متأكد من موافقة نوره على كلامها اول...بس الله يستر لا يعارض ابو يزيد) عبدالعزيز: الله لايحرمنا منك ..ياخالتي...يالله تامرين شي ... ام يزيد :مايأمر عليك عدو ...مع السلامه... عبدالعزيز: مع السلامه.... صكرت ام يزيد السماعه شافت ملاك كانت قاعده هنا من اول ماراحت نوره لين الحين... ام يزيد :وش مقعدك هنا ...وليه ساكته... ملاك:يمه يعني نوره بتسافر اذا تزوجت.... ام يزيد : نسألها ...اذا وافقت مااتوقع ابوها يرفض لها طلب.... ملاك:ايه صح.... ام يزيد :وش رايك متى اكلمها عن الموضوع... ملاك: يفضل عن قريب... ام يزيد :تتوقعين اروح الحين... ملاك: اصبري لما يخف الاحمرار الي في وجهها ..ههههه كملت كلامها:على الاقل نحافظ عليها قبل ماتتزوج مو تنفجر على طوول...هههههه ام يزيد :ياهذي البنت باشتاق لها مره..البيت بدونها هادي ... ملاك حست بضيقة صدر امها فقالت تغير الجوو:وانا مامليت عينك ...لا وتقولين انا حولي ايطار محد يقرب مني...من ورانا؟؟ ام يزيد:هههههه يحليلك انت اهدا من ذا الجفسه هههههه...وانتي لك غلا عندي ... ملاك: لا ماما خلاص تشققت هههههه ام يزيد :هههههه يالله بروح اكلم البنت... ملاك:احس انها بتوافق.... ام يزيد :من بوئك لباب السما(بالمصري).. ملاك: هههههههههههههههههههههه ملاك طلعت يوم وصت للباب رجعت عشان تخبر امها:ماما ..ترا بروح عند منولي عازمتني ويمكن انام عندها ...اوكيه..؟؟ ام يزيد: طيب ..متى بتروحين... ملاك :بعد صلاة المغرب..اوكيه؟؟... ام يزيد: طيب بس اسمعي ماتطولين عندها مرره... ملاك :ابشري ...بس ليه ماتجين معي ...على الاقل بس وصليني.. ام يزيد :لا تاخذيني انا ...خذي منار... ملاك بسرعه ردت:لا اااااااااا...انا رايحه استانس ولا اهتم.... ام يزيد: كالعاده ..ماهمكم الا نفسكم... ملاك:هاه ..كل شي ولا زعل الغاليه....بس ياماما هاذي صديقتي وماودي اجلس ابازي هالبزر.. يزيد دخل عندهم: يمه ...ابي فلوس اشتري اشرطة بلايستايشن... ملاك بعصبيه: اتوقع اني اتكلم ..ولاتقاطعني اذا كنت اتكلم... يزيدبكل برود: انا ماقاطعتك ..ومادريت انك كنت تتكلمين ..وانا مستعجل معليش.... ملاك سفهته ومشت وهي لافه ظهرها تقول لامها:ماما خلاص الموعد بعد صلاة المغرب... ام يزيد:طيب ... (تكلم يزيد).....روح قل لأبوك.... يزيد:ابوي ماجاء لين الحين ..يقول عنده اشغال في المكتب مهمه... ام يزيد :لازم تشتري بعد انت ترى مو عيشه البلايستيشن... يزيد :لا تلوميني انا الولد الوحيد...وش تبيني اسوي اجلس معى هالبنات ... ام يزيد : وش فيهم خواتك... يزيد وبكل سهوله:..بنات!! ام يزيد وهي تتنهد: لا اله الا الله... مسكت شنطتها وطلعت الفلوس وعطته .. ام يزيد :وتعال لي تطلب مره ثانيه خلاص ..بتتفقع عيونك من البلايستيشن... يزيد:انشاءالله ..يالله بروح ... وطلع من الغرفه ===================== نوره كانت جالسه في غرفتها تلعب بخصل شعرها .تفكر في عالم ثاني تحس انها تفشلت يوم انقلب وجهها احمر ...... دق جوالها على نغمه حاطتها مخصصه لعبدالعزيز الاغنيه لbackstreetboys دق قلبها معاا الجوال اول مره تحس بها الشعور ..اول تحس بنغز في بطنها ((على قولتها ...مظيعه بين بطنها وقلبها ههههههه))... مسكت الجوال وردت.. نوره بكل نعومه وهي منحرجه: الوو....... عبدالعزيز: تسلملي هاالألووو..... نوره رجعت طبيعيه: هلا عبدالعزيز كيفك.... عبدالعزيز: ..الحمدلله ...بس وش فيك يانوره... نوره استغربت من سؤاله: مافيني شي!!...... عبدالعزيز:الا فيك شي ..عسى ماشر.... نوره:والله مافيني شي...بس ليه وش الي خلاك تعتقد ان فيني شي.. عبدالعزيز :لأنك قلتي هلا عبدالعزيز ماقلتي هلا بخطيبي..... نوره استحححت وانحرجت وماتدري وش ترد:............. عبدالعزيز:هههههه نوره خلاص انعكاس حمار خدودك طلع من السماعه ههههههه.. نوره زاد انحراجها:.................... عبدالعزيز توه بيتغزل فيها زياده:انتي ال......................... نوره:..خلاص عزيز واللي يرحم والديك لا تعطيني دفعه وحده ...خلها دفعات... عبدالعزيز:ههههههههه ياحبي لك والله...الا وين ملاك جيبيها اطقها تظحك على خطيبتي لا لا لا مايمشي معاي هذا الكلام.... نوره :على فكره تراها لعابه..ماطلع وجهي احمر ولا استحيت ... عبدالعزيز: اجل اسحب كلامي ..... نوره : بااااااايخ.... عبدالعزيز:ههههههههههه الله لا يحرمني منك....... نوره: ولا منك....... عبدالعزيز:يالله عيوني تامرين بشي.... نوره:سلامتك...... عبدالعزيز :الله يسلمك...يالله باي... نوره:باي...... نوره اخذت نفس عميق وهي فرحااااااانه تحس انه من حق الجميع يعرف عن علاقتهم لانهم الحين خطيب وخطيبته........ ============================================= بعد ماتروشت ملاك واستشورت شعرها وخلته طايح على كتوفها وكانت لابسه لبس سيمبل مره بنطلون برمودا جنز كحلي زي لون البحر تقريباً..مع تيشيرت ابيض كت مكتوب عليه angel بالفضي عليه جكيت فضي... نزلت ملاك مرت على الصاله لقت ابوها جالس في الصاله سلمت عليه وحبت راسه.. ابو يزيد:هلا ببنتي وينك ماشفتك اليوم… ملاك:هلا بابا ..لابس كنت مشغوله واستعد عشاني بروح لصديقتي وبنام عندها… ابو يزيد : الحين بتروحين..؟؟؟ ملاك: يعني ..بجلس معاكم شوي بعدين بروح…. ابويزيد: ايه كذا احسن..وشلون الجامعه معك… ملاك:احس انها مالها فايده الدراسه هنا لو برا كان ظمنت عمري… ابو يزيد يتنهد: ياملاك انا ماقلت لك ماتقدرين تروحين تسافرين برا بلحالك.. ملاك :ايه ..قلتلي بس…..خلاص موو لازم نزيد ونعيد في السالفه …انت كيفك يابابا؟؟؟ ابو يزيد:الحمدلله …تمام .. ملاك كانت بتقول لابوها شي بس دق الجوال مكتوب منولي يتصل بك فردت.. ملاك: الوو منال : يالبطيئه كل هذا تتسنعين تقول جايه تخطبين مو تزورين صديقتك ….يالله بسرعه ..واذا تاخرت باطردك… ملاك:على كذا شوفي انا مصيري بتأخر فخليني ماأجي احسن لي … منال : لا افى عليك انا اطردك…لااه وش دعوه … ملاك :ههههههه سبحان مغير الاحوال …خلاص طيب هذاني بطلع..يالله باي.. منال :باي…. ملاك تكلم اهلها:معليييييش بس منال دقت علي ولازم امشي الحين ..استودعكم الله … قامت ملاك والكل:مع السلامه… دقت على السايق يجهز السياره:وعلة مالبست عبايتها وطلعت … لوبي:وين في روه مدام… ملاك:روح بيت مدام منال…. لوبي:اوكيه…. ============================ ام خالد(ام منال) :منال مو كأن صاحبتك تأخرت…… منال:الا تأخرت بس بعذرها ابوها مسكها وقال لها اجلسي شوي معي ..وما تقدر ترفض طلب ابوها… ام خالد: ليتك تتعلمي منها…. دخل خالد:تتعلم من مين…ووش تتعلم اصلا.. ام خالد:مالك دخل هذا شغل حريم… منال :لا يما انا ماخبي لخالد عن ملوكي صاحبتي……الح…الا القمر مو الحلوه… خالد عطاها نظرة استحقار: في احد يتكلم عن صديقته كذا …يقولون اذا كان صاحبك عسل لا تلحسه كله… منال:انت وش فيك لك كم يوم وانت تطبق احكام علي وملاك تركب لي اغاني … خالد:تلاقينها غنت لك من اغاني ام كلثوم ههههههههه منال:تنكت ؟؟؟؟؟؟؟؟؟يعني ..اظحك؟؟؟؟؟؟؟؟؟ خالد :من وين جايبه ها الجمله.. منال : يعني من مين …من صديقتي ملوكي… خالد:ايه الله يحفظها لك……..الا ملاك هذي جديده علي منال: من سناعتك ماتعرف هذي صديقتي من اول سنه في الجامعه… خالد: يعني ماامداها …(وهز راسه كانه يفكر)..مصيرها يتمل من ملاغتك… منال:اقول ..تراني مخليه الملاغه لك…. ام خالد: خلاص ..بعد ترفعون صوتكم قدامي … منال :لا ياماما احنا نتناقش بس …لو انك مكمله الجامعه وتوظفت كان لقيتي العن من مناقشاتنا ..لا وبعد لو تشوفينهم تقولين شوي ويقوم يلكم الي قدامه….. خالد:ههههههههه…مصرقعه.. خالد طالعها من فوق لي تحت مستغرب:الا اقول ليه متكشخه الحين… منال: بتجي صديقتي ملوكه……. خالد : اهاا ..طيب ترا بجلس معاكم ولا تقولون اسرار… منال :حياك…. خالد: ترا من جدي… منال باستهزاء: طيب انا قلت لك حياك… خالد: تتحدين… ام خالد عارفه عيالها زين:خلاص انت وياها….انت تقول تتحدين وهي بترد ايه ماتخاف وبعدين بتنفذ التحدي على حساب البنت اعقلوا ..الي قدكم الحين متزوج وعنده عيال.... منال: لاعاد بلا مبالغه …هذا اول في زمنك… ام خالد:ليش شايفتنا في العصر الحجري… خالد ومنال:هههههههههههههههه.. دق جوال منال وكان بالنص بين خالد ومنال قرا خالد مكتوب ملاك الروح يتصل بك…منال شافته وهو يطالع جوالها عرف الي داق…سحبت منال الجوال من قدامه وردت……. منال:هلا والله بالقمر ..هلا بالزين كله ..هلا… ام خالد وهي تكلم خالد:البنت انهبلت… خالد يمزح مع امه:الا يمه البنت زينه….. ام خالد ظربته ظربه خفيفه على كتفه:لعبت عليك البنت بخرابيطها.. خالد :افا عليك امزح..هههه منال وهي تكلم امها واخوها: قصروا صوتكم انا اكلم… ملاك: لو سمحتي ..شكلي غلطانه آسفه على الازعاج… منال : لالا ملوكي صح عليك الرقم بس انا اليوم مروقه… خالد شابك خط:مع ميرندا… ملاك سمعت صوت خالد: اهاا يالبايخه ..والله اني عارفه ان ماوراك الا الخراط….. منال :لا لا خلاص بطلع..(لفت على خالد وقالت له) ..ظيعتها بنفسك… ظحك خالد عرف ان ملاك سمعته وقالة لها تطلع ولا بتصك… منال :تظحك هاه..احمدربك مالبس جزمه ولا كان سويت لك تاتوه على شكل اثر جزمه…. قام كانه بيلحقها ..منال انحاشت..جلست برا في الحديقه الي في بيتهم ورجعت تكلم ملاك… ملاك:والله عليكم حي يرووع… منال :ليه.؟؟؟.. ملاك :شبابكم يروعون تقول كأنهم اول مره يشوفون بنت… منال:هههههههه ملاك: وشلون انتي عايشه ..مع هذولي المتخلفين… منال :اسمعي الظبان(المغازلجين بزيااااده) تطلع عندنا يوم الثلاثاء اكثر شي واليوم يوم الثلاثاء… ملاك:خبره ..ماشاءالله عليك… منال :ايه ..اعجبك…. ملاك:على فكره يالبايخه سمعتك وانتي تقولين لا خوك..(ظيعتها بنفسك) ..هذا وانا صديقتك.. منال تبي تكحلها:لااا مااقصدك ..اصلا كنا نلعب بلوت… ملاك :الله العالم……. منال تبي تصرف:وينك لها الدرجه بيتنا بعيد عنكم.. ملاك: جابتها ..ماشاءالله تعرفين تصرفين….. منال: الخير والبركه فيك…. ملاك : خلاص يالله باي قربنا من عندكم… منال: خلاص طيب يالله باي…. صكرت منال ودخلت جوا عند امها واخوها.......... =============================== |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| رواية ملاك حبي - رواية رومنسية | رغوده الاموره | روايات تعب قلبي | 25 | 25-09-11 01:32 PM |
| روايتي رواية وين انت عني انا ؟!! رومانسية | ana 3beer | روايات تعب قلبي | 8 | 26-06-11 10:27 PM |
| رواية لك مني سلاامي يامن ملك احساسي - روايتي الاولى | همسات شجوني | روايات تعب قلبي | 13 | 08-10-10 07:16 PM |
| رواية شباب وبنات - روايتي الاولى | بشاير الغامدي | روايات تعب قلبي | 19 | 20-09-10 06:50 AM |
| رواية من دونك اتدمر - روايتي الاولى | ٌالمـ...شآكـــس oٌ | روايات تعب قلبي | 6 | 31-07-10 07:47 AM |
