المنتديات
اجعلنا صفحة البداية
اضفنا للمفضله
المنتديات
|
#1
26-03-08, 06:19 PM
|
|||||
|
|||||
مسجاااات جنان ارسلها للي تبيه
حبيبــــــــي من يقدر بحسنه يفوقه في جماله وفي صفاته ماخذ من الحسن ذوقه يازين خلي وياحلاته من الشمس مآخذ شروقه ومن القمر مآخذ بهاته ----------------------------------------------------------------- أغليك..لكن شعوري فيك.. يتعبني ضاعت على سكة الحيره.. عناويني ماعاد طيفك على الغربه.. يصاحبني حب.. ومضى.. وإنتهى وأرجوك تعفيني! لا ترسم أحلام لا تهدم .. ولا تبني لك وجه أبيض وأنا اللي راح.. يكفيني..! ----------------------------------------------------------------- ثلاث حروف تاسرني وتاسرني بمعروفك ملكت الروح في طهرك وصرت الليل ومراحه نقشت( الشين) شوق العين وحرف ( الواو) بوصوفك وتوجته بحرف ( القاف ) عذاب القلب والراحه ----------------------------------------------------------------- ماضعت في بعادك ولا توهني زماني مثل مااخترت قلبك بالاول اقدر اختارلي ثاني قول اني تغيرت وماعاد قلبي الاولاني جروحك علمتني الصد وعلمتني كيف اخلي الهم ينزاح عني ويتناساني ----------------------------------------------------------------- اتذكرلقاها لين شفت البقايا اتوجّدعليها واكتمه في خفاي اذرف دموع عيني لاذكرت الهدايا ولين شمّيت عطره زادفيني عماي قدّه ورمش عينه هي طعون الضمايا هي غناتي وروحي..اصحبت هي مناي اتذكرشفاه وكل ذيك الحكايا ماملك قلب روحه بالوسيعه سواي ----------------------------------------------------------------- هذا.. حبـيـبي..راس مـالي ومـلّي يحـرم علي درب عقب شـوفــك امشيـه يا كــلّ كلـّي.. ايه..يا كل كلّي هـذاأنا جيتـك بليا مشاريه ----------------------------------------------------------------- مثل الذهب مهما علا فوقة غبار يبقى مدى الأيام سلعة ثمينة ومثل المطر مهما المطر هل مدرار لو غاب عام صاحوا الناس واينة ومثل البحر غلطان من قال غدار موجة تساوى لكل طير وسفينة ----------------------------------------------------------------- لويضيق الوقت والدنيا تشين وشمسنا تشرق علينا من شمال لو يطوف الوقت ايام وسنين ماتغير حبي لك يابن الحلال أيه أعزك..أيه أعزك مرتين مرتن للود ومرتن للدلال دامك الي بالقسى عليا تلين ودايم ولافيها مجال ----------------------------------------------------------------- لا تعاتبني دخيلك!! أنتهى وقت العتاب! دام ما للحب قيمه؟! وايش له.. نعيد و نزيد! ودامك اللي للخطايا مشرع عشرين باب! العتب ما أظن يقدم! لا... ولا حتى يفــيد..!! ----------------------------------------------------------------- هان الهوى وذبلت زهوره اقولها ودمعي هثوني منساك يا من شفت جوره مبعد لو زادت شجوني قلب هوى ما اطيع شوره مهما العواذل يعذلوني ----------------------------------------------------------------- احب الليل احب السهر وشوف الغيــم احب أكتب احب ارسم واحب اطرب وأقول الويــل احب اصرخ حبيبــــي ويـــن؟؟ احب اعتب واساري الزين احب ابكي احب اضحك واحب الحب..!! لكن أنت ويــــــــن..؟!! ----------------------------------------------------------------- الا ياشوقي الاسمى غلاة الكون بحروفك احبك والذي سواك بعطرالمسك وارياحه احبك يابعدعمري وحلم عيوني تشوفك تروم عيونك (الشقراء) لوأن الشقرذباحه ----------------------------------------------------------------- بودعك وأنتي إللي ساكنة دمي أبقي بعيدة وروحك معي في ثيابي وإن سولفوا في حظورك عن بعض همي قولي لهم كان يعشق ريحة ترابي .. قولي لهم لاشرب دمع الحزن كمي .. هذي دموعه ولكن هي من أسبابي .. ----------------------------------------------------------------- من دون ماأقصد ياهوى البال مريت قدام بابك وأنجبرت أشتكيله ياباب قله في عذابي تماديت ومرت على فراقه سنين طويله شوقي فضحني في عيوني وصديت الدمع مايرحم وماقويت أشيله ----------------------------------------------------------------- اخوي ياذخري عزيز المقامي, الله يحفظك من صدوف المقادير ان كان يكفي بالرسايل سلامي, بكل اللغات اقول صبحت بالخير يمناك لمصافح كفوف الحشامي, ويسراك يفخر في مخاوتها الطير ----------------------------------------------------------------- لاترتجي المحبه من قلب بالخيانه ذبحته ولا تعتب على خلك بسبايب خطاك وانت من بسهم الغدر جرحته واليوم تستاهل من جروحي ماجاك ----------------------------------------------------------------- حـــــبيــــبي هات الورق كل الورق! واكتب بكل السطور كلمه يملاها الشعور كلمه لايمكن تبور اكتب باول سطر وآخر سطر وفوق الورق لايمكن اننا.. بنفتـــرق!! ولو قضى فيك العمر بعطيك من عمري عمر بس المهم مانفتـــرق..!! ----------------------------------------------------------------- صباح الوردياورد الصباح ومساء الفل يازهرالربيع بطلتك عندنا سنقيم لك الأفراح أنت غالي وغلاك مقامه رفيع ----------------------------------------------------------------- صوتك يصحي فيني.. أموات الاحلام! صوتك..وصوتك يبعث الروح فيني احلوت سنيني.. وزانت لي..أيام! واحلوت أيامي.. وزانت..سنيني! في ظلك أتظلل بك اهيم..هيــام! وأشوفك.. بقلـــبي؟! وأحبــك.. بعيـــني؟! ----------------------------------------------------------------- إن كان حبك عيب فإنت أول العيب.. وإن كان حبك ذنب يغفر لي الله .. أنا بشر أخطي بدنياي وأصيب .. ولا إظن به مخلوق من غير زله.. ياما نهيت النفس بالغصب والطيب.. إلا..!؟ "بحبك" النفس عصتني ----------------------------------------------------------------- سرت أطالع وألقى شراويك مالقيت مثلك فهالعالم بشر خذت الحسن من اللي حواليك وخذت من القمر نور وسفر في مهجتي لك درب ومساليك مامشابه غيرك مالعالم نفر أعزك وأودك يالغلا وأغليك وسويتلك مالغلا في قلبي نهر ----------------------------------------------------------------- تروح تجي معاد تعنيني عودتني لين مليت وخليتك ماكنت نبض المحبة في شرايني ماكنت تسوى عيوني يوم حبيتك تبيعني ماهو بكيفك وتشريني انا من أغلى مكان بقلبي انهيتك ----------------------------------------------------------------- الحب كلمة قليل اللي يقدرهـا تقول أحبك وما تعرف معانيها يخطي بتفسير من جا يفسـرهـا الحب دنيـا شقاها مثل أمانيها يبي يغيــر قلوب ما يغيــرها غلا وفاة المحبة أو محبيــــها ----------------------------------------------------------------- لامـن لمحـت الشمـس كنّـي لمحتـــك ولامــن لفــاني الليل كنّـــك سكنـتـيه مـوت الغلا لو هو بيدّي .. ذبحتك.!! ومن قال موت الحب شيّ يضاهيــه..؟! ----------------------------------------------------------------- قالوا تحبه قلت أحبه يا ناس قالوا جماله قلت جمال الروح والساس قالوا دلاله قلت يتدلل على العين والرأس قالوا أوصافه قلت لولا الأوصاف ايش حبب الناس بالناس قالوا وقالوا قلت أحبه أحبه يا ناس أحبه ----------------------------------------------------------------- كلمة أحبك غالية بين الأحباب لاقالها خلي أحس بغلاها أعطش لها دايم وادور لها أسباب ابيه ينطقها ويردد صداها كن العسل من شفته فوقها ذاب زود على كلمة أحبك حلاها ياليتني وياه في صفحة كتاب قصة غرام وكل عاشق قراها ----------------------------------------------------------------- في خاطري لك شي ودي اقوله .. مدري تصدقني أو تقول كذاب .. قلبي يحسك دايم الدوم حوله .. مع كل دقة يذكرك يا أغلى الأحباب .. تدري عليك الروح بالحيل توله .. وتدري بعد طيفك عن العين ما غاب .. ----------------------------------------------------------------- حبيبي لو بعيد اليوم بحبك ما عرفت اندم .. وعيني ما تشوفك بس يكفي الحب يجمعنا .. ترى أحلى حب حبك انت كا ما يكبر يقدم .. وأكدلك مع (ذ) الحب محال أي شي يفرقنا .. ----------------------------------------------------------------- حبيب(ن) خاين العشره جمع حزن البشر فيني كذب قلبي إذا لحظه تناساه أو تناسيته نسى حبي بعدعمري وخلىالهم يطويني وخلى الدنيا في عيني كئيبه.. ليت ماجيته يجي منه بعدأكثر..طعن قلبي معنيني يناديني على الفرقا.. واقول ابشر ولبيته ----------------------------------------------------------------- يحسبنى يوم سلم ما سمعته * سامعه بس أتغلى عليه * قلت أبثقل بس ثقلى ما أستطعته * وأبتسمت وجيت لمعانق يديه * يحسب أنى يوم ما رديت بعته * مادري إنى بكل عمري مشترية * والصراحة يوم سلم ماسمعته * كنت أفكر كيف أنا أسلم عليه ----------------------------------------------------------------- مكتوب قلبي بحبك يذوب ويصير بيني وبينك اعجاب وتكون لي في العمر محبوب تامر وأمرك كله امجاب أنا أشهد إني منك مغلوب والحب للعشاق غلاب ----------------------------------------------------------------- من كحل أهاتي ودمع محابري ولهاث حرفي واحتراق جناني أهفو إليك على بساط مشاعري نبضا شفيفا ناثرا أشجاني أشدو بأنغامي فأشعل معزفي وأجيء منصهرا بفيض حناني آتي إليك مضمخا بقصائد شجو البلابل في صدى نيسان ----------------------------------------------------------------- أجرحيني ثم روحي مادام الحب راح لاأنتي أول من جرحني ولا آخر من يــروح لاخسرتي عاشقك! لاتحسبينه.. "نجــــاح"! جيت أعزي فيك قلبي وجا قلبي ينــــوح في مهب الريح يامعاكس أمواج الـريــــــاح الزمن ماهو زمانك.. تبــــوح أو ماتبــــوح!! ----------------------------------------------------------------- حبــــيبي للوصل سبه.. وللفرقى كثير.. أسباب؟! وأنا صابر عشانك وحبك صار مشقيني "تخيـــل" لوجرحتك يوم..وجرحك بالهوى ماطاب! لوتدورني تبيني..ماتلاقيني؟! تبي تبكي..تبي تشكي تبيني والأمل بغياب! صرخت بصوتك العالي.. من الضيقة تناديني!! "تخيـــل" ----------------------------------------------------------------- كم واحد راحت ملامح شبابه وضاعت حياته بين.. قاســـي .. وكـــذاب من وين ماجينا الأمل صك بابه! وتخالفت بدروبنا همـــوم .. وأنشـــاب يالعنبوا هالوقت.. لابو عذابه! لابو حياة كلها همـــوم .. وأصعــاب!! ----------------------------------------------------------------- لوفرضنا الكون في كفي اليمين لوفرضنا الجن في كفي الشمال لو فرضنا خادمي ذاك الأمير لوفرضنا أمتلك ذاك الجمال لوفرضنا كل ماقلته يصير وأمتلكت الكل في كفوف الخيال صدقيني أرميهم مثل طفل صغير رمى ألعابه يوم صحتي له تعال! ----------------------------------------------------------------- قـال: لو حبيت غيرك!! وش تقـــــول؟؟ قلت: أحاول قد ماأقدر أمـــنــــــعك؟! قـال: وان عيت تطاوعك الحـــــلـــول؟؟ قلت: أحبه يا بعد عمري مــــــــعــــك؟ ----------------------------------------------------------------- أحبك لو تصير دموع وندم وآهات وأحزان .. أحبك لو تصير الموت والتابوت والدفان .. أحبك لو تصير الليل وأنا بحضرتك سهران .. أحبك لو تصير الماي وأنا أتوسلك عطشان .. أحبك وابقى مخلص وحق نزل القرآن .. أحبك ولا أبدل بأي إنسان .. ----------------------------------------------------------------- ياللي لمتوني بحبه..؟! خذوا عيني وأنظروه! ريحوني .. وأستريحوا وأنصفوني.. وانصفوه أعشقه عشق جنوني وكل مايطلب يجيــه حتى لو يطلب عيوني والله ماتغلى علــــيه!! ----------------------------------------------------------------- أغلى حياتي من ثواني بها ألقـــاك..! لولاك ما تسوى حياتي كدرهــا..! ودنيا خلت من صافي الود ويــــاك..! يا عل تكسف شمسها مع قـــمرها..! ----------------------------------------------------------------- ليه التغلي وكل ما أدعيك مـــــشـــــغول؟؟ صرت الكذوب..وصرت بالحب بـــايــــــــــــق! روحي تحبك وباقي الفكر مشــــلـــــول! احرقت لي دمي..وهذي حقـــــايــــــق! حبك سكن بالقلب من غير مــدلـــــــــول! أنا أتعذب..وأنت بالحيل رايــــــــــــق؟؟
|
|
#2
26-03-08, 08:08 PM
|
|||||
|
|||||
رد : مسجاااات جنان ارسلها للي تبيه
رووووووووووووووووووعه
يسلموووووووووووو +_((
|
|
#4
27-03-08, 12:51 AM
|
|||||
|
|||||
|
رد : مسجاااات جنان ارسلها للي تبيه
ثلاث حروف تاسرني وتاسرني بمعروفك
ملكت الروح في طهرك وصرت الليل ومراحه نقشت( الشين) شوق العين وحرف ( الواو) بوصوفك وتوجته بحرف ( القاف ) عذاب القلب والراحه @@ يسلموووووووووووو @@
|
|
#5
27-03-08, 01:17 AM
|
||||
|
||||
|
رد : مسجاااات جنان ارسلها للي تبيه
تبقى وليف القلب ولو صار ماصار
ووتبقى نظيرالعين ولو مانشوفك ووتبقى سلام الروح ولا منك أضرار وتبقى عزيزوعزتك من وصوفك أسمك نقشته بين الأضلاع تذكار وقلبي نزعته خوفي يزعج حروفك
|
النمط المتتابع
